Vawkhniakzawn thla (July) Ni 31, 2021, Issue No. 31

PAGE - 1

TUALCHHUNG :

Damlo :  Pu Lalbiakmawia H/o Pi Malsawmkimi, Saichhuma Sec. a mi chu kal lam fello avangin July ni 28, 2021 khan Ebenezer Hospital-ah admit niin July ni 29, 2021 khan a kala lungte awm zai niin hlawhtling taka zai niin thu kan dawng a, Hospital lamah hian enkawl chhunzawm mek a ni.

Tuak thar :  Lalduha S/o Biakzuali, Buala Sec. mi leh Zoremsangi, Tachhip khua te chuan July ni 30, 2021 khan dam chhunga nupa ni turin an innei.

Passed thar :  Silvia Lalruatdiki D/o Vanlalruata, Saichhuma Sec. a mi chuan Class XII (CBSE)  MICE a\angin First  Division-ah a passed a,  English-ah letter a hmu. A hlawhtlinna kan lawmpui tak zet zet e.

Hna chanpual tidanglam : Pu R.Lalremsanga MCS, Damvea Sec a mi chu a hna chelh mek Jt. Secretary, Commerce & Industry chu ti danglamin IG Prison-ah dah a ni. Order hi July ni 30, 2021 khan tihchhuah a ni.

YMA in râl :  July ni 26, 2021 zan khan  Pu Than\hianga, Kapdaia Sec. a mi chu ralna hun hman a ni a,  inralna kalphung hman mek angin Chhiatni Fund a\angin ` 4,000 leh buhfai bag khat hlan a ni. Ralna hun hi Branch YMA O.B \henkhat ten an hmang a ni. Pu Than\hianga chhungte hian a \ul apiang a hman turin YMA-ah puan 2 an hlan let bawk.

Mizoram Covid Vaccine :  July ni 30, 2021 thlenga Mizorama COVID-19 Vaccine pek chhuah dan :
**    July ni 30 a pek chhuah zat : 6456 (1st dose - 2408, 2nd dose - 4048)
**    January 16 - July 23 inkara pek tawh : 8,26,968
**    First dose la tawh (full dose lak hmabak): 6,29,986
**    Full dose la tawh: 1,96,982
    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 66.73 (66.73 %) velin Vaccine an la tawh a, a lawmawm hle.

 

HEADLINE :

CENTRAL YMA THUCHHUAK

     Young Mizo Association chuan July ni 26, 2021-a kan police ten, Assam Police-te silai hmeh puah chhang let a, huaisen taka mahni inphata, ram leh hnam humhim tura ke in pennate leh Mizoram Sawrkarin, puitling taka he buaina a hmachhawn dante kan hriatin, kan fak che u a, kan chawimawi che u a ni.
    Assam Police mi 200 rual zette, ramri duty awmte pawisa lo a, Vairengte Auto Rickshaw dinna hmun rawn lut a, mipuite rum thaih a, mipuite chunga an chetna avanga hliam  tuar hial an awm hi kan dem tak zet a ni.
    Hetih mek lai hian, thu dengkhawng leh nghah chhan bul bal nei lo a, Assam Chief Minister Pu Himanta  Biswa  Sarma-in  chanchinthar  thehdarhtu  hrang  hrang:  Times  of  India  (28.7.2021);  India Today  (28.7.2021),  News18  (28.7.2021)  kaltlanga,  a  puang  chhuak  chiam  mai  hian,  YMA-te  min \hawng tak zet a, heng thu lawilote hi kan dem tak zet a ni. Heng thudiklo, nghah chhan neilo hmanga Mizo mipuite min puhna hrang hrangah hian, Assam Chief Minister hi ngaihdam dil turin kan phut tlat a ni.
    A chunga kan tarlan tak, thuthar thehdarhtu hrang hrangte hnena July 26, 2021 inkahna thleng chungchang a, chhan ni thei awm anga a tarlante chu hengte hi an ni:
1.    Assam sawrkarin tunhnaia ruihhlo dona kawnga a hmalakna chuan, Mizoram kaltlanga ruihhlo zuarte tan harsatna siamin, Mizo \henkhatte a ti thinur hle a ni.
2.    Assam Sawrkarin Bawng venhimna Dan a siam hmanga, Bawng phurh kual khap a nih avangin mizo mipui Kristian-te a ti thinrim a ni.
3.    Assam sawrkarin Myanmar raltlante Dima Hasao District a luh an phal loh avangin.
    YMA chuan heng a chunga puhna, \an chhan leh bulfuk neilo hmanga puhna hi natak in a do tlat a, Mizo mipuite leh Mizoram sawrkar puhna ah hian, nghahchhan leh finfiahna engmah a nei lo a ni. Hengte a nih avang hian YMA chuan a hmalakna leh thil awmdan dik tak hetiang hian a tarlang a ni.
    a)   Mizoram sawrkar hian theih tawp chhuahin ruihhlo hrang hrangte leh ruihhloin chhiatna thlen te a do tlat a ni. Sawrkar hmalakna \awiawmin, YMA chuan ruihhlo leh a kaihhnawiha kan him theihnan hmalakna a kalpui nasa hle, heng SRS, CADS te Central/Sub-headquarters/Group/Branch YMA-ah te dinin, vawiin thlengin chak tak in hma a la mek zawk a ni. Hetih mek lai hian Mizorama ruihhlo man tam tak hi Cachar leh Hailakandi District, Assam atanga lo lut a ni.
    b) Assam  sawrkarin  bawng  phurh  kual  an  khap  avang  hian,  Mizoramin  harsatna  kan  tawk  lo, bawngte hi Mizoram khawchhak lam a\anga lak ni in, Assam a\anga lak luh a ni lo.
- Phek 4 na-ah chhunzawm a ni....
    

PAGE - 2

EDITORIAL :

Tu’n nge siam|ha ang

    Mizo ziaktu lar pakhat chuan Mizo te hi Corruption in min chiah hneh tawhzia leh kan hnam a eichhiat zia tarlan nan, “Corruption hi kan Culture a nih tawh loh vek pawhin kan Sub-Culture chu a ni chiang a ni,” a ti a. He thu hi a dik leh dik loh chu keimahni \heuh inzawh leh inchhan theih tak a ni ang.
    Curruption vang a ni emaw nilo emaw kan ram, kan khawtlang chu siamthat a ngai tak zet zet a, YMA kumpuanah pawh hman hial a lo ni tawh \hin reng a ni. A chunga tarlan tak khi a dik a nih chuan tu’n nge kan ram, kan khawtlang chu siam\ha ta ang le? Mizoram Chief Minister hlui pakhat chuan kan hnam hi thinlung leh rilru a\anga kan siam\hat a ngaih tawh thu a sawi a, a sawi dik hle rualin tu’n nge siam\ha ang tih bawk hi zawhna awm thei a ni lehpek awm e.
    Eng hnam pawh hi mimal hrang hrangin nun an hman/thawh khawm; lo langsar ta hi khawtlang nun chu a ni mai a. A chhiat a \hat thu-ah pawh mimal nun bawk hi a pawimawh ber chu a ni awm e. Mimal nun hi a lo zikchhuahna bul ber chu chhungkua a ni a, nu leh pa ngaihdan \hanlenpuitu naupang rilru hi chhungkua a\anga lo insiamchho a ni. Chuvangin, kan hnam, kan khawtlang nun insiamna chu chhungkaw tin a\ang hian a ni a tih theih ang.
    Chutichuan, kan khawtlang nun siam\hatna hmun hmasa ber tur chu chhungkua a ni nghal a. Mimal leh chhungkua a\anga \an a nih loh chuan kan khawtlang nun chhe mek hi a ler lamah kan \huai dawn tihna a ni a, a kung lam a \hat si loh chuan a rah chhia thenfai ringawt chuan thui a daih chuang lovang. Chuvangin, kan khawtlang a chhiat a \hatah chhungkua/mimal tinte kan pawimawh tak zet zet a ni.

 

ZIAKTUTE HUANG :

 ZIRNA UAR

- F.Lalrochana

Chhunzawmna....
     Eng nge kan zir ang, tih lam lo chaiho dawn ila. Matric kan han pass hlim hi chuan, zir tur dang vak a tam chuang lo a, kan mark hmuh a zir leh kan seat hmuh dan a zirin kan zir tur hi a awm ve thei a. Arts, Science, Commerce-ah a in\hen deuh phawk a. Science la duh eng ang mah ila, kan mark-in a pha lo thei. Chutiang zel chuan. Science kan tui lo hrim hrim a nih loh chuan, class XI-a science lak hi chu a \ha. Kan la pha a nih chuan, Under Graduate course-ah kan duh angah kan kal leh mai dawn a ni. BA/BSc/BCOM chauh lo deuh zir tur a lo tam tawh em em a ni. Civil service lam tum tan chuan, Science lak a pawimawh. Pawl 12 pass hnua zir theih hi a tam a. A zir theih hrang hrangte chu sawi vek sen pawh a ni lo ang. Duh thlan dan tur tawitein i han sawi teh ang.
1. Eng nge i tui zawng?: I tui zawng mil subject thlang ang che. I tui zawng milin i nih tum pawh i thlan a \ha. Mahni tui zawng hriat a pawimawh. Pu SR Vala fapa Pu Lalduhthlana, IFS (Rtd) pawh hi engineering lam kum 4 zet a zir hman a. A tui thei thlawt lo. Arts ah a inlet a. A hnuah chuan IFS a ni ta a ni.
2. Chhungkaw dinhmun: Kan chhungkaw dinhmun leh ka thil zir tum kha a inmil em, tih ngaihtuah fo a \ha. Sum leh pai leh rilru lama chhung ten min chhawmdawl hleih theih loh course zir a awm thei.
3. Eizawnna atana \angkai zui a ni ang em?: Ka thil zir chu eizawnna/sumdawnna bul \an dawn pawh ni ila, a \angkai zui ang em? Ka mamawh thiamna ka paw chhuak zo ang em?
4. Mahni nih tum a chian: Mahni nih tum a chian a, chumi mila zir leh inbuatsaih a \ha. Miin an bawh ang bawh ve ngawt tur lah a ni hek lo. I  mizia leh i taimak dan leh i tui zawng chiang la, chumi mil chuan thutlukna siam \hin ang che.
5. Nu leh pate hriat tur: I ngaihsan zawng emaw, a hun laia mi bawh emaw, i nih ve tak chiah loh i nih duh si emaw kha an nihna turin i fate bar lui suh. An career-ah chuan i duh zawng zirtir ringawt lo la. An mahni be rawnin, an mizia enin, a chunga kan sawi tak te ang khian hma lam hun thlir a, chhungkaw dinhmun ngaihtuah chungin thutlukna siam kawngah i fate kaihruai mai rawh. He decision kher hi chu barh luih loh a \ha. Tlangkawmna: Mi taima bik, mi bik, thiam thei bik leh mi paukhauh zual, harsatna hneha ding chhuakte chanchinin kan infuih \hin a. Tlang takin han sawi ila, chutiang mi chu kan ni vek kher lo a nia. Mi pangngai, sang em em lo, hniam em em lo kan ni fur. Chutiang mi chu kan fin a, kan hma lam huna kan thutlukna siam kawngah kan fimkhur leh zual zawk a ngai. Nu leh pa leh zirtirtute nen sawiho a, kan tana \ha ber tura duh thlan a \ha.
    Matric i fail em? I ti chhe viau em? |um khat chu JF Laldailova kha matric a pass loh avangin sawrkarin hnathawk atan a la lo a. Department hotute hnenah lehkha a thawn ta a lawm. “Isua Krista te, William Shakespeare-a te pawh khan matric an pass bik hlei nem” tiin ngaihnawm takin a ziak. Jf-a khan a dam chhungin Matric pass lo mah se, Vawiin thlengin a sulhnu kan la chhiarin kan la chai a nih hi. A dictionary te chu a aia \ha leh hman nuam pawh kan la siam hleih theih loh hi. L. Keivoma, 1991 MAL Book of The Year dawngtu, IFS te pawh ni khan, Matrict hi a vawi thumnaah a pass chauh. Chhiarkawp a pass thei thlawt lo a. Exam question hlui kum tam tak enin a chhanna nen a by-heart a. Matric a pass ve  hram. A hnu lamah erawh chuan IFS a ni a, lehkhabu ropui tak tak a ziak. Thu leh hlaa a inhmanna avanga Padma Shree dawng pha hial James Dokhuma phei kha chuan pawl 5 bak a pass lo. Mizo |awngah chuan ‘authority’ nei pha zingah ngaih a ni. Novel leh essay \hahnem tak a ziak a, poetry a ziak nual bawk.
    
Remchang hmasa-ah chhunzawm a ni ang.

 

PAGE - 3

HRIATTIRNA :

 HNA RUAK

    Covid-19 hripung zelah sawrkarin Dedicated Covid Health Centre 3(Pathum)-1) MSSC Sport Hostel,Salem Veng, Mualpui,2) Kulikawn Hospital leh 3) MRB Building,MINECO-a hawn belh turah thawk turin a hnuaia hna tarlan hi dil theih a ni.

    1.MBBS    14nos.    Hlawh ` 80,000/-
    2.Staff Nurse    74 nos.    Hlawh ` 22,000/-
    3.DEO    2nos.    Hlawh ` 15,000/-
    4.Driver    7nos.    Hlawh ` 10,000/-
    5.Group D    33 nos.    Hlawh ` 8,000/-

    Heng hnate hi dil duh chuan Directorate of Hospital& Medical, Education Office, New Capital Complex, Khatla-ah Dt.05.8.2021 aia tlai lovah dilna thehluh theih ani. Dilnaah Education Certificate leh Technical Certificate thiltel tur a ni.Group-D bikah Technical Certificate thil tel a ngai lovang.

Ui pawnchhuak

    Ui pawn chhuak chung chang he chanchinbu-ah hian kan tarlang ngun ta hle mai, a sawt thawkhat viau laiin mi \henkhat erawh kan ui vulh khuahkhirh kan la tum lo niin a lang. Ui pawn chhuak hi mihring tan a him loh bakah mi varandah leh kawng sirah te an inthiar mai \hin a, hriselna atan pawh a \ha lo hle. Hetiang ui pawnchhuak chungah hian eng pawh thleng se phun nawi chi a ni lovang. Ui kan inthiar tir dawnin an mahni a chhuah tawp lovin a neitu in a kai ngei tur a ni a, an ek thiar leh zel tur a ni . Kan ui vulhte midangte tan ninawm leh tenawm a ni thei a ni tih hre reng ila, i khuahkhirh tlat ang u.

    Sd/- Chairman
    Local Council, Hlimen

Electric kan hman dan hi

    Electric kan mamawhna dan te a sangin, a tello chuan nunphung a buai thei hle tawh a, regular taka Power Supply kan neih theih nan Electric hmang khawl- Istiri, Heater leh ar vulh nana line kan zam ah te hian electric ti short thei tur lakah kan khawl leh electric wire zam te i fimkhur ang u. Kan fimkhur loh chuan Transformer ah pawi nasa tak a khawih thei a ni.

LOCAL TRAFFIC MANAGEMENT THUCHHUAK

    Tunlaiin kawng dunga lirthei/motor zanriak a dah a tam leh ta hle mai a. Thupek awmsa zawm lo kan tam chho ta hle a. Hlimen Local Traffic Management Committee te chuan an check chho leh dawn a, dan bawhchhiate chu manin pawisa an chawitir zel tawh dawn a ni.

Sd/- Secretary
Hlimen Local Traffic Management Committee

 

LAWRKHAWM :

Task Force-ah pe

    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-

##    Pu Lalhruaizela (SCS)    -    `    500
##    Pu N.Zokunga (VP)    -    `    1,000
##    Pi Lalmuanawmi (KD)    -    `    2,000
##    Nl. BJ Zonunmawii (VP)    -    `    500
##    Pi N.Lalremsangi (VP)    -    `    500
##    Peka, Samtlang    -    `    1,000
##    Pi Mafaki (VP)    -    `    500

    Heng bakah hian duty te ei leh in tur pe mi engemaw zat an awm bawk.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

Kan veng Covid-19 dinhmun

    Tunkar chhungin Covid-19 hrikai thar pahnih kan nei a, pakhat zawk hi Home Isolation-in a awm a, pakhat zawk hi CCCC (H/S) ah a awm thung a ni. Contact Tracing chhui niin chhungkaw eng emaw zat Home Quarantine an ni.
    Tin, First contact mi eng emaw zat swap sample lak a ni a, vanneihthlak takin an result a \ha zel a ni. Heng zingah hian Task Force hruaitute pawh an tel.
    July 28, 2021 khan Hlimen Kohhran Hall-ah vaccine lak leh a ni a, 1st dose-21 leh 2nd dose-93 an vaiin 114 in vaccine hi an la leh a ni.
1    Positive Contact te chu Positive nen an inhnimhnaih ni hnuhnungber a\anga chhiara ni 7-10 ah Swab Sample lak tur a ni. Tin, positive contact chhuinaah hian, positive an ni tih hriat a nih a\anga ni thum chin chhui \hin an ni.
2.    State pawn a\anga zin haw te chu an lo haw a\anga ni 10 hnuah emaw Swab Sample lak tur an ni.
3.    Positive Contact Tracing chungchangah mahni rinthu leh hriatdan aiin khawtlang hripui laka kan himna tura theihtawpa beitu LLTF te thu leh hla ngaih pawimawh zawk tur a ni.

Branch YMA lawm

    Sorkar-in Lockdown a chhunzawm avanga Branch YMA-in mahni Section huamchhung \heuha Section tinte tlawmngaia duty tura kan beisei angin, Section tinte \ha takin an duty vek a, Branch YMA chu a lawm hle. Tin, heng duty te ei leh in tur bakah pawisa petute zawng zawng chungah Branch YMA chuan lawmthu kan sawi tak meuh meuh bawk a ni.

Malaria lakah lo him ta che

    Malaria laka kan fihlim theih nana kan tih tur te :-
##    Inah leh ramriahna ah thosilen hnuaiah mut tur.
##    Mahni in leh a velah Thosi pian leh inthlahpun theihna - tui tling leh hmun hnawng reng reng tihfai tur a ni.
##    Chhan hriat loh a khawsik hi Malaria vang a nih theih avangin Health Worker emaw ASHA te hnenah a rang thei ang berin in report vat tur a ni.

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.

CYMA in tlawh
    Sawilawk leh hriat lawk pawh awm lovin Assam sorkar chu kan ramah ralthuam nen rawn lut in kan sipai te awmna hmun Vairengte Auto Stand bulah rawn inbenbel tumin ni 26 July, 2021 khan an rawn chhova Vairengte khaw mipui ten theih tawpa ram chhana Assam Police an dan hnuah Assam Police ten mipui lam hawiin thal an rawnthlah ta a nih kha. He thu Central YMA hruaitu ten an hriat ve leh hma la nghalin \hutkhawm hmanhmawh a kova CEC chuan thuchhuah hrang hrang siamin kan ram chhunga Assam rawn chet dan hi a dem tak zet a. Inkahna hmun hi a rang thei ang bera pan nise a tih angin Central YMA hruaitute hian Pu Vanlalruata, President Central YMA hovin Dar 10:15pm ah Aizawl chhuahsan in Vairengte an pan nghal a.
    Central YMA aiawh a feh chhuakte hian ni 27July, 2021 zing lam dar 3:00 ah Vairengte hi thlengin a hmun ah thil thlen dan hrang hrang Vairengte lam a YMA hruaitute leh Sub Hqrs. YMA Kolasib hruaitute nen en ho nghal a ni a. Central YMA hruaitute hian Saihapui V lama Police Duty te pawh  tlawhin fimkhur taka ram leh hnam tan a, theih tawp chhuah zel turin a ngen a. Central YMA hruaitu lamkal te hian Vairengte a YMA hruaitute meeting neih pui in ram leh hnam tana an inpekna hlu tak avanga lawmthu sawiin Vairengte khaw mipuite huaisenna leh ram tana an inpekna chu lawmawm awm a ti a. Pu Vanlalruata, President, Central YMA chuan Vairengte chu daido a awm an nih avanga an pawimawh thu leh fimkhur tak chunga ram chhana \ang zel turin a ngen bawk.
    Central YMA hruaitute hian Assam sipai kah hliam Kolasib Civil Hospital a enkawl mek chu tlawh nghalin a dam leh thuai theih nan duhsakna hlanin thilpek an hlan bawk.

 

Khawchin thlir lawkna....
    The Weather Channel in khawchin a hrilhlawk dan chu hetiang hi an ni a, ruah sur theihna chance tarlan ang hian tunkar chhung hian nitin ruah hi sur thei reng a ni.

Date    Max.    Min.    Rain
1.8.2021    (Chawlhni)    240C    180C    88%
2.8.2021    (Thawh\anni)    240C    180C    82%
3.8.2021    (Thawhlehni)    260C    180C    90%
4.8.2021    (Nilaini)    260C    180C    70%
5.8.2021    (Ningani)    250C    180C    78%
6.8.2021    (Zirtawpni)    260C    180C    68%
7.8.2021    (Inrinni)    260C    180C    60%

 

Lawrkhawm chhunzawmna.......

CENTRAL YMA THUCHHUAK

    Mizoram  leh  Assam  ramri  buaina  vanga  hmalakna  hrang  hrangte  kalpui  mek  \awiawm  a, nasa taka  tha thawhtu, Sub-Headquarters/Group/Branch YMA-te chungah Central YMA chuan lawmthu a sawi a ni. Ramri buai mek venghim tura hmun ral\i a hrehawm tuara awm mek Mizoram sipai/police- te chungah Central YMA chuan lawmthu a sawi a, huaisen taka a \ul ang zela harsatna hmachhawn thei turin Central YMA chuan a ngen a ni. Ramri buai vanga Police Force-te indaihlohna nasa tak awm mek phuhruk nan, sipai pawh pen leh mimalin an kawl mekte an hna tur dik tak, an duty thawh tir turin sawrkar a ngen a ni.
    Covid-19 hripui leng mek dona kawnga inkharkhip (Total Lockdown) ngaipawimawh a, Mizo mipuite thuawihna leh Sub-Hqrs./Group/Branch YMA-te hmalaknaah Central YMA chuan lawmthu a sawi tak meuh meuh a ni.
    Sub-Hqrs./Group/Branch YMA-te kan huamchhung \heuhah chhuanchham an awm loh nan hma la \heuh turin kan inngen bawk e.
    Sd/- Prof. Lalnuntluanga,
    General Secretary,
    Central YMA

Phekhma chhunzawmna.......
    c) Myanmar raltlante chungchangah Assam sawrkar nen a inbiakna sawitur vawikhat mah a la awm lo. Raltlante inbenbelna chungchang hi State thuneihna nilovin, Sawrkar laipui thuneihna a ni. Kan unau raltlante leh kan mihringpuite dinhmun harsatzia hriain theih tawpin kan lo tuam hlawm a, tun dinhmunah raltlante hi tam tak an ram lamah an kir leh tawh a ni.
    India  hmarchhak  state  lianber  Chief  Minister-in,  a  hmai  phihfai  a  tumna  lama  thudiklo  leh behchhan awm lova, India ram leh khawvel hma a Mizo mipuite min puh chhiatna hi a vanduaithlak hle a ni. YMA chuan hetiang thudiklo leh behchhan neilo laka inthiar fihlim tur leh ching nawn tawh lo turin kan ngen a ni.
    YMA chuan a theihna chin chinah, kan pi leh pute atanga kan rochun, hmasang atanga kan ram  humhim  turin  a  hma  a  la  zel  dawn  a,  India  ram  state  muanawm  leh  ram  tana  chhenfakawm rinawm  nih  zel  a  tum  a  ni.  Ramri  chungchangah  hian  YMA  dinna  chu  BEFR  1875  niin,  hei  hi  kan ramri  tehna  dik  berah  a  ngai  a  ni.  YMA  chuan  Mizoram  leh  Assam  ramri  buai  hi  muanawm  taka  a rang thei ang bera chingfel turin Sawrkar laipui a ngen a ni.

YMA vul zel rawh se.

Sd/- VANLALRUATA          Sd/- Prof. LALNUNTLUANGA
        President,                              General Secretary,
Central YMA Central YMA.

 

Advertisement...

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-27)    9436199884, 9862476439

 

Vawkhniakzawn thla (July) Ni 24, 2021, Issue No. 30

PAGE - 1

TUALCHHUNG :

Boral :  Pu Than\hianga (Kum 86) C/o Pu H.Lalrinmawia, Kapdaia Sec. a mi chu July ni 22, 2021 (Ningani) chawhma dar 10:15 khan a boral. Hemi ni vek tlai dar 4:30 khan YMA Hall-ah vui liam a ni.

Tuak thar :  R. Malsawmtluanga S/o Pu Zoramthanga, Buala Sec. a mi leh R.Lalduhawmi, Ramhlun Sports Complex a mite chuan July ni 22, 2021 khan dam chhunga nupa ni turin ‘tiam tlat e’ an ti.

Khiangawi :  Vanlalruati D/o Lalrintluanga, Damvea Sec. a mi chu July ni 22, 2021 khan Zoramsiama, Zemabawk a mi tawnah khiangawiin a liam ta.

Nâu nei thar :  Pu Laltleipuia leh Pi Lawmsangzuali te nupa, Buala Sec. a mite chuan July ni 21, 2021 khan Civil Hospital-ah naute mipa duhawm tak an nei thar.

Dam takin chhuak : July ni 22, 2021 (Ningani) khan Melody Lalremsangi leh a fanu Dorothy Lalthantluangi te chu CCCC Lalsavunga Park a enkawl mek chu dam takin an lo chhuak. Melody Lalremsangi  hi July ni 7, 2021 khan Covid-19 Positive tih hriat niin a fanu Dorothy Lalthantluangi hi July ni 13, 2021 khan a Positive tih hriat chhuah a ni bawk a ni.
    Tin, July ni 24, 2021 khan Positive kan neih; Home Isolation-a awm mek Lalhmingchhuani, Lalruatfeli, Laldinsanga leh Lalhminghlua, Kapdaia Sec. a mite chu an Negative ta a, an ni hi July ni 14, 2021 khan hri an kai tih hriat an ni.

Mizoram Covid Vaccine :  July ni 23, 2021 thlenga Mizorama COVID-19 Vaccine pek chhuah dan :
##    July ni 23-a pek chhuah zat : 10,190 (1st dose - 2062, 2nd dose - 8128)

##    January 16 - July 23 inkara pek tawh : 7,89,580

##    First dose la tawh (full dose lak hmabak): 6,18,340

##    Full dose la tawh: 1,72,240

    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 63.71 (63.71 %) velin Vaccine an la tawh a, a lawmawm hle.

 

HEADLINE :

 ZIRNA UAR

- F.Lalrochana

Chhunzawmna....
     Afghanistan chhim chhak lam thingtlang khaw pakhata Pashtun hnam zinga pa pakhat kum 63 mi, lehkha thiam loin a fanu chu nitinin km 12 an sikulah a hruai a. Darkar 4 a nghak a. A hawnpui leh \hin. Mia Khan-a chanchin hi ka chhiar a. Ka mittui a tla lek lek mai. Pu Khan-a hi ziak leh chhiar thiam lo a ni a. A fanu hi lehkha thiam se a tih em avangin hetiang hian a \ang a ni. Afghan sawrkarin an khuaah hian sikul a sak sak dawn a. A sikul hmingah pawh Mia Khana hming an chawi ang. Khan-a hian a fanu hi doctor ni se a duh a. An khua leh a chhehvelah hian doctor an awm loh avangin.
    Mi chu chutiang chu an ni. India rama pa pakhatin a fate sikul kawng nuam zawk atan amahin kawng thar a lai tawp mai bawk a nih kha! Keini chu kan tho hma hlei thei lo. Zirna hi ka ngaisang em em a. Ka duh angin ka zir sang ve hlei thei ta lo a. Ka mimal tan, kan chhungkaw tan leh ram leh hnam tana zirna, hriatna leh thiamna kawnga ka rualawhna hi a tawp hlei thei lo. Hriatna leh thiamna zawnga miin an beihna hi ngaihnawm ka ti \hin.
    Japan rama an sikulahte chuan pawl li an zir thlen (kum 10 an nih) hma chu exam an nei ngai lo. Test ho te te chu an nei ve tho a. An sikul kai tirh kum thum chhung chu naupang hriatna leh a zir chen va teh leh fiah kha thil \ulah an ngai lo. An tum ber chu nungchang mawi leh nun dan \ha an neih kha a ni. Mi dangte zah thiamna te, nungchate chunga ngilneihna te, leilung mawina ngainatna leh duatna te an zirtir. Thilphalna te, mi dang lainatna te, mi dangte hriat thiamna te an inzirtir rualin, tawrhchhelna te, mahni inthununna leh dikna ngainatna te an inzirtir bawk. Japan ramah chuan an sikulte hi tifaitu hran an ruai lo a. Zirlai ten an tifai mai \hin a ni.
    A hlawm tetea in\hen darhin an sikul leh a chhehvel tihfai ngai a piang an tifai a. Thawhhona \ha an zir a, mahni hna leh mi dang hna zahthiamna an zir tel nghal \hin a ni. Japan rama zirlaite chuan subject hrang hrang zir \han pangngai bakah Japan hawrawp ziah mawi te leh poetry te an zir tel bawk \hin. Hnam anga an din zelna leh an \han zelnaa Japanese hnam ropui leh zahawm tak an nihna chhan chu kan han sawi tak tawite a\ang pawh hian a chiang viau awm e. Nungchang mawi leh nun dan \ha inzirtirna kan tlachham a, kut hnathawh leh nun hlu zirna kan ngaihthah a, mahni hnam \awng leh thil hlu leh mihring nuna tul ve tlat art form hrang hrang inzirtirna kan ngaihthah bawk a. Keiniina kan ngaihpawimawh ber chu exama mark sang tak hmuh leh hlawh tam tak awmna hna hmuh a ni ber mai. Chung zawng zawng ai chuan mihring \ha nih hi a pawimawh daih zawk a ni.
    Education hi Concurrent List-a awm a ni a. Kan state chhungah na na na chuan kan zirna te hi kan ti Mizo thei a ni. Mizona mawi tak kan intuh chuan, kan zirna hi kan her rem hret chuan, kan harsatna tawh tam tak hi kan tireh theiin ka ring a, hnam anga kan \han zelna leh kan din chhuahna atan pawh thil \angkai leh \ul tak a nih ka ring.
Remchang hmasa-ah chhunzawm a ni ang.

 

PAGE - 2

EDITORIAL :

Hawihhawmna

    Mi hawihhawm ni tur chuan aia upa zah thiam mi nih te, tlawmngaihna leh taimakna te, rinawmna leh dikna te hi nunphungah a beh tel tlat a ngai a ni.
    Khing kan zawi takte tel lo chuan hawihhawmna hi neih theih a ni lo. Thatchhia leh rinawm lo,  mi dawihzep tan chuan hawihhawm hi lung bang sut ang hiala harsa a tling a ni. Mifing leh changkang a piang an hawihhawm a, an bula chen a nuamin a hlimawm a, a hahdamthlak \hin. Mimawl apiangin hawihhawmna an tlachham a, aia upa zahna an nei lo bawk, an thatchhiain an bula chen a hrehawm \hin.
    Rual û ten Zonunmawi hnam rohlu tia vawi duai lo lehkhabu ah leh chanchinbu ah te an lo sawi \hin chu aia upa zah thiam, tlawmngaihna, huaisenna, dikna leh rinawmna te hi HAWIHHAWMNA chuan a pum bilh vek a, a pawimawhna leh hlutna pawh a intluk tlang hle. Mahse, han sawi lan atana duh bik ka neih chu Aia upa zahna hi a ni.  He nun hian zofate nunah hian hmun a chang pâwn ta deuh em aw...ka ti \hin.
    Hengte avang hian em ni ang hnam dang ten an sawi ve ngai loh ‘Târ ã’  mizo ten kan tih fo chhan hi aw..! ka ti \hin. Kan in\henawm khawven dante hi;  \henawmte tai ran, an tana mit tikham nih hreh miah lo, vantlang leh mipui pawh zah zo lo khawpa hawihhawmna tlachham kan va pung ta em! Tlawmngaihna, taimakna, rinawmna, dikna, kan Kristian thu zirtirna nen pawha inmil lutuk mai neitu zingah hian hawihhawhna hian hmun a va chang tlem ta em.  Aia upa zahthiamte, tlawmngaihna leh dikna, rinawmna leh thu dika din ngam tlatna te hi zo nun leh khawtlang, ram leh hnam timawitu hnam rohlu chu a ni a, chu chu HAWIHHAWMNA hi a ni.

 

ZIAKTUTE HUANG :

Fai hi zahawmna a ni

-Robuanga

    Ram changkang kan tihte leh mimal changkang kan
tih ang chite, tin, chhungkua pawh. Hemite chhungkua chu an va changkang em ti a mi sawi hlawh takte hi han belhchian chuan tawp leh bal taka khawsa an ni ngai lo. Ram changkang leh zahawm, chhungkaw changkang leh zahawm, mimal nun thlengin zahawm tak leh changkang tak tak sawi tur an awm, tun tumah chuan sawi hman a ni lovang.

    Nu leh pa kan ni emaw, nula tlangval (Thalai) pawh niin puipunna leh khawlaiahte nalh leh mawi thei ang berin inchei thin mah ila, kan khawsakna khawtlang leh kan chenna in leh a velte a balh tawp hle chuan min hrechiangtu apiangin min nuihzatin min hmusit viau dawn a lo ni.

    Mizote hi thian ngaina tak leh in thenawm khawvenna kawngah pawh inlenpawh reng reng thin kan ni a,  mi in a kan lenna inchhung leh bungbelte ahmun dik taka fai tak leh fel taka a lo awm thlap a, thutthleng leh chhuatte a lo thianghlim sar mai chuan mi pangngai chin chuan duhdah takin an tal ngai lo, engnge a chhan kan tih chuan an bungbel leh an inchhung bungruate an vawngfaiin an vawngfel a chu chu kan zah em avang a lo ni.

    Khawtlang zahawm nihte, chhungkaw zahawm nihte, mi zahawm nihte hi duh lo kan awmin ka ring lo.  Khawtlang leh chhungkaw zahawm ni tur chuan faina hi kan ngaihpawimawh hmasak ber tur a ni hial awm e. In thenawm hnai te te, in hmun chep tak taka chengte kan ni hlawm a, Chu’ng karah chuan vawk leh âr te kan vulh hlawm a, a tha e. Mahse kan ran in bal thli leh rimchhia tenawm lutuk vantlang leh thenawmte tana ninawm khawpa kan dah chhung leh vantlang zunin a ‘ê suh’ tih tar ngai fote, kan ek in tawp rimchhia thenawm khawvengte kah khilai reng fo chhung hi chuan incheina lam leh sum leh pâi ah sang fu in inhre mah ila, min hrechiang tute hmuhsit leh nuihzat ruk kan ni tho dawn.

    Engtinnge mi zahawm, khawtlang leh chhungkaw zahawm kan nih theih ang? 1. In leh a vel leh inchhunga kan bungraw hrang hrang, bual in thlengin vawngfai\ha ila. 2. Vantlang thil leh bungruate hum him a vawn thianghlim nachang hria ila. Kan ran vulh zun leh ekte hi vantlang tana tenawm leh tawp rimchhia ni lo turin vawng fimkhur ila.

Faina chu zahawmna a ni, hriselna leh mawina a ni bawk si.

 

PAGE - 3

HRIATTIRNA :

Ui pawnchhuak

    Ui pawn chhuak chung chang he chanchinbu-ah hian kan tarlang ngun ta hle mai, a sawt thawkhat viau laiin mi \henkhat erawh kan ui vulh khuahkhirh kan la tum lo niin a lang. Ui pawn chhuak hi mihring tan a him loh bakah mi varandah leh kawng sirah te an inthiar mai \hin a, hriselna atan pawh a \ha lo hle. Hetiang ui pawnchhuak chungah hian eng pawh thleng se phun nawi chi a ni lovang. Ui kan inthiar tir dawnin an mahni a chhuah tawp lovin a neitu in a kai ngei tur a ni a, an ek thiar leh zel tur a ni . Kan ui vulhte midangte tan ninawm leh tenawm a ni thei a ni tih hre reng ila, i khuahkhirh tlat ang u.

    Sd/- Chairman
    Local Council, Hlimen

LOCAL TRAFFIC MANAGEMENT THUCHHUAK

    Tunlaiin kawng dunga lirthei/motor zanriak a dah a tam leh ta hle mai a. Thupek awmsa zawm lo kan tam chho ta hle a. Hlimen Local Traffic Management Committee te chuan an check chho leh dawn a, dan bawhchhiate chu manin pawisa an chawitir zel tawh dawn a ni.

Sd/- Secretary
Hlimen Local Traffic Management Committee

Fimkhur zel ang u

    Mask vuah hi chin dan phung pangngai (Habit) a neih khawpa kan chin uar a pawimawh hle mai. Khawilo chhuahna apianga pakhat mai ni lo, a \ul dan a zira a thlakna tur pahnih pathum tal ah/ken \hin nise, a thuaha vuah theih a \ha hle bawk.
    Kan khawtlang nun nen inpersan em em ni mah se  inlen pawh loh leh midang nena inhlat a awm hi kan himna atan pawimawh em em mai a nih avangin mahni inthununna nen a taka kan hman deuh deuh hi kan tihmakmawh tur a ni.
    Sahbawn hmanga insilfai leh Sanitizer hman pawh hi kan nitin nunah bet tlat rawh se. Sanitizer phei chu khawilo chhuahna apiangah ah/ken mai tur a ni.
    Kan kut hi engkim kan khawihna a nih avangin mitin hian kan mit, kan hmui leh kan ká te hi kan khawih nasa em em mai a. Pawnlamah kan tei chhuak a nih chuan  a \heih hram chuan kan kut kan tifai hmasa a nih loh chuan hmui hmai khawih loh tawp tum tur a ni.
    Sawrkar leh LLTF te thuchhuah awih hi kan himna tur atana pawimawh em em mai a ni a, tin, Positive Contact in report tur a tih ah kan tel emaw in rinhlelhna kan neih emaw chuan a rang thei ang ber a in report na tur a in report thuai hi hri darh zel tur venna atana pawimawh ber te zing a mi tih i hre nawn leh ang u.
    Tin, a \ul viau a nih loh chuan pawn lama chhuah  loh hi kan tihmakmawh a ni tih i hre bawk ang u.

 

LAWRKHAWM :

Mamawh a hman turin pe

    R. Malsawmtluanga Inneih lawmpuina leh a birthday pualin Task Force-ah ` 1000 leh VDP-ah ` 500 mamawhna apianga hman turin a rawn pe a, a chungah hruaituten lawmthu an sawi.
    Heng bakah hian duty te ei leh in tur bakah damdawi \ha tak pe mi engemaw zat an awm bawk.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

Kan veng covid-19 dinhmun

    Tunkar chhungin kan vengah Covid-19 thu thar a awm nual a. CCCC (LSV Park) a hrikai enkawl mek mi 2 chu damtakin an chhuak a, Home isolation a awm mi 4 pawh damin an chhuak ta a, sorkar dan tharah test kher ngai tawh lo mah se fimkhur thuah test an ni a, an result hi a \ha thlap a ni.
    Swab sample hi LLTF kaihhruaina hnuaiah \um hnih a hlawma lak a ni a, \umkhatnaah hian mi 40 lak niin an negative vek a. |um hnihnaah hian mi 43 lak leh niin, um hnihnaah hian mi 43 lak leh niin, an ni ho pawh hian result \ha tak neiin an negative vek bawk. Heng bakah hian private-a in test an awm nual bawk a ni.
    Covid-19 positive mipa pahnih kan neih belh a, an ni hi an hnathawhna hmuna hrikai ve ve an ni. Hri an kai ni la la hian CCCC (LSV Park) ah dah nghal an ni a, an ni bakah hian an hnathawhpui; hrikai ve tho vengdang mi 3 te an rawn awm tel ve nghal a ni. Dam taka an lo chhuah leh thuai kan beisei.
    Tun \um hrikai thar kan neihte hi an entawntlak hle a, LLTF te’n contact tracing an chhui nghal a, an chenpui chhungkua bakah mi 1 ve ve chiah contact neiin, sorkarin lockdown-a puan an ngaipawimawh hle a ni tih a hriat a, midangte pawn entawn ila a lawmawm hle ang.
Mipui ten kan lo hriat atan :-
1    Positive Contact te chu Positive nen an inhnimhnaih ni hnuhnungber a\anga chhiara ni 7-10 ah Swab Sample lak tur a ni. Tin, positive contact chhuinaah hian, positive an ni tih hriat a nih a\anga ni thum chin chhui \hin an ni.
2.    State pawn a\anga zin haw te chu an lo haw a\anga ni 10 hnuah emaw Swab Sample lak tur an ni.
3.    Positive Contact Tracing chungchangah mahni rinthu leh hriatdan aiin khawtlang Hripui laka kan himna tura theihtawpa beitu LLTF te thu leh hla ngaih pawimawh zawk tur a ni.

SIDE Drain
    Tunlaiin ruah a sur in ruah a la tam thei hle a, Tuihawk luan nan a luankawr (Drain) kan neih ve te lah hian duhthu a sam lo hle a, Kawngpui kama bungrua leh lirthei dah mi \henkhat kan awm a. Hei hian tuihawk luanna a dal avangin kawngpui zau laiah te a luan chhuah phah \hin a, chu chuan kan kawngpui neih chhun te hi  ati \awpin a hreuh khuarin a tih chhiat hma phah a. Chuvangin, loh theih lova kawng sir a bungrua leh lirthei kan dah a nih pawhin tuihawk luanna dal lo thei leh kawngpui tana hnawksak lo thei ang ber a dah \hin a va \ha em.

 

PAGE - 4

KEIMAHNI :

Hlimkhawpui Budget

    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.

Mitthi vui hun leh tlaivar

Dar 5:00Am - 10:00 Am inkar a thi chu 1:00 Pm a vui tur
Dar 10:00 Am - 2:00 Pm inkar a thi chu 4:30 Pm a vui tur
Dar 2:00 Pm - 5:00 Am inkar a thi chu Dar 11:00 Am a vui tur.  (Hei hi tlaivar pui tur a ni)

Thlanmual-II min khuh

    Tunhnai ruah sur nasa avangin Thlanmual-II thlan awmna thlang lam chu a min nasa hle a. July ni 22, 2021 (Ningani) khan Thlanmual Sub-Committee member \henkhat te chuan a min zel tur ven nan Silpouline in khuh a ni.

Duty ngawrh

    Sorkarin Lockdown khirh zawka a kalpui rualin, CYMA chuan Branch tin YMA te Covid-19 dona kawngah theihtawpa hma la tura a beisei angin, kan vengah pawh khauh taka duty turin Buala, Damvea, Kapdaia, Saichhuma leh Vawmphunga Sec. ah te Duty post siam niin, Section hruaitute an duty a, LLTF member a\angin heng duty post hrang hrangahte hian incharge in siam a ni bawk.
    Kar liamta chhungin veng mipui te’n dan kan zawm \ha thawkhat a, kar lo awm turah pawh \ha takin dan zawm tum leh ila. Tumah man ngai emaw, pawisa chawitir ngai emaw awm lo turin inbuatsaih leh ila, hripui laka kan khawtlang a lo him theihna atan Section tina duty te thu i awih leh hram hram ang u.

 

***********************************************

 

Khawchin thlir lawkna....

    The Weather Channel in khawchin a hrilhlawk dan chu hetiang hi an ni a, ruah sur theihna chance tarlan ang hian tunkar chhung hian nitin ruah hi sur thei reng a ni.
Date                                    Max.    Min.    Rain
25.7.2021    (Chawlhni)        280C    200C    57%
26.7.2021    (Thawh\anni)    280C    190C    80%
27.7.2021    (Thawhlehni)    270C    200C    85%
28.7.2021    (Nilaini)           270C    200C    87%
29.7.2021    (Ningani)         260C    200C    76%
30.7.2021    (Zirtawpni)       260C    200C    68%
31.7.2021    (Inrinni)           270C    200C    60%

 

Advertisement..

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-26)    9436199884, 9862476439

 

Lawrkhawm chhunzawmna.......

KAN THEN TAK

 

Thanthianga (Kum 86) :     Pu Than\hianga hi Pu Liana(L) leh Pi Phirchhingi(L) fa pangana ni in kum 1935 Jan ni 2 khan Khualen khuaah a piang a, unau hi paruk an ni.
    Pi Raltawnkimi nen innei in fa 13 an nei a,nupa in ngaina leh inzui chawt mai an ni. Kawnpui a\angin 2019 April thla khan Hlimen-ah rawn pem chho in an makpa Pu Lalrinmawia (Marinmawia) h/o Lalramthangi te nen awm hoin an hlim dunin nuam anti em em a,mahse vanduai thlak takin kum 2020 March ni 7 khan a nupui; a ngaih em em in mual a liam san ta mai a, a khua a harin a lung a leng em em \hin.
    Pathian \ih mi, Pathian thu ngaina leh Kohhran bel tlat mi a ni a, UPC Senior Upa a ni bawk a ni. Pa taima leh chengvawng tak, bal leh bawlhhlawh ngaithei lo faina nunpui tlattu a ni.
     May 2021 a lo nih chuan a nun a nguiin a chau ta hle mai a,damdawiin hrang hrangah \um eng nge maw zat hruai a ni a, a natna eng ber nge tih hmuhchhuah a nih loh avangin leh a chauh tulh tulh avangin thisen chawte khai \hin a ni. Amahin na sawi mai tur a nei lo a, a beng bula bawk lo awm thar chu ni 18.7.21 khan Civil Hospital ah test sak niin cancer anih thu hriat a ni a. Ni 19.7.21 ah Synod Hospital ah admit niin Doctor leh thawktu dang ten theih tawp chhuah a an enkawl mek laiin hahdam leh hmuh hreawm awm miah lovin Lalpa kohna chu ni 22.7.21 zing dar 10:15 khan a lo chhang ta a ni.

Chhiat tawh a chunga
lawmthu sawina

    Kan \hen tak kan pa Than\hianga boral chung changah lawmthu sawi tur kan ngah hle mai. A damloh a \anga kan chhiat tawh thlengin khawtlang mipui, YMA, kohhran te in mi \awng\ai sakna te, \anpui kan ngaihna a min puihna zawng zawngah lawmthu kan hrilh tak meuh meuh che u a, kan chunga inthil tihte hi Lalpa'n a let tam takin rul mawlh che u rawh se.

    In khawngaihna dawngtu
    H.Lalrinmawia te chhungkua
    Hlimen, Kapdaia Sec.

Faina lamah |an la ila

    Faina kawngah kan vengin hma kan sawn chho zel a, hemi kawngah hian Aizawl City Area chhungah pawh veng zahpuiawm loh tak kan ni chho ta a, a lawmawm hle. He tih rual hian hmasawnna tur erawh kan la ngah hle a, Faina kawngah hian mitinin theihtawp i chhuah zel ang u. Hrileng leh tlanghri tam tak pawh hi \awphnawk a\anga lo chhuak a ni a, fai hi hriselna a ni tih hi i vawng tlat bawk ang u.

 

Vawkhniakzawn thla (July) Ni 19, 2021, Issue No. 29

PAGE - 1

TUALCHHUNG :

Damlo :  Pi Lalhmingliani W/o Lalfakmawia, Damvea Sec. ami chu kal lam fello avangin July ni 10, 2021 khan Aizawl Hospital-ah admit a ni a, July ni 15, 2021 khan a lo chhuak leh ta.

Tuak thar :  Robert  Lalrammuana  S/o  Upa Sangliana, Buala  Sec. leh Lalruatfeli   D/o Lalhmingmawia, Tlangnuam te chuan July ni 12, 2021 (Thawh\anni) khan UPC  Kohhran  Hlimen Biak in ah dam chhunga nupa ni turin ‘tiam tlat e’ an ti.

Nâu nei thar :  Pu Vanlalmama leh Pi Lalawmpuii (Mami) Kapdaia Sec. a mite chuan July ni 13, 2021 khan BN Hospital-ah naute duhawm tak an nei thar.

Dam takin chhuak : July ni 16, 2021 (Zirtawpni) khan Lalhlimpuii D/o Pu Zohmangaiha, Kapdaia Sec. a mi Covid-19 Positive avanga Lawipu CCC a enkawl mek chu dam takin a lo chhuak. Lalhlimpuii hi July ni 5, 2021 khan hri a kai tih hriat niin Lawipu CCC-ah dah a ni a, ni 10 chuang enkawl a nih hnuin a lo chhuak leh ta a ni.
    Tin, CCCC Lalsavunga Park a Hualngohmun khaw mi Covid-19 Positive hmeichhia 1 pawh hun engemaw chen enkawl a nih hnuin July ni 16, 2021 khan dam takin a chhuak bawk a ni.

Vaccine lak runpui : July ni 12, 2021 khan kan vengah Covid-19 Vaccine pek runpui neih leh a ni a. He hunah hian kum 45 chung lam 2nd Dose leh kum 18 - 44 la lalo tan vaccine hi pek an ni. Hetiang hi vaccine pek dan a ni :-
##    18+ 1st Dose - 52
##    Rai puar (Pregnant women) - 12
##    45+  2nd Dose - 623
##    AEFI - 1 ( minor)
    Total vaccinated - 687
    

Tin, July ni 16, 2021 thlenga Mizorama COVID-19 Vaccine pek chhuah dan
** July ni 16 a pek chhuah zat: 12,493 (first dose-3601, second dose-8892)
** January 16-July 16 inkara pek tawh : 7,26,192
** First dose la tawh (full dose lak hmabak): 6,00,082
** Full dose la tawh: 1,26,110

 

HEADLINE :

 ZIRNA UAR

- F.Lalrochana

Chhunzawmna....
    Kum 1976-a West Point graduate a ni a, a hnu lamah Ranger Regiment-ah te a awm leh bawk a. Amah hi a invawng khawp a, 7 to 8 miles (11 to 13 km) nitin a tlan a, Chaw vawi khat a ei a, darkar li chauh a mu a ni. A pension hnu pawhin a la fit vang reng mai a ni.
    A hranpain, International relations-ah degree a nei hran lo. Mahse, a taka tawngtu a ni a. Chutiang mi chu Zirtirtu atan Yale University  te chuan an la ta a ni. Mi ram chu changkang leh dinhmun sang lo thei lo an ni \hin, an practical \hin em a ni.
    Yale University mai bakah hian, Stanford Graduate School of Business-ah te pawh hian, Leadership Lecture an pek tir \hin a ni. International Relations bakah Yale-ah hian Jackson Institute senior fellow leadership series an tiha thusawi \hin zingah a tel bawk.
    London School of Economics pawhin, M.Sc course on women, peace and security tih an hawng thar a. Chuta zirtirtu tur chu Lemchan thiam Angelina Jolie te, British Foreign Secretary hlui William Hague-a te an ni daih a ni. Anni bakah hian, Jane Connors, director of international advocacy,Amnesty International Geneva, leh Madeleine Rees, Secretary General of the Women’s International League for Peace and Freedom te chu zirtirtu tur atan an ruat bawk a ni.
    Field Marshall Sam Manekshaw te pawh kha, College \ha ho chuan leadership lecture pe turin an ruai \hin a ni. St. Xaviers, Mumbai-a a  thusawi te phei chu Leadership chungchanga thu sawi ropui ber pawla ngaih a ni. Silver Jubilee Series on Leadership tiha thusawitu pakhat a ni.
    Chutiang chuan, zirna hi a pawimawh a, degree leh certificate ngawt ni lo, mi tak tak chher chhuah hi a pawimawh ber a ni. Zirna hi kan ngaipawimawh tak tak a nih chuan, \hangtharte hi engtin nge lo \hang se kan duh tih ngaihtuah angai hle a ni. Kan zirna hi kan hnam mil hian kan siam rem tawk lo \hin ni hian ka hre \hin a. Education hi Concurrent List ami a ni bawk a. Kan hnam, kan khawtlang mil hian engatinge zirna hi kan duan loh le? Zirna hi kan ngaihpawimawh a hun ta tak zet a. Hmun dang a\ang example \ha tak kan nei bawk a ni. Mi ram te hi chu lo ropui lo thei an ni lo e.
    Titi tam takah, mi tu pawh an tuinaah kal se a tawk mai, lehkha zir zir a ngai lo e, kan ti \hin a. Kan ti sual zel ang.
     Miin eng thil pawh ti se, lehkha zir hi chu a ngaihthah thiang lo a ni. Footballer Ander Herrera hi, 2016-a ManU TV in an interview naah chuan, footballer nih tum sikul la kal mekte tan fuihna thu hnuchhiah turin an ti a, chuta a sawi chu hei hi a ni:
    “Ka sawi duh chu, mi tlem te chauh football-a eizawnna tak tak hmu an awm. Chu chu an hriat a ngai. Chuvangin, lehkha zirah \hahnem an ngaih a ngai a, nasa taka an zir a ngai a ni. A chhan chu, dam chhung hun thui tak atan an inbuatsaih a ngai. Professional footballer nih hi thil awilai a ni lo, i thiam a, i \ha a nih chuan, bei fat fat rawh. Amaherawhchu, a hmasa zawk chu zirna a ni. Chu chu a pawimawh ber a ni.”
    Zirna hi hna hmuhna degree/certificate mai a ni lo. Nun thiamna min petu, khawvel hmachhawn thiamna min petu a ni. Zir uar ila, i bei fat fat zel ang u.

Remchang hmasa-ah chhunzawm a ni ang.

 

PAGE - 2

EDITORIAL :

MI Ã

    Mi ã han tih hian pian phunga kim lo leh mi huihphâi, mi pangngai ang pha lote hi kan rilru-ah a lo lut nghal mai awm e. Mahse, kawng danga âtna nei silo; mahni tana \ha leh \ha lo pawh hre lo leh thil tihin lukhawng leh nghawng a neih dan tur chhut peih miah lo leh ngaihtuah tum lo mi ã hi an awm ve leh a. Chungte chu sawi ka tum zawk chu an ni.
    Vantlang thil mahni ta a ni tih hre duh lova; kutthak hnawih nana hmanga tihchhiat/ruk chingte hi mi ã te zingah a langsar pawl tak an ni awm e. Heng mite hian mimal, chhungkua leh khawtlang tana thil pawi tur ngaihtuah duh miah lovin vantlang thil pawimawh hrang hrang an khawih chingpen a, khawtlangin kan tuar a, heng mi ã te avang hian kan khawtlang hmel a bal \hin a nih hi.
    Nungcha leh ramngaw humhalh nachang hre lo leh hetiang ti duh miah lova mahni chauh \anghma hai mi ã an awm bawk. Nungchate pawimawh zia leh kan tana ramngaw hlut zia chu sawi ngai lovin kan hre tlang awm e. Mahse heng mi ã te hian a pawimawh zia pawh ngaihtuah duh lovin nungchate suat rem zawng leh ramngaw tichereu zawngin kan tal hiar \hin zawng a nih hi. A pawi \hin khawp mai.
    Heng mi ã te át dan hi kan sawi kim seng lovang. He thil pawi tak hi a ã ve lote hian kan vei a ngai a, engtiangin nge hma kan lak ang tih hi kan ngaihtuah a pawimawh khawp mai. Heng mite hi Electric Shock hmanga tihharh chi an ni lova, an thil tih pawizia leh sim a \ul zia hrilh a, thiam taka zilhhauna pek chi an ni mai thei. Chuti chung pawha harh thei lova an ring tikhawng tlat te chu dan anga hremna pek chi an ni ngei ang.

 

ZIAKTUTE HUANG :

Hlimen hi Khua nge Veng!?

- Zonunsanga

    |hang tharte ti ti leh inhnial fona chu Hlimen hi ‘Khua nge Veng!?’ tih hi a ni. Whatsapp leh hmun \henkhatah he thil avanga inhnial ta bap bap hi an awm nawk mai. AMC Area-a rinluh kan nih hma kha chuan he thil avanga inhnial hi a awm kan hre lem lo a, Hlimen khua kan inti mai \hin. Mahse, tunah chuan ‘khua leh veng’ tihah kan inhnial alo ngai ta a, hma kan sawn tih alang a; a lawmawm letling phian mai.
    He thuziak hi Hlimen kum 200 (1812-2012) Bi-Centenary Souvenir, Hlimen Branch YMA Diamond Jubilee (1946-2006) Souvenir leh Hlimen Branch YMA Silver Jubilee (1946-1996) Souvenir te rawn chunga ziak a ni. Hlimen khaw chanchin hi zawhna tawite chhang tur pawhin thil tamtak sawi tel angai \hin a. Tun \umah pawh hian a bul\hut deuh a\anga tarlan hi kan hriatna tizau-ah a \hain ka hria a, amaherawhchu kim taka tarlang tur erawh chuan hmun a awm loh avangin a tawi thei angin kan tarlang dawn a ni.
    He Hlimen khua hi a \o bul a\ang rengin sawi dan leh ziah dan a inang lo zung a. Kum 1811-ah Sailo lal Lalsavunga’n Hlimen tlang rawn kaiin, kum 1812-ah a rawn luah ta a ni tih hi rintlak ber leh kan rin mek chu a ni. (Hrechiang duh tan Hlimen Bi-Centenary Souvenir phek 2-naah leh Hlimen Branch YMA Diamond Jubilee Souvenir phek 56-naah chhiartur a awm) Tin, kum 1810-ah Hlimen hi din niin, kum 1906 tangin mei mit lovin kan awm \an tih ziakte pawh a awm bawk. Amaherawhchu kan khua in kan rin ber erawh kum 1812-a ni tih theihnghilh lo ila.
    Tichuan, Hlimen khua din a nih a\anga kum 11-na kum 1823-ah Lalsavunga chu Aizawl lamah khaw thar zawngin a kai phei leh ta a ni. (Hrechiang duhtan Hlimen Bi-Centenary Souvenir phek 5-naah chhiartur a awm) Aizawl-a an kai phei hnu hian tuna Aizawl City Park kawngchhak tlâng bâwk, Governor compound saw Zawlbûk awm na lai a ni nghe nghe.
    Kan inhnial \hinna lai tak Hlimen hi ‘khua nge veng!’ tihah hian ngaihdan kan siam hmain hei hi i hre hmasa ang u. AMC Area a rinluh kan nih hma kha chuan Hlimen khua tihah khan kan lung a awi tlang mai a. Mahse, AMC Area-a rinluh kan nih chiah khan kan inla veng ta em em mai niin  a lang. A nihna takah chuan AMC Area -a rinluh kan nih hma kum 1982, June ni 2-ah daih tawh khan (He tih lai hian South Hlimen kan la ni a, kum 1999, November ni 17-ah South tih hi paihin Hlimen tih hi kan hmang \an leh a ni. South Hlimen kan nih hma hian Hlimen kan ni tih hre tel bawk ila) Hlimen hi Town Area-ah puan lo ni tawhin Aizawl-a Veng pakhat kan lo ni daih tawh.
    Chutih lai chuan Hlimen khaw din a nih atanga kum 11-naa din, a dintu lah kan khaw dintu ni bawk. Tlawmngaiha lak dawn chuan lak ve theih tak a ni. Tuna Aizawl dinhmun chu kan hre vek a, Aizawl khua ni \hin kha tunah Veng tam takah thendarh a lo ni ta. Aizawl hi Mizoram khawpui ber nilo se Aizawl-a veng pakhat nih hi kan chak ngût emaw chu; amaherawhchu ‘khua’ tih hi thing ta riau a ngaihna leh ‘veng’ tih a changkang ta riau a hriatna hi \halaite’n kan nei tlat a, thil sual phei chu a nilo. Mahse, kan hriatreng tur atana \ha ka tih chu Aizawl-a veng tamtak nen sawn kan inang lo tih hi a ni. Kei ka ngaihdanah chuan Aizawl a khaw pakhat nih mai hi \hain ka hria. Nang enge i ngaih ve dan le???

 

PAGE - 3

HRIATTIRNA :

LOCAL TRAFFIC MANAGEMENT THUCHHUAK

    Tunlaiin kawng dunga lirthei/motor zanriak a dah a tam leh ta hle mai a. Thupek awmsa zawm lo kan tam chho ta hle a. Hlimen Local Traffic Management Committee te chuan an check chho leh dawn a, dan bawhchhiate chu manin pawisa an chawitir zel tawh dawn a ni.
Sd/- Secretary
Hlimen Local Traffic Management Committee

NU LEH PA TE HNENA NGENNA

    Hripui leng avangin zirna kal mumal theih a ni lova, chutih laiin a theih ang ang a zirna hi kalpui tho a tul si a. Keini Gov' t Hlimen High School pawhin dt 2/ 6/ 21 atang khan online class kan kalpui tawh a, amaherawhchu kan online class hi chhunah kan kal mumal thei thin lo a, Hei hi zirtirtute chuan pawi kan ti em em a, Hetih lai hian sawrkar order angin 1 st Term Exam neih a hun hnai der mai a, dt 26/ 7/ 21 atanga 30/ 7/21 hian kan exam dawn a, chuvangin hlawhtling zawka zirna kan kalpui theih nan leh kan exam theih nan nu leh pa ten kan fa te hnathawk a lo awl hram hram turin leh in smart Phone lo dah awl hram hram turin kan in ngen e.

    Sd/- Headmistress
    Gov't Hlimen High School

AFRICAN SWINE FEVER CHUNGCHANGA DC, AIZAWL HRIATTIRNA PAWIMAWH

    Kan hriat theuh angin tunlai hian Mizoramah Vawk natna hri hlauhawm tak African Swin Flu (ASF) chu a leng mek a. Aizawl District bikah veng/khua 73 atangin vawk 3249 an thi tawh a ni. He harsatna hi hriain AH & Vety Department chuan vawk vulhtute chhawmdawl turin a hnuaia mi ang hian ruahmanna a siam a ni:-
    1) ASF hri vanga thi leh dam lote chu a rang thei ang berin AH & Vety Department Staff hnai berah report zel tur a ni.
    2) Vawk neituin a hming, Aadhar Card number, phone number leh vawk thi zat (thla 3 hnuai lam, thla 3 atanga thla 8 inkar leh thla 8 chunglam) te Whatsapp number 8731975444/ 8947027269/ 8974964643 ah emaw Email ID ahlhdcmiz @gmail.com leh directorvetymiz@gmail.com ah chiang  taka ziak langin thawn tur a ni.
    3) ASF hri darh zau zel tur dan chah nan leh nuai bo nan ASF hri kai vawkte chu suat (Culled) a phum bo nghal zel tur a ni. Suat(Culled) tur nei chuan Director, AH & Vety Department dilna thehluh tur a ni a. Vawk thi zat (40 kg chin hnuai lam, 40 kg leh 70 kg inkar, 70 kg leh 100 kg inkar, 100 kg chung lam) chiang taka tilangin Whatsapp number leh Email ID tarlanah te khian hriattir vat tur a ni.
    4) Department in thuneihna a pek Veterinary Officer te hriatpuina Certificate neite chauh zangnadawmna (Compensation) dilsak an ni ang.
    Sd/- Dr. Lalhriatzuali Ralte, IAS
    District Magistrate
    Aizawl District

 

LAWRKHAWM :

Task Force-ah pe

    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-

##    Pu B.Lalbiakmawia (KD)    -    `    500
##    Pu Zothanliana (VP)    -    `    500

    Heng bakah hian duty te ei leh in tur pe mi engemaw zat an awm bawk.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

LAWMTHU SAWINA

    Prof.F.Lalnunmawia,  bialtu MLA chuan Hripui avanga kan khawtlang buaina leh harsatna te min hriatpuiin a tul tula hman turin LLTF,Hlimen te chu ` 30,000/- (Cheng Singthum) zet mai a rawn hlan e.
    Pu Mawitea chungah LLTF,Hlimen te chu kan lawm tak zet a, khawtlang aiawh pawhin lawmthu kan sawi e.

    Sd/- Secretary
    LLTF,Hlimen

Kan veng Covid-19 dinhmun

    Tunkar chhungin kan vengah thil thleng thar a awm nual a. July 12, 2021 (Thawh\anni) khan kum 45+ (April 19, 2021 a vaccine la) ten 2nd dose an la a, hemi rual hian kum 18-44 inkar vaccine la la lo hrim hrim ten an la bawk. Vaccine la hi an \hahnem hle a, a zat chiah erawh kan hre thei ta lo a ni.
    July 14, 2021 (Nilaini) khan CCCC (H/S) a positive awm mek chu dam takin a chhuak. Hemi ni vek hian kan vengah positive 4 kan neih belh a, hmeichhia 2 leh mipa 2 an ni, Kapdaia Sec. ami vek an ni a, anmahni Inah Home Isolation-in an awm. Tin, zin haw leh positive first contact Home Quarantine mi 89 vel kan nei mek bawk.
    July ni18, 2021 (Pathianni) hian July ni 9 & 10, 2021 a first contact mi 45 te sample lak tum a ni. Nikum hri len tirh a\anga vawiin thlengin kan veng mi hrikai 47 kan nei tawh a, hmeichhia 27 leh mipa 20 an ni.
    Tunah hian hrikai mek mi 6 kan nei a, hmeichhia 4 leh mipa 2 an ni. Tunah hian Home Isolation 4, CCCC (LSV Park) ah 2 awm mek a ni. Zin haw Quarantine mi 5 awmin Hlimen Damveng Presby. Kohhran Hall-ah 2 leh Vengthar Presby. Kohhran Hall-ah mi 2 quarantine an ni a, CQF Middle School-II-ah mi 1 quarantine a ni bawk.
    Mipui ten kan lo hriat atan :-
1    Positive Contact te chu Positive nen an inhnimhnaih ni hnuhnungber atanga chhiara ni 7-10 ah Swab Sample lak tur a ni.
2.    State pawn atanga zin haw te chu an lo haw atanga ni 10 hnuah emaw Swab Sample lak tur an ni.
3.    Positive Contact Tracing chungchangah mahni rinthu leh hriatdan aiin khawtlang Hripui laka kan himna tura theihtawpa bei tu LLTF te thu leh hla ngaih pawimawh zawk tur a ni.

 

PAGE - 4

KEIMAHNI :

Hlimkhawpui Budget

    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.

Budget tlak

    Vawmphunga Section ten kumin 2021 chhung atana Branch YMA a an budget an rawn pe tla e, Branch YMA chuan  lawmthu kan sawi mawlh mawlh e.

EURO Prediction

    Hlimkhawpui Chanchinbu enkawltu ten Euro 2020 Football Champion Prediction kan buatsaih chu khawtlang mipui ten min hlutsak viau mai a, Prediction pawh a rawn lut tam hle a, kan lawm tak zet zet a ni. Tarlan tawh angin Prediction kan buatsaih tur chung chang kan puanzar hnu lawkah Pu Siama (Khawikha Khawikha Store) chuan lawmman a rawn tum theih tur thu kan han hre leh a, a chungah thinlung takin lawmthu kan sawi bawk a ni.
    Inrindiksiakna 172 zet mai kan dawnga, Italy Champion tura ring mi 32 zet awmin July ni 15, 2021 (Ningani) zan khan ring dik zinga vannei ber kan Editor in pawtin Tv. K.Zosiamliana (Papuia) Vawmphunga Sec. a mi chu lawmman dawngtu a ni ta a ni. July ni 16, 2021 (Zirtawpni) zan khan lawmman hi kan Editor in a hlan a ni.

YMA in ral

    July ni 12, 2021 zan khan  Pi Sangpuii, Saichhuma Sec. a mi chu ralna hun hman a ni a,  inralna kalphung hman mek angin chhiatni Fund a\angin ` 4,000 leh buhfai bag khat hlan a ni.
    Pi Sangpuii chhungte hian a \ul apianga hman atan puan 2 Branch YMA-ah an hlan let bawk a ni.

Thlanmual-II min

    Tun hnai ruahsur avangin Hlimen Thlanmual-II ram chu a min nasa hle a,  a min bak chhak lamah thlan a awm avangin a min belh leh a hlauhawm hle a. Kan branch OB ten hemi chung chang hi ngaihtuah nghalin silpouline a khuh nise an ti a, mawh lo phur turin Thlanmual Sub-Committee te beisei an ni.

 

*****************************************

 

Khawchin thlir lawkna....

    The Weather Channel in khawchin a hrilhlawk dan chu hetiang hi an ni a, ruah sur theihna chance tarlan ang hian tunkar chhung hian nitin ruah hi sur thei reng a ni.
Date                                 Max.    Min.    Rain
18.7.2021    (Chawlhni)     260C    200C    89%
19.7.2021    (Thawh\anni)  260C    190C    83%
20.7.2021    (Thawhlehni)  270C    200C    79%
21.7.2021    (Nilaini)          280C    200C    84%
22.7.2021    (Ningani)       290C    200C    76%
23.7.2021    (Zirtawpni)     280C    200C    68%
24.7.2021    (Inrinni)         270C    200C    60%

 

Lawrkhawm chhunzawmna.......

ELECTRIC BILL CHUNGCHANG SAWIFIAHNA

    Covid-19 hrileng avanga Mizoram Sawrkarin Total Lockdown a puan leh mipui chetvel inkhuahkhirhna a awm chhunga Electric bill siam dan chungchangah thil felhlel a awm nia an hriat thu mi \henkhat thuchhuah tualchhung Chanchinbu, Local Cable TV chanchinthar leh social media hrang hrangah hmuh a nih avangin a hnuaia tarlan ang hian sawifiahna buatsaih a ni.
1. Hrileng laka kan him tlanna tur atana Mizoram Sawrkarin May ni 10, 2021 atanga Total Lockdown hial a puan tak avangin Consumer Energy meter reading lak, bill sem leh bill counter hawn chu tih tawp lailawk a ni a. Hetianga mipui chetvel inkhuahkhirhna a awm hun chhung atan hian JERC(M&M) Supply Code Regulations, 2013 Clause-5.22 tlawhchhan a Meter reading lak theih a nih lai thla hnuhnung pathum a energy hman zat a\anga thlakhat average chhut chhuah hmangin provisional bill siam a nih tur thu te, bill hi sem chhuah a nih dawn loh thu leh online hmanga bill pe duh leh pe thei tan bill hi pek theih a nih tur thu te, online hmanga bill pe theilo tan pawh Bill Counter hawn theih a nih veleh hrileng avanga mipui chetvel khuahkhirhna a awm chhunga bill pek loh tling khawm chu bill pek tlai avanga a pung (late payment surcharge) tel lovin a hlawma pek mai tur a nih tur thu te, Energy meter reading a pangngai a lak theih a nih veleh Provisional bill lo siam tawhah siam rem ngai a awm a nih chuan siam rem a nih tur thu te hi Official Circular hmangin dt. 01.06.2021 khan circular tihchhuah a ni a, hei hi tualchhung Chanchinbu, Local Cable TV leh social media hrang hrangah puanzar a ni bawk a ni.
2. April 2021 thlaa eng chhit man hi JERC(M&M) in eng chhit man thar a bithliah hman \an hun chiah a ni a. P&E Department in bill a siam \hin danah April thla a power kan hman man hi June thla ah bill \hin a ni a, chuvangin a chunga tarlan Provisional bill pawh hi engchhit man thar hmang veka siam a ni.
3. Total Lockdown puan a nih tak avangin May, 2021 thla laihawl vel a\ang khan Bill counter khar lailawk a ni a, khatih hun lai a\anga bill pe tawh lo tan chuan tun \um (July, 2021 thla) a provisional bill lo chhuak hi thla thum bill tling khawm ( Principal amount leh lockdown hma lama arrear lo nei sa tan chuan chung arrear tel vek chuan) a ni tawh dawn a, tun \uma bill lo chhuak hi thlakhat bill anga lo ngai tan chuan a lang tam viau thei bawk a ni.
4. Provisional bill siam ah hian tihsual palh awm thei a ni a, bill chungchanga complaint thehlut duh leh bill pe duh tan Sub-Division Office bikah Bill Counter hi dt.05.07.2021 atang khan hawn \an a ni leh tawh a, mamawhtu te tan mahni bialtu SDO office pan theih a ni e.
Issued by :    Power & Electricity Department
        Govt. of Mizoram.

 

Advertisement...

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-25)    9436199884, 9862476439

 

Vawkhniahzawn thla (July) Ni 10, 202, Issue No. 28

 PAGE - 1

TUALCHHUNG :

Damlo :  Pi Zahmingi, Damvea Sec. a mi chu taksa chaklohna avangin July ni 6, 2021 khan Durtlang Hospital panpui niin admit a ni a, he thu buatsaih lai thleng hian Hospital lamah hian enkawl mek a ni.

Kaisang :  Pu R.Lalremsanga, Damvea Sec. a mi chu Junior Administrative Grade of MCS a\angin Selection Grade of MCS ah a kaisang a, Deputy Secretary hna a thawh mek a\angin Joint Secretary-ah dah a ni ta a, Commerce & Industries Deptt. a chang dawn a ni.

Infected Area-ah puang :  Aizawl District AH & Vety Officer chuan kan veng leh Aizawl veng engemaw zat chu African Swine Fever Infected Area-ah a puang a. Infected Area veng a\angin vawk lak luh leh lakchhuah phal a ni tawh dawn lova, vawk dam emaw damlo emaw hralh leh talh khap tlat a ni bawk.

Tuisem khaihlak dawn :  PHE thuchhuak: Dihmunzawla Tlawng tui pump-na khawl pakhat chu nasa taka a put  avangin July 13-17 chhung hian khawl thar a thlak a ni dawn a, hemi hunchhung hian tuisem a khaihlak dawn a. PHE chuan mipuite hriatthiamna a ngen. Kan tui neih khawlte renchem taka hman a finthlak hle ang.

Malaria lakah lo him ta che :  Malaria laka kan fihlim theih nana kan tih tur te :-
##    Inah leh ramriahna ah thosilen hnuaiah mut tur.
##    Mahni in leh a velah Thosi pian leh inthlahpun theihna - tui tling leh hmun hnawng reng reng tihfai tur a ni.
##    Chhan hriat loh a khawsik hi Malaria vang a nih theih avangin Health Worker emaw ASHA te hnenah a rang thei ang berin in report vat tur a ni.

Live Programe hun hmang dawn :  Hlimen Presbyterian Kohhran chuan tun Pathianni lo awm turah hian; an kohhran Youtube channel Hlimen Presbyterian Kohhran-ah Pathianni chawhma leh zan lamah Live programme hun an hmang dawn a. Chawhmaah Sunday School zirlai zir hona neih ni ang a, zan lamah sermon-na hun an hmang bawk ang. Vengchhung mipuite lo thlir sak \heuh turin an sawm a ni.

 

HEADLINE :

 ZIRNA UAR

- F.Lalrochana

    CYMA-in 2020 Kumpuan atan “ZIRNA UAR” a thlang a. Covid-19 hripui avangin zirna in te kan khar ta \huap thung a. Leilung hian Zirna hi Sikulah chauh a nih lohzia min zirtir a tum zawk emaw ni tih tur a ni. Kohhran leh khawtlang activities a chawl \huap a. Zir belh, thiam belh nei loin a awm viau theih thung ang. YMA Kumpuan kaihhnawih hian thil \henkhat han sawi hmasa ila:-
1. YMA in zirna Uar Kumpuan kan han nei leh ta hi a lawmawm hle a ni.
2. Zirna uar han tih hian, lehkha zir vak vak mai ni loin, thiamna tak tak nei tura lehkha zir a ni a. Zirlaibu bak lehkhabu dang a tam thei ang ber chhiar tur. Khawvelah hian zirlaibu ni lo a\anga zir tur hi a tam mah zawk.
3. Kan hnam hian mi thiam a mamawh. YMA sawisel, bei ngar ngar, hmusit, kohhran bei ngar  ngar zawnga zir sang hi chu kan mamawh vak lo. YMA leh kohhran kan beih ngar ngar hian YMA leh kohhranin a represent nun \ha leh hlu hi kan bei tel tihna a ni. Vawiina kan khawtlang nun tlahniam ta viau pawh hi chumi nghawng chu a nihna chen a awm ang.
4. Zirna hi Mizo values chawi sang, Mizonaa chianna zawnga a kal angai
5. Sawrkarin tih tur tam tak a nei a. Sawrkar tih bakah pawh YMA hian tih theih tam tak kan nei a ni.
6. Library din a \ha. Ngaihtuahna i hmang ang u. Thiamna leh Finna hi classroom pawnah a tam. Zirna uar kan tih hian chu chu huam rawh se.
7. Zirnaa tan la tur hian kan khaw tet leh len leh chhungkaw dinhmunah chhuanlam tur kan nei lem lo.
    Zirna chungchang thudang han sawi leh ta zel ila. Mi ram Zirna kalpui dan hi ka awt fo \hin. An Zirna In Graduation Day-ah te hian mi hlawhtling, sipai hotute leh mi dang etc an awm a, Nun hmachhawn dan sawiin, Leadership chungchang te lecture te an pe thin a ni.
     US Army a an General hmingthang ber pawl, Secretary of State hlui Robert Gates-a’n, “Perhaps the finest warrior and leader of men in combat I ever met.” a tih mai, “Modern Day Paton” an tih bawk \hin te General Stanley Mc Christal te hi, a sipai hna a\anga a pension hnuin, Yale University-in faculty atan an la a, International Relations a zirtir \hin.
    Operation Desert Shield, Persian Gulf War, War in Afghanistan, Iraq War etc velah a lo tel tawh a. Joint Special Operations Command (JSOC)-ah an commander a ni \hin a. Pakistan, Afghanistan, Iraq, Somalia, Syria, Yemen tih velah te Operation an lo nei tawh \hin a ni.

- Remchang hmasa-ah chhunzawm a ni ang.

 

PAGE - 2

EDITORIAL :

           VANGLAI NUN ULUK

    Kan Bible in, “|halai te u, in \hatlai nî chen rawh u, in \hatlai hun a rei dawn si lo” a lo tih ang hian kan \hatlai leh kan vanglai hian kan hmabak a tih tur awmte uluk taka tiin insawrbing \hin ila. Kan \hatlai hun hi a \ha lam zawngin kawng tinrengah âm taka kan hman loh chuan kum upa lam kan nih hnu chuan bul\an \hat leh  a har tawh \hin a ni.
    Kan \hatlai, kan vawiin nun hi a pawimawh em em a, vawiin ah ngei hian kan hringnun hman dan i inenfiah teh ang u. Kan upat hnu a inchhirna in min tlakbuak loh nan kan vanglai nun kan hman thiam a pawimawh a. |anpui ngai a kan awm hun a thleng thei, chuvangin, i \hat lai hian mite \anpui \hin ang che.
    Kan vanglai nun timawitu ber pakhat chu ‘RINAWMNA’ a ni a. Rinawm takin awmla, \hian rinawm i nei ang a, kawppui rinawm i nei bawk ang. Rinawm taka kan awm hian kan hringnun hi a zahawm a, kan thlarau in he kan lei taksa a chhuahsan hunah pawh mite thinlungah thlanlung reh thei tawh lo chu kan ziak dawn a lo ni.
    Kan vanglai hun leh kan \hat lai nuna mawi em em mai chu ‘THIANGHLIMNA’ hi a ni a, chu chu kan rohlu a ni. Kan hmangaihte hnena kan pek theih hlu ber chu thianghlimna a ni an lo ti \hin. Chu thianghlimna ngei mai chu kan \hatlai hian kan neih a ngai a, kan hmangaihte hnenah pawh kan \hatlai ngei hian pekchhuah i tum ang u.
    |halai te u, tun hun \ha i la neih lai hian i tih tur awmah chhel takin ke pen la, i hmachhawpte hlawhtling ngei turin theihtawpin bei ang che. Kan lo upat hnu-ah chuan nunhlui kan chhuikir ang a, chutih hunah chuan kan inchhir loh a; kan nuih ver ver theih nan hun i la neih lai hian i nun uluk ang che.

 

ZIAKTUTE HUANG :

Ram leh hnam humhalh

- B.Lalbiakmawia

 

Chhunzawmna...            
    YMA humhalh a \ul, YMA hi mizo tawh phawt, a inti neitu apiangte ta a ni a. Zofate hian kan Missionary te kaltlangin thilthlawnpek pathum kan dawng a, chungte chu - Kristianna, thiamna leh YMA te an ni. Heng zingah hian hlu bik leh hlu lo bik a awm lo han ti ila \henkhat mit a mim mai awm e. YMA \hat zia fak ka tum lova, fak ngai lova \ha sa a ni a, YMA hi awm lo ta se zofate hi zofate tih tur kan awm mang bar tawh lovang. Ei leh bar zawnna, zirna leh nunphung hrim hrim a khaweng hmu phak turin YMA chuan zofate a kawhhmuh a. Ban kham pawh sawi thei lovin Mizoram tan a phar reng a. Mi duham fal leh mahni pumpui chauh ngaituah ten hnawk an ti lek lek \hin. Heng hnawk ti lek lekte hian hnam leh chibing hmangin YMA banphar chu lakthlak an tum zeuh zeuh \hin a, zoram nak \halai chu hlehthlak tumin hmanraw hrang hrang an hmang a ni. Mahse, YMA chuan “Ni lo e, Zorama chengte hi chhul khat chhuak kan ni a, kan inlakhran fur chuan Mizo tur kan awm nang” tiin a tlangau a, a la au zel nghe nghe dawn a ni.
    A tawi zawngin sawi \an tawh mai ila, YMA hi awm ta lo se Electoral Roll ah Zofate hi chimral kan ni \ep tawh anga, vai leh chhak fate velh ngam lohna khua a awm zeuh zeuh anga, man chawiin thlan laitu kan inruai \ep tawh anga, chhiatni leh \hatni ah man to deuhin thil kan hawh anga, khawhar lenpui tur asawmin kan insawm \an tawh ang. Khawkhat mi luhlul leh pamham ten mipui hmun an nekchep zual sauh anga, rethei leh hausa kar a hla zual ang. In leh lo din thei lo kan pung phut anga, kutdawh an inlar thar thut anga, chu chu rukru miin an belhchhah ang. Ramdang leh hnamdangte kan pawh tlem sawt anga, an nin min zuam sawt anga, min rawkin min that zeuh zeuh bawk ang. Ramdangmi leh hnamdang mite fa awi mu turin mizopa diktakin a zâng zâwl a dawh dur tawh ang. Kan \awng leh tihdan a hrang fer fur anga, intihhranna boruak a pawr thut ang. Kohhran leh pawl khata lawi ho an inti bing lêt lêt ang a, pawl lian apiang an inluling ang. Zoram nak \halai leh a ke lamte hleh thlak tum an lo pung thar thut anga, dan leh thupek ken kawhna a tlahniam salh ang.
    Heti taka pawl ropui leh pawimawh YMA hi zofate min phuarkhawmtu YMA hrui hi vuan zelin, a fei zel nan \an la ila, zofate lungrualna Zion chu YMA chauh hi a ni.
    Ram leh hnam humhalh kan tih hian helna (Revolution) emaw ram zauh (Political Expansion) emaw mahni a ro inrel (Independent) emaw, hnamdang huat hrim hrim emaw a kawk lo a. Kan tum ber erawh chu ram leh hnam damna thlir a, taima taka hnathawh leh chimral kan nih loh nana hmalak a ni ber mai. Kan kawng zawh mek hi a bumbohin a chhuk chho deuh a ni pawhin harsatna kan tawhte chu kan bihruksan mai tur a ni lo. Heng kan hma a harsatna lo thleng \hinte hian kan chinfel hun nghakin min um reng tho si. Ram leh hnam hmangaihtute chuan hnamdang hma a kan bawkkhup a; dam ve reng ai chuan ram leh hnam tana ding chunga thih an lo thlang hial zawk \hin a. Chung mite thlanlungah chuan hetiang hian a inziak -
    “An tan ral do in kan chhuak a, let leh tur kan awm ta lo,
    Mahse, engtik niah emaw chuan, tute emaw chuan,
    Min la rawn lam chhuak ve mahna” tiin heng mite ngaituahna \awmpui vein.. “Lungngaih chhumpui buaina thleng \hin mah se, kianni a awm ngei e. Hliampui tuarin rallian tawng \hin mah la, Hmangaih zoram \ang fan fan la, lungphang suh la” ti chung zelin ram leh hnam humhalh nan kan mawhphurhna \heuhte hlenchhuak turin theihtawpin i bei ang u.

 

PAGE - 3

HRIATTIRNA :

AFRICAN SWINE FEVER CHUNGCHANGA DC, AIZAWL HRIATTIRNA PAWIMAWH

    Kan hriat theuh angin tunlai hian Mizoramah Vawk natna hri hlauhawm tak African Swin Flu (ASF) chu a leng mek a. Aizawl District bikah veng/khua 73 atangin vawk 3249 an thi tawh a ni. He harsatna hi hriain AH & Vety Department chuan vawk vulhtute chhawmdawl turin a hnuaia mi ang hian ruahmanna a siam a ni:-

    1) ASF hri vanga thi leh dam lote chu a rang thei ang berin AH & Vety Department Staff hnai berah report zel tur a ni.

    2) Vawk neituin a hming, Aadhar Card number, phone number leh vawk thi zat (thla 3 hnuai lam, thla 3 atanga thla 8 inkar leh thla 8 chunglam) te Whatsapp number 8731975444/ 8947027269/ 8974964643 ah emaw Email ID ahlhdcmiz @gmail.com leh directorvetymiz@gmail.com ah chiang  taka ziak langin thawn tur a ni.

    3) ASF hri darh zau zel tur dan chah nan leh nuai bo nan ASF hri kai vawkte chu suat (Culled) a phum bo nghal zel tur a ni. Suat(Culled) tur nei chuan Director, AH & Vety Department dilna thehluh tur a ni a. Vawk thi zat (40 kg chin hnuai lam, 40 kg leh 70 kg inkar, 70 kg leh 100 kg inkar, 100 kg chung lam) chiang taka tilangin Whatsapp number leh Email ID tarlanah te khian hriattir vat tur a ni.

    4) Department in thuneihna a pek Veterinary Officer te hriatpuina Certificate neite chauh zangnadawmna (Compensation) dilsak an ni ang.
    
    Sd/- Dr. Lalhriatzuali Ralte, IAS
    District Magistrate
    Aizawl District

Tender Notice

    A hnuaia tarlanah hian Fair Price Shop Retailer \anglai chu a term a lo tawp dawn tak avangin Tender Notice tihchhuah a ni a. Dil duh chuan July ni 15, 2021 ral hma ngeiin DCSO, Aizawl West Office-ah dilna thehluh tur a ni. Hun tiam ral hnuah dilna thehluh theih a ni lovang a, kum tling lo tan dil theih a ni lo.

    (1) Hlimen - 2

    Sorkar thuchhuak angin EPOS Machine (F.P. Shop Automaton) hman a nih tak avangin diltu chu aadhaar card nei ngei a nih a ngai a. Tin, F.P Shop (Retailer Dawr) a hawn theih loh changa dawr lo nghahsak thei (Nominees) aadhaar card nei ngei mi pahnih dilna form-ah an hming leh aadhaar card No. ziahlan tur a ni.
    Sd/- H.C.Lallianzuala
    District Civil Supply Officer,
    Aizawl District, Aizawl

 

LAWRKHAWM :

LLTF VISIT Programme

    July ni 9, 2021 (Zirtawpni) khan LLTF visit Programme YMA Hall-ah hman a ni a, Aizawl khawpui hi Zone hrang hrang 10-ah in\hen niin Zone 10-na ah kan awm a, zone tina veng hrang hrang LLTF te tlawh chhuak a, hmalak dante sawiho pui turin Team hrang hrang din leh niin kan veng hi Team No. 4 ten an rawn tlawh a, kan veng LLTF te nen hmalak tawh dan leh hmalak zel dan turte an sawi ho a ni. Team No. 4, kan veng rawn tlawh tute :-

    Leader    :    Upa Lalnilawma Colney, MKHC
    Secretary    :    Dr. Lalremmawii, H&FW Dept
    Member-te     :    (1) Pu Zoremtluanga, ACLCA
            (2) Pu Roneihthanga, Joint NGO
            (3) Pu Lalrinawma Khiangte, IC

Kan veng Covid-19 dinhmun

    Tunkar chhungin kan vengah hrikai mi 2 kan  neih belh leh a, hmeichhia ve ve niin, an ni hi Trinity Hospital, Silaimual-a thawk an ni a, an hnathawhna hmun a\ang hian hri hi an kai a ni. Heti hian hrikai pakhat kan neih sa nen tun dinhmunah hrikai mi 3 kan nei mek a ni.
    Tun dinhmuna kan veng CCCC-a awm mek te. 4C (H/S)-ah kan veng mi 1, 4C (LSV Park)-ah kan veng mi 1 leh vengdang 2. Tin, kan veng mi positive pakhat hi CCC Lawipu (BSUP)-ah a awm mek bawk a ni.
    July 8, 2021 (Ningani) khan zin haw leh first contact mi 6 te test result hriat niin, an negative vek a. Heti hian mi 20 Quarantine mek niin heng zinga 18 hi Positive first contact an ni a, zin haw mi 2 an awm bawk. An ni pawhin result \ha tak an neih vek kan beisei.
    Mipui ten kan lo hriat atan :-
1    Positive Contact te chu Positive nen an inhnimhnaih ni hnuhnungber atanga chhiara ni 7-10 ah Swab Sample lak tur a ni.
2.    State pawn atanga zin haw te chu an lo haw atanga ni 10 hnuah emaw Swab Sample lak tur an ni.
3.    Positive Contact Tracing chungchangah mahni rinthu leh hriatdan aiin khawtlang Hripui laka kan himna tura theihtawpa bei tu LLTF te thu leh hla ngaih pawimawh zawk tur a ni.

Mizoram Covid Vaccine

    July ni 8, 2021 thlenga Mizorama COVID-19 Vaccine pek chhuah dan :
##    July ni 8, 2021 a pek chhuah zat : 17,605

##    January 16, 2021 - July 8, 2021 inkara pek tawh : 6,44,739

##    First dose la tawh (full dose lak hmabak)  : 5,66,733

##    Full dose la tawh : 78,006

    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui zatve (50%) aia tam chuan Vaccine an la tawh a, a lawmawm hle.

 

PAGE - 4

KEIMAHNI :

Hlimkhawpui Budget

    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.

EURO Prediction

    Kumin Euro (Football) tournament chu kum danga kan lo tih \hin tawh angin Hlimkhawpui E.B. chuan Prediction a buatsaih leh a. Champion ring dik zinga vannei ber lawmman hi Khawikha...Khawikha dawr neitu Pu Siama chuan ` 1,500 a tum hlauh mai a, Hlimkhawpui Editorial Board chuan lawmthu a sawi tak meuh meuh a ni. Champion tur inrinsiak hi Editorial Board kutah a lut tam hle a, champion ring dik pakhat aia tam an awm chuan \hum vawr tur a ni dawn a ni.
    July ni 16, 2021 zan dar 7:30-ah Champion ring dik zinga vannei ber tur \hum vawr a ni anga, lawmman pek nghal a ni ang. Final khel ram pahnihah Champion rindan hetiang hi a ni :-

England    -    59    Italy    -    32

 

****************************************

Khawchin thlir lawkna....

    The Weather Channel in khawchin a hrilhlawk dan chu hetiang hi an ni a, ruah sur theihna chance tarlan ang hian tunkar chhung hian nitin ruah hi sur thei reng a ni.
Date                                   Max.    Min.    Rain
11.7.2021    (Chawlhni)       280C    210C    67%
12.7.2021    (Thawh\anni)    290C    200C    78%
13.7.2021    (Thawhlehni)    280C    200C    85%
14.7.2021    (Nilaini)           270C    200C    71%
15.7.2021    (Ningani)         270C    200C    77%
16.7.2021    (Zirtawpni)      260C    190C    68%
17.7.2021    (Inrinni)          250C    190C    61%

 

 

 

Lawrkhawm chhunzawmna.......

HLIMEN LLTF HRIATTIRNA

    April ni 19, 2021 a Vaccine la te tan 2nd Dose leh kum 18 - 44 Vaccine la lo te tan ni 12.07.2021 (Thawh\anni) hian Vaccine lak runpui neih a ni leh dawn. Second dose hi first dose lak a\anga ni 84 ral hnuah lak leh tur a ni a, hetiang a la thei thawh chin chuan la vek ila a \ha hle mai.
    Section tin te kan lakna hmun tur hetiang hian ruahman a ni a, a indawt dan ang hian kal tur a ni. A hmasa ber te tih loh hi chu Information Mike a\angin kan kal theih hun tur rawn puan zel a ni ang.
Hlimen Presby. Kohhran Hall :
1. Kapdaia Section
2. Damvea Section
3. Saichhuma Section
Centenary Hall :
1. Vawmphunga Section
2. Lalsavunga Section
3. Buala Section.
    Aadhaar No/Voter ID/Driving Licence etc ken vek tur a ni.
    Vaccine 1st Dose la lo, document engmah nei lo kan awm a nih chuan hruaitu te bulah kan sawi dawn nia.
    Raipuar/Naupai te tan pawh a lak theih dawn a,Hlimen Clinic-a la inziak lut lo chuan Clinic-ah emaw Pi Matlani, Kapdaia Section hnenah tunkar chhung ngeiin inziahluh tur a ni e.

Mobile  A.T.M  Van

    July ni 12, 2021 (Thawh\anni) chawhma dar 11:00 a\anga chhun dar 12:00 inkar chhungin hripui leng kara mipui mamawhna phuhru turin Mobile ATM Van hun a ni dawn a, a mamawh ten pan theih a ni e.

    Sd/- C.Lalthanpuia
    Asst. General Manager
    Administration Deptt.

Public Notice

    Fur ruahtui a lo tlak tak avangin Aizawl Road North Division, PWD leh Aizawl Road South Division, PWD hnuaia Road Cutting Permit chu July 1, 2021 a\anga khar a ni tawh dawn a. Thu leh awm hma chu Road Cutting Permit pek chhuah theih a ni tawh lovang.
    Road cut tur hman hmawhthlak nei chuan a rang lama cut fel hman tura dilna pawh siam tur a ni e.

    Sd/- (R. LALBIAKSANGI)
    Executive Engineer, PWD.
    Aizawl Road South Division
    Aizawl.

 

Advertisement....

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-24)    9436199884, 9862476439