Pawlkut thla (January) Ni 30, 2021, Issue No. 5

 PAGE - 1

TUALCHHUNG :

Boral : Pi Malsawmi (85) M/o Pastor Lalramliana, Buala Sec. a mi chu Jan. ni 27, 2021 zan dar 9:30 khan a boral. A ruang hi lumen niin a tuk Jan. ni 28, 2021 khan  thlanmual I-ah vuiliam a ni.

##  Pu R. Lalhlira (65) F/o Zosangzuala, Buala Sec. a mi chu Jan. ni 29, 2021 chawhma dar 11:00 khan a boral. A ruang hi hemi ni vek tlai dar 4:30 khan Thlanmual I-ah vuiliam a ni.

Damlo : Pi Ramhnaihi W/o Lalchhuanawma, Kapdaia Sec. chu January ni 22, 2021 khan an inrel a\anga tla palhin damdawiin lam pan pui nghal a ni a. Investigation te tih nghal niin January ni 27, 2021 khan a banrek ruh dinglam tliak chu Ebenezer Hospital-ah zai niin enkawl chhunzawm mek a ni.

##    Pu R.Lal\anpuia, Buala Sec. a mi chu in check-up turin Kolkatta lam an pan a, an thang mek niin thu kan dawng.

##    Tv. Andrew Lalnunpuia S/o J.K.Lalengzauva, Damvea Sec. a mi chu lung lam check-up turin Kolkatta an pan a, an thang mek niin thu kan dawng bawk.

Minister in tlawh : January ni 27, 2020 khan Minister Dr. Beichhua chuan Hlimen rawn tlawhin, Local Council House-ah khawtlang hruaitu hrang hrang-MUP, YMA, MHIP leh Local Council te nen inkawmhona hun neiin khawtlang mamawh hrang hrang te thlen nghal a ni. Dr. Beichhua hi bialtu MLA, Prof. F. Lalnunmawia, Dr. Irene Lalruatkimi leh Party mi leh sa ten an \awiawm a ni.

VDP-ah pe : Hlimen Village Defence Party (VDP) ten a \ul apianga an hman a tan Hlimen MHIP te chuan ` 2,000 an pe a, VDP hruaitu ten lawmthu an sawi.

Faina : Faina kawngah kan vengin hma kan sawn chho zel a, hemi kawngah hian Aizawl City Area chhungah pawh veng zahpuiawm loh tak kan ni chho ta a, a lawmawm hle. Hetih rual hian hmasawnna tur erawh kan la ngah hle a, Faina kawngah hian mitinin theihtawp i chhuah zel ang u. Hrileng leh tlanghri tam tak pawh hi \awphnawk a\anga lo chhuak a ni a, fai hi hriselna a ni tih hi i vawng tlat bawk ang u.

 

HEADLINE :

    HLIMEN MI KUM 80 CHIN TE                                                                                       29.1.2021        

 

Kum 2021 kan lo chuangkai ta a, kan veng chhunga kum 80 tling chin, tuna vengchhung a awm mek te han tarlang ila, tihsual palh leh hmaih palh an awm anih chuan inhriattir leh theih nise, a lawmawm ngawt ang. Mahni inchhut dan a kum  80 tlingte hmaihpalh an ni thei a, kum 1941 leh a hma lama piang chin a\angin chhut a ni. Heng mi tarlan te hi kum  1941 leh a hmalama piang ni a hriat te an ni.

Buala Section:
Pu Zakiamlova    Pu Lalchhawna    Pi Thankhumi
Pu Rualkhuma    Pi Daihveli    Pi Rohmingliani
Pi Lalsiami    Pu Lalzika

Damvea Section:
Pi Sangkhumi    Pu Thansanga    Pi Lalsawmi
Rev. Vanlalvena    Pu Pahlira (Rinsangi te in luah)
Pi Vungzachingi (Ramlawma nu)    Pu Thanchhunga
Pi Ramthangi    Pu Lallianbuka    Pi Lungtiawii
Pu Vungdailova    Pi Tlangmawii    Pu J.Hnuna
Pi Tlanglawmi    Pu R. Hranga    Pu Chalngaiha
Pu Lalbela    Pi Dailovi    Pi Chalhliri

Kapdaia Section:
Pi Zamawii    Pi Rualchhingi    Pu Dengkhuma
Pu Than\hianga (Pu H.Lalrinmawia puzawn)
Pi Khawlthangi    Pi Lalhmingthangi    Pu Zangenga

Lalsavunga Section:
Pi Lalchungnungi (Pi Lali)

Saichhuma Section:
Pi Zachhungi    Pu Laldailova    Pu H. Chalkunga
Pi Kap\hiangi    Pu Vanrothanga    Pi Rothluaii
Pu Zaitinrema

Vawmphunga Section:
Pu Lalzuala    Pi Chalengi    Pu Laibata
Pu Lalhuliana    Pi Thanghnuaii    Pi Laltawni
Pi Zomawii

    Kum upat dan indawt a dah a ni lova, an kumzat dah a nilo bawk. An vaiin mi 49 an ni a, mipa 24, hmeichhia 25 an ni. Kum 2020 chhungin mitthi 26 kan neih zingah kum 80 chin 5 kan chan tel a, kumin kum bulah pakhat kan chan zui leh bawk a ni. Kum 1941 chin leh a hmalama piang tihsual leh tihhmaihpalh kan awm chuan inhriattir hram nise, kum 80 chin chunglam kan veng a awmte hriat an chakawm ani. Kan chhut dan hi tun a kum kallai mek a\anga kan piankum paih hi a ni e. Entirnan 2021 - 1941 = 80. Kum upa te hi an hlu a ni. Nupa kawpchawia kum 80 tling hi tuak 5 kan awm a ni.

 

PAGE - 2

EDITORIAL :

CHHUNGKAW HLIM NAN
    Ziaktu pakhat chuan, “Kan pian chhuahna chhungkua aiin kan din tur chhungkua a pawimawh zawk. Pathian thiltum bulpui ber leh vawrtawp ber chu, a thil siam zawng zawng te fel taka an awm theihna tura chhungkaw din hi a ni.” a ti a, a dik hle mai. Chhungkaw \ha leh chhungkaw hlim din tur chuan eng hi nge pawimawh ta ang le??
    Mizote hi mahni chhungkaw dinhmun phu lohva inchei leh lan mawi tum kan ni mai em aw ka ti \hin. Mamawh em em lem loh nawmchenna lam (luxury) hian kan rilru hi a luah nasa hlein niin a lang. Hausa zawkte dinhmun thlirin anmahni tluk a inlantir kan tumna hian lemchang nunah min hruai luta, chhungkuain a tuar thei hle a ni.
    Kan chhungkaw boruak a nawm loh chuan naupang lamin khawi hmunah emaw nawmna an zawng ngei ngei dawn a ni. Chutah chuan tawn \ha lo tak tak pawh an va tawng thei, nu leh pa hmuh phak loh chinah chuan fel taka invawn reng chu a harsat chin a thleng ngei ngei dawn a ni. Pawn lama hlimna aia nuam leh hlimawm inchhungkhurah kan siam theih chuan chin dan \ha lo leh nun sual hi inchhungkhura kan chhar a nih hlawm si loh avangin chung lakah chuan kan him tlang thei dawn a ni.
    Khawvel inher danglam zelah hian nu leh pa khawvel leh naupang khawvel a inang lova, tuina zawng pawh a inang hek lo. Chuvangin an tui zawng hriatpui tumin zir peih ila, kawng dika hruai thei turin \anlak i tum thar leh teh ang u. Inchhungkhura hlimna an hmuh theih nan siam \hat ngai kan siam \hat hi tih makmawh a ni ta e. Chutiang a nih loh chuan mahni khawvel hran theuhah khawsain tumah inkawmngeih hlei thei si lovin chhungkaw khat ni lovin in khata cheng ho satliah maiah kan chhuak palh ang e.

 

KAN THEN TAK
PU R. LALHLIRA (kum 65):

 
    Pu R. Lalhlira S/o Lalnghilhlova (L) hi kum 1956 ah Sialhau ah a lo piang a, an unau hi pasarih niin hmeichhia 2 leh mipa 5 an ni a, upa ber dawttu a ni.Sialhau ah seilianin H. Zamawii, Sialhau nen kum 1985 ah an innei a, fa 3-mipa 2 leh hmeichhia 1 an nei, tin, tu 2 a hmu hman bawk a ni.
    Sialhau atangin Thentlangah an insawn a, chumi hnuah kum 2019 khan Aizawl tlang a rawn chuang chhuak ta a ni. Amah hi kuthnathawk a eizawng niin, a nupui fanau te tan hah leh chauh pawh sawi lovin, \hahnemngai takin mahni ko a tla hlen tum tlat \hin mi a ni.
    Kum 2013 ah insawisel tanin, Zunthlum leh Thisen sang te a nei ve a, Pathian khawngaihna a zarah harsatna lian tham em em a tawk ngai lo. Kum 2018 a\ang a awngrawp \anin theih ang angin damdawiin lamah te an inenkawl a, hna pawh a thawk \ha thei meuh tawh lo a ni. Theih ang angin in lamah enkawl chhoh a ni a, amaherawchu ziaawm lam pan theih lovin January ni 29, 2021, chawhma dar 11:00 ah an chenna inah min lo peihloh san ta a ni.
    Pu R. Lalhlira hi Pathian thu lamah pawh a tui ve \hin hle a, Kohhran lamah te theih ang tawk a inhmang ve \hin in, Pavalai Pawl ah te pawh a phak ang tawk tawkin a inhmang ve \hin a ni.

ROAD SAFETY WEEK THUCHAH
    Mizoram State Road Safety Council chuan Jan. ni 18 - Feb. ni 17, 2021 chhung hian Mizoram pumah Road Safety Month hman turin a rel a. A hnuai a thuchhuah hi mitin zawm \heuh turin min ngen a ni.
1.    Rui chunga lirthei khalh hi accident thlentu tam ber a ni a, chuvangin harhfim ngeiin lirthei khalh \hin ang u. Tin, rui chunga lirthei khalh kan hmuh chuan thuneitute hnenah report vat \hin tur a ni.
2.    Vantlang kawngpui leh lamlianah lirthei a intlansiak leh chak tak tak a lirthei khalh hi a hlauhawm em em a, tuman tih loh tur a ni.
3.    Driving License neilo tan lirthei khalh phal a nilo.
4.    2-Wheeler khalhtu ten accident tawh palh a kan him theih nan helmet khum ngei tur a ni. Enforcement Staff leh Traffic Police an awm loh avang a helmet khum loh mai mai hi tih loh tur a ni.
5.    Lirthei khalhtu ten ke a kal te ngaichang chungin lirthei khalh \hin ila, ke a kal te pawhin lirthei che vel in min sut palh loh nan kawngpui sir lamah zel kal \hin tur a ni.
6.    Kaihruaitu awm lovin tumahin naupangte lamlianah thlah zalen loh tur a ni. Kan tu leh fate lamlianah kan kalpui anih pawhin motor hnaih lo lamah zel kaih \hin tur a ni.
7.    Kawngpui kan dawn reng rengin mitin fimkhur ila, kan tu leh fate pawh kawngpui kan dan zirtir \hin ang u.
8.    Nu leh pa zawng zawng ten kan fate lirthei chelek dan enzui \hin ila, dan phalloh leh nuam tawl nan a lirthei an hman loh nan hma la \heuh ang u.
9.    Dan zawm hi himna a ni a, nang leh kei kan him theih nan fimkhur takin lirthei khalh \hin ang u.
10.    Lirthei silencer ri bengchheng hian midang tan harsatna a thlen \hin a, chuvangin silencer ri bengchheng tuman vuah loh tur a ni.
11.    Lirthei document felfai lo tuman khalh chhuah loh tur a ni. Kan lirthei kawl lai document a nun leh nun loh enfiah a, a thih hma ngeiin chhiah pek fel zel tur a ni.
 

PAGE - 3

HRIATTIRNA :

Local Council thuchhuak
    Lo/ huan hal tur reng rengin  meikawng tha takin an phiat tur a ni a, hal hmain Local council ah in report vek tur a ni.
    Tin, Local Council Office bul ah hian mimal lirthei emaw bungrua emaw dah loh tur a ni. He lai hmun awl hi vantlang thil bik tak tak, emergency thil a dah na atan ruahman a ni.

    Sd/- Secretary
    Local Council, Hlimen

PWD HRIATTIRNA
    PWD enkawl kawngpui kama in sa tur reng rengin PWD assets -Side drain/Culvert/Retaining wall etc. an khawih danglam dawn anih chuan PWD ah an dil hmasa ngei tur a ni a. Retaining wall \hiah angai anih pawhin phalna an hmuh hnuah chauh \hiah tur a ni a.  Cubic lung (size stone) leh boulder zawng zawng te chu fel tak a dah \hain an awmna bialtu Sub-Division hnenah bobang awm lovin an hlan vek tur a ni. Tin, Side drain leh kawng chhuat an tihchhiat chuan a siam\hatna man chawi tur a ni bawk

    Sd/- (HRANGTHANGA ZOTE)
    Executive Engineer PWD
    Aizawl Road South Division

LABOUR & EMPLOYMENT CHUNGCHANG
    Labour & Employment hnuaiah Renew ngai, Scholarship leh thildang buaipui ngai pawh kan buaipui sak thei bawk e.
SCHOLARSHIP DIL NANA NGAITE-
1. Labour & Employment card attested xerox copy-1
2. Marksheet/Principal Hriatpuina lehkha
3. Member Passbook xerox attested copy-1
4. Zirlai Birth Certificate xerox attested copy-1
    Zirlai dilsakte Scholarship hi tun session (Current Year) 2020-2021 tur ani a,dil theih hun chhung hi February 2021 thleng a ni.Form hi kan hnenah a laktheih nghal a,xerox pawh kan ti thei nghal bawk e.
    Renew tur October 2020 a thehlut hman tan Card a lamtheih tawh bawk e.

    Lalmuanpuii
    Hlimen, Damveng

 

Khawchin thlir lawkna....
    The Weather Channel in khawchin a hrilhlawk dan chu hetiang hi an ni, ruah tla lo tur a rin a ni.
Date    Max.    Min.
31.1.2021 (Chawlhni)    200C    40C
1.2.2021 (Thawh\anni)    200C    40C
2.2.2021 (Thawhlehni)    210C    50C
3.2.2021 (Nilaini)    220C    50C
4.2.2021 (Ningani)    230C    60C
5.2.2021 (Zirtawpni)    220C    60C
6.2.2021 (Inrinni)    220C    70C

 

LAWRKHAWM :

Chhiatni fund tuk dan
    Kum 2021 chhung atan Chhiatni Fund chu Jan. ni 26, 2021 zan khan YMA Hall-ah chhungtinte thawh tur tuk fel a ni ta a, Section tin Chhiatni Fund tukdan chu hetiang hi a ni :-

Section Hming    Chhungkaw zat    Tuk zat
1.    Buala                    157         `     73,650
2.    Damvea                165          `    76,550
3.    Kapdaia                153          `    58,500    

4.    Lalsavunga             44          `    17,000
5.    Saichhuma           143           `    65,350
6.    Vawmphunga         71           `    33,250
           Total               733          `    3,24,300

    Chhiatni Fund hi March thla ral hma a khawn zawh fel tur a ni a, chhungtin ten hun tiam chhunga pe thei turin lo inbuatsaih ila a lawmawm hle ang. Chutih rualin a khawntu Section lamte pawh inbuatsaih hma ila a \ha ang e.
    
Joint Platform nei dawn
    Kan hma lawka AMC in thlan kan hmachhawn tura kan ward chhunga Party hrang hrang candidate te tan MPF Hlimen Local Forum chuan Feb. ni 2, 2021 (Thawhlehni) zan Dar 7:00 hian YMA Hall-ah Joint Platform a buatsaih dawn.
    He hun hi MPF Hlimen Local Forum President Upa Rinngaia’n a kaihruai anga, Party tin Candidate te minute 20 \heuh thusawina hun pek an ni dawn a ni. Pastor Lalchhuanawma, Prominent Citizen Member hnen a\angin thusawi ngaihthlak a ni bawk ang. Tin, hun awm dan a zirin zawhna leh chhanna hun hman a ni bawk dawn a ni.
    Hemi huna tel tur hian Party tin aiawh mi 10 \heuh, NGO Office Bearers, MPF Committee Member leh Hllimkhawpui Editorial Board te sawm an ni a, Candidate te thusawi hi mipui vantlang hriat theih turin mike a pekchhuah tum a ni bawk.

CENTRAL YMA CHETVELNA
25.1.2021 : SAD Conference Hall-ah Accreditation Committee Under the Mizoram Drugs Treatment cum Rehabilitation meeting neih a ni a, Pu H.F. Lalrinpuia CEC a tel.
25.1.2021 : Secretariat Conference Hall-ah 11th National Voter’s Day pual programme hman a ni a, Prof. Lalnuntluanga General Secretary a tel.
28.1.2021 : Addl. Chief Secretary Pisa-ah Board of Management of Mizoram Small Farmers Agri-Bussiness Consurtium meeting neih a ni a, Pu Roneihthanga Fin. Secretary a tel.
28.1.2021 : Central YMA Office-a BSNL Broadband Internet Connection chu a chhiat zin em avangin Fibre Connection-a thlak a ni.

 

Advertisement...

ADMISSION NOTICE
    CANDID ENGLISH SCHOOL, Saikhamkawn, Tlangnuam Road-ah kum 2021 - 2022 session atan KG-I to Class X atan Admission a tih \an theih e.
Time : 10:00 Am - 1:00 Pm (Monday - Friday)

       (4-1)               Contact : 9862049433/9077314962

 

PAGE - 4

KEIMAHNI :

Hlimkhawpui Budget
    Hlimkhawpui  Nov. & Dec 2020  thla Budget  pe tla tawh te:
1.    Kapdaia Sec.    2. Lalsavunga Sec.
3.     Damvea Sec.    4. Buala Sec.
5.     Saichhuma Sec.    6.    Vawmphunga Sec.

Thlalak runpui
    Kum 2021, Hlimen Branch YMA kum 75-na puala Souvenir buatsaih turah February ni 7, 2021 (Pathianni) chawhnu dar 2:30 hian YMA Hall-ah thlalak runpui neih tur a ni a. Hetiangin :
1. Branch OB    2. Branch Comtt.
3. Sub-Comtt. hrang hrang    4. Monument incharge
5. Souvenir buatsaihtute    6. Section O.B.
7. Hlimkhawpui Editorial Board

Hlimkhawpui Agent
    2021 Section hruaitu tur te kan inthlang fel ta bawk a, Hlimkhawpui Chanchinbu mumal zawka a kal zel theih nan Hlimkhawpui Agent  pawh Section tinin a ranglama lo inruat fel a, Hlimkhawpui EB te hriattir thuai turin kan inngen a, tin, Hlimkhawpui Agent te hi Cir. Manager tana pek awlsam ni thei se a duhawm hle ang.
    Tin, Section tina Agent te hi mahni Section huamchhung \heuhah News Agent kan ni nghal tih inhria ila, Hlimkhawpui miten an hlut a, tluang taka a kal chhoh zel theih nan theihtawp a \an la tlang zel turin Editorial Board ten kan ngen tak meuh meuh che u a ni e.

Branch Committee in ral dawn
    February ni 1, 2021 (Thawh\anni) zan dar 7:00 hian Branch in kan inralna leh kan Committee Member pui Tv. Lalnunsiama ralna programme hman tur a ni a, Committee Member te kim taka kal turin kan inngen e.
Hruaitu    :    Tv. R. Lalawmpuia, Secretary
Hunserh    :    Tv. Lalkhawmawia, Comt. Member
Thuchah sawitu    :    Pu Lalhmuchhuaka, President
Branch Ralna    :    Tv. R. Lalrindika, Property Secy.
Comt. Ralna    :    Nl. Judy H.Lalbiaknungi,
        Comt. Member

 

Advertisement....

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.

(6-3)    Ph : 8787384631 /9612412458

VAWKSA REP - PIZZA - CAKE
    Engtik lai pawhin Vawksa rep tuihnai tak khai 1 ` 350 in lei tur kan nei reng e. Tin, Pizza leh Cake chi hrang hrang pawh order theih reng kan ni
Thil tui ngaina mi i nih chuan
Min rawn pan ve phawt mai ta che
    Darrovi & Ruati
(2-2)    9612-222-087 / 7641-039-319

 

KAN THEN TAK
Pi Malsawmi (kum 86)

 
    Pi Malsawmi hi Khuangliana (L) leh Satkungi (L)-te fa sawm (10) zinga palina ni turin kum 1935 February thla khan Hlimen-ah a lo piang a. Kum 1954 khan Tirhkoh Lalthianghlima nen Hlimen Presbyterian Kohhranah inneiin fa pariat an nei a. Pi Malsawmi hian tu leh tuchhuan 67 a neih bakah khup thum hmu hmanin, pakhat a hmu hman bawk a ni.
    Amah hi hmangaihna ngah tak mai, tu leh fate hmangaih taka enkawl thin mi a ni a. Mi inthlahrung, mi pawisawi hlau em em mai a niin; mi taima, mahni intodelh tum tlat mi a ni.
    Pathian thu hi a tuipuiin a hlimpui em em mai a. Kum 2001 khan a \ulna avangin Isua Krista Kohhranah lutin a thih ni thlengin Isua Krista Kohhran member rinawm tak a ni a. A hun tawp lama Damdawi Ina a luh hnu pawh hian Pathian fakin a zai reng mai a ni!
    Kum 2015 khan Pneumonia leh chuapa tui tling avangin BN Hospital-ah enkawl a lo ni tawh a. Kum 2020 November thla a\ang khan thawhah lo nei lehin in lamah theih ang anga enkawl a ni. January 4, 2021 (Thawh\anni) khan lo chak lo leh deuhin hetah hian BN Hospital panpui leh a ni a. Hetah hian chuap a tuitling hmuh a ni a, chutihrual chuan, hetia a chuapa tuitling awm hi kum 2015-a lo siak tawhna hnuah khan hlet lo chhuak leh niin sawi a ni a. Chu chuan thawhah pawh a lo siam niin sawi a ni.
    January 27, 2021 (Nilaini) khan in lama enkawl thei dinhmunah ding nia an hriat avangin in lama enkawl turin an inbuatsaih a. Damdawi In chhuahsan a nih hmain amah a rawn vung vak mai a, BN Hospital atangin Trinity Hospital panpui nghal a ni a,  ICU-ah dah luh a ni a. Doctor leh Nurse te’n theih tawp chhuah a lo enkawlin, beiseina sang tak nen an thlir mek laiin January 27, 2021 (Nilaini) zan dar 9:30 khan min lo peih loh san ta a ni.

 

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-9)    Ph.No : 9402344486, 9615266170

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-4)    9436199884, 9862476439

Pawlkut thla (January) Ni 23, 2021, Issue No. 4

PAGE - 1

TUALCHHUNG :

Boral : Pi Vanlalhriati W/o Pu Hmingchhuansanga(L), Vawmphunga Sec. a mi chu Jan. ni 16, 2021 zan dar 6:45 khan a boral. A ruang hi lumen niin a tuk Jan. ni 17, 2021 khan  thlanmual I-ah vuiliam a ni.

##    Pu Abusale-a H/o Pi Rokhumi, Saichhuma Sec. a mi chu Jan. ni 18, 2021 zing dar 8:20 khan a boral. Hemi ni vek hian Thlanmual-I ah vuiliam a ni.

Damlo : Pi Lalbiakdiki W/o Pu Amos Lal\hazuala Damvea Sec. a mi chu zun kawnga hnai awm avangin Jan. ni 22, 2021 khan Alpha Hospital, Kulikawn-ah admit a ni.

Nâu nei thar : Pu Remruatkima leh Pi Lalrozami Buala Sec. a mite nupa chuan an fahmingkoh atan Jan. ni 17, 2021 khan Civl Hospital-ah fapa duhawm tak an nei thar.

YMA in ral : Jan. ni 20, 2021 zan khan Pi Vanlalhriati, Vawmphunga Sec. a mi chu ralna hun hman a ni a,  chhung tina pawisa khawn tlingkhawm ` 5,800 leh chhiatni fund a\angin ` 2,000, a vaiin ` 7,800 chu a chhungte hnenah hlan a ni. Pi Hriati chhungte hian puan 2 chu YMA ah an hlan bawk a ni.
    Tin, Jan. ni 21, 2021 zan khan Pu Abusale, Saichhuma Sec. a mi chu ralna hun hman a ni a,  chhung tina pawisa khawn tlingkhawm ` 5,710 leh chhiatni fund a\angin ` 2,000, a vaiin ` 7,710 chu a chhungte hnenah hlan a ni. Pu Abusale-a chhungte hian puan 2 chu YMA ah an hlan bawk a ni.

K|P khawmpui : Hlimen Pastor Bial K|P Inkhawmpui Vawi 56-na chu January 23, 2021 (Inrinni) khan Hlimen Kohhran Biak Inah hman a ni a, kumin khawmpui hi hrileng avangin kum dang angin a hman theih loh a, rorel leh inthlan a hun hman a ni. Inrinniah chauh hman niin Branch tinin palai 10 zel an tir a, tlaiah chawhlui kilho a ni.

Pem thar :  Pu Zalhranga te chhungkua, N. Mualcheng a mi te chu kan vengah rawn pemin  Buala Sectiona  Pu Lalthlanawma te In hnuai an luah.

 

HEADLINE :

OB MEETING THUREL
    Jan. ni 18, 2021 zan khan Branch YMA Office Bearer Meeting neih a ni, thurel tlangpuite :
1. Leadership, Account & Minute training :
A hun : Dt. 10.2.2021 (Nilaini) zan dar 7
A hmun : YMA Hall
Resource Person :
    a) Leadership :- Pu Lalhmuchhuaka, President
    b) Account :- Pu Duhthusama, Adviser
    c) Minute :- Tv R. Lalawmpuia, Secretary
    Hemi zan hian Sawhchiar siam ni se, mawhphur turin Treasurer leh Property Secretary te ruat an ni.

2. Dt. 26.1.2021 (Thawhlehni) zan dar 7:00 a \an turin YMA Hall ah Br. OB leh Section OB ten Chhiatni Fund chhungtin te tuk tur a ni.

3. Pêm lehkha : Pu Zalhranga te chhungkua, N. Mualcheng a mi te hnen a\anga Pêm lehkha dawn chu pawmsak an ni. (Hei hi OB in a rel chhan chu, committee neih zawh chauh a ni si a, committee leh nghah chuan a rei dawn vang a ni)

4. Kuang siamna tur Design khawl leh Rawng kahna khawl hi Chhiat Fund a\anga lei ni se, committee te remtihna a nih chuan tih a ni.

5. Thlanmual- I Step \ha tawh lo leh Checker Tile phah dan tur Sawrkar Dept. lamah zawn ni se tih a ni.

6. Kuang kan siam thar tur hi Rawng kah a nih chuan Bawkbawn rawng/Chocolate rawng thim lam hman ni se.

CENTRAL YMA CHETVELNA
18.1.2021 : Central YMA Office-ah, Central YMA OB leh Mizoram chhunga Telecome Service Provider (BSNL, Airtel, Vodafone, leh Jio) aiawh ten Joint Meeting an nei a, Mizoram chhunga tun aia Telecome Service a that theih nan hmalak dan tur an sawiho.

19.1.2021 : PCCF Conference Hall-ah Central YMA, Forest Deptt. Official leh Environmental NGO ten, Minister Forest Deptt. hovin Ramngaw leh Nungcha Humhalh kawnga hmalakho dan tur chungchangah Joint Meeting an nei a, Pu R.S. Lalrinsanga CEC, Pu F. Lalramchuana CEC leh Pu Lalbiakmawia Asst. Secretary, Science & Environment Sub-Committee te an tel.

19.1.2021 : Central YMA bultumin Vanapa Hall-ah Aizawl khawpui chhunga Branch YMA thlan chhuah 28 OB te leh Food, Civil Supplies & Consumer Affairs Deptt. aiawh ten LPG Home Delivery chungchang inhrilhfiahna hun hman a ni a, Branch 28 atangin aiawh an kal kim a, tel zawng zawng hi mi 144 an ni.

20.1.2021 : Aizawl District Election Pisa-ah 1.1.2021-a kum tling tharte Final Photo Electoral Rolls, 2021 tlangzarhna hun hman a ni a, Pu Roneihthanga Finance Secretary a tel.

22.1.2021 : Hnahthial, Khawzawl leh Saitual-ah Sub-Headquarters YMA thar din a ni a, Central YMA OB leh CEC bakah Lunglei, Champhai, Serchhip Sub-Headquarters OB leh an huamchhunga Group OB leh Branch aiawh mi 2 theuh an tel.

 

PAGE - 2

HRIATTIRNA :

Rahbi
    Thingtlang khaw pakhat-ah (an khaw hming ka sawi mai thei ta lo) chuan zingthawh dar an vaw \hin a, \halaite chuan zing an thawhma phah a, chu chuan rah \ha chhuahin faina kawngah hma an sawn a, an thlawhhma lak leh an sum lakluh te pawh a pun phah a, hma nasa takin an sawn niin an sawi tlat mai. Eizawnna avangin zan rei tak thleng a hnathawkte pawh kan awm ta. Tin, taksa bawrhsawmna avanga mu hleitheilo engmaw an awm bawk a. Chhan hrang hrang - Kohhran Programme, pawl thil  etc avanga mu hma hman lo te pawh kan awm ngei ang.  Amaherawhchu,a tam zawk te chu zan lama hnathawk lem lo, T.V en leh Mobile khawih avanga mengrei te kan ni hlawm a, changkanna in a ken tel a nih avangin in dem ngawt erawh a fuh ber lo.
    Englekhawle, kan menrei chhan chu engvang pawh ni se, kan tho tlai ta em em  mai hi a pawiin kawng hrang hranga hmasawnna daltu lian leh kan hmalam atana  thil pawi tak chu a ni chiang khawp mai. Kan in thin harh deuh chu a ngai a ni. Tin,nu leh pa/ pi leh pu  te pawhin kan tu leh faten zingkara an tihtur tuk sak thiam hi a va pawimawh em.  Naupang te an nih lai a\anga  zingkar a\angin hnathawhpui te, entir nan - tual han phiahfai pui mai emaw tunlai \awng taka ‘Walk’ pui emaw te pawh a \ha hle ang.
    Zing kan thawh tlai a chhuanlam hman tam ber chu tih tur a awm chuanglo tih hi a ni a. Hei hi chu thatchhe \awngkam mai a ni. Thawhtlai hi thatchhhiatna bul a ni a, kan ram leh hnam hi humhalh a,  dingchhuak tur leh hmalam pan zel tura   kan duh tak zet chuan kan tho tlai tur a ni lo. Mi ropui nia khawvelin a sawi te zingah hian tho tlai an vang teh a nia.
Harh la, tho hma la, hmalam pan rawh.

 

KAN |HEN TAK
Abusale-a (kum 67) :

 
    Pu Abusale-a hi kum 1954 khan Guwahati-ah a lo piang a, unau 6 an ni.
    Class X a pass hnuin sawrkar hna a thawk zui a. Kum 17 mi a nih kum - Kum 1971 khan Babutlang,  Aizawl Jail-ah a rawn thawk tan a. Hna avang Hlimen leh hmun hrang hranga an awm kual hnuin kum 2014 khan a hna a\anga pension-in, kum 2015-ah Hlimen-ah bawk lo kir lehin, “Lu nghah nan Hlimen ka duh ber,” tiin, a thih ni thlengin in leh lo neiin a inbengbel zui ta a ni.
    Kum 1974-ah Rokhumi nen inneiin fa hmeichhia 3 leh mipa 5 an nei.
    Amah hi pa taima leh zaidam, inngaitlawm, tu leh fate hmangaiha duat em em mai a ni a. Mi inthlahrung mi leh mi pawisawi hlau em em mi a ni.
    Hlimen-a a awm hun hmasak lai hian Kristianah inpe in Hlimen Pastor Bial vawngtu - Pastor Robawiha kutah Baptisma a chang a. Hemi hnu hian El-Bethel Speaker K. Lalhmingliana hova Tanhrila Gospel Camping an siamah lutin Pathianah lawmna changin, “Taitea tel lo chuan,” tih Sermon a ngahthlak atangin Kristaah nun tak a lo nei chhunzawm ta a ni. Hemi tum hian a hlimin a lawm em em a, Lalpa fakin a lam nasa hle bawk. Heta tang hian a thihni thlengin a chhandamtu chu thlah lovin a vuan reng ta a ni.
    Nikum - kum 2020 kum tir atangin a ke leh pum vel a insawisel tan a. Doctor-te rawnin in lamah harsatna em em tawk lovin enkawl a ni a. Kumin January ni 8 (Zirtawpni) khan a natna lo zual tharin  Doctor rawn leh a ni a. A natna chuan a tha lamin hma a sawn hlei thei lo va. January 15, 2021 (Zirtawpni) khan Aizawl Hospital panpui a niin    admit a ni a. Doctor leh nurse te’n theih tawp min lo chhuahpui a. A natna chuan zual lam a pan zel avangin January 17, 2021 (Pathianni) khan ICU-ah dah luh a ni a. Amaherawhchu, a natna chu a lo nasat tawh em avangin    January 18, 2021 (Thawhtanni) zing dar 8:20 khan a natna tuar lovin min lo kalsan ta a ni.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(3-51)    9436199884, 9862476439

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-8)    Ph.No : 9402344486, 9615266170

 

PAGE - 3

HRIATTIRNA :

Kawng khar rih dawn
    Mauhakkawn a\anga Pu Sang\huama In panna kawng chu Cement Concrete (RCC) a chhun a nih dawn avangin Jan. ni 25, 2021 a\ang hian lirthei eng chi mah a kal theih dawn lo a, mipuite kan inhriattir e.

PWD HRIATTIRNA
    PWD enkawl kawngpui kama in sa tur reng rengin PWD assets -Side drain/Culvert/Retaining wall etc. an khawih danglam dawn anih chuan PWD ah an dil hmasa ngei tur a ni a. Retaining wall \hiah angai anih pawhin phalna an hmuh hnuah chauh \hiah tur a ni a.  Cubic lung (size stone) leh boulder zawng zawng te chu fel tak a dah \hain an awmna bialtu Sub-Division hnenah bobang awm lovin an hlan vek tur a ni. Tin, Side drain leh kawng chhuat an tihchhiat chuan a siam\hatna man chawi tur a ni bawk
    Sd/- (HRANGTHANGA ZOTE)
    Executive Engineer PWD
    Aizawl Road South Division

HRIATTIRNA
    Pu Lal\anpuia S/o Sangzuala (L) of Zarkawt Aizawl hian a LSC/House Pass/Shop Pass/Stall Pass/P.Patta No. 617 of 1984 Hlimen veng a mi hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Settlement Officer,
    Land Revenue and Settlement
    Aizawl District, Aizawl

HSA inthlan hriattirna
    Jan. ni 28, 2021 (Ningani) zan dar 7:00 hian Local Council Office-ah kum 2021 chhunga Hlimen Sazuar Association hruaitu thlan tur a ni a, Member zawng zawng kal vek turin kan inhriattir e.

    Sd/- Secretary
    HSA Hlimen

 

Khawchin thlir lawkna....
    The Weather Channel in khawchin a hrilhlawk dan chu hetiang hi an ni, ruah tla lo tur a rin a ni.
Date    Max    Min
24.1.2021 (Chawlhni)    230C    80C
25.1.2021 (Thawh\anni)    240C    70C
26.1.2021 (Thawhlehni)    240C    70C
27.1.2021 (Nilaini)    240C    70C
28.1.2021 (Ningani)    240C    60C
29.1.2021 (Zirtawpni)    250C    90C
30.1.2021 (Inrinni)    230C    80C

 

LAWRKHAWM :

Chhiatni Report
    Pu Abusale-a puala buhfai leh pawisa khawn khawm dan ziaka hmuhtheih chin :-
    Section         Chhungkua    Buhfai    Pawisa           
    

Buala                   128            141    1,260        

Damvea               141            149    1,320        

Kapdaia                133           138    1,220       

Lalsavunga            40              42    400       

Saichhuma          114             127    960        

Vawmphunga         61             68    550                       

            Total       621            665    5,710

    Pi Vanlalhriati puala buhfai leh pawisa khawn khawm dan ziaka hmuhtheih chin :-
     Section         Chhungkua    Buhfai    Pawisa           

Buala                     102           108       1,380        

Damvea                 144           148       1,330        

Kapdaia                  122          130       1,160        

Lalsavunga               25            41       360        

Saichhuma              119         125       1,140        

Vawmphunga           49            52        430                       

               Total       601           644      5,800

CHIEF MINISTER IN KAN VENG TLAWH
    Jan ni 19, 2021 zingkar hian Chief Minister Pu Zoramthanga  kan veng rawn tlawhin Hlimen a Driving School tih changtlun dan tur leh Hlimen playground a artificial turf phah dan tur te a rawn en, LAD park-ah khawtlang hruaitute nen thil eihona hun leh titi hona hun an hmang bawk, CM hi Sport Minister Pu Robert Romawia Royte, Bialtu MLA, Vice Chairman Horticulture Development Board Prof. F.Lalnunmawia leh, AMC ward No19 candidate Pi Irene Lalruatkimi te bakah  Block, Unit, Local Council, Deptt Head engemaw zatin an rawn \awiawm bawk. Kan veng chhungah hmasawnna lian tham tak a awm tur hi a lawmawm tak zet a ni.

TASK FORCE THUCHHUAK
1.    Mitthi lumen ngai an awmin an mahni inah lumena,vui dawn darkar 2 a la awmin vuina hmun panpui tur a ni.

2.    Lalsavunga Park chu Pathianni tih lohah chuan hawn ni tawh se.

3.    State pawn atanga hnamdang hnathawka la lut tur te chuan LLTF te remtihna an la hmasa ngei tur a ni.

VDP-ah pe
    Hlimen Village Defence Party (VDP) ten a \ul apianga an hman a tan Hlimen Branch YMA chuan ` 3,000 a pe a, Buala Section ten ` 1,000 an pe bawk a, Kapdaia Sec. ` 2,000 an pe bawk a ni. Tin, Local Council ten ` 3,000 an hlan bawk. VDP hruaitu ten lawmthu an sawi.

YMA-ah pe
    AMC Ward XIX Candidate Pi Vandingliani chuan Hlimen Branch YMA-ah Silpouline \ha chi leh ` 2,000 a rawn pe a, a chungah Branch hruaitute an lawm tak zet zet a ni.

 

PAGE - 4

KEIMAHNI :

Hlimkhawpui Budget
    Hlimkhawpui  Nov. & Dec 2020  thla Budget  pe tla tawh te:
1.    Kapdaia Sec.    2. Lalsavunga Sec.
3.     Damvea Sec.    4. Buala Sec.
5.     Saichhuma Sec.    6.    Vawmphunga Sec.

Budget tlak
    Kapdaia Section YMA te chuan kumin chhunga an budget ` 5,000/- chu an tlak fel. Kapdaia Section te chungah Branch Committee chuan lawmthu a sawi tak meuh meuh a ni.

Chhiatni Fund
    Kum 2021 chhung atan Chhiatni Fund khawn a ni leh dawn a. Section tina hruaitu te leh Branch hruaitu ten chhungtinah an tuk leh dawn a. Chhiat tawk kan awma kan in peizawn na kawng pawimawh tak hi pe \heuh turin lo inbuatsaih lawk ila a lawmawm hle ang.

Kapdaia Section
    Jan ni 23, 2021 khan Tuikhuahtlang thlanmual-ah Fencing bankhur laiin hnatlang an nei a, Member thawkchhuakte chungah hruaitu ten lawmthu an sawi. Tin, Jan. ni 25, 2021 (Thawh\anni) hian a hmun ngaiah hnatlang chhunzawm tur a ni a, member a tam thei ang ber thawkchhuak turin an inngen. Thawkchhuak tur ten lei laihna hmanrua ken tur a ni. Hnatlang senso atan hian Pu Lal\hazuala (A\haa) chuan ` 500 a tum a, a chungah lawmthu an sawi.
    Kapdaia Sec. Secretary chuan rokhawlhna a neih avangin Asst. Secretary nilai Tv. Joseph CVL Rawngbawla ruat a ni a, Asst. Secretary atan Nl. Lalruatsangi ruat a ni bawk.Hlimkhawpui Agent atan Pu K.Lalremruata ruat niin Property Secretary atan Tv. Lallianmawia an ruat.
    Section Information Mike a chhiat avangin OB ten a theih ang angin an buaipui mek a, hma lakpuitu Pu Lal\hazuala, Buala Sec. chungah lawmthu an sawi. Kumin chhunga an Section Project atan bungraw tihchangtlun an rel bawk.

 

Advertisement...

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.

(6-2)    Ph : 8787384631 /9612412458

VAWKSA REP - PIZZA - CAKE
    Engtik lai pawhin Vawksa rep tuihnai tak khai 1 ` 350 in lei tur kan nei reng e. Tin, Pizza leh Cake chi hrang hrang pawh order theih reng kan ni
Thil tui ngaina mi i nih chuan
Min rawn pan ve phawt mai ta che

    Darrovi & Ruati
    9612-222-087 / 7641-039-319

 

KAN |HEN TAK

VANLALHRIATI (kum 63)
    Pi Vanlalhriati hi Pu Awiliana (L) leh Pi Lalrimawii (L)-te fa tlum ber dawttu niin June 17, 1958 khan Silchar-ah a lo piang a. An unau hi hmeichhia 3 leh mipa 3 niin a naupang ber dawttu a ni.
    Pi Hriati hi nu inngaitlawm tak, mi pawisawi hlau em em; tu leh fate duata hmangaih em em mai a ni a. Pathian Kohhranho ngai pawimawha ngaisang em em a niin a phak ang tawkin Pathian biak inkhawm pawh a kalin Sunday School pawh a ngaihlu hle.
    November, 1979 khan Hmingchhuansanga nen Pastor Lalchhana kutah inneiin, fa - mipa 2 leh hmeichhia 5 an nei a ni. An pa hian nikum July 20, 2020 (Thawhtanni) dar 6:09 PM khan a lo boralsan tawh a ni. Tin, Pi Hriati hian tu 12 leh tuchhuan 1 a nei bawk.    
     Amah hi BP sang nei a nih avangin insawiselna a nei ve deuh reng a. November 8, 2020 (Pathianni) zing khan a lu a na thut a, nikhua a hre lo va. Damdawi In panpui a niin, “Heart Attack,” an lo ti a. A lung atanga thisen zam chhuak chu a thler thla a, a kal lam a lo khawih tep a. Civil Hospital-ah admit a niin kar hnih leh ni hnih an awm a.
    Ama tawkah chuan a \ha ve viau va. January ni 7, 2021 khan check up turin an kal a, a BP a lo hniam avangin admit leh a ni a. January ni 12, 2021-ah Damdawi In a\angin a lo chhuak leh a ni. January 16, 2021 (Inrinni) tlai khan chaw tlem a ei a, a chaw ei kham chu a awmah ná a sawi a, “Min hnawh,” a ti a. A rang thei ang berin Civil Hospital panpui a ni a. Doctor leh leh Nurse te’n theih tawp an lo chhuahpui na chungin, January 16, 2021 (Inrinni) zan dar 6:45 khan min lo peih loh san ta a ni.

 

Lawrkhawm Chhunzawmna.....

Kangmei lakah i fimkhur ang u
    Khua a ro in kangmei lakah fimkhur a hun ta hle mai. Thil a pawi hma a fimkhur hmasak hi a finthlak hle. Inlamah leh ram lamah fimkhur a hun tak zet a ni. Kan in leh lo te kangmeiin min tihchhiat sak hma hian chhungtin ten kan tu leh fate kangmei an chhuah tir loh nan i zilh ngun teh ang u.
    Electric fit \hat loh avanga kangmei chhuak avangin vanduaina pawh tam takin an tawk tawh a ni. Tin, Heater te kan hmang a, Off nachang hriat loh vanga kangmei chhuak a vanduaina pawh tam takin an tawk tawh a ni, kan sawi seng lovang. Kangmei avanga kan nunna leh kan rohlu te kan chan hma hian chhungtin te i fimkhur ang u.

Birthday..
    Kan OB Incharge Pu Rova birthday kan lawm a, eitur tuihnai tak mai min hlui hnawk mai, kan puarin kan tlái e.

Kan va lawm em!!
    Pu Lamtea, Kapdaia Sec. chuan Hlimkhawpui buatsaihtute Sprite bur lian min rawn chhawp a, a chungah kan lawm tak zet zet e.

Pawlkut Thla (January) Ni 16, 2021, Issue No. 3

 PAGE - 1

TUALCHHUNG :

Nau nei thar : Pu Lalrinngheta leh Pi Vansiami te nupa, Buala Sec.a mite chuan an fa 4 na turin Jan. ni 1, 2021  khan BN Hospital-ah fapa an nei thar.

Branch YMA lawm : Pu F.Zosangzuala, Local Council Member chuan Council-a a thla thum lawmman/hlawh chu Branch YMA in a \ul apianga hman a tan a pe. A chungah Branch hruaitu ten lawmthu an sawi tak meuh meuh a ni.
    Tin, Pu R. Deng\huama (L) faten an unaupa Lalchungnunga (Machunga) (L) lehkhabu ziah ‘Darlalpuii leh salam’ tih chu Hlimen YMA Library a dah turin bu 2 an rawn pe a, Branch YMA chuan lawmthu a sawi tak meuh meuh a ni.

Pem thar : Pu Lalramchhana te chhung chu Kanghmun South a\angin kan vengah an rawn pem a, Kapdaia Sec.-ah an awm dawn a ni.
    Tin, Pu Lalramhluna te chhungkua chu Tualbung khua a\angin kan vengah hun engemaw chen awm turin an rawn pem a, Pu C.Lalthanzama, Buala Sec. a mite in hnuai an luah a ni.

Platinum Jubilee : March ni 23, 2021 Hlimen Branch YMA dincham vawi 75-na (1946-2021) chu hrileng avangin ruahman lawk angin a hman theih dawn lova, Hlimen Branch YMA Committee chuan Monument siamin Souvenir buatsaih  nise a ti a, hemi pual hian Video Clip buatsaih a ni bawk ang.

Village Defence Party : Local Council, YMA, MUP leh MHIP Meeting chuan Hlimen khawtlang then thinghlimna kawnga hma la tur VDP a din ta a, Committee Member pawh lak fel ni tawhin, theihtawpin khawtlang then thianghlimna kawngah hma lak tum a ni. Ruihhlo zuar leh ti \hin te, midang tana buaina siam \hin te man ngaia awm kan awm chuan an indim dawn lo tih an inhriattir lawk e.

Regular in awm ta : Pu Lalromawia s/o Ro\huama, Buala Sec. a mi chu hun eng emaw chen AMC-ah Driver (Master Roll)-a a thawh hnuin December 2020 khan dah ngheh a ni, kan lawmpui tak zet zet e.

 

HEADLINE :

BRANCH YMA COMMITTEE THUCHHUAK
    January ni 15, 2021 (Zirtawpni) zan khan Branch YMA Committee neih a ni a, thurel tlangpuite :

1. Member lak chungchang : Member lak hi Section tinah lak leh tur a ni a, member pakhatah ` 5/- tur a ni a, February thla chhungin Branch Secretary hnenah thehluh tur a ni.

2. Platinum Jubilee chungchang: Kumin 2021 March ni 23 Hlimen Branch YMA Platinum Jubilee hi Covid-19 avanga ruahman lawk sa anga a hman theih tak loh avangin, Monnument buatsaih a, Souvenir siam nise tih a ni a, hemi pual hian Video Clip tawi siam tum a ni a, lo buapui turin Hlimkhawpui E.B. te ruat an ni. Jubilee pualin kum 2021 chhungin kan Hall varandah chung hi chhun nise tih a ni bawk. Hall chhung rawng hnawih thar ni bawk se tih a ni.
    Hetiang hian mawhphurtu tur ruat a ni :-
Monument :
(1) Pu G. Lalzahawma    (2) Pu Vanlaltluanga
(3) Pu Lalrinchhana    (4) Pu Lalhmunsiama
Souvenir :
(1) Tv. R. Lalawmpuia    (2) Tv. Lalkhawmawia
(3) Pu Lalbiaksanga    (4) Tv. Zonunsanga

3. Sub-Committee Member ruat pawmpuina : Kum 2021 Kumthar Committee in a lo rel tawh angin, Branch YMA hnuaia Sub-Committee te Member ruatna chu thlirho niin pawm a ni.

4. Chhiatni inkaihhruaina (Covid-19 avanga siam danglam) : Covid-19 avanga chhiatni inkaihhruaina siam danglam chu thlirho a ni a, a pangngai anga pawm a ni, hetiangin :
(1) Mithhi vui hun leh tlaivar : Dar 5:00AM - 10:00AM inkara thi chu dar 1:00PM a vui tur a ni. Dar 10:00AM - 2:00PM inkara thi chu dar 4:30PM a vui tur a ni. Dar 2:00PM - 5:00AM chu 11:00AM a vui tur a ni. (Hei hi tlaivarpui tur a ni)
(2) Thlanlaih leh vur chungchang : Thlan hi laih lawk tur a ni a, a vur hi chhiattawk Section mawhphurhna a ni ang, mask leh glove hi Branch in a ngaihtuah ang. Chhiattawk vua leh vang, makpate mawhphurhna a ni tih hriat bawk tur a ni.
(3) Zan lam YMA hun hman : Zan lam YMA hun hman \hin hi tih hrih loh tur a ni.
(4) Buhfai leh pawisa chhung tina khawn : Buhfai leh pawisa hi chhung tinah khawn ni se, Chhiatni Fund sum a\angin ` 2,000/- hlan tel ni se.
(5) Tlaivar tur ruat : Branch Committee Member leh chhiattawk Section Committee Member te.
-Phek 4 naah chhunzawm a ni...

 

PAGE - 2

EDITORIAL :

         Hlimna kawng |ha
    Duhamna khawvelah kan lo piang a, duh tawk leh chin tawk nei lovin nun hahchawlhna leh hlimna a nih beiseiin hring nun hi a phi ruai ruai \hin. Hlimna te, chawlhna te lawmna te chu nei thei dawn a in hriain hmalam pannin beiseina chuan min hnuk ruak ruak a. Mahse, van hnuai ah hian hahchawlhna, hlimna leh lawmna tluantling reng a awm si lo. Tin, hmalam beiseina duhamna chu thlan khur thlengin kan um zui zel mai dawn a lo ni.  Nun hahchawlhna leh hlimna, thlamuanna leh lawmna neih duhin mahni theihna zawn \heuh ah theihtawpchhuah in kan tlan suau suau mai chu a ni si a.
    Miin sum a khawl chhan te, in leh lo \ha a din chhan te leh hna thawh a thil eng pawh(i ti mai ang) a tih chhan chu kan sawi sawi tak nun hlimna, lawmna leh hahchawlhna beisei vang a ti a ni.Mahse, chu chu a zawng nasa leh a bei nasa a piang an beidawnna a nasa emaw tih mai tur a ni si. Sum leh pai duh ang ang a hman tur nei; mahse, duhamna avang a nun hlim thei lo, lungawi lo te, in leh lo changchang  \ha pui pui nei si a duhamna avang nun hahchawl chuang si lo hi kan ram hian engzat tak awm ang i maw?
    Sum leh pai ngah te, in leh lo ropui leh \ha neih te hi a hlu em em a, an awhawm em em bawk. Mahse, heng mite hi nun hlim leh nun hahchawl an ni vek lo. Sum ngah mah se rethei si; in leh lo, rohlu tak tak nei, nun hlim thei chuan si lo; nun hah chawl reng reng lo, mi rethei sawi tur kan ram ah hian an va tam em. Hlimna kawng \ha hriat i duh chuan \anpui ngai te puih nan i hun leh i nun a tam thei ang ber pe la, mi lawmna i siam tam leh i lawmna a sang anga, midang tana malsawmna thleng tam a piang te hian mi lawm an hlawh tam a. Chu chuan an nunah hlim leh lawmna, lungawina a thlen let \hin a lo ni.

 

ZIAKTUTE HUANG :

Y.M.A. zahawmna vawnghim zel ang aw
- Robuanga,
Fin. Secretary, YMA Hlimen Branch
    Kum kal ta 2020 kha chu hripui hlauhawm tak karah lengin, THIHNA leh NATNA avangin kan ram dung leh vang, kan khawtlang leh chhungkaw tinte chu mittui nen lungngaiin kan rum vawng vawng mai zawng a nihkha.
    Hrileng avangin kan hnam nun ze mawi tak lan chhuahna leh kohhranho tena Pathian kan biak hona thlenga nekchepin kan awm a nihkha. A bik takin YMA in a humhalh leh a vawn reng zo hnam rohlu (tlawmngaihna) pangpar anga mawi taka par chhuak \hin te chu nekchepa awmin, hnam anga kan nun ze mawi takte chu damlo natna khirh tak tuar ICU-a awm enkawl ang maiin a chatthla \ep zawng a nihkha, YMA ten chhiatnia kan inlainatna leh tawrhpuina lantira kan in\anpui \hin dan te chu hripui avanga tih theih lohin a liam zawih zawih mai kha ni si a, a va rapthlak em.
    Chutih mek laiin kan ramin a mamawh leh \ul tak ni si, khawtlang roreltu tur Local Council/Village Council thlan (Election) hmachhawn lo ni bawk nen, party politics boruakin min nuai bawk nen, party inepna boruak duhawm lo pui pui ten kan khawtlang mai ni lo, zoram a nuai leh bawk nen. Zokhkaw lam leh Aizawl khawpui lam YMA Branch eng emaw zatah chuan party politics chhiain YMA zahawmna leh thinghlimna te chu min nek chhiatsak \ep zawng a nihkha.
    Khing kan sawi tak boruak duhawm lo tak leh hripui hlauhawm tak leng vel kar a\angin kum thar 2021 chu Pathianin nang leh keichu min hruai thleng leh ta a ni a, heng hun min hruai thlengtu, malsawmna min petu Pathian hnena lawmthu hril chung zel a, a \ha lama hriatreng tur 2021 hian min thlen mawlh teh se.
    Kan hma lawkah AMC thlan (Election) kan hmachhawn leh mai dawn niin a hriat a, political party hrang hrang ten an party chakna turin theihtawp an chhuah leh \heuhin a rinawm, heng party ho zingah hian a eng ber emaw hi chu tui pui nei lo a neutral a awm theih loh tih chu hai rual a ni lo.
    Hei erawh i hrereng ang u, party a dinchanna tur chuan party tinin campaigners an nei \heuh a, chung mite chuan party ham\hatna tur chuan lo thawk mawlh mawlh se. Keini YMA hruaitu rual leh active member te hi chu YMA zahawmna humhimna atan leh a thianghlimna a bo mai lohna atan party tuina bik kan lo nei a nih pawhin party dang leh thawhpuite ngaimawh theih tur lakah i inthiar fihlim zel ang u. Tichuan YMA zahawmna leh a thianghlimna hi a vawnghimtu kan lo ni zel dawn nia.
YMA ZAHAWMNA VAWNGHIM ZEL ANG U AW...

 

Advertisement...

Hnaruak dil theih
    Hlimen Presbyterian English School a thawk tur Chowkidar/Peon pakhat mamawh a ni a, dil duh chuan ziakin School Managing Board Secretary Pu G. Lalzahawma hnenah thehluh tur a ni.
Dil theih hun chhung    :    Dt. 20.1.2021 (Thawhlehni) ral hma
Interview hun    :    Dt. 21.1.2021 (Nilaini) Dar 7:00 AM
A hmun    :    Pres. Kohhran Comt. Room No. 2
Salary    :    Rs. 4,000/- per month
    Sd/-
    (G. LALZAHAWMA)
    Secretary
(1-1)    9436145310

 

PAGE - 3

HRIATTIRNA :

Inthlan hriattirna
    Tun Pathianni, January ni 17, 2021 chawhnu dar 1:00 hian Pu Chhuanvawra in vengthlangah kum 2021 chhunga  Phunchawngzawl zau Society  hruaitu thlanna neih tur a ni a, kim taka kal turin member te kan in hriattir a ni e.
    Sd/- Secretary

Chhiatni Fund
    Kum 2021 chhung atan Chhiatni Fund khawn a ni leh dawn a. Section tina hruaitu te leh Branch hruaitu ten chhungtinah an tuk leh dawn a. Chhiat tawk kan awma kan in peizawn na kawng pawimawh tak hi pe \heuh turin lo inbuatsaih lawk ila a lawmawm hle ang.

Bawlhhlawh hal chung chang
    Hmun \henkhatah bawlhhawh hal mai \hin kan awm a, chin tawh loh a \ha hle. A halna hnaih, a khu ur phakah nausen/naupang emaw thawklama harsatna nei emaw te an awm thei a, mi hrisel pangngai tan pawh hriselna khawih pawi thei a ni. Tin, thil kang pawi a awm ta emaw tiin mi a ti ralkhel thei bawk a, chuvangin bawlhhlawh hal mai mai loh nise a \ha a ni. Bawlhhlawh hal hi Solid Waste Management Rule hman anih tak avangin khap a ni a, a tilui man te chu dan anga na taka hrem theih kan ni.

Kangmei lakah i fimkhur ang u
    Khua a ro in kangmei lakah fimkhur a hun ta hle mai. Thil a pawi hma a fimkhur hmasak hi a finthlak hle. Inlamah leh ram lamah fimkhur a hun tak zet a ni. Kan in leh lo te kangmeiin min tihchhiat sak hma hian chhungtin ten kan tu leh fate kangmei an chhuah tir loh nan i zilh ngun teh ang u.
    Electric fit \hat loh avanga kangmei chhuak avangin vanduaina pawh tam takin an tawk tawh a ni. Tin, Heater te kan hmang a, Off nachang hriat loh vanga kangmei chhuak a vanduaina pawh tam takin an tawk tawh a ni.  Kan sawi seng lovang. Kangmei avanga kan nunna leh kan rohlu te kan chan hma hian chhungtin te i fimkhur ang u. 

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(2-51)    9436199884, 9862476439

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
      VL-a,
(10-7)    Ph.No : 9402344486, 9615266170
 

LAWRKHAWM :

Hma la zel
    Nungcha Humhalh Pawl, Hlimen chuan theihtawpin Serlui a humhalh chhunzawm zel a, nungcha humhalh lama tui mite pawh Serlui humhalh tura inpe zelin Serlui lamah hian an duty \hin a ni. Nungcha humhalh kawnga theihtawp chhuah a, hma an la chho zel hi a lawmawmin hma pawh nasa takin kan sawn ngei ang tih rinhlelh rual a ni lo.
    Lui kal \hang/ram lama chetla \hangte pawh nungcha humhalh kawngah hian an phur hle a, veng chhung mi Serlui kal ru, sava veh, sachang a ramvak thawm hriat tur a awm ta mang lo ringawt pawh hi a hahdam thlak  hle a ni. Nungcha dang leh  thing leh mau chen a humhalh kawngah a hun lai a zir zel a beihpui kan thlak zel a \ul  dawn a ni. Mipui te pawhin  lui dung mai bakah nungcha dang humhalhna kawnga hmalakna-ah thu kan awih chho zel niin a hriat a a, a lawmawm hle.

Local Traffic Management committee in hmala zel
    Kawngpui dunga zan riak a motor dah man an nih chuan thuneitu te hnenah thlen emaw  pawisa chawitir an ni ang.    Tin, kawngpui (metal road) chung a rod chhut hi phalloh anih angin tilui an awm a, man an nih chuan ` 500 chawitir an ni ang.
    Kawngsir a insakna bungrua leh thildang bun leh dah hnawk tur chuan Local Traffic Management Committee ah hriattir \hin tur a ni, hruaitute hriatpuina lak hmasak \hin tur a ni. In report lova dah hnawk chu hrem nan ` 500 a\angin a \ul dan  a zirin a aia tam pawh chawitir tur a ni.
    Naupang kawngpui dung a Cycle khalh \hin te, kawngpui dungah tlan tam lo turin  kan in hriattir a, kan tlan a nih pawhin motor tlan dan angin an side lamah tlanin helmet an khum ngei ngei tur a ni. Kawng laiah tlan loh tur a ni, thuawih lo chu committee in an chungthu ngaihtuahin an hrem \hin ang.
    Rora leh Stone dust phur \hin ten kan phur a\angin kan ti tla \hin a, hei hi kan fimkhur loh vang a ni a, committee chuan an tifai nghal a nih loh chuan tihfai man tur a chawitir ang.
    Zan dar 8:00 hnu lamah lirthei parking area lo a dah hi man theih a ni a, veng chhunga rawn leng pawh nise dar 8:00 pelh a nih tawh chuan hruaitute hnenah hriattir \hin tur a ni.

Football Club lawmthu sawina
    January ni 10, 2021 (Pathianni) khan AMC inthlana kan biala ding tur Nl. Baryl Vanneihsangi’n Futsal goal post leina tur Rs. 5,000/- min pe a, Hlimen Football Club chuan lawmthu kan sawi tak meuh meuh a ni.
    Sd/- Secretary

 

Advertisement...

Phone  lei  duhtan phone leitur  kan  nei e
    Kal hman lo tanpawn  an phone  duh ang kan hawn sak thei bawke .....Phone  bakah  Earphone, Charger ,Usb  Cable,  Adpator, Bluetooth  speaker , Temper man tlawm chi leh to chi te , Back  cover   chi hrang hrang  kan  kawl  bawke  ...... Min lo dawr ve ngei dawn nia.
    Zosiampari
(1-1)    Ph. 8787494188

 

PAGE - 4

KEIMAHNI :

Hlimkhawpui Budget
    Hlimkhawpui  Nov. & Dec 2020  thla Budget  pe tla tawh te:
1.    Kapdaia Sec.    2. Lalsavunga Sec.
3.     Damvea Sec.    4. Buala Sec.
5.     Saichhuma Sec.

Budget tlak
    Buala Section YMA te chuan January ni 10, 2021 (Pathianni) khan kumin chhunga an budget ` 5,000/- chu an tlak fel. Buala Section te chungah Branch Committee chuan lawmthu a sawi tak meuh meuh a ni.

Buala Section
    Kum 2021 chhunga Buala Section YMA Property Secretary atan Pu Lalhruaipuia s/o Lalchhanhima leh Tv. Vanlalruata s/o Lalhmingthanga te ruat an ni a, Property Secretary te hi O.B. anga ngaih an ni. Bungrua hawh duh nei te’n an hnenah hian hriattir hmasak \hin tur a ni ang.
    Section chhunga Hlimkhawpui chanchinbu la thar tur kan awm chuan Pu Jerome Lalduhbika, Leader/Agent hnenah inhriattir tur a ni.
    Tin, Section inthlan zanah min inthlanpuitu Pu Lalrinmawia, Br. Vice President chuan Section bul \anna atan ` 1,000/- min pe a, lawmthu kan sawi tak meuh meuh a ni.

CENTRAL YMA CHETVELNA
8.1.2021 : Chief Secretary Conference Hall-ah Committee on Utilization of CM’s Relief Fund for Covid - 19 meeting neih a ni a, Pu Vanlalruata President a tel.

13.1.2021 : Secretariat Conference Hall-ah State Level Sub-Committee on Fire Prevention Committee meeting neih a ni a, Pu Lalramchuana CEC a tel.

13.1.2021 : Mizoram PWD leh Central YMA in Mizoram chhunga kawng siamte tha leh rintlak a nih theih nana thuthlung June 14, 2018 a an lo siam tawh angin, Mizoram chhung hmun hrang hranga kawngsiam hnathawh mekte a hmuna en turin  Central YMA hruaitute an thawk chhuak. 

15.1.2021 : Commandant 46 Assam Rifles-in, A.R. Lammuala Drugs Awareness Drive Programme an hman turah CYMA min sawm angin Pu K. Lalthanmawia CEC, Pu T. Benjamina CEC, Pu Vanlalfela CEC leh Pu R. Lalchhandama CEC te an tel.

15.1.2021 : Secretariat Conference Hall-ah Covid - 19 hrileng mek dinhmun thlirletna leh hrileng do kawnga hmalak zel dan tur chungchang meeting neih a ni a, Pu Vanlalruata President a tel.

15.1.2021 : Director, FCS&CA Deptt. Pisa-ah Meeting on Matters Pertaining to Promotion of Less Use of Single Use Plastic - Under the Scheme - Consumer Awareness Activities neih a ni a, Pu Roneihthanga Fin. Secretary a tel.

15.1.2021 : PCCF Conference Hall-ah Technical Committee on Management of Wetlands in Mizoram meeting neih a ni a, Pu R.S. Lalrinsanga CEC a tel.

 

Phekhma chhunzawmna.....
(6) Thingpui sem chungchang : Thingpui hi tih rih loh tur a ni a, tlaivar a nih chuan thingpui leh sawhchiar buatsaih a ni ang.
(7) Thlalak dan tur : Thlalak hi 10 aia tam lo la tur a ni. (A bak kan duh a nih chuan In lamah a hmain a theih dan anga lo tih tur a ni)
(8) Kuang zawn/nawr : In lam a\anga Kuang zawn/nawr \hin hi a theih chin chinah motor hmang phurh tum a ni.
    Hall-a lumen thin hi In lamah lu men pui ni se, vui hma darkar 2 ah Hall-ah kalpui \hin tur a ni, hei hi Task Force-ah hriattir ni se tih a ni.

5. Librarian ruatna : Kum 2021 Librarian atan Pu Lalbiaksanga ruat a ni.

6. Leadership & Account Training : Leadership, Account leh Minutes Training hruaitute puala neih ni se, O.B ten Resource person leh \uldangte lo buaipui se tih a ni.

7. Lehkha hmuh :
(1) CYMA General Secretary Prof. Lalnuntluanga hnen a\angin kum 2021 chhunga kalphung leh hmalakna tur tlangpui hriattirna kan dawn chu, a lawmawm kan ti.
(2) MPF Secretary Pu J.K. Lalengzauva hnen a\anga kum 2021 chhung atan YMA aiawhin inruat tura lehkha dawn a nih angin, heng mite hi ruat a ni :
(a) Pu Lalrinmawia    (b) Pu Robuanga
(c) Pu R.C. Lalroliana    (d) Tv. R. Lalawmpuia

(3) VDP Secretary Pu R.C. Lalroliana hnen a\angin Committee Member ruatna leh sum dilna kan dawn chu ` 3,000/- pek ni se tih a ni.

(4) Pem lehkha : Kanghmun South a\angin Pu Lalramchhana te chhungkaw pem lehkha dawn a ni a, pawm a ni. Pu Lalramhluna, Tualbung hnen a\angin  Testemonial lehkha dawn a ni a, pawm a ni.

 

Advertisement....

Hnaruak dil theih
    Presbyterian English School, Hlimen a thawk tur Hindi Teacher lak tum a ni a, he hna dil duh chuan 31st January, 2021 ral hmain Principal hnenah emaw Managing Board Committee Chairman Upa Rinngaia hnenah emaw dilna thehluh theih a ni.
Dil thei chin    :    Hindi Class-XII chin chunglam,
        General line-ah HSLC chunglam
Written Test &    :    Dt. 3.2.2021 (Nilaini)
Interview        Dar 10:00 AM & 1:00 PM
A hmun    :    Pres. Kohhran Comt. Room No. 2
Salary    :    Rs. 8,000/- per month

    Sd/- G. LALZAHAWMA
    Secretary
(1-1)    9436145310

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.

(6-1)    Ph : 8787384631 /9612412458

Pawlkut Thla (January) Ni 9, 2021, Issue No. 2

PAGE - 1

TUALCHHUNG :

Damlo : Pi Malsawmi, Buala Section chu thawk lamah harsatna a tawh avangin Jan. ni 4, 2021 (Thawh\anni) khan BN Hospital, Kulikawn-ah admit a ni.

##    Zorinliana S/o C. Zosangzuala chu Jan. ni 3, 2021 (Pathianni) khan khaw\halo, luak leh khawsik avangin Trinity Hospital, Silaimual-ah admit a ni a, hun eng emaw chen enkawl a nih hnuin in lamah enkawl chhunzawm a ni.

##    Nl. Laltlanthangi (Health Worker), Kapdaia Sec. a mi chu zumthlum leh kal lam fello avangin Trinity Hospital-ah admit niin enkawl mek a ni.

##   Zothansangi D/o Pu Zorinpuia, Damvea Sec. a mi chu khawsik avangin Trinity Hospital-ah admit a ni a, Jan. ni 8, 2021 khan in lama enkawl chhunzawm turin a lo chhuak leh ta.
    Damlo ten dam taka hun a an hman chhoh zel theih nan duhsakna kan hlan e.

Tualchhung upa thlang : Hlimen Vengthar Presbyterian Kohhran chuan Jan. ni 3, 2021 (Pathianni) khan Kohhran Tualchhung Upa an thlang a, Pu Lalmuankima leh Pu Biaknghinglova te an thlang chhuak a ni.

Nâu nei thar : Pu Malsawmtluanga leh Vanlalluri te nupa, Vawmphunga Sec. a mi chuan Jan. ni 2, 2021 khan an fa palina ni turin Alpha Hospital-ah fanu an nei thar.

MLA in bial fang : Jan. ni 8, 2021 khan Aizawl South-III Bialtu MLA Prof. F.Lalnunmawia chuan bial fan programme a nei a, kan vengah chawhnu lamah hun rawn hmangin Hlimen a hmasawnna hna thawhmekte a tlawhkual a, Local Council Member-te leh Party lam ten an lo dawngsawng a ni.

Bawlhhlawh dah lawk : Bawlhhlawh paihni thlen hmain a lakkhawmna point bulah bawlhhlawh chhawp lawk kan la awm a, ui pawn chhuak ten an lo haidarh chang phei chuan a \awp thei hle \hin. Chuvangin, tun chinah chuan bawlhhlawh chhawp lawk tawh lo turin hriattir kan ni e.

 

HEADLINE :

SECTION Y.M.A HRUAITU THLAN A NI
    Jan. ni 8, 2021 (Zirtawpni) zan khan Hlimen Branch YMA hnuaia Section hrang hrang kum 2021 chhunga hruaitu tur thlanna hun hman a ni a, heng te hi thlanchhuahte chu an ni e.

 BUALA SECTION
    Leader    :    Pu  Jerome Lalduhbika    
    Asst. Leader    :    Pu Lalnunkima
    Secretary    :    Tv. Lalchhanchhuaha
    Asst. Secretary    :    Tv. Lalnunsiama
    Treasurer    :     Tv. Zonunsanga
    Fin. Secretary     :     Nl. Lalhmingduhawmi

 DAMVEA SECTION
    Leader    :    Pu Lawmtluanga
    Asst. Leader    :    Pu R.Lalbiakmawia
    Secretary    :    Tv. Lalnunmawia
    Asst. Secretary    :    Tv. R.Lalchhuanawma
    Treasurer    :    Pu Lalnunhlimpuia
    Fin. Secretary    :    Tv. Lalchhanhima

 KAPDAIA SECTION
    Leader    :    Pu Lalzopuia
    Asst. Leader    :    Pu Lalchhantluanga
    Secretary    :    Tv. Martin Lalchhanhima
    Asst. Secretary    :    Tv. Joseph CVL Rawngbawla
    Treasurer    :    Pu Zomuanpuia
    Fin. Secretary    :    Pu K.Lalremruata

 LALSAVUNGA SECTION
    Leader    :    Pu Lal\anzuala
    Asst. Leader    :    Tv. Samson Lalrinfela
    Secretary    :    Tv. Vanlalhruaia
    Asst. Secretary    :    Pu Johny Zomuansanga
    Treasurer    :    Pu John Vanlalpeka
    Fin. Secretary    :    Nl. Lallawmzuali

 SAICHHUMA SECTION
    Leader    :    Pu Lalbiaknunga
    Asst. Leader    :    Tv. C.Lalrinpuia
    Secretary    :    Pu Lalrinpuia
    Asst. Secretary    :    Nl. Laltlankimi
    Treasurer    :    Nl. Lalremruati
    Fin. Secretary    :    Tv. Joseph Lalthlamuana

 VAWMPHUNGA SECTION
    Leader    :    Pu Zoramsiama Chhangte
    Asst. Leader    :    Tv. Lalrinliana
    Secretary    :    Tv. MS Dawngliana
    Asst. Secretary    :    Pu Lalruatdika
    Treasurer    :    Pu Zairemthanga
    Fin. Secretary    :    Tv. Samuel Lalrinawma

 

PAGE - 2

HRIATTIRNA :

Thlirna
    Hnam tin hian nunphung kan nei \heuh ti ila a sual tam pui awm love. Keini Mizote pawh hian nunphung neiin, chu chu vawiina kan siam chawp mai a ni lova, kan thlahtu- kan pi leh pu te a\ang tawh a in\an;   an dam khawchhuahna atan te, inawpkhawm leh khawtlang nunphung rualkhai taka a kal theih nan te an lo vawn nun tlat niin tunah phei chuan zir tham a lo ni ta reng mai. A \ha lai bik leh \ha lo lai deuh erawh a awm thei bawk awm e.
    Hnam nunphung hi a pawimawh tak zet a, khawtlang, chhungkua leh mimal nun a hril a, chu hnam nunphung \ha hlohtu ram emaw hnam emaw te chu hnam riral, hnam bo leh dingchhuak ngai tawh lo tur an ni e ti ila a dik thui fu ngei ang.
    Mizo te hian hian nunphung duhawm tak kan nei a, ‘a thlum a al ei za ....... Dam leh tlangkhatah thih leh ruam khatah........|hian chhan thih ngam........ Tlawmngaihna ...Etc’ tih \awngkamte hi \awngkam bung satliah a ni lova, thu thuk, ril leh ropui lutuk a ni.
    Hmasawnna hian ram hmelhmang a tidanglam a, khawsak a her sawn dawrh dawrh a, eizawnna a thlak a, nunphung pawh zawi zawiin a thlak a, chutah tak chuan hnam nunphung innghahna bulpui erawh kan hloh a hlauhawm ta \hin.
    Mizo hnahthlak, Mizo dik tak thisen in a fan chhuah vek te thinlungah hian chu Mizo nihphung/nunphung chu  a nghing ve ta fo mai hi pawi hle.
    Chuvangin, hnam a chian tlatna hian hnam a chhan tlat tih hria ila, Hnam a chian tlatna chuan ram a chhan a, a tawpah chuan hneh theih loh, hnamdangte tan pawh a hnam zahawm kan lo ni ang.
Mizo kan nih hi..  

 

ZIAKTUTE HUANG :

Hripui karah tihtakna leh zirna
Pu Lalhmuchhuak,
President YMA, Hlimen Branch
    Kumin kumthar chu hripui Covid-19 nen dam takin kan han chuangkai ta chu a ni a, a lawmawm hle mai. He kan hun tawn hi \hangthar zawkte chuan an la rawn ziak ngei dawn a, an ni ngaihah chuan a \ihbaiawm hle ang. Kum \ha lo, kum \ihbaiawm ‘Dark Year’ an ti ngei ang. Pawn chhuah khap, inkharkhip, Biak In khar,  School Office leh dawr khar, mimal leh pawl thil a hnathawh theih loh, Mask vuah lo man tur, hu ho-a awm leh zaite phal loh, midang laka fimkhur tur, \ul lo-ah chhuah loh tur, intihhlimna reng reng khap a ni.
    A....sawi tur a tam mai, chutiang hunah chuan tunah kan awm mek a ni. A tak rawn hmu ve lo, a hun laia awm ve lo, chanchin hre ringawt tan phei chuan hun vanduaithlak taka chengah min ngai tur reng a ni. Chung chu nanng leh keia hunlaiin kan nang a ni si a, khawvelah hian hun \halo leh vanduaina a lo thlen hian a \hat ve zawkna laite pawh a awm \hin an ti a, tun huna mi hi enge a \hat ve na ni ang tih hi chu kan la hre ve mai ange maw.
    Kan khawtlang hian hripui lenlai a ni emaw, nilo emaw mamawh kan neih hi chu a ngai reng a, hri hi chu leng a ni a, leng chuan haw hun a nei, an ti a, a la haw ve mai ang chu maw, kan khawtlang mamawh kawng hnih lek han tarlang ila :-

1. Tih tak takna : Khawtlang hian hmasawnna tur chuan tih takzetna kan hmazawna tih tur awm kan tih a \ul \hin a, hnathawhna eng chi-ah pawh hlawhtling tur chuan tihtakzetna a \ul a ni. Zirna a ni emaw, kuthnathawh a ni emaw kan ko a innghgat mawhphurhnate tih takzeta kan hlen a \ul. Kum 2000 hmalama kan veng rawn hmute kha chuan danglam an ti hle tawh a, hma pawh sawn min ti ve a, a lawmawm hle. Kan tlukpui ni a kan hriat veng tam tak chuan min kalsan viau tawhin a lang thung. |an lak angai hle mai. Ruihhlo kan buaipuina leh tih taktakna kan tlakchhamna hian min ti hnufual ve tawh hle mai, tih hi kan inhmuh chian a \ul khawp mai.

2. Zirna : Mizote hi hma kan sawn viau laiin zirna thuah hnamdangin min tlansan viau niin a hriat a, chuvangin YMA chuan  ram pumah zirna uar kumah a puang hial a ni. Zirlai chu kumtin kan pung, hlawhtling sorkara mi pawimawh bik Central Service-ahte kan tlakhniam thung avangin \an lak a \ul a, a kum pual bik puan a lo \ul ta a ni. Keini veng pawh han inchhut ila, kan rual u zirna a mi hma hruaite an liam zo dawn ta, \ang tharte erawh kan tlahniam thung niin a lang. Sorkar officer pawh veng len anga chhut chuan kan awm lo hle a ni.
    Central Service te hi han nei ve thei ila a va duhawm em?! |hang thar ten \an kan lak a ngai hle mai. Sorkar Office lian tak pension pakhat chuan ‘Hlimen hian zirna lamah in rual u te hnung in zui zo lo hle mai’ min ti tawh a, a dik khawp mai. Sorkar office ah han leng ila, Hlimen mi tan chuan a khawharthak \an ta viau mai. Zirna lo in a nih theih si lo a, zirlai \hangthar ten \an ila ang u. Sorkar hnathawh nan chauh zirna kan sawiah i ngai lo ila, Hmasawnna tur chuan zirna leh tih tak takna a ngai hmasa tlat a ni. Hei hi kan khawtlang mamawh mek chu a niin a lang e. |an ila tlang ang u.

 

PAGE - 3

HRIATTIRNA :

YMA HALL HMAN
    Kum 2021 chhung atan YMA Hall hman hawh man chu hetiang hian ruahman a ni:
1. Sumdawnna thilah ` 1,500
2. Sumdawnna thil ni lovah ` 500
    Hei hian chhun leh zan a huam ang

KANGMEI LAK A FIMKHUR
    Kangmei lakah kan him theih nan kan in leh a velte tifai \hain, awlsam taka kang thei thil (petrol, diesel etc) lakah kan fimkhur a \ul hle.
    Kangmei tichhuak thei a nih avangin mei zu mite pawhin kan meizuk bungte tihlum lovin paih mai mai lo turin kan in ngen a.Tin, Electric Power kan hman dan fimkhur ila, in kan chhuahsan dawn leh zan mut dawnin Electric a theih ang angin check fel hmasa \hin ang u.
    Thawklehkhatah kan neih rohlu leh kan nunna hial kan chan thei a ni tih hriain mitin i fimkhur ang u.

BRANCH YMA PROPERTY HAWH MAN
    Kum 2021 chung atan Branch Property hawh man chu hetiang hian siam an ni:
1. Gas Stove - ` 100
2. Dekchi - ` 50 & ` 30
3. Sound System pangngai : ` 4,000 (YMA Hall chhung)
                          ` 5,000 (Pawn lamah)

Local Traffic Management Committee Hriattirna
    Motor a kan thil phurh - roa, boulder etc.. kawngdung a thlauh kan awm \hin a, kan thil phurhte fimkhur takin motor a\anga tla mai lo turin siam ila a tha hle mai. Kawngdunga kan thil phurh kan thlauh a nih a \ul anga action lak zel a ni tawh ang. Hetiang a thlen loh nan hian i fimkhur ang u.

HRIATTIRNA
    Tlem lai deuh a\ang khan huanthlai a bo fo mai a, heng mi huan thlai la \hinte hian lo sim tawh rawh u aw. Tuikhur lui kama kan panhnah lo \hinte pahnih leh a lo leisak \hinte pawh kha kan hre tawh che u a, ti tawh lo turin kan inhriattir e. In lo tilui leh a nih chuan a pawi viau ang. A rutu leh a leitu kha kan hrechiang hle che u a, case thuhmun a nih hria ula a \ha ang.
    Sd/- JK Lalengzauva
    Hlimen Damveng

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(1-51)    9436199884, 9862476439
 

LAWRKHAWM :

VDP Office Bearer ruat a ni
    Dt. 7.1.2021 (Ninngani) zan khan YMA Hall-ah All NGO Meeting neih a ni a, Hlimen Village Defence Party (VDP) Office Bearer tur ruat a ni, hetiangin :
    President    :    Pu Joshua Zotea (LC)
    Sr. Vice President    :    Pu Lalhmuchhuaka (YMA)
    Vice President    :    Pu Lalrinmawia (YMA)
    Secretary    :    Pu RC Lalroliana (YMA)
    Asst. Secretaries    :    Pu F. Zosangzuala (LC)
            Pu K.Lalremruata
    Treasurer    :    Pi Zosangzuali (LC)

Lehkhabu tlangzarh
    Dec. ni 30, 2020 khan Pu Lalchungchunga (L) (Machunga), Lalsavunga Sec. a mi ziah “Darlalpuii leh Salam” lehkhabu chu MJA President Pu Zonunsanga Khiangte in a tlangzarh.
    Tlangzarhna hun hi Pu R.Lalrawna in ah neih a ni a, Sangzuala Pachuau, Asst. Proffesor, Deptt. of Mizo, MZU chuan thlirlawkna hun a hmang. He lehkhabu hi lemchan thawnthu a ni a, lemchan thawnthu ziah hi thil harsa tak a ni a, Mizo zingah lemchan thawnthu ziak puitling thei hi ui hum lek an awm a, hnam dang ziak lehlin awm lo phei se chu zirlai a ahranpa a zir tham mizo irawm chhuak a awm meuh lo a, Pu Machunga’n hetiang lehkhabu a lo siam hi a lawmawm thu Pu Sangzuala Pachuau chuan a sawi. Tin, Darlalpuii leh Salam hi MA leh BA zirlai-ah te telh a lo ni tawh bawk a ni.

Bawlhhlawh hal chung chang
    Hmun \henkhatah bawlhhawh hal mai \hin kan awm a, chin tawh loh a \ha hle. A halna hnaih, a khu ur phakah nausen/naupang emaw thawklama harsatna nei emaw te an awm thei a, mi hrisel pangngai tan pawh hriselna khawih pawi thei a ni. Tin, thil kang pawi a awm ta emaw tiin mi a ti ralkhel thei bawk a, chuvangin bawlhhlawh hal mai mai loh nise a \ha a ni. Bawlhhlawh hal hi Solid Waste Management Rule hman anih tak avangin khap a ni a, a tilui man te chu dan anga na taka hrem theih kan ni.

Nungcha humhalh ila
    Tunlai hian kan veng chhung leh dai velahte sava an rawn kai nasa em em a, mi \henkhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang. Nungchate hi hmuh an nuamin nun an tihlim a, chumai bakah kan chenna khawvel-ah hian inmamawh tawn kan nih avangin a suat remtu aiin a humhalhtu nih tum \heuh ang u.

 

Advertisement...

Admission notice
    Zomuansanga Elementary School, Mission Veng will open admission to KG-I, KG-II, Class-II & Class-III for the Academic Session 2021 - 2022 from 5th January 2021.
    Application should bring a photo copy of birth certificate and passport size photo at the time of admission and are to be atleast 4 years of age by December 2020.
School Office Timing : Monday - Friday, 11Am - 2 Pm from 5th January 2021.
    Sd/- Principal
(2-2)    9862357549

 

PAGE - 4

KEIMAHNI :

Hlimkhawpui Budget
    Hlimkhawpui  Nov. & Dec 2020  thla Budget  pe tla tawh te:
1.    Kapdaia Sec.    2. Lalsavunga Sec.
3.     Damvea Sec.    4. Buala Sec.
5.     Saichhuma Sec.

Section YMA inthlan
    Jan. ni 8, 2021 (Zirtawpni) zan khan Section YMA 2021 hruaitu inthlan a ni, Buala Section-te Pu Hrangchhuana te Veranda-ah, Damvea Section-te Pu Duhthusama te Veranda-ah, Kapdaia Section-te Pu Lalthlamuana te Veranda-ah, Lalsavunga Section-te Pu Saibanga te Veranda-ah, Saichhuma Section-te Pi Lallianmawii te Dawr Veranda-ah, Vawmphunga Section-te Pu Pakunga te Veranda-ah te inthlan a ni.
Hetiang hi Vote tlak dan a ni :-
    Buala Section    :    54
    Damvea Section    :    64
    Kapdaia Section    :    66
    Lalsavunga Section    :    36
    Saichhuma Section    :    30
    Vawmphunga Section    :    24
    Vote thlak zawng zawng    :    274

YMA CHANCHINBU
    Central YMA in YMA Chanchinbu a tihchhuah chu kumin a kan Branch Agent atan Tv. C.Lalrinpuia, Saichhuma Sec. ruat a ni a. YMA Chanchinbu la thar tur ten ahnenah hian in hriattir tur a ni a, kum khat lakman ` 120 pek lawk tur a ni a, YMA Member atam thei ang berin lak tum ila a lawmawm hle ang.

HLIMKHAWPUI A THUCHHUAH chung chang
1.    Political Party mahni infakna/sawimawina leh inchirhthehna lam thu reng reng chhuah phal a ni lo.

2.    Hlimkhawpui chanchinbu a thuchhuah tur nei reng reng ten hmingpum leh signature an thai lang ngei ngei tur a ni a, signature leh hmingpum tel lo a thuchhuah tur thehluhte  pawm an ni lovang.
    Tin, thuchhuah tur thehluhte hi EB in rem a tih angin a thlifim in a siamrem/siamtha thei ang.

3.    Chanchinbu a advertisement tum 1 chhuah hi ` 50/-, tin pawl leh mimal hriattirna tum 1 chhuah man hi ` 50/- , a hlai zawng/tam zawng a zirin a man hi tihdanglam theih a ni ang.

Section YMA Budget
    Kum 2021 chhunga Section tin te budget hetiang hian tuk sak an ni :
    Buala Sec.    ` 5,000    
    Damvea Sec.    ` 5,000
    Kapdaia Sec.    ` 5,000    
    Lalsavunga Sec.    ` 3,000
    Saichhuma Sec.    ` 4,500    
    Vawmphunga Sec.    ` 4,000
              TOTAL     ` 26,500

 

Lawrkhawm chhunzawmna......
CENTRAL YMA CHETVELNA
21.12.2020 : DC Conference Hall-ah District Level Standing Committee in Connection with Final Publication of AMC Electoral Rolls, 2020 chungchang meeting neih a ni a, “Prof. Malsawmliana Asst. Secretary a tel.

21.12.2020 : Dawrpui Multipurpose Centre-ah Consumer Awareness Programme cum Workshop on LPG Home Delivery neih a ni a, Pu Fabian Lalfakawma, Fin. Secretary a tel

21.12.2020 : Mr. Justice Sharad Arvind Bobde, Chief Justice of India chu Mizoramah a lo kal a, Assembly Annexe Building-ah Green Mizoram thupui hmangin programe hman a ni a, Pu Vanlalruata, President-in thu a sawi.

22.12.2020 : Secretary, H&FW Deptt. Pisa-ah Indian Red Cross Society, Mizoram State Branch meeting neih a ni a, Pu Lalbiakkunga CEC a tel.

27.12.2020 : Khamrang leh a chhehvelah Gas tihchingpen a awm leh awm loh enfiahin Vigilance Sub-Commttee te an hnatlang a, Gas bur ruak 10 leh a tak awm 10 an man.

28.12.2020 : Home Minister hova SAD Conference Hall-a dar 11:00 am-a Krismas hmanzawh tawh boruak thlirletna leh kumthar 2021 hmachhawp sawiho a ni a, OB te an tel.

29.12.2020 : Manish Tiwari, Joint Secretary, Ministry of Home Affairs (Nodal Officer for Mizoram) - Assam Border (Issues) in Mizoram a rawn tlawh a, Chief Secretary Conference Room-ah Mizoam - Assam ramri chungchang NGO-te nen sawihona meeting neih a ni a, “Pu Vanlalruata President, Tv. Lalhmachhuana Vice President, Prof. Lalnuntluanga General Secretary-te an tel.

6.1.2021 : Central YMA Office, Press leh Sub-Hqrs. YMA Office-te chu hawn tan  ni a, Chawhnu dar 12:20 hian a hawnna Central YMA Office-ah hun hman a ni.

 

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
      VL-a,
(10-6)    Ph.No : 9402344486, 9615266170

 

Hringnun....
Hlimna hi phengphehlep ang mai a ni a. I um nasat poh leh a hlat ang che anga, um um lova thil dang i tihsan hun chuan i hnenah lokir lehin i darah a rawn fu leh mai ang.
-Bits & Pieces

 

Lirthei chak tak taka i khalh \hin hian miin engtin nge an sawi zui che i hria em??
“A VA MAWL VE” an ti che.