Sahmulphah thla (November) Ni 27, 2021, Issue No. 48

PAGE - 1

TUALCHHUNG :

Damlo :  Pu Zakiamlova, Buala Sec. a mi chu Nov. ni 22, 2021 khan a khawhmuh fiahlo avangin Aizawl Hospital-ah admit niin a mit hi zai a ni a, in lama enkawl chhunzawm turin a lo chhuak leh ta.

## Pu Lalzopuia H/o Lalbiaknii, Kapdaia Sec. a mi chu sciatica avangin Doctor te rawnin in lamah enkawl mek a ni.

## Pu Lalhmingmawia S/o Pu Lalthanpuia, Damvea Sec. a mi chu Nov. ni 18, 2021 khan Pneumonia, rannung seh leh thin lam fello avangin Aizawl Hospital-ah admit a ni a. Ziaawm lam pan zelin Hospital lamah hian enkawl chhunzawm mek niin thu kan dawng.

Nâu nei thar :  Pu Lalbiakdika Ralte leh Pi Zorinkimi te nupa Saichhuma Sec. a mite chuan Nov. ni 22, 2021 khan an fa pahnihna atan Alpha Hospital, Kulikawn-ah fanu duhawm tak an nei thar.

## Pu Lalrinthara leh Pi Lalnunpuii te nupa, Buala Sec. a mite chuan an fa hnihna atan Nov. ni 23, 2021 khan Civil Hospital-ah fanu duhawm tak an nei thar.

Bookshelf hlan :  Local Council Member Pu F.Zosangzuala chuan Nov. ni 25, 2021 khan Hlimen Clinic-ah an mamawh em em Bookshelf a donate a, Hlimen Clinic Staff te Pu Zosanga chungah an lawm hle.

Covid-19 vei 8 awm mek :  Kan veng chhungah Covid-19 positive mi 8 kan nei mek a, mipa 3 leh hmeichhia 5 an ni. An vai hian Home Isolate mek an ni. Thil pawi dang a awm loh chuan Positive kan neih laite hi karleh lo awm tur chho-ah hian an chhuak thei vek dawn a ni.
    Mitin fimkhur zel ila, he hri hi mahni maia do hneh chi a ni lova, kan inthlahdah chuan thil pawimawh pawh kan ti thei lo leh mai ang. Mitin kan pawimawh a ni tih i hre reng ang u. 

 

***********************************

 

Mask i vuah loh khan nang leh midangte tan thil pawi a thleng thei tih i hria tiraw.. Chuti a nih si chuan mask i vuah dun ang hmiang.

 

HEADLINE :

BRANCH Y.M.A. EXECUTIVE COMMITTEE NEIH A NI

    
1. Central YMA hruaitu thlan chungchang: Kan Branch aiawh a kan nominate Pu R. Lalngheta chu a theih chin chinah mimal ang pawhin hmalak pui zel nise kan ti a. Branch aiawh pawhin committee member-te a theih anga tam inthlan ni ah kal ve nise tih a ni.

2. Chhiatni inkaihhruaina ennawn: Chhiatni inkaihhruaina hi ennawn niin hetiang hian ruahmanna siam a ni
(i) Mitthi vui leh tlaivar :
Dar 5:00 a.m. - 10:00 a.m. inkara thi chu dar 1:00 p.m. a vui
Dar 10:00 a.m. - 2:00 p.m. inkara thi chu dar 4:00 p.m. a vui tur
Dar 2:00 p.m. - 5:00 a.m. inkara thi chu dar 11:00 a.m. a vui tur (hei hi tlaivar pui tur a ni)
(ii) Thlan laih leh vur chungchang: Thlan hi laih chawp \hin tawh tur a ni a, laih lawk sa hi neih bawk nise tih a ni. Thlan vur hi chhiattawk section mawhphurhna a ni ang. Mask leh glove hi Branch in a ngaihtuah ang.
(iii) Buhfai leh Pawisa khawn chungchang:  Buhfai leh Pawisa hi chhungtin a khawn \hin tawh nise, chhiatni fund a\angin cheng 2,000 belh nise tih a ni.

3. Halpuah leh Halmawi chungchang a hmalak dan tur: Halpuah leh Halmawi chungchang hi Central YMA leh Sawrkar \angkawp a\anga lehkha kan hmuh angin a \ul  anga hmalak nise tih a ni a. Tin,  Whatsapp group  hrang hrangte, Hlimkhawpui chanchinbuah te chhuah nise, hei bakah hian dawrkaite hnenah information chungchang hi ziak a pek nise tih a ni.

4. Hunpui lai a Duty chungchang: Krismas leh Kumthar vuakvet inkar hian tualchhungah Duty leh tur a ruahman a ni a, VDP te pawh hemi hunah hian hma la ve tur a ngen nise, December ni 18, 2021 a\ang hian Venglai kawnah duty \an nise tih a ni.

5. Lehkha hmuh : Mission veng Branch Secretary hnen a\anga Pi Lalrinpuii Testimonial kan dawn chu pawm sak a ni.

6. Duty aî tur thing lak chungchang: Krismas leh Kumthar vuakvet a duty-te aî tur thing lak hnatlang neih nise tih a ni a, OB te ruahmanna lo siam tur a tih an ni.

7. Mi harsa \anpui chungchang: Kumin 2021 Krismas pual hian mi harsa zawkte \anpui nise tih a ni a. Section tin ten an huamchhungah \heuh \anpui ngaite lo ngaihtuah se, thla thar committee-ah ngaihtuah turin thlen nise tih a ni.

 

PAGE - 2

EDITORIAL :

      Nun linglet

    Hmanlai chuan tlawmngaihna an in zirtir nasa a. Hnathawh nikhua leh chhiatni ah te tlawmngai thei nih inchuhin, \halai te an thawkchhuak \ha thei hle \hin a, \hahnemngai zualte chu thlang chhuakin mipui hriat turin chawimawina an hlan \hin.
    Tunlai chuan hnatlan nikhua leh chhiatni ah te tlawmngai thei nih inchuh thawm ai chuan  hnatlang \hin te, mi chhiat tawh a tlaivara thlan lai te, buhfai leh pawisa te khawnsak \hin a, khawhar ina hun tam zawk hmang \hin te chu chawimawina hlan ai chuan nuihzat ru tlat tu nih tum an tam tlat.
    Hmanlai chuan aia upate an zah thiam avangin an tirh pawh an hnial ngai lo. Chumai nilovin chaw eikhawm nikhua te pawhin an bar khalh ngai lova, an mithmuh phakah an chemawi lo ngam ngai lo. Chu chuan upa te zahawmna a lantir a , Mizo hnam nun a chawimawi a, nun ho a ti nuam a ni.
    Tunlai chuan aia upa chu sawiloh hringtu nu leh pa pawh zahna chang hre lo, hmuhsit ching zawk tlat te; tin, aia upa ten an tirh dawn a hlawh phut tlat chingte, chhuah khawm leh eikhawmna hmunah pawh bar hmasa ei hmasa lo nih hlauva phi ruai ruai \hin te leh upa te thu ngai chuanglova rorel phet tum \halai zingah an pung hle. Hengte avang hian upa nih a hrehawm a, nu leh pa nih a hahthlak a, khawtlang nun leh chhungkaw nun in a tuar phah nasa hle a ni. Mizo hnam chu kan tunlaina leh changkang in tihna tamtak te avangin hnam hmuhsitawm  leh mualphona ah kan lut \ep ta ni tein ka lo hre ve \hin. Hman leh tuna nun chu a ling let zo ta em ni le !! 

 

ZIAKTUTE HUANG :

TUNGE HMANGAIHTU CHU?

- Robuanga

    Hmangaihtu nge kan nih hmangaihtu inti ve mai? Kan Pathian thu in hmangaihtu nihna leh a awmzia min hrilh dan hi lo thlithlai phawt mai ila, Chanchin\ha Johana 3:16-17 a Pathian hmangaihtu anih thu min hrilh a. A hmangaihten, a hmangaih tak zet a ni tih an hriat theihnan, a fapa mal neih chhun min pek thu leh hmangaih te tana a thiltih leh thawh sak te chu a changtu leh hre tu chu nang leh kei hi kan ni tih kan hre thei awm e.
    Tin, I Korinth13 ah Tirhkoh Paula’n hmangaihtu dinhmun min hrilh a, thu sawi theih leh thiam ringawt a nih loh zia min hrilh bawk.  Ram roreltu tur te, khawtlang ro min rel saktu tur te; mipuiin kan thlang chhuak \hin a. Chutiang a  kan thlan chhuah ni turin Political Party Campaigner leh Candidate te chuan an party leh candidate ten ram leh hnam, khawtlang an hmangaih a, hmasawnna tur kawng\ha leh changkanna tinreng a hma min sawn tir an tum thu min fah hneh hle a. Chutianga hmangaihna thu min fah tu te chuan kan ram rorelna te an changin, kan khawtlangte ro min rel sak a. Kan sawi dinhmun leh khawtlang dinhmun chu vawiin hian a hmutu leh hretu chu kan ni hlawm a ni.
    TUNGE HMANGAIHTU CHU? A chhanna chu i kutah leh ka kutah a innghat a ni.
    Awle, tun \umah chuan kan khawtlang bik hi lo bihchiang ila, \hanharh tak tak a hun hle; faina chungchangah te, zirna lam chungchangah te leh veng nuam leh hrisel leh changkang anih theih nan \anrual a va hun in; veng changkang leh hmasawn ni turin a chhungah thil pawimawh leh hlu awmtir tam ila, chu chuan veng hlutna, pawimawhna a tarlang dawn a ni. Veng a ni emaw, mimal ani emaw pawimawhna nei tam apiang ten fak leh chawimawi an hlawh. Kan hruaitu,  roreltu kal ta te leh vawiin a kan ram leh khawtlang a roreltu thleng hian tunge ram leh hnam, khawtlang TUNGE HMANGAIHTU CHU LE? A CHHANNA CHU I KUTAH.

 

**************************************************

Mizoram Covid Vaccine

    November ni 25, 2021 thlenga Mizorama COVID-19 Vaccine pek chhuah dan :
Ø    November ni 25, 2021 a pek chhuah : 2242 (1st dose - 661, 2nd dose - 1581)
Ø    1st dose la tawh : 7,13,444
Ø    Full dose la tawh : 5,54,001
Ø    Dose pek chhuah tawh zawng zawng: 12,67,445

Khawchin thlir lawkna....

    The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun    : Kartir - 5:42 A.m.    Kartawp - 5:46 A.m
Ni tlak hun     : Kartir - 4:31 P.m.     Kartawp - 4:31 P.m
Date                                      Max.    Min.
28.11.2021    (Chawlhni)        230C    90C
29.11.2021    (Thawh\anni)    240C    80C
30.11.2021    (Thawhlehni)    240C    90C
01.12.2021    (Nilaini)           240C    100C
02.12.2021    (Ningani)         250C    100C
03.12.2021    (Zirtawpni)      240C    110C
04.12.2021    (Inrinni)          210C    120C

 

PAGE - 3

HRIATTIRNA :

MIPUITE HRIATTIRNA

    Hripui Covid-19 in min la chiahpiah reng avangin leh Central Sorkar duh dan angin kan veng chhungah hri danna beihpui Health Deptt. in an rawn nei leh dawn a, hri danna injection la lalo zawng zawng ten la vek turin an inngen a ni. Tin, hri danna vaccine la leh la lo an rawn en dawn a, kan inah House Marking an ziahna tur lo siamsak \heuh turin vengchhung mite hriattir kan ni e.

National Lok Adalat chung chang

    December ni 11, 2021 hian National Lok Adalat chu India ram puma neih tura ruahman a ni a. He hun hi Mizoramah pawh hlawhtling taka neih a nih theih nan hma lak mek a ni a. Thubuai hrang hrang awlsam zawka sum leh pai senso ngai lova a rang thei ang bera chinfelna tura ruahman a nih angin, he hunah hian  thubuai hrang hrang kan neih leh la neih turte chu he National Lok Adalat-a chinfel a nih theih nan December ni 7, 2021 ah emaw a ai hmaah pawh a hnuaia hming sign-tu hnenah hian thehluh theih a ni e.
    Application form hi Local Council Office-ah Office hawn hunchhungin lak theih a ni.

    Sd/- R.Vanlalvena
    Member Secretary
    Mizoram State Legal Services Authority

ELECTORAL ROLL CHUNG CHANG

    Election Commission thuchhuak bawhzuiin Ni 1-30 November, 2021 hun chhung hian Electoral Roll Summary Revision neih tur a ni. Hemi hun chhung hian insawn duh, siamt\hat ngai leh Roll a in thun luh duh te tan BLO Hlimen te hnenah buaipui tur a ni e.

    B.L.O : 1.    Vanlalzawna – 9862899699
    2. Lallawmzuala – 8794243438
    3.    J.Vanlalhruaia – 9612887746

 

Advertisement...

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-47)    9436199884, 9862476439

Septic Tank khat tan

    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-2)    Ph.No : 9402344486, 9615266170

 

LAWRKHAWM :

HLIMEN COVID-19 DINHMUN

    Tunkar chhunga kan veng Covid-19 dinhmun hetiang hi a ni.
Dt. 21.11.2021 (Pathianni) : Hemi ni hian Positive pakhat kan neih belh a,  Vawmphunga Sec. a mi niin Home Isolate a ni.

Dt. 21.11.2021 (Pathianni) : Positive zing a\angin dama chhuak 9 kan nei a, Home Isolate lai vek an ni a, Kapdaia Sec. a mi 7 leh Saichhuma Sec. a mi 2 an ni. Tin, hemi ni vek hian Positive mi 3 kan nei belh leh a, Vawmphunga Sec. a mite niin Home Isolate an ni.

    SECTION            TOTAL CASE    ACTIVE CASE
    Buala                       47                 Nil
    Damvea                   88                 Nil
    Kapdaia                   48                  3
    Lalsavunga              Nil                  Nil
    Saichhuma              40                 Nil
    Vawmphunga           16                  5
                    TOTAL    239                  8
Dam tawh mi 230,                   Dam tawh zat percent : 96.65

Lawmthu sawina

    Isua Krista Kohhran Hlimen in Oct. ni 30, 2021 a Pi Vanlalpari W/o Baburama (L) te chenna tur in kan sak sak chu mi \hahnem ngai leh mi inphalte zarah Nov. ni 11, 2021 hian sak zawh a lo ni ta a. He in sak pum a nih theih nan sum leh pai, tha leh zung thawhtute, insakna bungrua - thingzai, balu, cement, rod, rora etc... thawhtute, min rawn hnatlanpuitute, hnatlang ho chhun ei leh in tur min rawn tumsak tute, pawl anga min rawn hnatlanpuitu Pavalai Pawl Hlimen chungahte leh in zavai a chungah Isua Krista Kohhran, Hlimen chuan lawmthu a sawi tak meuh meuh a ni.
    Tin, inchung zar tur rangva min petu bialtu MLA Prof. F.Lalnunmawia hnenah lawmthu kan sawi bawk e. Thilpek petu zawng zawngte in zavaiin Lalpa’n a let tak takin malsawm che u rawh se.

    Sd/- T.Upa Malsawmdawngliana
    Secretary
    Isua Krista Kohhran, Hlimen

VDP in chak takin hma la dawn

    VDP, Hlimen te chuan kumin hunpui kan hmachhawn tur denchhenin kan khawtlang a lo him zawk chak taka hmalak a tum. Ruihhlo zuar leh midangte atana ninawm leh harsatna siam zawnga ruite chungah na takin action an la zel dawn a ni.
    Hunpui Krismas vuakvet leh kumhlui thlahna-ah halpuah, halmawi, sky lantern etc.. zawrh leh hal khap dan dinglai chu khauh taka kenkawh a ni dawn a, veng dang a\anga lakluh pawh remtih a ni lo. Hei hi mitinin zawm turin  hriattir leh ngen kan ni e.
    Tin, VDP hian hian sum hmuhna a nei hran lova, khawtlang thenthianghlimna kawnga hma han lak chuan sum senna turte a lo tam ve \hin a, tlawmngaia sum thawh thei kan awm chuan VDP hruaitute hnenah englai pawhin thawh theih reng a ni.
    Sd/- Secretary
    VDP, Hlimen

 

PAGE - 4

KEIMAHNI :

 

Hlimkhawpui Budget

    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.    6. Lalsavunga Sec.

CHHIATTAWH/MITTHI AWM A BRANCH YMA THUCHHUAK

    Vengchhungah Chhiattawk/Mitthi an awm in hetiang hian Branch YMA chuan a kalpui nghal dawn tih khawtlang mipuite kan inhriattir a, hei hi tunlai hrileng (COVID-19) avanga ruahmanna thar ber a ni .
1. Mitthi vui hun leh tlaivar
Dar 5:00Am - 10:00 Am inkar a thi chu 1:00 Pm a vui tur.
Dar 10:00 Am - 2:00 Pm inkar a thi chu 4:00 Pm a vui tur.
Dar 2:00 Pm - 5:00 Am inkar a thi chu Dar 11:00 Am a vui tur.  (Hei hi tlaivar pui tur a ni)

2. Thlan laih leh vur chung chang : Thlan hi laih \hin tawh tur a ni a, laih lawk sa neih bawk ni se, Ruang hi thlan laih hmasak a piangah phum tur a ni. Thlan vur hi chhiattawk Section mawhphurhna a ni anga, Mask leh Glove hi Branch in a ngaihtuah ang.

3. Zan lam YMA hun hman chung chang : Zan lama YMA hun hman \hin hi, tih hrih loh tur.

4. Buhfai leh pawisa chhungtin a khawn : Buhfai leh pawisa, Chhungtin a khawn tawh tur a ni a. Hemi khawn bakah hian Chhiatni Fund sum a\angin ` 2,000/ a rãl tel tur a ni.

5. Tlaivar tur : Mitthi an awmin Branch Committee Member leh Chhiattawk Section Committee Member te tlaivar tur a ni.

6. Thingpui sem : Thingpui sem \hin hi tih hrih loh a ni anga, tlaivar a nih erawh chuan Thingpui leh Sawhchiar buatsaih a ni ang.

7. Thlalak dan tur : Thlalak hi 10 aia tam lak loh tur. (A bak kan duh a nih chuan vui hmain a theih dan anga lo tih tum tur)

8. Kuang zâwn/nawr : In a\anga Thlanmual lamah kuang kan zâwn/nawr \hin hi a theih chin chinah Motor hmanga phurh hram tum a ni.

9. Lumen/Tlaivarna hmun tur : Lumen tur a nih chuan mahni In lamah lumen/tlaivar pui tur a ni.

10. Vuina hmun Hall-a lakluh hun : Mitthi hi Lumen ngai emaw Lumen ngai lo pawh ni se, a vuina hmun turah hian vui hma darkar khat ah lakluh tur a ni a, chhungkaw lam a?anga harsatna a awm chuan hei aia hma ah pawh lakluh theih a ni ang.

11. Thlan laihna hmun tur : Mitthi chhungkua ten Thlan laihna tur hmun an duh lai an thlan hi remchang lova ngaih a ni a, \ul bik thil ah erawh chuan YMA hruaitu ten an enpui ang.
    Hei hi Chhiatni kaihhruaina siamthar ber a ni a, thu leh awm hma chu tihdanglam a ni lovang.

 

Lawrkhawm chhunzawmna.....

Cleanliness Competition 2021

    UD & PA leh AMC tangkawp chuan Swachh Bharat Mission hnuaiah Aizawl khawpui a lo thianghlim zel theih nan hma la zelin, 5th Mizoram Cleanliness Competition 2021 pawh buatsaih a ni leh ta a, he faina inelnaah hian AMC ward wise ( AMC hnuaiah hian ward 19 a awm)leh Local Council hmala tha te tan ( Local Council 83 te tan) lawmman tha tawk tak a siam a, he inelna hi Oct. Ni 2, 2021 khan launch niin inbuatsaihna hun atan October  leh November 2021, endikna kalpui hun atan November - December, 2021 niin result hi January ni 26, 2022 ah puan a ni ang. Hripui leng avangin a hun taka hmalak theih loh mah sela hmalakna erawh kalpui mek zel a niin inelna pawh \anchhoh a ni  ta a, A lawmawm hle.
    Swachh Bharat Mission hnuaiah Pu J. Vanlalbiakdika, Member Local Council chu Local Level Nodal Officer atan ruat  niin 1.10.2021 - 31.3. 2022 chhunga Cleanliness Competition Local Ambassador atan ruat  a ni nghal  bawk a ni.
    Hlimen khawtlangin faina leh thianghlimna kawnga hmalam a pan a, veng fai leh mawi, veng thianghlim tak a nih theih nan Nov. ni 22, 2021 zan khan Local Council kaihhruaina hnuaiah Hlimen Sanitation & Beautification Committee din a ni ta a, hetiangin:-
    Chairman    :    Pu Lalhmingliana, LC
    Vice Cahairman    :    Pu Lalhmuchhuaka, YMA
    Secretary    :    Nl. Laltlanmawii LC
    Asst Secy    :    Pu Lalrinmawia, YMA
    Treasurer    :    Pu F. Zosangzuala, LC
    Fin Secy    :    Pi Lalrempuii, MHIP
    Ex officio    :    Pu J. Vanlalbiakdika, LLNO & CCLA
    Member te : Local Council : ALL YMA -  Branch YMA OB & Section Leader leh Secretary, MHIP - All OB, MUP -  Pu J. Hnuna leh Pu Saikapkunga
    Heng  bakah hian a tul angin committee member ruat belh leh a ni ang.
    Hmalakna hmasa atan Nov. ni 27, 2021 ( inrinni) nileng hian Committee hnatlang neih a ni anga, veng chhung zirchianna neih tur niin awareness campaign pawh a tul angin  neih nghal a ni ang.  Hemi hnu hian Faina hnatlang runpui a ko leh dawn a ni. 
    5th Mizoram Cleanliness Competition atana Lawmman buatsaih  chu hetiang hi a ni ang:
    Ward fai ber ber te
    1st    -    ` 2,22,222 + momento + certificate
    2nd    -    ` 1,11,111 + momento + certificate
    3rd    -    ` 77, 777 + momento + certificate
    Best performing Local council
    1st    -    ` 55, 555 + momento + certificate
    2nd    -    ` 33, 333 + momento + certificate
    3rd    -    ` 11, 111 + momento + certificate

 

Advertisement...

KOHHRAN CHOWKIDAR HNARUAK

    Hlimen Presbyterian Kohhran chowkidar hna dil duh tan a dil theih a, dil duh chuan  December ni 19, 2021 thleng Kohhran Secy. hnenah a dil theih ang.
    Interview    : Dt. 28.12.2021  ;  7:00 am
    A hmun    : Kohhran Committee  Room-II
        Diltu chu Hlimen Kohhran a lawi, dan zawhkim ani tur ani. Hlawh ` 10,000/- ani ang.
    January, 2021 a\anga hna \an tur ani ang.
(5-2)    Sd/- Secretary

 

Sahmulphah thla (November) Ni 20, 2021, Issue No. 47

PAGE - 1

TUALCHHUNG :

Damlo :  Tv. Malsawmzuala S/o C.Lalengzauva, Damvea Sec. a mi chu Nov. ni 17, 2021 khan a mît a lungte awm avangin Durtlang Hospital-ah zai a ni a. Nov. ni 19, 2021 khan dam takin a lo chhuak leh ta.

Nâu nei thar :  Pu K.Lalhlimpuia leh Pi Lalremruati te nupa, Saichhuma Sec. a mite chuan Nov. ni 9, 2021 khan Alpha Hospital-ah fapa duhawm tak an nei thar.

##    Pu Joseph Lalthlamuana leh Pi Zoremtluangi te nupa, Saichhuma Sec. a mi te chuan Nov. 16, 2021 khan Durtlang Hospital ah fapa duhawm tak an nei thar.

## Pu Lalhmangaiha leh Pi Lallawmpuii te nupa Kapdaia Sec. a mi te chuan November ni 18, 2021 khan Kulikawn Hospital-ah fanu duhawm tak an nei thar.

## Pu Lalramhluna leh Pi Lalnunhlimi te nupa Kapdaia Sec. a mi te chuan November ni 19, 2021 khan Civil Hospital Aizawl ah an fa pathumna atan fanu duhawm tak an nei thar.

Mikhual nei thei dinhmunah ding :  Central YMA rorel leh hruaitu thlan chu Dec. ni 16, 2021 (Ningani) ah neih tura ruahman a ni ta a. Rorel leh hruaitu thlan hi Aizawl-ah nghah a ni a, a hmun tur erawh tihchian a la ni lo. He hun Aizawl a nghah a nih avang hian keini Branch/veng pawh rorel palai mikhual nei thei dinhmunah kan dinga mikhual nei thei tur hian lo inring lawk ila a \ha ang e.

YMA-ah pe :  Pu Lalramchuana, Buala Section chuan Branch YMA-ah Library a dah turin lehkhabu \ha tak mai 2 a rawn pe a. A lehkhabu rawn pek hi Lahruaitluanga Chawngte ziah ‘Lamlian lehlam’ leh ‘Hnam ropuite u,  tho r’u le’ tih a ni. Branch YMA chuan lawmthu a sawi tak meuh meuh a ni.
    YMA Library hi changtlung zawka kalpui tum mek a ni a, lehkhabu donate duh kan awm a nih chuan a pek theih reng a, Librarian Pu Lalbiaksanga (Venglai) hnenah emaw, Branch O.B. te hnenah pek mai tur a ni.
 

 

HEADLINE :

Central YMA rorelna sang,
Central Co-Ordination Committee vawi 92-na neih a ni

    
    73rd YMA General Conference chu CCC thurel angin Sahmulphah thla ni 13, 2021 (Inrinni) a CEC \hukhawm chuan Pawltlak thla ni 16, 2021 a hman turin ko ta rup mai.
    Chawhma rorel leh chawhnu hruaitu thlanna hun hmang turin ruahmanna siam a ni.
    Rorel Palai leh hruaitu thlanna a tel tur hetiang hian a ruahman nghal bawk a ni -
    CYMA OB - 6    
    CEC - 57
    CYMA OB hlui - 10    
    Sub - headquarters OB - 48 (8X6)
    SEC member - 40 (8X5)    
    Group OB - 150 (50X3)
    Branch aiawh - 2448 (816X3)
    GRAND TOTAL - 2759
(SEC, Group OB leh Branch aiawhte 50% a tih tlem a ni)
    OB te \hutkhawm nghal niin a hmun tur ngaihtuahzui a ni. Tin, Conference hman phalna State Executive Committee, Mizoram State Disaster Management Authority ah Sahmulphahthla ni 15, 2021 (Thawh\anni) hian dil nghal a ni ang.
    Hmabak tihtur tam tak awmin, Conference hlawhtling taka kan hman theihnan Pathian hnenah \awng\aiin i dil zel ang u.
YMA VUL ZEL RAWH SE.
    
    Prof. Lalnuntluanga
    General Secretary
    Central YMA
    13.11.2021

 

**********************

Mizoram Covid Vaccine

    November ni 19, 2021 thlenga Mizorama COVID-19 Vaccine pek chhuah dan :
Ø    November ni 19, 2021 a pek chhuah : 1266 (1st dose - 456, 2nd dose - 810)
Ø    1st dose la tawh : 7,10,391
Ø    Full dose la tawh : 5,46,892
Ø    Dose pek chhuah tawh zawng zawng: 12,57,283
    
    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 44.13 (44.13  %) velin Vaccine an la kim tawh a ni.

 

PAGE - 2

EDITORIAL :

        Malsawmna

    I dinhmun a khirh viau a ni thei, mite tana malsawmna nih hi i tan a theihloh niin i hria a ni thei e. Mahse, kawngkhat talin tute tan emaw chuan malsawmna kan ni thei a ni tih hi kan vawn tlat a pawimawh.
    Mite tana malsawmna ni tur chuan inphahhniam \ul tlat changte a lo awm a, mahni neih ang ang pawh chân a \ul chang a lo awm bawk a, midangte kal ngam lohna ah kal te a lo tul bawk a, zahthlak tawpkhawk tawn tlang a ngaih changte a lo awm bawk. Malsawmna ka va nihna turte tana hmuh phak lek lova tlanbosan daih duh chang a awm thei.
    Mahni inphatna tello chuan Malsawmna kan ni thei lovang. Kan rin Lal Isua ngei pawh kha mahni inphatin khawvel chhandam nan leh lei mite malsawmna ni turin he leiah, thilsiamte angah lo changin mihringte tawrh atana na ber thihna thlenga tuar turin a nihna leh a ropuina a phat vek a ni si a. Midangte tan malsawmna kan nih dawn chuan chu dinhmun chu kan hriatchian a ngai.
    I tana malsawmna kha midangte tan malsawmna a ni ve thei em? Midangte tana malsawmna ni tur chuan engtia han thawh chhuah chi nge ni ta ang le? Mite kan tan malsawmna an nihna kawng hi ka ngaihtuah ngai em? Ka ngaihtuah \hin a nih chuan chu kawng chu zawhin midangte tan malsawmna ka nih ve theihna turin ka pen chhuak ve tawh reng reng em? Ka lungngaih laia mite min hnemna hi ching ve in midang lungngaite ka hnem ve tawh em? Ka harsat mangan laia kan ban leh kan pur \hinte hi hrechhuakin midang harsa leh mangangte tan pûr chawkna turin ka inphal ve em? Heng zawhnate hi kan rilru \heuhin ngaihtuah ila, midangte tan malsawmna ni thei turin kan rilru i siam ang u.

 

ZIAKTUTE HUANG :

  RAM LEH HNAM HUMHALH

- Thelma R. Zonunmawii

Chhunzawmna.....
    Chanchin |ha in Mizoram a rawn thlen a\ang khan harhnain Zoram dung leh vang hi a tuam chhuak nasa em em a, sualnaten thla han zar thin mah se, kan biak Pathian hian min kalsan ngai lo a ni tih Kelkang hlimna atang ringawt pawh hian a hriat theih a ni. Khawlaia zu rui au thawm ai chuan, ‘Haleluia Amen’ tih thawm chuan rilru leh taksa a tidam a, thla a timuang sawng sawng \hin a nih hi. Heng kan thlarau hlimna zawng zawngte hian kan ram eichhetu ber pakhat, ruihhlo do nena kan tehkhin fo, ‘Eirukna Do’ te hi rawn thlen se, a va lawmawm lehzual dawn em. Hlepruk hi Pathian duh loh zawng tak a ni si a.
    Eirukna leh hlemhletna lak atanga fihlim ram reng an awm lo, mahse eiruk hluar bikna ram chu an awm a ni. Mizoram hi he thil tha lo lak atang hian fihlim thar ta viau ila, do kher ngai lovin eiru duh lo ta \heuh ila, kan chhehvel ramte hian min zuam tawh lo ang a, min zah sawt tawh ngei ang le. Ram chu a neituin \ha taka a enkawl chuan, a bul vela ram neitute chuan duh duhin ramri an kham sawn ngam hauh lo ang, luh ruk phei chu a huphurhawm viau ang. Eirukna hian ram a tirethei a, ram rethei chuan \anpuitu a mamawh a, \anpui ngaia awm reng hi thil zahthlak tak a ni.
    Zirna \ha hi ram leh hnam humhalhtu tha siam chhuaktu a ni. Mizoramah hian zirna sikul tam tak a ding tawh a, a quality erawh a inang lo hlawm viau, a zavai mai hian tan lak sauh sauh kan la mamawh a ni. Union Ministry of Human Resources and Development in a chhut dan thar berah chuan, India ramah naupang school chawlhsan tamna ber (highest drop-out rate in India) chu Mizoram a ni tlat mai! Ziak leh chhiar thiam tamna ram, lehkhathiam tamna ram dinhmun chu hetiang hi a lo nih tak avangin, zirna in \ha mai bakah, naupangte rilru hre thiam zirtirtu tha kan mamawhzia a tilang. Naupangin school-ah hian A AW  B atangin an in chhunga carpet phah ngai zat chhut chhuah dan, chuta\anga veng chhunga a \angkai ve theih dan leh a ram economy dinhmun hriat chian hi zir chhuak mawlh teh se. Education tih hian school-a lehkha zirna ngawr ngawr a kawk lem lo a, mihringte hian talent chi hrang hrang kan nei a, chung kan talent neihte chu a \angkai zawng leh ramin a lo chhawr \angkai theihna tura tihpuitlin a kawk a ni. Khawvela pa hausa ber ber te hi lehkha thiam tak an ni kherlo tih pawh hre tel ila, khawvel pa hausa Bill Gates a pawh hi Harvard University-ah kalin, a zirchhuak zo lo, mahse, a awmna ram khuan a sum lakluh zawng zawng khu an va hlawkpui dawn em. Keini Mizote pawh hi Pathianin talent min pe ve vek a, kan theihna leh kan thiamna kan la tat hriam tawk lo pawh a ni mai thei, Mizote hi zai ngaina tak leh zai thiam tak kan ni a, he mi lamah te pawh hian kan zaithiamte pawh hian \an han la thar se, India ram hi an thiamna hian fanchhuak se tih hi Mizo mipuite beisei leh duhthusam pakhat chu a ni. Kan thiltih apiangah tei rei peih kan inzirtir a ngai a ni.
    Ram leh Hnam humhalh thei tur chuan hna kan thawh rim a ngai. Mizoramah hian hna engpawh kan thawh dan hian duhthu a la sam lo hle a, taima leh peih fal chu awm ve bawk mah se, tlemte chauh an la ni. Rim takin hna kan thawk a, rim takin lehkha kan zir a, hlawhtlinna kan hmu ta maw tih veleh hmasawn tum zelna rilru pu tawh lovin kan duhtawk mai \hin, hei hian midangte tana hamthatna lo awm ve tur a titangkhang ta thin a ni. Mizote hi kan hnampuite in-duhsakna kawngah tan kan lak lehzual a ngai a, kan thlen chin zela hma sawn thei tura kan tan sauh sauh a ngai bawk. A bul a\angin hrehawm tawrh peih kan inzirtir nawn a ngai ta. Thufing pakhat chuan, ‘Thil te tham kan tih duh loh leh thil lian tham kan tih theih loh inkarah hian engmah ti lova awm theihna hlauhawm tak chu a biru khiau a ni’, a lo ti a ni. Chuvangin, mi mal tinten kan theih ang tawk theuha hma kan lo sawn hian, kan ram leh hnam chu kan lo venghim ve reng a lo ni.

 

PAGE - 3

HRIATTIRNA :

HRIATTIRNA

    Pu Beruaia S/o Dotawna of Hlimen hian a LSC No. 237 of 2008 of Hlimen Veng a mi chu tibova rawn insawiin office-ah re-issue a rawn dil  a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
    Sd/- Director
    Land Revenue & Settlement
    Mizoram : Aizawl

LOCAL COUNCIL HRIATTIRNA

    AMC area chhungah ranvulh khuahkhirh a nih angin keini veng chhungah pawh kalpui tur a ni a.“Vawk leh Ar vulh mek te leh vulh thar tur te chuan a in an sak thar dawn emaw an thawm \ha dawn emaw a nih chuan Local Council ten hriatpuina leh remtihpuina an pek hnuah chauh sak leh siam \hat theih a ni ang.
    Local Council Office hi Thawh\anni, Nilaini, Zirtawpni leh lnrinni zing te hian mipui dawr theih tura hawn a ni \hin ang.
    lnsakna tur emaw thil dang atan emaw a lei lai tur te chuan AMC a\anga phalna an neih hnuah Local Council te hriatpuina leh remtihpuina an neih leh hnuah chauh hma an la thei ang.
    Sd/- Secretary,
    Local Council, Hlimen.

UI PAWN CHHUAK

    Ui vulhtu te’n kan ui vulhte kan chhuahtir nasa leh ta hle mai a, ui te hi bawlhhlawh bawm hai mai \hin leh mi kawtkaia zun ek thiar mai \hin an ni si a, heng hian kan veng hmel a tibalin, a chhunga chengte tan tenawm leh hrisel lo a ni a. Chuvangin mi kut palh an lo tuar emaw a nih pawhin kan sawi buai thei lovang. Ui vulhtu te’n kan ranvulhte khuahkhirh \ha leh zual ila a lawmawm hle ang.
    Sd/- Secretary

 

Advertisement.....

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-47)    9436199884, 9862476439

Septic Tank khat tan

    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-2)    Ph.No : 9402344486, 9615266170

 

LAWRKHAWM :

HLIMEN COVID-19 DINHMUN

    Tunkar chhunga kan veng Covid-19 dinhmun hetiang hi a ni.

Dt. 14.11.2021 (Pathianni) : Hemi ni hian positive 7 an awm a. Saichhuma Sec. 2 leh Kapdaia Sec. 5 an ni. An vai hian Home Isolate an ni.

Dt. 15.11.2021 (Thawh\anni) : Hemi hi hian Positive zing a\angin  dama chhuak 4 an awm a. 4C (LSV Park) a\angin 3 leh Home Isolate lai 1 te an ni.

Dt. 17.11.2021 (Nilaini) : Hemi ni hian Positive 1 kan nei a, Vawmphunga Sec. a mi niin, Home Isolate a ni. Tin, hemi ni hian Positive (Home Isolate) zing a\angin dama chhuak 6 an awm.

Dt. 18.11.2021 (Ningani) : Hemi ni hian Positive 2 kan nei a. Kapdaia Sec. ve ve niin, an ni hi Kulikawn Civil Hospital-ah an enkawl an ni.

Dt. 19.11.2021 (Zirtawpni) : Hemi ni hian positive 1 kan nei a, Kapdaia Sec. niin Home Isolate a ni. 

Dt. 20.11.2021 (Inrinni) : Hemi ni hian Positive (Home Isolate) zing a\angin dama chhuak 1 an awm.

    SECTION          TOTAL CASE    ACTIVE CASE
    Buala                     47                  Nil
    Damvea                 88                  Nil
    Kapdaia                 48                  10
    Lalsavunga             Nil                  Nil
    Saichhuma             40                   2
    Vawmphunga         12                    1
                   TOTAL    235                 13
Dam tawh mi 221,                   Dam tawh zat percent : 94.44

ELECTORAL ROLL CHUNG CHANG

    Election Commission thuchhuak bawhzuiin Ni 1-30 November, 2021 hun chhung hian Electoral Roll Summary Revision neih tur a ni. Hemi hun chhung hian insawn duh, siamt\hat ngai leh Roll a in thun luh duh te tan BLO Hlimen te hnenah buaipui tur a ni e.
    B.L.O : 1.    Vanlalzawna – 9862899699
    2. Lallawmzuala – 8794243438
    3.    J.Vanlalhruaia – 9612887746

Hruaitu atan chhawpchhuak

    Kan hriat angin CYMA inthlan lo awm turah kan Branch chuan Pu R.Lalngheta chu hruaitu atan a nominate a . Rampum huap hruaitu atana kan Branch in kan chhawpchhuah hi mimal tinin a puih theihna kawng kan hriat angte in pui tlang ila. Rampum huap pawl hruaitu neih hi veng mawina pawh a ni a, veng dang min hmuh dan pawh a danglam lo thei lova. Chuvangin, mawi tak siin kan theihna mualah \an la tlang ila a lawmawm hle ang.

PEM LEHKHA/TESTIMONIAL CERTIFICATE

    Hlimen Branch YMA a\anga Pem Lehkha  leh Testimonial Certificate la tur ten Chhungkaw member zawng zawngte pian kum chiang takin an hre tur a ni a, hei bakah hian kumtling chin zawng chu an  Voter/EPIC Id. (Testimonial la tur tan xerox copy pakhat \heuh thehluh tur) ken tel tur a ni. Heng tel lo chuan Pem Lehkha/Testimonial Certificate te hi pekchhuah theih an ni lovang.
    Sd/- Secretary,
    Hlimen Branch YMA

 

PAGE - 4

KEIMAHNI :

Hlimkhawpui Budget

    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.    6. Lalsavunga Sec.

Branch YMA Committee

    A hnuai a hun leh hmunah tarlanah hian Hlimen Branch YMA Committee pawimawh tak koh a ni a. Committee Member ten ngaihpawimawh tur a ni. Tin, thu thehluh tur neih chuan a hma lamah thehluh tur a ni e.
    A hun    : Nov. ni 23, 2021 (Thawhlehni) 6:30 Pm
    A hmun : YMA Hall

CYMA HMALAKNA

15.11.2021 : Synod Committee Room No.1-ah MPF Board Executive Committee meeting neih a ni a, Prof Malsawmliana, Asst. Secretary a tel.

15.11.2021 : Deputy Chief Minister pisa-ah Martarte Thlanmual siamtu Committee meeting neih a ni a, Tv. Lalhmachhuana, Vice President a tel.

15.11.2021 : Chief Secretary Conference Hall-ah State Executive Committee- Disaster Management Authority meeting neih a ni a, Covid-19 chungchanga hmalak zel dan tur an sawiho a, Pu Vanlalruata, President a tel.

16.11.2021 : Doctors Without Borders India atangin Purnima Khandelwal, Advocay Manager leh Birendra Konjengbam, Logisties Manager te Central YMA Office-ah an rawn leng a, Pu Vanlalruata, President, Prof. Malsawmliana, Asst. Secretary, Pu Roneihthanga, Finance Secretary, leh CEC \henkhatin an lo dawngsawng.

17.11.2021 : Conference Hall, Directorate of Forensic Science Laboratory-ah Boundary Committee meeting neih a ni a, Pu Vanlalruata,President a tel.

17.11.2021 : Mizoram Larsap Dr. Hari Babu Kambhampati sawm angin Central YMA hruaitute nen inkawmhona hun an nei a. Ram leh hnam tana YMA-n hna a thawh hrang hrang te leh Central YMA kumpuan, ‘Zirna Uar’ kalpui mekah Mizorama zirna siamthatna atan rawtna te an thlen. Myanmar raltlan chungchang leh India hmarchhak te Central Sawrkarin a ngaihsak deuh theih nana hma la turin Governor an ngen bawk.

18.11.2021 : Deputy Commissioner, Aizawl Conference Hall-ah Local Council Pali huamchhunga Electoral Roll Final Publication Meeting neih a ni a, Prof. Malsawmliana, Assistant Secretary a tel.

18.11.2021 : Joint Action Committee (JAC) on Inner Line Regulation hruaitute Central YMA Office-ah an rawn leng a, OB ten an lo dawngsawng.

Advertisement....

Didik Aluminium

    Aluminium tukverh, kawngkhar, partition wall chi hrang hrang tlawm tein kan siam thei e.

    Lalbiakdika Ralte    - 9862385773
(1-1)    Jospeh Lalthlamuana - 8731058320

 

Lawrkhawm chhunzawmna.....

Khawchin thlir lawkna....

    The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun    : Kartir - 5:37 A.m.    Kartawp - 5:41 A.m
Ni tlak hun     : Kartir - 4:32 P.m.     Kartawp - 4:31 P.m
Date                                      Max.    Min.
21.11.2021    (Chawlhni)        250C    130C
22.11.2021    (Thawh\anni)    250C    130C
23.11.2021    (Thawhlehni)    250C    120C
24.11.2021    (Nilaini)            240C    120C
25.11.2021    (Ningani)         240C    100C
26.11.2021    (Zirtawpni)      240C    80C
27.11.2021    (Inrinni)           240C    80C

HEI HI LO ZAWM TEH

Ø    Tih tur pawimawh i neih loh chuan mi inah lut dun dun  suh.
Ø    Pawimawh thil a awm a nih loh chuan inah awm mai mai la.
Ø    Zuk leh hmuam i duh a nih pawhin mi ta dil dun dun lovin intodelh tum la.
Ø    Thil pawimawhah i chhuak dawn a nih chuan Mask \ha takin vuah la, mi zingah phelh reng reng suh.
Ø    I ká, hnar leh mit i kutin a thlen/khawih hmain tifai hmasa phawt \hin rawh

COVID-19 POSITIVE 13 AWM MEK

    Kan veng chhungah Covid-19 positive mi 13 kan nei mek a, mipa 6 leh hmeichhia 7 an ni. Home Isolate mi 11 awmin veng pawn lamah mi 2 enkawl mek an ni.
    Mitin fimkhur zel ila, he hri hi mahni maia do hneh chi a ni lova, mitin kan pawimawh a ni tih i hre reng ang u.

 

Advertisement...

 

Common Service Center Hlimen

Hengte hi kan ti thei e.
1.    Tribal certificate    2. Income certificate
3.    Residential certificate     4. Employment certificate
5.    Pan card (` 250 soft & hard copy)
6.    Eshram (kut hnathawktu te hamthatna, aadhaar link phone number nei tawhlo pawh fingure print hmangin ti thei e)
7.    PMGdisha (A thlawn a certificate of  Appreciation of digital literacy zirna)
8.    PMSYM (Sawrkar hnathawk lo tana pension scheme)

    Cont:- CSC
(2-2)    Hlimen vengchhak (8794013536(whatapp)

KOHHRAN CHOWKIDAR HNARUAK

    Hlimen Presbyterian Kohhran chowkidar hna dil duh tan a dil theih a, dil duh chuan  December ni 19, 2021 thleng Kohhran Secy. hnenah a dil theih ang.
    Interview    : Dt. 28.12.2021  ;  7:00 am
    A hmun    : Kohhran Committee  Room-II
        Diltu chu Hlimen Kohhran a lawi, dan zawhkim ani tur ani. Hlawh ` 10,000/- ani ang.
    January, 2021 a\anga hna \an tur ani ang.
(5-1)    Sd/- Secretary

 

Sahmulphah thla (November) Ni 13, 2021, Issue No. 46

PAGE - 1

TUALCHHUNG :

Damlo :  Malsawmtluanga s/o Lalhminghlua, Kapdaia Sec. a mi chu Nov. ni 5, 2021 (Zirtawpni) khan a nghawnga bawk awm zai a ni a, tunah hian in lamah enkawl mek a ni.

## Pu Zakiamlova, Buala Sec. a mi chu Nov. ni 11, 2021 (Ningani) khan taksa lam chak lohna avangin Aizawl Hospital-ah admit a ni a, enkawl mek a ni.

Nâu nei thar :  Pu F. Laltlanhlua leh Hmingthantluangi, Buala Sec. a mite chuan an fahmingkoh ni turin Nov. ni 8, 2021 (Thawh\anni) khan Alpha Hospital-ah fapa duhawm tak an nei thar.

Tuak thar :  Lalramliana s/o Lalrintluanga (L), Kapdaia Sec. leh Lalnuntluangi d/o Lalhmingliana (L), Lungpuizawl, Lunglei a mite chuan dam chhunga nupa ni turin Nov. ni 11, 2021 (Ningani) khan IKK Kohhran Hall-ah “tiam tlat e” an ti.

Khiangawi :  Lalrinliani d/o Lalrinzuala, Buala Sec. a mi chu Nov. ni 10, 2021 (Nilaini) khan Lalramchuana s/o Lalrinchhana, Melthum a mi tâwnah khiangawiin a liam ta.

Kaisang :  Nl. Vanlalchhuangi d/o Ro\huama, Buala Sec.a mi chu Mizoram Rural Bank (MRB) Cashier a\angin Asst. Manager-ah a kaisang a, Nov. 10, 2021 (Nilaini) khan Haulawngah a hna thar zawmin a awm ta. Kan lawmpui tak zet zet e.

Vaccine la :  Nov. 12, 2021 (Zirtawpni) khan Centenary Hall-ah Covid Vaccine lak runpui neih leh a ni. Mi 119 hnenah Vaccine pek niin heng zinga 110 hi second dose niin 9 chu first dose an ni.
    Kan hriat \heuh angin hri kai a la tla hniam hlei thei lova chuvangin fimkhur zel ila, vaccine la lalo ten la zel ila,  dose khatna la tawhte pawhin a hun takah dose hnihna la vek turin kan inngen a. Hei bakah hian hmai tuamna vuah, midang nena inhlata awm leh kut leh hmuihmai silfaite lo ngai pawimawh zel turin kan in ngen bawk e. Kan fimkhur loh chuan engmah ti thei lovin kan awm hlauh ang e. 

 

HEADLINE :

Central YMA rorelna sang, Central Co-Ordination Committee 

vawi 92-na neih a ni

    Central YMA rorelna sang CCC chu Ni 10.11.2021 khan Chanmari YMA Hall-ah neih ani a, he hun hi Pu Vanlalruata, President CYMA in a kaihruai a,  COVID-19 hripui leng mek avang a CCC hi \um nga (5) lai neih theih loh anih bakah rorel inkhawm pawh nikum 2020 ah neih theih anih loh thu tarlang in, YMA General Conference neih hnuhnung bera rorelte bawhzui a nih dan bakah, hripui leng chungchang, Mizoram ramri buai chungchang leh raltlan chungchang a YMA hmalakna hrang hrangte a tarlang bawk a ni.
    CCC Meeting hian YMA General Conference 2021 chu hripui leng avangin Bilkhawthlir-ah neih theih anih dawn tak loh avangin kumin chhung ngeiin Central YMA thlen turin Aizawl khawpui chhungah General Conference vawi 73-na chu neih turin a rel a, hemi a tana \ul dangte chu CEC lo bawhzui turin dah a ni.
    General Conference neih hun a rorel tur Agenda thlitfimna neih a nih bakah CYMA Budget 2021-2022 ruahmanna chu Pu Fabian Lalfakawma, Treasurer hnen a\angin ngaihthlak a ni a, Conference-ah pharh nise tih a ni.
    CCC Meeting hi Chanmari Branch YMA ten lo buaipui in YMA Sub.Hrqs/Group leh Branch a\angin palai 252 an kal khawm. YMA General Conference 2021 Rorel Agenda atan heng te hi pawm a ni :

YMA Khawih
1. Ruihhlo chungchangah Sorkar /Kohhran /Pawl dangte sawmin inzirtirna nasa zawk kalpui ni rawh se.
2.  YMA Member tinah Endownment fund ` 5/- khawn ni se.
3. Central YMA Building sak mek chhunzawmna atan YMA Member ten Donation thawh/khawn ni rawh se.
4.  Zirtirtu mahni post a awm \ha duhlo te hi an post-a an awm theih nan Central YMA-in hma la rawh se.

Sorkar khawih
1. Mizoram ramri hi Sawrkar-in a rang lama chinfel dan ngaihtuah rawh se.
2. Zirna School-ah Mizo hnam lâm zirtir an nih theih nan sorkar-ah thlen ni rawh se.
3. Kan ram chhung thei phun uar tura Sawrkar nena \angdun in hmalak ni rawh se.

    Heng bakah hian YMA Dan Bu ennawn rawtna chu Conference a chhawpchhuah turin pawm a ni a, Kumpuan atana rawtna pahnih Ram leh hnam humhalh leh Zirna uar tih chu General Conference-a chawpchhuah turin pawm a ni bawk.

 

PAGE - 2

EDITORIAL :

        Pathian tih nun

    Kan ram hian a hnam engpawhin Pathian thu hi kan duhin kan tuipui hle a. Kohhran kan ngaisangin kan dan pawimawh reng mai. ‘Kohhran in a ti’  kan tih tawh chuan a mi mir hian kan ngaipawimawh a, hei tak hi kan nuntlan hona tinuamtu a ni. Kohhran hi awm ta lo se kan ram hi engtin tak awm ang maw. Kohhran avang hian  kan ram leh hnam pawh hi a lo him ti ila kan sawi sual lovang. Kohhran hmasa hunlai ah pawh an kalsual chuan ram leh khawtlang rorelna a \huanawp a, mipuiin an tuar nasa a nih kha.
    Hetih lai hian kohhran a awm, kohhran a lawi mimal tinte hi a pawimawh lai tak chu kan ni. Zoram kohhran leh a chhunga awmte hi kan zalen a, a duh duh a tui tuiin Pathian thu kan sawi nuai nuai a, lehlam zawnga ngaihtuah chuan a nawmna lai tak pawh a awm. Piangthar apiangin kan sawi kan sawi mai zawng a nih hi.
    An tia lawm, Sâp pa kan rama lo kal haw leh chuan, “Mizoram chu mi zawng zawngin a duh duhin Pathian Thu an sawi mai,” a tia, a \hiante chuan, “An buai lo em ni?” tiin an zawt lêt a. Chu Sâp pa chuan, “Buai love, mahse, an inpawmtawn chuang lo,” a ti e an tia. Hei hian kan ram Kristianna kawng thui tak a sawi awm e. Hei hi engvangnge ni ngai ang le?
    Hlim kan duh, lam kan duh, tui reng kan duh, Piangthar kan lam; chutih rual a kan tlakchham chu ‘Pathian \ih nun hi a ni.’ Pathian \ih nun chuan sual a hua a, huaisen takin a dodal a, khawi hmunah pawh a lang leh lang lo-ah pawh a nun a danglam ve ngai lo. A huho (Kohhran) a ni emaw, mimal nun a ni emaw, Piangthar nun chuan Sual huat leh dodal a, sim hming pu tlak rah a chhuah si \hin a ni.

 

ZIAKTUTE HUANG :

  RAM LEH HNAM HUMHALH

- Thelma R. Zonunmawii

    'Chimralna' han tih hian nekchepna leh tihduhdahna chauh a keng tel lo a, chak lo zawk leh hnuaihnung zawk nihzia lantirna langsar tak a ni. Ram leh ram an indovin chaklo zawk chan a chhe nge nge \hin. Kan India ram ngei pawh hi British awpna hnuaiah khan a ram leilung faten hrehawm tam tak an tuar a ni lawm ni kha. Hna sang zawng zawng kha British-hovin an thawk vek a, an ta neih a, hna inang thawk rau rau ah India mi te kha an hlawh a la hniam zawk zui. Tun hnaia level puite tluk lo an sawi ang deuh kha an chan chu a ni ngei ang. Atira ram rorelna dik loh vangin ram tereuhte khan ram lian leh chak tak ni thin kha a awpbet a, a ram neituten hrehawm tam tak an tuar phah ta a ni. Kan pi leh puten, 'Chhungkua pawh an indo chuan, engtikah mah an ding chhuak ngailo ang,' an tih zawng zawng kha an neih zo a. A ram mipuite an inpumkhat hnuah chauh independent kha an sual chhuak thei a nih kha.
    Heng zawng zawng hi an hriat lawk vang em ni mi ram hruaitute chuan theihtawp chhuaha an ram an lo humhalh ni? Kum 1995 khan Election Commission of India (ECI)-in Arunachal Pradesh Electoral Roll-a Chakma leh Hajong hnam telh tura a tih vangin Student Movement a chhuak chiam a, sorkar chuan ECI thiltih dan chu duh lovin Election boycott bakah an nihna zawng zawng MLA, Minister leh a dangte atanga ban an tum ta a. Delhi thlengin an zuk nuar ngam! Tin, Arunachal Pradesh-ah hian hnam dang pahnihte tan khian zirna in sang zawka admission tih a har hle a ni. Kan tih ve theih reng, kan ban phak reng a awm hi kan tum loh vang leh kan finna in a phak loh vang hian kan ti lo fo em ni tih hi keini Mizote hian kan inzawh fo a ngai. Tuikuk raltlan umzuia phe phe lo hian kan dikna te huaisen taka kan phochhuah ngam ve a hun tawh viau, nge kan huaisennain a phak lo zawk?
    Tun laia \awngkam lar tak pakhat, Colonialism (ram pakhatin ram dang a awpbehna) hi insumdawn tawnna a\angin a in\an fo a, a hnam puma hrehawmna nasa tak tawrhna emaw, chimralna emaw thlen theitu a ni fo bawk. Chuvangin insumdawn tawnna hi ram neituten uluk taka zirchian a, dan fel tak neia kan kalpui a ngai a ni. Ram chhunga mi ten a hlawkna an tel tam zawk theihna tur leh, ramin hma a sawnpui ngei theihna tur a ruahmanna tha tak neih hi ram hruaitute tihmakmawh a ni. Hna thawktu atan ram leilung fate ngei chhawr \hin ni bawk se.
    Thatchhiatna hi ram leh hnam tichhetu, ram thanmawhbawk a va ni tehlul em. Kan thawh peih loh \ha \ha thawk turin vaichhia leh vaitha an rawn lut zut zut a, Inner Line Permit (ILP) nei leh nei lo an insulpel zut zut a nih mai awm hi maw? Ram hmangaih luat vang leh chimral hlauhawmzia hrechiangtu tan an in leh lo hial tihchhiatsak emaw, hnawhchhuah emaw avang hian tu te nge dem tur chuang le? Chutih rual chuan hna hniam ber anga kan ngaih a\anga a sang ber thlengin, kan ram chhunga thawh tur awm ang ang hi han thawk duak zel mai ila, vai mu\ia-in mizo mu\ia a tluk loh hunah chuan, an tan Mizorama awm ve reng chu riltama thihna a ni mai dawn a, an rama haw mai loh chu tih tur dang an hre tlem viau ang.
    Ruihhlo hi i do nawn zel teh ang u. Thluak \ha tak leh rilru chak tak nei tur chuan ruihhlo tih loh a ngai. Ruihhlo hian rilru leh taksa a tihchhiat mai bakah ram leh hnam hmasawnna tur sum a thlawna luan raltirtu a ni. Mi pakhatin zuk leh hmuam leh ruihhlo lei nan ni khatah cheng sawmhnih hmang ta se, kum khatah chuan 20 x 365 = 7300 a ni dawn a, mi za zela sawmrukin ni tin cheng sawmhnih hmangral ta se, kum khat hmanral chu a va tam dawn em, han chhut ve mah teh. Chu pawh ni khata cheng sawmhnih aia tam mah zuk leh hmuam leh ruihhloah kan hmang ral a ni lo’m ni? Kan kum khat ration buhfai man aia a tam zawk palh hlauh chuan ram leh hnam chhanhim chu a la hla hle ang. Ruihhlo hian kan ram sum leh pai a luan raltir hum hum a, kan \halaite nunna tam tak a suat tawh a, a suat mek zel bawk a nih hi. Hei lo liama hnam hmelma. Hawh u, \halaite u, ram leh hnam humhalh nan i sim ang u.

- Remchang hmasa-ah chhunzawm a ni ang.

 

PAGE - 3

HRIATTIRNA :

NUNGCHA HUMHALH

    Hlimen Nungcha Humhalh Pawl te chuan lui dung nungcha leh ramsa leh savate humhalhna kawngah committee thuchhuak bawhzuiin an che chhuak chho zel a. Theihtawp a an beihna hian rah duhawm tak a chhuah ngei ang a, mipuite pawhin an hmalakna hi thlawp \heuh ila, nungchate hi mihringte kan damkhaw chhuahna kawnga pawimawh ber berte an ni tih hi i hre thar ila a \ha hle awm e.

ELECTORAL ROLL CHUNG CHANG

    Election Commission thuchhuak bawhzuiin Ni 1-30 November, 2021 hun chhung hian Electoral Roll Summary Revision neih tur a ni. Hemi hun chhung hian insawn duh, siamt\hat ngai leh Roll a in thun luh duh te tan BLO Hlimen te hnenah buaipui tur a ni e.
1. Thun luh thar tur te tana lehkha pawimawh ngai te: Thun luh thar tur te hi 01/01/2004 ni leh a hma lama piang an ni tur a ni
a)    Kum tar lanna Birth Certificate photocopy pakhat
b)    Residential Proof atan Ration Card photocopy pakhat
c)    Passport size thlalak copy khat
2. Siam\hat duhte tana lehkha thil tel tur te:
a)    Siam\hat tur lai rawn sawifiah tu tur lehkha pawimawh(photocopy)
b)    Electoral Photo Identity Card (EPIC) photocopy pakhat
c)    Passport size thlalak copy khat
3. Transfer turte tana thil tel ngai:
a)    Electoral Roll a chuanna phek leh Electoral Roll kawm photocopy khat ve ve
b)    Residential Proof atan Ration Card, a neilo chuan Local Council-ah lak tur a ni.
c)    Passport size thlalak copy khat
4. In paih duhte tan pawh a dil theih bawk ang.
    B.L.O
    1.    Vanlalzawna – 9862899699
    2.    Lallawmzuala – 8794243438
    3.    J.Vanlalhruaia – 9612887746

 

Advertisement...

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-46)    9436199884, 9862476439

Septic Tank khat tan

    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-1)    Ph.No : 9402344486, 9615266170

 

LAWRKHAWM :

Task Force-ah pe

    Pu Lalbiaksanga, Damvea Sec. chuan Task Force ten \ul leh mamawha an hman atan ` 1,500/- a rawn pe a, hetianga mi in phal an awm \hin hi Hlimen LLTF chuan lawmawm a ti a, lawmthu an sawi tak meuh meuh a ni.
    Kan hriat angin LLTF hian sum thawhchhuahna a nei hran lova, pawl, kohhran leh mimal tlawmngaite thawhkhawm a\anga 4C hi enkawl a ni a, ni 10 chhung zet damlo te ei leh in tur leh mamawh dang pek hi thil hautak tak a ni a, thil pek lamah i harh thar zel ang u. Midangte \anpui hi a mizo in a Pathian thu em em a ni.

RALTLANTE TAN |ANPUINA PE

    October ni 11, 2021 (Ningani) khan Hlimen Presbyterian Kohhran chuan Burma raltlan tanpui nan ` 1,00,000/- chu Sihphir Neihbawi ram a Synod Revival Camping Centre a awmte \anpui nan an hlan. Tun dinhmunah hian raltlan mi 200 vel awmin an zingah hian  naupang 46 lai an tel bawk a ni.

Hruaitu atan chhawpchhuak

    Kan hriat angin CYMA inthlan lo awm turah kan Branch chuan Pu R.Lalngheta chu hruaitu atan a nominate a . Rampum huap hruaitu atana kan Branch in kan chhawpchhuah hi mimal tinin a puih theihna kawng kan hriat angte in pui tlang ila. Rampum huap pawl hruaitu neih hi veng mawina pawh a ni a, veng dang min hmuh dan pawh a danglam lo thei lova. Chuvangin, mawi tak siin kan theihna mualah \an la tlang ila a lawmawm hle ang.

HLIMEN COVID-19 DINHMUN

    Tunkar chhunga kan veng Covid-19 dinhmun hetiang hi a ni.
Dt. 6.11.2021 (Inrinni) : Hemi ni hian Positive paruk (6) kan nei a, Kapdaia Sec. 4, Saichhuma Sec. 1 leh Damvea Sec. 1 te an ni a, an zinga mi pathum 4C (LSV Park) ah enkawl niin, midang pathum Home Isolate an ni.

Dt. 7.11.2021 (Pathianni) : Hemi ni hian Positive panga (5) kan nei a, Buala Sec. 4 leh Damvea Sec. 1 te an ni. An vai hian Home Isolate vek an ni.

Dt. 8.11.2021 (Thawh\anni) : Hemi ni hian Positive pakhat (1) kan nei a, Kapdaia Sec. a mi niin, 4C (LSV Park) ah enkawl a ni.

Dt. 9.11.2021 (Thawhlehni) : Hemi ni hian Positive (4C LSV Park) a\angin dama chhuak paruk (6) kan nei a, Buala Sec. a\angin 5 leh Saichhuma Sec. a\angin 1 te an ni.

Dt. 10.11.2021 (Nilaini) : Hemi ni hian positive pakhat (1) kan nei a, Saichhuma Sec. a mi niin, Home Isolate a ni. 

Dt. 13.11.2021 (Inrinni) : Hemi ni hian positive mi 3, hmeichhia 1 leh mipa 2 damin an chhuak. An ni hi Saichhuma Sec. a mite an ni.
 
    SECTION          TOTAL CASE    ACTIVE CASE
    Buala                     47                    4
    Damvea                 88                    1
    Kapdaia                 40                    6
    Lalsavunga            Nil                    Nil
    Saichhuma            38                     3
    Vawmphunga         11                    Nil
                  TOTAL    224                   14
Dam tawh mi 203,                   Dam tawh zat percent : 90.62
 

PAGE - 4

KEIMAHNI :

Hlimkhawpui Budget

    Hlimkhawpui  March & April  2021  thla Budget  pe tla tawh te:
1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.    6. Lalsavunga Sec.

Central Y.M.A. HMALAKNA

5.11.2021 : Directorate of Agriculture Committee Room-ah Oil Palm Cultivation chungchang sawiho meeting neih a ni a, Prof. Lalnuntluanga General Secretary, Pu R.S. Lalrinsanga CEC leh Science & Environment Sub-Committee member atangin Prof. John Zothanzama, Pu C. Lalrinawma leh Pu V. Lalzarzova te an tel.

9.11.2021 : Muanna Veng Branch YMA-in an huamchhunga Graduate chin chung lam zirlai hlawhtling tharte chawimawina leh fuihna hun an hmang a, Tv. Lalhmachhuana, Vice President, Pu L.T. Zodinliana CEC, Pu Lalsawma Ralte CEC, Pu H.F. Lalrinpuia CEC, Pu K. Lalrinawma CEC, Pu C. Lalhmunliana CEC, Pu C. Lalhmachhuana CEC ten an hmanpui.

9.11.2021 : Maumual-a Central YMA ram hun dan tur a hmuna enin Pu Chawngthankima CEC leh Pu C. Lalhmunliana CEC te an kal.

10.11.2021 : Chanmari YMA Hall-ah YMA Central Coordination Committee meeting vawi 92-na neih a ni a, member kal dan - Central YMA OB -6, CEC Member - 47, Sub-Hqrs. YMA aiawh - 38, Group YMA aiawh - 73, Aizawl City Branch YMA aiawh - 87, Total - 251. Chanmari Branch YMA ten Reception, Ushering, Refreshment leh tul dangte tlawmngaiin an buaipui.

11.11.2021 : Chief Minister Conference Hall-ah State Board for Wildlife meeting neih a ni a, “Pu Fabian Lalfakawma, Treasurer a tel.

12.11.2021 : DC Conference Hall-ah Local Council panga (5) (Laipuitlang, Zemabawk, Venghnuai, Armed Veng, Tuithiang) te Draft Electoral Rolls publication meeting neih a ni a, “Prof. Malsawmliana Asst. Secretary a tel.

 

Advertisement...

Common Service Center Hlimen

Hengte hi kan ti thei e.
1.    Tribal certificate
2.    Income certificate
3.    Residential certificate
4.    Employment certificate
5.    Pan card (Rs 250 soft & hard copy)
6.    Eshram (kut hnathawktu te hamthatna, aadhaar link phone number nei tawhlo pawh fingure print hmangin ti thei e)
7.    PMGdisha (A thlawn a certificate of  Appreciation of digital literacy zirna)
8.    PMSYM (Sawrkar hnathawk lo tana pension scheme)

    Cont:- CSC
(2-1)    Hlimen vengchhak (8794013535(whatapp)

 

Lawrkhawm chhunzawmna.....

Health Care chung chang

    Hlimen Clinic-ah Office hun chhungin Health Care ti duh chuan a tih theih a, kum hmasa lama registration ti tawh chuan registration tih tawhna kha ken mai tur a ni a, a la ti lo chuan chhungkaw hotu ber Voter ID leh Ration Card kengin a tih theih e.
    Nov. 15, 2021(Thawh\anni) leh Nov. 17, 2021(Nilaini) hian hun hawn leh a ni a, hmanhmawhthlak (emergency) thilah chuan Nl. Lalroliani, Venglai-ah pan theih a ni bawk e.
    Kum dangah chuan kum 1 chhung atan Health Care hi a ni \hin a, tun \umah chuan kum chanve a tan zel a ni tawh dawn a, a hma a pawisa senso chanve sen a ngai dawn a ni. November thla ralhmain tihfel vek tur a ni e.

Mizoram Covid Vaccine

    November ni 12, 2021 thlenga Mizorama COVID-19 Vaccine pek chhuah dan :
Ø    November ni 12, 2021 a pek chhuah : 5991 (1st dose - 1863, 2nd dose - 4128)
Ø    1st dose la tawh : 7,03,559
Ø    Full dose la tawh : 5,35,192
Ø    Dose pek chhuah tawh zawng zawng: 12,38,751
    
    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 43.18 (43.18  %) velin Vaccine an la kim tawh a ni.
    

Khawchin thlir lawkna....

    The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.

Ni chhuah hun    : Kartir - 5:32 A.m.    Kartawp - 5:36 A.m
Ni tlak hun     : Kartir - 4:34 P.m.     Kartawp - 4:32 P.m

Date                                     Max.    Min.
14.11.2021    (Chawlhni)       240C    170C
15.11.2021    (Thawh\anni)    250C    170C
16.11.2021    (Thawhlehni)    270C    160C
17.11.2021    (Nilaini)           290C    170C
18.11.2021    (Ningani)        280C    180C
19.11.2021    (Zirtawpni)      270C    170C
20.11.2021    (Inrinni)          260C    160C

HEI HI LO ZAWM TEH

Ø    In kan chhuahsan dawn leh zan kan mut dawn in, kan gas thuk te, kan electric heater leh kan tui lumna te a in OFF \ha em tih kan enfel \hin tur a ni.
Ø    In a kan electric wiring hman lai a him tawk em tih enfel reng tur a ni a, kan Ar-in electric chhitna a him \ha em tih kan enfel bawk \hin tur a ni.

 

***************************************

 

Tv. Lalremruata Chawngthu (Bawihbawiha) Saichhuma Sec. chuan 2022 Calendar \hahnem tak mai Hlimkhawpui-ah min rawn pe a. A chungah lawmthu kan sawi e.

 

Sahmulphah thla (November) Ni 6, 2021, Issue No. 45

PAGE - 1

TUALCHHUNG :

Damlo :  Pi Ramlawmi W/o Pu Zoramthanga, Buala Sec. a mi chu nerve lam fello avangin Nov. ni 1, 2021 khan Guwahati lamah in check-up turin an kal.

In sak sak :  Isua Krista Kohhran te chuan Pi Vanlalpari, Saichhuma Sec. (Khurpui bul) a mite chhungkua chenna in chu a rawp chhe deuh tawh avangin an sak \hat sak a, Kohhran hnatlang te neiin mimal tlawmngaite pawhin an pui niin thu dawn a ni. Tin, a chung tur rangva hi Bialtu MLA Prof. F.Lalnunmawia chuan a tumsak bawk a ni.
    Isua Krista Kohhran, Hlimen te hetiang a mi chanhai zawkte tana an luangchhuak hi an fakawm takzet a ni.

Tui dahkhawlna siam mek :  Lalsavunga Sec. chung tlangah tui dahkhawlna (Water tanky) siam mek a ni a, he tui dahkhawlna hi tui  litre nuai khat dawnga siam tur niin tunah hian hna thawh mek a ni a, Hlimen veng sang lam; PHE tanky lian aia sang ho pekna tura ruahman niin he hna hi Departmental work a thawh niin thu kan dawng.
    He hna hi thawhzawh a nih hunah chuan veng sang lama chengten mahni kawtkai leh inchhungah ngei tui an nei thleng ve thei dawn a, a lawmawmin a a nghahhlelhawm tawh hle.

4C enkawl chung chang :  Kan venga Covid vei enkawlna (4C) pahnih - Lalsavunga Park leh High School a awm te chu an damdawi ei tur LLTF sum senga  pek \hin an ni a. Hei bakah hian 4C a awmte ei leh in leh rawngbawlna tur leh test na khawl hrang hrang thlenga tum vek a nih avangin sum a hautak hle mai a, hei vang hian damdawi bik hi chu damlo ten intum ve tawh mai se LLTF chuan a ti a, amaherawchu khawsak harsa; damdawi leina neilo te chuan sawi hreh lo turin LLTF chuan a hriattir a ni.
    Kan hriat angin LLTF hian sum thawhchhuahna a nei hran lova, pawl, kohhran leh mimal tlawmngaite thawhkhawm a\anga 4C hi enkawl a ni a, ni 10 chhung zet damlo te ei leh in tur leh mamawh dang pek hi thil hautak tak a ni a, thil pek lamah i harh thar zel ang u. Midangte \anpui hi a mizo in a Pathian thu em em a ni.

 

HEADLINE :

CEC MEETING VAWI 42-NA NEIH A NI

    Ni 30.10.2021 (Inrinni) Chawhma dar 11:00 hian CEC Meeting vawi 42-na neih a ni a, meeting hi Pu Vanlalruata President-in a kaihruai a, member 49 an tel.
    CEC Meeting hian YMA General Conference 2021 atana Aizawl khawpui chhung atanga Agenda lo lutte a thlifim a, hei hi 10.11.2021-a CCC Meeting-ah Sub-Hqrs./Group YMA a\anga Agenda lo lutte nen chhawpchhuah leh tur a ni.

YMA KHAWIH
1. Ruihhlo chungchanga inzirtirna Sawrkar/Kohhran/Pawl dangte sawmin inzirtirna nasa zawkin kalpui ni rawh se.
2. YMA member tinah Endowment Fund Rs. 5/- khawn ni se.
3. Central YMA Building sak mek chhunzawmna atan YMA member ten donation thawh/khawn ni rawh se.

SAWRKAR KHAWIH
1. Mizoram ramri hi sawrkar-in a rang lama chinfel dan ngaihtuah rawh se.
2.  Zirna School-ah Mizo hnam lam zirtir a nih theih nan sawrkar-ah thlen ni rawh se.

DAN BU KHAWIH
    1. YMA Dan bu hi ennawn ni rawh se.

KUMPUAN RAWTNA
    1. Ram leh Hnam Humhalh
    2. Zirna Uar

 

################################################

CENTRAL YMA HMALAKNA

1.11.2021 : DC Conference Hall-ah Publication of Draft Electoral Rolls, 2022 programme hman a ni a, Prof. Malsawmliana, Asst. Secretary a tel.

1.11.2021 : Secretary, MBOCWWB Pisa-ah Meeting neih a ni a, Pu Joseph Vanlalhruaia Sailo, CEC  a tel. MBOCWWB hnuaia member inziak lutte Inspection neih dan tur an sawiho.

1.11.2021 : Mizoram Assembly House Conference Hall-ah Mizoram Chief Information Commissioner atan Pu Lalnunmawia Chuaungo IAS (Rtd) chu Chief Minister, Mizoramin rinawmna thu tiam tirin a la lut a, Pu Vanlalruata President a tel.

2.11.2021 : Secretariat Conference Hall-ah Sub-Committee on Quality Control of Cement & Iron Rod meeting neih a ni a, Pu H.F. Lalrinpuia CEC a tel.

3.11.2021 : Synod Committee Room No. 1-ah MPF Governing Board an meeting-a, Prof. Malsawmliana, Asst. Secretary a tel.

4.11.2021 : Vaivakawn YMA Golden Jubilee kharna neih a ni a, Central YMA a\angin Tv. Lalhmachhuana, Vice President, Prof. Lalnuntluanga, General Secretary, Prof. Malsawmliana, Assistant Secretary, Pu Roneihthanga, Finance Secretary leh CEC \henkhat an tel.

 

PAGE - 2

EDITORIAL :

MAHNI

    India ram hi dan leh dun ngah tak mai ram kan ni a, kan Constitution ah chuan dan zawm sen loh; khua leh tuite ham\hatna tur a inziak del dul a. Chutiang chiah chuan Kristiante Bible hian mihring tana \ha ber ringawt a tarlang chei chuai a. Khawvel ram nuam berah kan cheng a nih hi a tih theih rum rum mai.
    Amaherawhchu, ram zalen ber, dan nei hnem ber kan ni chung hian dan tlawhchhan vek chuan kan inkhing bur bur a. Sakhaw thuvawn nei \ha ber kan ni chungin Bible \anfung a hmangin kan invaw nghek nghek tho mai. Hetiang thilin kan ram a nek to reng mai hi tu thiamloh nge ti ila midang chungah kan burbun vekin a rinawm. A chhanna dik leh hnai ber chu MAHNI tih hi a ni.
    Mitin hian mahni ngaimawh zawng kan nei \heuh a, kan ngaimawh zawng \heuh sawi hian kan buai em em a, kan inhnial nasa \hin a nih hi. Kan vei zawng leh kan ngaimawh zawngte hian thil \angkai a thlen ang em tih hi ngaihtuah chiang hlawm ila. Mahni duhzawng chauh buaipui a midang hlamchhiahte hian mahni hma an sial avangin engmah an sukiang tak tak ngai lo. Sapthufing pakhat chuan, “Nun tam tak neih i duh chuan midang tan nung rawh” a ti a. Chu chu kan pi leh pu hun a\ang tawh a kan mizo thurin leh thuvawn a ni a, keini tan pawh thufing nung reng a ni.
    Mihring hmelma ber chu MAHNI tihte pawh kan hre lê lû a. Kan ram, kan khawtlang diklohna hi keimah vang a ni ti thei ta ila hma kan sawn deuh ngei ang. Inngaihtlawmna tak takin mi thinlung a luah reng reng chuan midang tan harsatna siamtu nihte, hmasawnna daltu nihte a theih lova. Chutiang mi chuan mihring hmelma ber chu MAHNI tih hi thupui ah a nei \hin a ni.

 

ZIAKTUTE HUANG :

  RAM LEH HNAM HUMHALH

- Thelma R. Zonunmawii

    'Tute nge Mizo chu?' tia kan hnam a boral loh nan pawl chak tak leh rinawm tak YMA  (Young Mizo Association) chuan hma nasa taka la in, kum 1998 atang daih tawh khan ' Ram leh Hnam humhalh' chu kumpuan atan a lo hmang tan tawh a. Hetih rual hian tute nge keini Mizo te hi humhalh ang a, tute hian nge tan la ang tih hi kan ngaihtuah tel pawh a ngai ang. Kan ram hi YMA chauh hian em ni humhalh turin hma la ang a,anni chauh hi em ni  ke pen tur chu. Nge keini Mizo mipuite hian hma kan la \heuh zawk dawn?
    'Ram leh Hnam humhalh' tih hian a huam zau hle a, engtiang zawngin nge hma kan lak ang a, tih dan hmang eng ang nge kan kalpui ang, tih pawh ngun taka ngaihtuah a ngai a ni. Hnam dang hnawhchhuah ringawt hian kan ram hi a chhan tluantling thei ang em? Tun dinhmun han en chuan kan ram hian dinchhuah nan leh hmasawn zel nan thil dang tam tak a la mamawh hle a. Hmabak tam tak Mizo mipuite hma ah hian a la inchhawp a ni tih kan hriat reng a tul, inpeih reng a kan awm a, hma kan lak a \ul tawh a ni. Ram leh Hnam humhalh tur hian kawng hrang hrangah ke kan pen a ngai a ni.
    Mizote hi kan chhehvel hnamdangte nena tehkhin chuan hnam tlem tak kan la ni a, kum 2011 chhiarpuiah khan Mizoram chhungah mi 888573 vel awrh chauh kan la awm a ni. Kan chhehvel state dangte han en kual ila, Bihar ah mi 103804637 an awm a, Paschim Bangal (West Bengal)-ah mi 91347736 an awm. Heng state atang te hian dan lovin tam tak an rawn lut a, India ram mai ni lo, Bangladesh leh ram dang atang te in aruk arala rawn pem lut an awm reng bawk. Hetiang hi kan ram dinhmun a nih chhoh tak avangin Mizo mipuite kan harh a hun ta, Kan ram leh hnam hi chimrala a awm loh nan beng sika ngaihtuahna kan sen a, kan thawhchhuah a hun tawh takzet a ni.
    Mizote hi kum 1896 atang daih tawh khan The Chin Hills Regulation Act hmangin humhalh kan lo ni tawh a, dan \ha tak hian humhalh ni reng mah ila, dan ringawt chuan min humhalh reng sengin a rinawm loh a ni. Kan thinlungah kan tih tur \heuha ngaiin, kan vawn a, a tak rama kan kalpui a ngai a ni. Hnam dang en chuan hnam tlem te ni mah ila, chimrala kan awm hmaa dan tha taka humhalh kan ni leh, thangthar leh thalai zawkten kan hnama chiang a, ram leh hnam humhalh duhna thinlung an nei leh zel te hi kan ram tan hian a vanneihthlak hle.
    Kan \henawm ram te han thlirkual leh lawk ila, Assam rama Cachar District-ah khuan Kachari-ho an tih mai, a ram leilung neitu dik tak te chu tunah hian hmuh tur an awm tawh mang lo,  a chhan eng nge kan tih chuan Bengali-ho in an chimral deuh vek tawh vang a ni. Meghalaya khawpui Shillong-a an bazaar pui ber pakhatah pawh khuan a ram neitute chu kawngkama kuhva leh nepnawi ilo zuar bak hmuh tur an awm tawh lo, sumdawng milian leh thiltithei deuhte chu hnam dang vek an ni ta. Chutiang bawkin Tripura-a ram leilung fate chan chu tlangram chhengchhe lai a ni.
    Khawvel ram zau zawk pawh han thlir ila. Australia ram neitu diktak Aboriginal Australian an tih te khuan kum singli dawn lai an ram an awp hnuin khawthlang-ho kan tih mai European-hovin kum 1788 khan an ram awp chinte chu an chhuhsak a, tunah hian an ram zau takah khuan mi 2,50,000 vel chauh an awm tawh a ni. Kan sawi tak ho hi chu entirna ve mai a ni chauh a, hnam puma chimral hi sawi tur an awm nual a ni.

- Remchang hmasa-ah chhunzawm a ni ang.

 

PAGE - 3

HRIATTIRNA :

Health Care chung chang

    Hlimen Clinic-ah Office hun chhungin Health Care ti duh chuan a tih theih a, kum hmasa lama registration ti tawh chuan registration tih tawhna kha ken mai tur a ni a, a la ti lo chuan chhungkaw hotu ber Voter ID leh Ration Card kengin a tih theih e.
    Section te Health Care tih hun atan hetiang hian ruahmanna siam a ni :-
Nov. 8 & 9, 2021    -    Damvea Section &
        Lalsavunga Section
Nov. 10 & 11, 2021    -    Saichhuma Section &
        Kapdaia Section
Nov. 12 & 15, 2021    -    Buala Section &
        Vawmphunga Section
    Mahni Section tih huna ti thei lo leh hmanhmawhthlak (emergency) thilah chuan englai pawhin a tih theih reng e.
    Kum dangah chuan kum 1 chhung atan Health Care hi a ni \hin a, tun \umah chuan kum chanve a tan zel a ni tawh dawn a, a hma a pawisa senso chanve sen a ngai dawn a ni. November thla ralhmain tihfel vek tur a ni e.

ELECTORAL ROLL CHUNG CHANG

    Election Commission thuchhuak bawhzuiin Ni 1-30 November, 2021 hun chhung hian Electoral Roll Summary Revision neih tur a ni. Hemi hun chhung hian insawn duh, siamt\hat ngai leh Roll a in thun luh duh te tan BLO Hlimen te hnenah buaipui tur a ni e.
1. Thun luh thar tur te tana lehkha pawimawh ngai te:
    Thun luh thar tur te hi 01/01/2004 ni leh a hma lama piang an ni tur a ni
    a)    Kum tar lanna Birth Certificate photocopy pakhat
    b)    Residential Proof atan Ration Card photocopy pakhat
    c)    Passport size thlalak copy khat

2. Siamt\hat duhte tana lehkha thil tel tur te:
a)    Siamt\hat tur lai rawn sawifiah tu tur lehkha pawimawh(photocopy)
b)    Electoral Photo Identity Card (EPIC) photocopy pakhat
c)    Passport size thlalak copy khat

3. Transfer turte tana thil tel ngai:
a)    Electoral Roll a chuanna phek leh Electoral Roll kawm photocopy khat ve ve
b)    Residential Proof atan Ration Card, a neilo chuan Local Council-ah lak tur a ni.
c)    Passport size thlalak copy khat

4. In paih duhte tan pawh a dil theih bawk ang.
    B.L.O
    1.    Vanlalzawna – 9862899699
    2.    Lallawmzuala – 8794243438
    3.    J.Vanlalhruaia – 9612887746

 

LAWRKHAWM :

HLIMEN COVID-19 DINHMUN

    Tunkar chhunga kan veng Covid-19 dinhmun hetiang hi a ni.
Dt. 31.10.2021 (Pathianni) : Hemi hi hian Positive 6 kan nei a, Buala Sec. ah 5 leh Saichhuma Sec. ah 1 an ni. An vaiin 4C (LSV Park) ah enkawl an ni.
Dt. 2.11.2021 (Thawhlehni) : Hemi hi hian Positive (LSV Park) a\angin dama chhuak 2 kan nei.
Dt. 3.11.2021 (Nilaini) : Hemi ni hian Positive (Home Isolation) zing a\angin dama chhuak 1 kan nei.
Dt. 4.11.2021 (Ningani) : Hemi ni hian Positive 4 kan nei a, Saichhuma Sec. 3 leh Kapdaia Sec. 1 te an ni, Saichhuma Sec. a\anga hrikai 3 te hi 4C (LSV Park) ah enkawl an ni a, Kapdaia Sec. a hrikai hi Home Isolate a ni. Tin, Hemi ni hian Positive (Home Isolation) zing a\angin dama chhuak 2 kan nei bawk.
Dt. 5.11.2021 (Zirtawpni) : Hemi ni hian positive first contact mi 13 te swab sample lak a ni.
    October thla chhung khan Positive 61 kan nei a, thlakhat chhunga kan venga hrikai kan tam ber \um a ni.

    SECTION         TOTAL CASE    ACTIVE CASE
    Buala                     43                  5
    Damvea                 87                 Nil
    Kapdaia                 35                  1
    Lalsavunga            Nil                 Nil
    Saichhuma            35                   4
    Vawmphunga         11                 Nil
                  TOTAL    211                 10
Dam tawh mi 200,                   Dam tawh zat percent : 94.78

LOCAL COUNCIL HRIATTIRNA

1. Property Tax chungchang : Property Tax 2021-2022 khawn a lo hun leh ta a, November ni 8-10 (Thawhtanni - Nilaini) te hian zing dar 10:00-02:00 p.m. inkar  hian Local Council Office-ah pek tur a ni e.
2.Ranvulh chungchang : AMC area chhungah ranvulh khuahkhirh a nih angin keini veng chhungah pawh kalpui tur a ni a.“Vawk leh Ar vulh mek te leh vulh thar tur te chuan a in an sak thar dawn emaw an thawm \ha dawn emaw a nih chuan Local Council ten hriatpuina leh remtihpuina an pek hnuah chauh sak leh siam \hat theih a ni ang.
3.Office hawn chungchang : Local Council Office hi Thawh\anni, Nilaini, Zirtawpni leh lnrinni zing te hian mipui dawr theih tura hawn a ni \hin ang.
4.Inhmun,etc.laih chungchang : lnsakna tur emaw thil dang atan emaw a lei lai tur te chuan AMC a\anga phalna an neih hnuah Local Council te hriatpuina leh remtihpuina an neih leh hnuah chauh hma an la thei ang.
    Sd/- Secretary, Local Council, Hlimen.

M/S - I thuchhuak

    Govt. Middle School-I, Hlimen Compound-ah silai (airgun) hmanga sava veh leh chang \hin an awm tih hriat a ni a, he thil hi Sawrkar leh Sikul thuneitute phalloh a ni a. Chuvangin Govt. Middle School-I, Hlimen Sikul Compound chhungah Sava veh leh chang tawh lo turin kan inngen a, tunhnuah tilui man an awm anih chuan thuneitute hnenah hlan zel an ni tawh ang.
    Sd/- Headmaster, Govt. Hlimen Middle School-I

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga
5. Saichhuma Sec.    6. Lalsavunga Sec.

Branch Y.M.A. lawmthu

    Bialtu MLA Prof. F.Lalnunmawia chuan Hlimkhawpui Chanchinbu buatsaihna atan Computer set leh Printer \ha tak mai YMA te min pe a, a chungah lawmthu kan sawi tak meuh meuh a ni.
    Tin, Computer kan neih theih nana hma min laksaktu Pu Lalhmingthanga leh Pu Lalramchuana chungah lawmthu kan sawi a, Computer inhlanna hmuna min \awiawmtu Pu Josua Zotea, Vice Chairman LC leh Pu J.Lalhlimpuia, Secretary LC te chungah thinlung takin lawmthu kan sawi bawk a ni.

Sd/- Secretary,
Hlimen Br. YMA

Hlimkhawpui Chanchinbu

    Hlimkhawpui Chanchinbu chu April ni 24, 2021 a\ang khan hripui leng avangin Press-ah print tir a ni tawh lova, Issue 28 zet a phek a sem kan ti ta lova.  Tun Issue a\ang hian a phekin kan han tichhuak \an leh dawn ta a, Pathian kaihhruaina zarah tluang taka kan kal chhoh theih nan mimal tinte \awng\aina lama min lo hre reng tur pawhin kan inngen a ni.
    Tin, Hlimkhawpui Chanchinbu hi thla 2 zel atan a man khawn \hin a ni a, chanchinbu la chhung tinah thla hnih atan hian ` 30 khawn \hin pawh khawn  chhoh \an mai a ni dawn a, min lo ngaihpawimawhsak turin kan inngen bawk e.

PEM LEHKHA/TESTIMONIAL CERTIFICATE LA TUR TE TAN A HRIATTUR
    Hlimen Branch YMA a\anga Pem Lehkha  leh Testimonial Certificate la tur ten Chhungkaw member zawng zawngte pian kum chiang takin an hre tur a ni a, hei bakah hian kumtling chin zawng chu an  Voter/EPIC Id. (Testimonial la tur tan xerox copy pakhat \heuh thehluh tur) ken tel tur a ni. Heng tel lo chuan Pem Lehkha/Testimonial Certificate te hi pekchhuah theih an ni lovang.
    Sd/- Secretary,
    Hlimen Branch YMA

 

Advertisement...

MD  Septic  Tank  Service

    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-45)    9436199884, 9862476439

 

Lawrkhawm chhunzawmna.....

LLTF, Hlimen Ngenna

    Hripui,Covid-19 leng mek hian ziaawm lam a la pan hleithei lova, tuna Test Result chhuak a\ang hian kiam thla zel angin lang mah se,a nihna takah chuan a hma anga inkhuahkhirh leh fimkhur ang khan kal tawh lovin Sample Test kan tlem thlak zel vang zawk chauh a ni.
    Hemi avang tak hian mipui ten kan hrileng pawh kiam \an anga ngaiin kan fimkhur nep ta hle mai a,a pawi khawp mai.Tun hun hi a hma aia Fimkhur Zual Hun a ni tih mipui ten i hre \heuh teh ang u.
    Hripui laka kan khawtlang kan himna'n a hnuai ami te hi i zawm hram hram ang u.
1.Uluk taka hmai tuam.
2.Social Distancing uluk taka vawn.
3.Loh theih loh thilah chauh chhuahvah leh mi in a lenluh loh.
    Tin, taksa chak lo leh hrisel lohna avanga vengchhung mi damdawi lam thiam te  mahni ina kohva drip khai, injection, etc. ti tura ko \hin kan la awm a, hei hi tun hun angah hi chuan a him lo hle a ni. A \ul a nih chuan Damdawiin pan mai zawk ni se, tiin kan khawtlang kan him tlan nan mipui te kan inngen a ni e.
    Sd/- Secretary, LLTF, Hlimen.

Mizoram Covid Vaccine

    November ni 4, 2021 thlenga Mizorama COVID-19 Vaccine pek chhuah dan :
Ø    November ni 4, 2021 a pek chhuah : 369 (1st dose - 23, 2nd dose - 346)
Ø    1st dose la tawh : 6,98,524
Ø    Full dose la tawh : 5,20,398
Ø    Dose pek chhuah tawh zawng zawng: 12,18,922
   
    Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 41.99 (41.99  %) velin Vaccine an la kim tawh a ni.
   

Khawchin thlir lawkna....

    The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun    : Kartir - 5:28 A.m.    Kartawp - 5:32 A.m
Ni tlak hun     : Kartir - 4:37 P.m.     Kartawp - 4:34 P.m

Date                                    Max.    Min.
7.11.2021    (Chawlhni)        280C    120C
8.11.2021    (Thawh\anni)    290C    140C
9.11.2021    (Thawhlehni)     290C    170C
10.11.2021    (Nilaini)          280C    170C
11.11.2021    (Ningani)        270C    170C
12.11.2021    (Zirtawpni)     260C    160C
13.11.2021    (Inrinni)         260C    150C

 

Happy Birthday.....
    Kan Jt.Editor Tv. Dams-a’n  a piancham  pualin zirtawpni zan chanchinbu kan buatsaihna-ah ei tur tuihnai tak tak min hlui hnawk mai. Kan puarin kan tlai e.
    A birthday apiang a tunhma lama a music video rawn vawrhdarh a ni leh \hin erawh \ul kan tihpui lutuk lo. Engpawh nise ngalfimin dam teh se.