Ramtuk thla (February) Ni 27, 2021, Issue No. 9

PAGE - 1

TUALCHHUNG :

Boral : Lalhruaimawia (32) S/o Vanlaltluanga, Vawmphunga Sec. a mi chu Feb. ni 22, 2021 dar 12:25 Pm khan Trinity Hospital, Silaimual-ah a boral. Hemi ni vek tlai dar 4:30 khan vuiliam a ni.

##    Pi Lalthanmawii W/o Tommy MS Dawngliana, Kapdaia Sec. a mi chu Feb. ni 23, 2021 zing dar 4:30 khan a boral, hemi ni vek chawhma dar 11:00 khan vuiliam a ni.

Damlo : Pi Chalmawii, Kapdaia Sec. a mi chu Feb. ni 22, 2021 khan a chesual palh a, Trinity Hospital panpui niin investigation te tih niin in lama enkawl tura hawtir leh a ni.

##    Pu Ramfangzauva H/o Pi Lalthangliani, Damvea Sec. a mi chu Pneumonia avangin Feb. ni 21, 2021 khan BN Hospital, Kulikawn-ah admit a ni.

YMA in ral : Feb. ni 25, 2021 zan khan  Lalhruaimawia, Vawmphunga Sec. a mi chu ralna hun hman a ni a,  chhung tina pawisa khawn tlingkhawm ` 5,600 leh chhiatni fund a\angin ` 2,000, a vaiin ` 7,600 chu a chhungte hnenah hlan a ni. Hruaimawia chhungte hian puan 2 chu YMA ah an hlan bawk.
    Tin, hemi zan hian Pu Vanlaltluanga Branch YMA Adviser a fapa Hruaimawia’n a boralsan a vangin Branch Committee ralna hun hman a ni bawk.

Mini ATM : Mini ATM chu Pu F.Zosangzuala Building kawngpui anah mumal taka kalpui a ni chho ta a, a mamawh ten dawr theih reng a ni ta. Kan vengah hetiang a rawn awm hi a lawmawm hle a, \angkai taka kan chhawr ngei a rinawm.

Bawlhhlawh chung chang : Bawlhhlawh dahlawk leh bawlhhlawh hal chung chang vawi duailo kan tarlang ta a. Amaherawhchu, Bawlhhlawh paihni thlen hmain a lakkhawmna point bulah bawlhhlawh chhawp lawk kan awm leh zauh \hin a, ui pawn chhuak ten an lo haidarh chang phei chuan a \awp thei hle \hin. Tin, Hmun \henkhatah bawlhhlawh hal mai \hin kan awm a, chin tawh loh a \ha hle. A halna hnaih, a khu ur phakah nausen/naupang emaw thawklama harsatna nei emaw te an awm thei a, mi hrisel pangngai tan pawh hriselna khawih pawi thei a ni. Tun chinah chuan heng hi ching tawh lo ila a \ha hle mai.

 

HEADLINE :

CENTRAL YMA CHETVELNA

20.2.2021 : Ramthar North Branch YMA in kum 10 an tlin lawmna programme an hmang a, Prof. Malsawmliana Asst. Secretary, Pu J. Lalsangliana CEC, Pu C. Vanlalruata CEC ten an hmanpui.

20.2.2021 : Mizoram sawrkar buatsaihin Vanapa Hall-ah, Mizoram State Day lawmna programme hman a ni a, Pu Vanlalruata, President CYMA & Chairman, NGO Coordination Committee chu telin thu a sawi.

23.2.2021 : Chief Secretary Conference room-ah State Executive Committee, Covid 19 meeting neih a ni a, Pu Vanlalruata President a tel.

24.2.2021 : West Lungdar khua-a Govt. Middle School building tur sak mek chu, a sak phung leh a sak nana hmanraw hman te a that tawk loh bakah, school building sak thu-ah hian thil fel tawk lo awm ngeia a lan vangin, Tv. Lalhmachhuana Vice President,“Er. Lallawmzuala Pautu CEC, Pu Vanlalruata CEC, Pu Ramhnehliana, Kumpuan“Sub-Committee ten a hmunah enfiahin, thil awm dan an zirchiang a, Khuangchera Group YMA leh West Lungdar Branch YMA hruaitu ten an tawiawm.

25.2.2021 : E-in-C, PHED Pisa-ah Central YMA leh PHED Coordination Committee meeting neih a ni a, Pu F. Lalfakawma CEC, Pu Lalchhuanmawia CEC leh Pu F. Lalramchuana CEC te an tel.

26.2.2021 : Sub-Hqrs. YMA, Mamit-in Chhimveng Branch YMA Hall-ah kum 2021-2023 Office Bearers tur thlanna hun programme an hmang a, Prof. Lalnuntluanga, General Secretary, Pu Lalsangzuala Sailo CEC, Tv. Zochhuana CEC, Pu H.F. Lalrinpuia CEC leh Pu Vanlalruata CEC ten an hmanpui.

BRANCH O.B. MEETING THUREL
1.    Hall Stage siam hi  Dt. 3.3.2021 (Nilaini) zanah Br. Committee leh Kuang Sub-Committee te hnatlan tur a ni.
2.    Thlanmual-I Thing \hawlh leh Thlanlaihna tur ruahman hi Dt. 29.3.2021 (Thawh\anni) hian Branch pum hnatlang neih tur a ni a, Buala Section ten Bawngtuthlawh leh Suahdur ken tur a ni a, a bak zawng Section ten Chem leh Ara ken tur a ni. Chaw fun tur
3.    Thlanmual - II Godown siam\hat hnatlang chu Branch Committee leh Thlanmual Sub-Committee ten Dt. 17.4.2021 (Inrinni) hian neih tur a ni
4.    Hall bula Zun In hi Tui pekna siam \hat bakah, a chhunga Tui herh hawna (Tab) hi a thara thlak tur a ni a, mawhphur turin Asst. Secretary, Treasurer leh Pro. Secretary te ruat an ni.
5.    Jubilee puala thisen pek hun atan Dt. 18.3.2021 (Ningani) ruat a ni.

 

PAGE - 2

EDITORIAL :

Khawnge i kal dawn
    Vawiin a hringnun kan hmanna kan kal mekna ah hian engzat takin kawng dik zawhin engzat takin kawngbo ang imaw. Sakhuana thilah nise zirtirna mak leh dangdai pui pui rilru fim a ngaihtuah pawha dik thei lo tih hriat reng, mahse, ngaihtuahna fim hmang thei miah lova min bual nutu leh min tirui tu zawng a awm \hin zawng a nih hi. Dik leh \ha ber nia kan hriat na pawh hian mi engzat tak hruaibo tawh ang imaw?
    Tuna kawng kan zawh mek \heuh hi han chhut \heuh hlawm ila, kan kawng zawh lai mek hian khawi hmunah nge min chhuahpui dawn a, khawi hmunah nge min thlenpui dawn le? A bik takin \halai rual zingah hian nakin lawka kan inchhir leh mai theih; mahse a sawt theih tawh si lohna tur kawng hi zawh kan tam mai lo maw? A tam berte hi chuan kan hringnun kawng zawh mek dan hi kan chianglo deuh niin a lang. Tuna kan kalna hi kawng a nih chhung chu hmun laklawh  thleng \hak khawpin kan zawh lui zel dawn em ni?
    Manganna te, hrehawmna te leh retheihna kan tawh mekte hi kan kawng zawh mekin min hruai thlenna hmun chu a ni. Kawng kan zawh tawh a\anga keimahni leh keimahni harsatna kan insiamchawp \hin avang hian kan va talbuai nasa em!!!
    Damlai hringnun kawng kan zawh mekah hian kawngpeng tam tak nuam tak taka lang zawh tur  a va tam tehreng em!!Khawi kawng ber emaw hi chu kan zawh tur a ni bawk si. Heng kawng peng tinreng te hian a zawhtute chu enghmun emaw tak a thlen ngei ngei dawn si. Tum mumal nei lo, kal tumna pawh ngaihtuah lem lova heng kawng pengah te hian i kal ve ngawt a nih chuan i kawng zawh chuan beiseina tawp a thlen ang che a, letna tur kawng a siam tawh lovang che tih a hlauhawm hle. Khawnge i kal dawn le.

 

KAN |HEN TAK

 
Lalhruaimawia (kum 32) :
    Lalhruaimawia hi Pu Vanlaltluanga leh Pi C. Sangzuali-te fa tlum ber niin kum 1989 July ni 2 khan Hlimen-ah a lo piang a. An unau hi hmeichhia 2 leh mipa 5 an ni.
    Kum 2016 January ni 19 khan Lalbiakdiki, Hlimen nen an innei a, Hruaimawia hian fa hmeichhia 1 leh mipa 2 a nei.
    Hruaimawia hi a lo pian tirh ata pian tha leh duhawm tak a ni a. Naupang lawm hlawh leh thenawm khawveng te’n an pawh lawr tak a ni. Nu leh pa leh unaute paw’na an duat rawn a ni. Tin, thian kawm nuam ti mi leh ngaina mi tak, mi thil phal, thiante tana engkim ui nei lo mi a ni.
    Zirna lamah Pawl 11 thleng a kal a, a phak ang tawkin infiamna lam hi chi hrang hrangte ti lawr ve-in Volleyball hi a tuina ber leh a khelh tam ber a ni a. Hlimen aiawh hian vawi tam tak lo tel tawhin hlawhtlinna pawh an nei nual a ni. Amah hi pa lian leh chak tak a nih avangin Hlimen YMA aiawhte pawhin Insuknawr-ahte a lo chhuak tawh thin a ni.
    Khawtlang rawngbawlnaah pawh a phak ang tawk tawka inhmang ve-in, Section YMA Exe. Member nihnate lo chelhin mitthi lumen leh khawhar in kalte hi a taima ve thin hle.
    Kum 2015 khan Branch YMA leh Hlimen Presbyterian Kohhran tangkawpin Chhandamna Camping an buatsaihah lutin Pathianah lawmna neiin piantharnate a chang ve a. Hemi hnu hian rawngbawlna chhunzawm zelin Agape Gospel Rhema Team-ah te telin Team Secretary-te hial niin rei tak he Team-ah hian hun a hmang a ni. Heng bakah hian Hlimen Presbyterian Kohhran Beginner Department zirtirtu bakah Branch KTP hnuaia Group Exe. Member nihnate a lo chelh ve tawh thin.
    A nat dan : Kum 2020 March thla vel khan a pum lam insawisel tanin Doctor-te panin hun engemaw chen Damdawi In lamah inenkawlin dam takin a lo chhuak a.
    Tichuan, tun hnai khan a pum lam bawk insawisel lehin February ni 7, 2021 (Pathianni) khan Aizawl Hospital panpui a ni a. Hetah hian Internal Bleeding neiin admit nghal a ni a. Banding-te lo tihsak niin that lam a pan leh tak avangin February 19, 2021 (Zirtawpni) khan a lo chhuak leh a.
    Amaherawhchu, February 21, 2021 (Pathianni) chawhma lam khan bathroom-ah thi bawkin a luak leh a. Rang takin Trinity Hospital panpui a ni a. Doctor te’n emergency-in endoscopy-te lo tiin bleeding tlem lo awm lehin an thawm tha leh a. Tichuan, ICU-ah dah luh nghal a ni a. Amah pawh a biak theih a, hetia beisei nei leh ngaih tha taka kan awm lai hian, Feb. ni 22, 2021 zing dar 7:00 vel khan bleeding tlem lo awm lehin, Doctor te’n theih tawp an chhuah chung pawhin hei hi tuar lovin hemi ni dar 12:25 Pm khan min lo peih loh san ta a ni.

 

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
      VL-a,
(10-2)    Ph.No : 9402344486, 9615266170

 

PAGE - 3

HRIATTIRNA :

AIZAWL SOUTH FOOTBALL ACADEMY( ASFA)
    Ni 1-28th March, 2021 chhungin Mipa leh Hmeichhia kum 12 chin chunglam, Footbal Academy a lut duh tan Admission kan hawng thar e.
    Technical Director/Head Coach- Lalsangzuala Hmar, AFC 'B'  License holder, tuna Aizawl FC Coach ni mek leh a thawhpui pahnih ten an enkawl na hnuaia awm tur a ni.
Hrechiang duh tan:
Phone number - 9862711991 / 8787687181

Chhiatni inkaihhruaina
a. Mitthi vui leh tlaivar hi a ngai ang a kal rih nise
Dar 5:00 a.m. - 10:00 a.m. inkara thi chu 1:00 p.m. a vui tur
Dar 10:00 a.m. - 2:00 p.m. inkara thi chu 4:30p.m. a vui tur
Dar 2:00 p.m. - 5:00 a.m. inkara thi chu 11:00 a.m. a vui tur (hei hi tlaivar pui tur a ni)
b. Thlan laihlawk leh vur chungchang: Thlan hi laihlawk tur a ni a, thlan vur hi chhiattawk section mawhphurhna a ni ang a, hmaituamna & kutkawr hi Branch-in a ngaihtuah ang. Thlan vur hi Chhiat tawk vua leh vang, makpa te mawhphurhna a ni tih hriat bawk tur a ni.
c.    Zan lam a YMA hun hman \hin hi tih hrih loh tur a ni.
d.    Buhfai  leh pawisa hi chhungtinah khawn nise, Chhiatni Fund sum a\angin ` 2,000/- hlan tel nise.
e.    Branch committee member bakah member a nawlpui a tlaivar nise, chhungkhat laina hnai tak an nih loh chuan vengdang mi te chu remtih sak an nilo.
f.    Thlalak hi Sawm(10) aia tam lo; lak tur a ni (A bak kan duh anih chuan inlamah a hmain a remchan dan ang a lo tih lawk nise)
g.    In lam a\anga kuang kan zawn/nawr \hin hi a theih chin chinah motor hmang a phurh nise tih a ni.

Volleyball Club ngenna
    Quarry-a Volleyball Court siam thar chu Hlimen Volleyball Club te’n chei\ha in tunah hian inkhelh nan an hmang tawh a, helai hmunah hian lirthei eng chi mah dah a rem tawh lo a ni. Tin, helai hmunah hian ruihtheihthil ti \hin  leh a bul hnaia balu vel hmanga tibal \hin kan awm a, hetiang thil hi ti tawh lo turin kan inngen bawk e.

    Sd/- Secretary
 

Advertisement..

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-8)    9436199884, 9862476439

 

LAWRKHAWM :

Chhiatni Report
    Lalhruaimawia puala buhfai leh pawisa khawn khawm dan ziaka hmuhtheih chin :-
    Section    Chhungkua    Buhfai    Pawisa           
    

Buala                136         150        1,220        

Damvea            119         151        1,260        

Kapdaia            120         130        1,270        

Lalsavunga         28           28          260        

Saichhuma        122        109           810        

Vawmphunga      76          78          520                       

             Total    601        668         5600

LAWMTHU SAWINA
    Kan fapa Lalhruaimawia boral chungchangah YMA hruaitu, member te, vengchhung nu leh pate chungah thinlung takin lawmthu kan sawi a. Hmanhmawh takin hospital pan ngai anih avangin chhungkua kan buaiin kan phili hle mai a, chutih laiin mi tlawmngai tam tak kan chanchin hriain min puihna a zarah hospital rang takin kan thleng thei a. Theihtawpa doctor leh nurse ten an buaipui mek laiin chhan theih a ni ta lova. Vengchhung \halai a hria apiang an rawn kal khawm a, thla in va ti muang em. Hlimen nih hi a va nuamin kan tan a in\hatna te, in inpekna te keini chhungkuain kan rul senglo che u, Lalpan a let tam takin a rul ngei ang che u.
In khawngaihna dawngtu,
Vanlaltluanga te chhungkua, Hlimen

Champion
    Pre-MBA Badminton Tournament-2021, February ni 23-26, 2021 chhunga Champhai  a neih zawh takah Pu Zarzokima, Buala Sec. chu Men single leh 35yrs. single ah a champion. A hlawhtlinna kan lawmpui tak zet zet e.

Chhiattawh achung a lawmthu
    Kan nu Lalthanmawii damloh leh chhiat tawh chungchangah hian lawmthu sawi tur kan va ngah em! Natna khirh tak a vei tih a inhriat khan,a dam rei dawn lo a ni tih doctor leh he natna lo vei ve tawh te a\angin hre mah ila kan fate enkawl puitling thei a rei tak a nunna zuah saka pawhseisaktu Pathian chungah lawmthu kan sawi a. Duhsak leh hmangaih taka a \ul ang apiang lo buaipui \hintu, athawhpui, an hotute leh a \hiante chungah lawmthu kan sawi a. Bang lova lainat taka min \awng\aisak \hintu Kohhranho leh mimal te chungah kan lawm em em a. Trinity Hospitala a Doctor leh Nurse leh thawktu dang zawng zawngte chungah kan lawm em em a. Hlimen khawtlang chungah hian kan va lawm em! Hmanni lawkah kan lo pem a. Kohhran leh khawtlangin lawm takin min lo dawngsawng a. Kan damloh chungchangah lainat takin min thlamuana. Damdawiinah leh in lamah min tlawh awl lova. Tlawmngaihna par vul YMA ah kan hmua, khawngaihna leh lainatna LLTF a\anga kan dawn te hi lawmthu kan sawi thiam lo. Thenawm khawvengte chungah hian kan va lawm em. Kan chunga in\hatna leh ngilneihna, min khawngaihna avang hian lawmthu kan sawi mawlh mawlh a. Pathianin malsawmna tam takin vur \heuh che u rawh se.
    Inkhawngaihna dawngtu,
    Tommy MS Dawngliana te chhung
    Kapdaia Sec.

 

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2021  thla Budget  pe tla tawh te:
1.    Kapdaia Sec.    2. Saichhuma Sec.

YMA Dawr luah duh tan
    YMA Hall hnuai dawr luah duh tan March ni 15, 2021 hmain Secretary, Tv. R.Lalawmpuia hnenah dilna thehluh theih a ni. Dawr pakhat luah man hi thla khatah ` 1,000/- zel a ni. Dawr hi kum khat atan zela luah tur thlan \hin an ni a, a thara dilna hi thehluh zel a ngai a ni.

Lehkhabu tlangzarhna-ah tel
    Kum 2019 - 2021 chhung atana YMA kumpuan ‘Zirna Uar” a nih angin, kawng hrang hranga hmalak a ni a. Kumpuan bawhzuina peng pakhat atan, mithiamte thu ziak hrang hrang dahkhawmna lehkhabu  “Kailawn”  chu  Feb. ni 26, 2021 zan khan Vanapa Hall-ah tlangzarhna hun leh kumpuan chung changa infuih tharna hun hman a ni a. He hun hi Pu Vanlalruata, President CYMA in a kaihruai a, Pu Tawnluia, Dy. Chief Minister chu khuallian a ni.
    Hemi hunah hian Branch aiawhin Kumpuan Secretary, Pu J.Vanlalhruaia,  Nl. Zochuanpuii, Member leh Pu C.Vanlalmawia, Member te an tel a ni.

 

Advertisement...

ADMISSION NOTICE
    Solomon’s High School, Kulikawn, Aizawlah 2021-2022 session atan Class IX & X tan office hunchhungin admission a tih theih reng e. Mathematics leh Science subject a harsatna nei te duhsak an ni. Mathematics a fail te admission kan free theih mai bakah, Saturday apiangin Mathematics free tuition kan neihpui \hin bawk e.
HSLC 2020 Result Pass Percentage - 96.8%
Distinction    : 5 persons     1st Div.    : 11 persons
2nd Div.     : 19 persons     3rd Div.     : 22 persons
    HSLC Exam - 2020 Mizoram pum huapah English subject bikah mark hmusang pathum thlanchhuah zingah kan zirlai an tel bawk e.
Admission Fee : ` 2,000/-
Contact :    7005-684-281 / 8231-987-039
    8729-897-656 / 9774-630-781
    HC Thawnga
(6-3)    Top Ten Maths Tutor

 

KHAWCHIN THLIRLAWKNA
The Weather Channel in khawchin a hrilhlawk dan chu hetiang hi an ni, ruah tla lo tur a rin a ni.
Date                                    Max.    Min.
28.2.2021    (Chawlhni)       260C    120C
1.3.2021     (Thawh\anni)    270C    110C
2.3.2021     (Thawhlehni)    270C    100C
3.3.2021     (Nilaini)            270C    100C
4.3.2021     (Ningani)          260C    90C
5.3.2021     (Zirtawpni)       250C    90C
6.3.2021     (Inrinni)           250C    90C

 

Lawrkhawm chhunzawmna...
MHIP Branch HRUAITU
    Feb. ni 26, 2021  zan khan MHIP Hlimen Branch te chuan hruaitu thlan thar te post insiamremna an nei a, a hnuai a mi te hi kum 2021 -  2023 (kum hnih chhung) a hruaitu tur te chu an ni.
    President    :    Pi Thansangi
    Vice-president    :    Pi Zonunkimi
    Secretary    :    Pi Lalzawni
    Asst. Secretary    :    Pi Lalrempuii
    Treasurer    :    Pi Lal\anpuii
    Fin. Secretary    :    Pi Lalringliani

HLIMEN GAMES & SPORT HRUAITU
    Feb. ni 20, 2021 khan Hlimen Games & Sports Association kum 2021 - 2022 hruaitu thlan an ni. Thlan chhuahte :-
    President    :    Pu Lalrinmawia
    Vice-president    :    Pu Laltluanga
    Gen. Secretary    :    Tv. Lalmuanpuia
    Joint Secretary    :    Pu Samson Zorammuana
    Treasurer    :    Pu Lalnunhlimpuia
    Fin. Secretary    :    Pu Biaknghinglova

 

KAN |HEN TAK

 
LALTHANMAWII (Kum 61)
    Pi Lalthanmawii hi Sept. ni 29,1960 khan Pu Tlanthanga leh Pi Lalthianghlimi te inkarah unau zinga a milai ni turin Mission vengah a lo piang a. An unau hi an rual ve hle a, sawm pakhat lai an ni. Jan. ni 21, 1981 khan Tommy Malsawmdawngliana nen inneiin, Pathian malsawmna fanau rochan hmeichhia hlir pathum an nei a. An fate hian kawppui nei vek tawhin, tu pawh pariat lai an nei a ni.
    Thanmawii hi Agriculture Department ah thawkin, UDC in a pension a. A hnaah a tuiin \hahnem a ngai ve viau \hin na a, hrisel lohna in a tlakbuak avangin a hun tawp lam phei chu \hiante kep ngaiin a awm fo \hin a. A thawhpui leh an hotute lakah a inthlahrun viau \hin rualin, an chungah hian a lawm em em \hin a ni.
    Kum 1996 vel a\ang khan insawisel \anin kum 1998 April thlaah, Doctor ten phai lama kal turin an rawn angin kalpui a ni a. Hetah hian a natna chu natna khirh tak,SLE(Systemic Lupus Erythematosus) a ni tih hmuhchhuah a ni a. He a natna hian a taksa bung hrang hrangah hna thawkin, a kal te pawh a lo khawih chhe ta zel a. Kum 2019 April thla a\ang phei chuan a kalin hna a thawh \hat loh avangin Dialysis tih ngaiin a awm ta a. A kal thlak turin phai lam te panin ruahmanna te kan siam a. Hripui leng avangin duh angin  engmah a tih zung zung theih tak si loh avangin amah pawh a chaklo tial tial a. Kum 2020 September thla a\ang phei kha chuan a bawksawp ta viau a. Dialysis lak a ngai zing telh telh a, a zo lo tial tial bawk a. Kumin, 2021 February ni 6 khan Trinity damdawiinah dahluh a ni a, nikhaw hre lova awm zuiin ICU ah a awm ta ngar ngar a. Doctor leh nurse ten theihtawp chhuaha an enkawl chungin, ni 22.2.2021zing dar li leh a chanve khan a lei khualzin kawng chu zawh zovin chatuan ram min pansan ta a ni.

 

Ramtuk thla (February) Ni 20, 2021, Issue No. 8

 PAGE - 1

TUALCHHUNG :

District aiawhin khel dawn : Inter District  Volleyball Tournament March ni 2-5, 2021 a Khawzawl a neih turah ADVA (Aizawl District Volleyball Association) aiawh in kan veng a\angin Lalchhuanawma Damveng  leh Joseph Lalbiaksanga Vengthlang te chu an khel ve dawn.
    Tin, April thla ah 1st Division Super League R. Deng\huama Hall a neih tur atan inbuatsaih mek a ni a. Veng mipui te theihtawp a \awiawm turin Hlimen Volleyball Club te chuan min ngen a ni.

Lirthei tlan hun : Aizawl Traffic thu chhuah a\anga a lan danin  lirthei  intlanchhawk  hun Zing dar 9:00 a\anga tlai dar 4:30 tih chu Zing dar 9:00 a\anga tlai dar 5:30 ti  a thlak   a   ni.   He   thuchhuah   hian Ni   22.2.2021 (Thawh\anni) a\anga Ni15.10.2021(Zirtawpni) thleng a huam ang.

Kohhran hmeichhe rorel inkhawm : Inrinni kalta Feb. ni 13, 2021 khan Hlimen Damveng Presby. Kohhran-ah Hlimen Pastor Bial Presbytarian Kohhran Hmeichhe rorel inkhawm leh hruaitu thlanna hun hman a ni. Bial chhung  kohhran 5 a\angin palai tura ruatte an kal \ha hle niin thu kan dawng.

Kuang rawng kap : Feb. ni 16, 2021 khan, Branch YMA hnuai Kuang Sub-Committee member \henkhat chu kuang rawng kapin an hnatlang.

Fimkhur zel ila : Tunlaiin Covid-19 vei hmuhchhuah a tlem chho ta viau a, mitinte inthlahdah chuang lo ila, hrivei pung hluai thei reng kan ni tih hi i hre nawn leh ang u. Hri kaina chin hriat loh an awm chho zel a ni a, i fimkhur zel ang u.

Chhiatni Fund : Kum 2021 chhung atan Chhiatni Fund khawn mek a ni a. March thla ral hma a thehlut thei turin a khawntute leh chhungtin te inbuaisaih ila a \ha ang e. Chhiat tawk kan awma kan in peizawn na kawng pawimawh tak hi pe \heuh ila a lawmawm hle ang.

 

HEADLINE :

BRANCH YMA COMMITTEE THUCHHUAK
    February ni 19, 2021 (Zirtawpni) zan khan Branch Committee vawi 3-na neih a ni a, thurel tlangpui te:-
 

1. Dawr luah chungchang : YMA Hall hnuai dawr te hi kum danga kan lo tih \hin angin Advertisement chhuah leh nise tih a ni a, dawr luah man pawh dawr pakhatah ` 1,000/- nise tih a ni. Dawr luah duh ten March ni 15 ral hma a dilna hi thehluh tur a ni a, OB ten a luah tur te lo thlang mai se tih a ni.
 

2. Platinum Jubilee inbuatsaihna : Platinum Jubilee lawmna/inbuatsaihna hi chak tak a inpuahchah mek zel a niin Monument leh Souvineer a mawhphurtu te hnen a\angin report ngaihthlak a ni.
a.    March ni 23, 2021 Platinum Jubilee lawmna turah hian Branch Committee leh Section OB te nen chawhlui kilho nise, ruahmanna kimchang chu Committee leh ah rel nise tih a ni.
b.    Jubilee pual hian thisen pek runpui neih nise tih a ni a, hma lo la turin OB te ruat an ni.
c.    Jubilee pual hian Hall  rawng hi hnawih \hat nise, committee leh ah ngaihtuah nise tih a ni.
d.    YMA Hall varandah Slab hi Jubilee denchhen a chhun nise tih a ni a, OB te ruahmanna lo siam tur  a tih an ni.

3. Chhiatni inkaihhruaina ennawn (Covid-19 avanga siam danglam) :
a. Mitthi vui leh tlaivar hi a ngai ang a kal rih nise
Dar 5:00 a.m. - 10:00 a.m. inkara thi chu 1:00 p.m. a vui tur
Dar 10:00 a.m. - 2:00 p.m. inkara thi chu 4:30p.m. a vui tur
Dar 2:00 p.m. - 5:00 a.m. inkara thi chu 11:00 a.m. a vui tur (hei hi tlaivar pui tur a ni)
b. Thlan laihlawk leh vur chungchang: Thlan hi laihlawk tur a ni a, chhiattawk section mawhphurhna a ni ang a, Hmaituamna & Kutkawr hi Branch-in a ngaihtuah ang. Thlan vur hi Chhiat tawk vua leh vang, makpa te mawhphurhna a ni tih hriat bawk tur a ni.
c. Zan lam a YMA hun hman \hin hi tih hrih loh tur a ni.
d. Buhfai  leh pawisa hi chhungtinah khawn nise, Chhiatni Fund sum a\angin ` 2,000/- hlan tel nise.
e. Branch committee member bakah member a nawlpui a tlaivar nise, chhungkhat laina hnai tak an nih loh chuan vengdang mi te chu remtih sak an nilo.
f. Thlalak hi Sawm(10) aia tam lo; lak tur a ni (A bak kan duh anih chuan inlamah a hmain a remchan dan ang a lo tih lawk nise)
g.    In lam a\anga kuang kan zawn/nawr \hin hi a theih chin chinah motor hmang a phurh nise tih a ni.

4. Hall carpet lei: Hall carpet hi duhthu a sam tawh loh avangin a thar lei nise tih a ni a, hetih rual hian dawhsan hi siam \hat tel bawk tur a ruahman niin, OB ten lo buaipui se tih a ni.

5.    Bookshelf lei: Bookshelf hi lei nise, mawh lo phur turin Tv. R. Lalawmpuia, Secretary  leh Pu G. Lalzahawma, Treasurer  te ruat an ni.
-Phek 4 naah chhunzawm a ni....
 

PAGE - 2

EDITORIAL :

HRINGNUN
    Khawvela thlaler hrehawm berte zingah Atacama chu hmun rô ber pakhat a ni a, mihringte hriat theih chinah vawi khat mah ruah la tlak lohna laite pawh a awm a ni. Sahara te, Thar thlaler te pawh hetiang bawka hmun rô; zing a\anga tlai thlenga ni êng chauh lanna hmun a ni. Ni êng chauh lo chu thil danglam engmah han puakchhuah tur a awm lo a ni.
    Mihring nun pawh hi hlim leh lawmna chauhin a hmuah; lungngaihna leh lawm lohna ten a chim ngai loh chu thlaler anga nelawm loh a ni tih kan hriat a \ha ang. Kan tum leh duh ber chu hlim leh lawm a ni a. Amaherawhchu, chutiang ringawt chuan nung chho ta ila; kan \hian te, chhungte leh bula midang tan chuan nelawm loh tak, hriat thiam har tak kan lo ni mai dawn a ni.
    Tin, hlimna leh lawmna chauh kan beisei lai hian mahni hmasialna chauh kan lo nei thei bawk a. Han inngaihtuah chian chuan kan thil duh neih kan tumna kawng hi keimahni hmasialna mai a nih chuan insiam\hat ngaihna kan nei thuk hle dawn tihna a ni. Chuvangin mihring nunkawng hi chhut mite leh mi thil chikmite chuan thil chi hrang hrang a tawk chauha inlumlet a thei lo a nih pawhin kan chan \heuhah lungawi tumna kan neih a pawimawh hle a ni an ti.
    Burma ramah chuan hnim chi khat, lei chârah a awm pawhin mawi taka par, tui luang laia a awm pawhin a parmawina \hulh chuang silo a awm e an ti a. Hei hi mihring nun kaihhruaina \ha tak a ni awm e. Harsatna leh lawmna kan chunga a thlen pawhin  nunphung mawi taka kan parchhuah reng hi min siamtu Pathian duhdan a nih hmel a. Chuvangin, kan tum leh tum loh anga thil a kal pawhin kan nun hi mawi takin parchhuak zel mawlh rawh se.

 

AMC INTHLANAH MNF CHAK
WARD XIX-AH BARYL VANNEIHSANGI, ZPM TLING
    
    February ni 18, 2021 (Ningani) khan Aizawl Municipal Corporation (AMC) inthlan a vote tlate chhiar a ni a, ward 11-a tling MNF chu sorkarna siam turin an chak. Ward 19-ah MNF hi hmun 11-ah an tling a, hmun rukah ZPM, hmun hnihah Congress an tling. He inthlanah hian ward pakuaa ding BJP chu khawi ward-ah mah an tling lo. MNF hian Ward I, II, IV, VI, VII, IX, X, XI, XII, XIII leh XVII-ah te hnehna an chang a, 2015 inthlana hnehna an chan zat aiin pakhatin a pung.
    AMC inthlana an vawi khat dinnaah ZPM chu pahnihna an ni a, Ward III, VIII, XV, XVI, XVIII leh XIX te an la. ZPM hi ward 19-ah an ding a, hmeichhe ward paruk zinga pangaah hnehna an chan laiin, mipa lamah chuan pakhat chiah an tling thung. Congress party-in Ward V leh XV -ah te hnehna an chang bawk a ni.
    Kan Ward, Ward XIX-ah ZPM Candidate Baryl Vanneihsangi chuan vote 3686 hmuin hnehna a chang a, hetiang hi kan Ward chhunga Vote tlak dan leh Candidate te vote hmuh dan a ni :-

 

    Tin, Hlimen bikah hetiang hi vote tlak dan chipchiar kan neih theih a ni bawk :-

 

 

PAGE - 3

HRIATTIRNA :

Local Council thuchhuak
    Lo/ huan hal tur reng rengin  meikawng tha takin an phiat tur a ni a, hal hmain Local Council ah in report vek tur a ni.
    Tin, Local Council Office bul ah hian mimal lirthei emaw bungrua emaw dah loh tur a ni. He lai hmun awl hi vantlang thil bik tak tak, emergency thil a dah na atan ruahman a ni.

    Local Council, Hlimen

HRIATTIRNA
    Pu Lal\anpuia S/o Sangzuala (L) of Zarkawt Aizawl hian a LSC/House Pass/Shop Pass/Stall Pass/P.Patta No. 617 of 1984 Hlimen veng a mi hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Settlement Officer,
    Land Revenue and Settlement
    Aizawl District, Aizawl

KANGMEI LAK A FIMKHUR
1.    In kan chhuahsan dawn leh zan kan mut dawn in, kan gas thuk te, kan electric heater leh kan tui lumna te a in OFF \ha em tih kan enfel \hin tur a ni.
2.    In a kan electric wiring hman lai a him tawk em tih enfel reng tur a ni a, kan Ar-in electric chhitna a him \ha em tih kan enfel bawk \hin tur a ni.
3.    Kan vawkchaw chhumna mei leh kan meizial bung paih tur kan tihlum \ha \hin tur a ni.
4.    Kan in leh a vel kan vawngfai in, kangmei tichhuak awlsam thei chi dah loh a him ber a, awmze neilo in ram kan hal mai mai tur a ni lo.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-7)    9436199884, 9862476439

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
      VL-a,
(10-1)    Ph.No : 9402344486, 9615266170

 

LAWRKHAWM :

Nungcha humhalh ila
    Tunlai hian kan veng chhung leh dai velahte sava an rawn kai nasa em em a, sava tê nawi deuh bakah sava lian deuh thlengin hmuh tur an awm a. Mi \henkhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang. Nungchate hi hmuh an nuamin nun an tihlim a, chumai bakah kan chenna khawvel-ah hian inmamawh tawn kan nih avangin a suat remtu aiin a humhalhtu nih tum \heuh ang u.

Lawmthu sawina
    Hlimen mipuite in vote hlu tak min pek avangin ka lawm em em a, campaign a ka rawn kal a minlo dawnsawnna ah ka lawm tak zet bawk e. Veng nuam leh hmasawn tak ni zel turin duhsakna ka hlan a che u.
Dr. Irene Lalruatkimi

Lawmthu sawina
    Tun \um AMC Councillor thlannaah Hlimen mipui ka tlinna tura hneh taka min lo vote-tute zawng zawng hnenah thinlung takin lawmthu ka sawi tak meuh meuh a ni. Kan campaign chhung zawnga ka chunga in dawhtheihna avangin ka lawm em em bawk a ni.
    Hlimen khawtlang tana ka tih theih sang ber ti turin ka inpe a, lungrual tak leh \hahnemngai taka kan thawhho theih ngei ka beisei bawk e.
    Baryl Vanneihsangi Tlau
    Councillor, Ward XIX
    Aizawl Municipal Corporation

Bawlhhlawh dah lawk
    Bawlhhlawh paihni thlen hmain a lakkhawmna point bulah bawlhhlawh chhawp lawk kan la awm a, ui pawn chhuak ten an lo haidarh chang phei chuan a \awp thei hle \hin. Chuvangin, tun chinah chuan bawlhhlawh chhawp lawk tawh lo turin hriattir kan ni e.

YMA Library
    Branch YMA chuan library tuaithar leh a, theihtawpa  tihchhangtlung tumin hma a la mek zel a ni. Lehkhabu Donate duhte tan engtik lai pawhin a Donate theih reng a, Branch Librarian Pu Lalbiaksanga hnenah emaw Branch YMA OB te hnenah emaw Donation hi a tih theih reng a ni.

 

Advertisement...

ADMISSION NOTICE
    CANDID ENGLISH SCHOOL, Saikhamkawn, Tlangnuam Road-ah kum 2021 - 2022 session atan KG-I to Class X atan Admission a tih \an theih e.
Time : 10:00 Am - 1:00 Pm (Monday - Friday)

       (4-4)           Contact : 9862049433/9077314962

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.

(6-6)    Ph : 8787384631 /9612412458

 

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2020  thla Budget  pe tla tawh te:
1.    Kapdaia Sec.

Budget tlak
    Lalsavunga Section ten kumin chhunga Branch a an Budget ` 3,000 chu an tlak fel ta.

Section Hlimkhawpui Budget
    Section tinte hian an copy lak zat atanga 30% hi an chanpual a ni ang a, a bak 70% hi chhun luh tur  (Budget) a ni :

    Section      Copies    Budget (70%)
Buala               155    3200
Damvea           155    3200
Kapdaia           150    3100
Lalsavunga        45    900
Saichhuma      140    2900
Vawmphunga    68    1400
           Total    708    14,700

PRESS  NOTE
    Feb. ni 19, 2021 (Zirtawpni) Chawhnu dar 1:00 khan Central YMA Hall, Tuikhuahtlangah Central YMA buatsaihin, kum 2020 Krismas leh Kumthar 2021 vuatveta Halpuah leh Halmawi chi hrang hrang khapna bawhzui tha veng paruk (6) te hnenah lawmthu sawina hun hman a ni a, he hun hi Pu Lalchamliana, Hon’ble Home Minister-in a hmanpui. Halpuah leh Halmawi khapna bawhzui tha veng te chu - Muthi Branch YMA, Dinthar Branch YMA, Bethlehem Veng Branch YMA, Bawngkawn South Branch YMA, Khatla West Branch YMA, Kulikawn Branch YMA te an ni.
    Lawmthu sawina thuziak leh pawisa fai ` 3,000 \heuh hlan an ni. He hun hi Tv. Lalhmachhuana, Vice President-in a kaihruai a, Pu Vanlalruata President-in thu sawiin, “YMA hi fimkhur taka kan kal a tul, Pathianin Missionary te kaltlanga a ro min pekah chuan YMA hi a ropui pawl tak a ni. Kumhlui thlah zana Halpuah leh Halmawi a reh theih nan kum tir atangin bei ila, kan hneh em em ang. YMA chuan tha a tih chu a bawhzui chat chat zel dawn a ni” a ti a.
    Khuallian Pu Lalchamliana, Hon’ble Home Minister-in thu sawiin “Central YMA nen thawhhovin, kumin hian hma taka bul tan kan tum a, YMA hi awm ta lo se Mizo society hi enge kan nih ang aw? ka ti thin.  Kan ram tana YMA tangkaina hi sawi sen pawh a ni lo, a hlu ka ti. PWD nena thawhhona a kawngpui endikte kha a lawmawm hle mai, theihtawp chhuah zel turin ka ngen a che u” tiin a sawi. Branch 6 te hnenah hian lawmthu sawina thilpek a hlan zui nghal a ni.
    
    Prof Lalnuntluanga
    General Secretary,
    Central YMA

 

Phekhma chhunzawmna...
6.    Lehkha hmuh :
a.    Damvea Section Secretary hnen a\angin Local Council-ah Vantlang zunin te alo chhiat deuh tawh avanga Branch YMA-ah dilpui tur a an rawn dil angin remtih sak an ni. Life member tur a mi pasarih te an rawn dilpui pawh Central YMA-ah dilpui nise tih an ni.
b.    Vawmphunga Section Secretary hnen a\anga Section Asst. Leader ruat tharna dawn chu pawmsak an ni.
c.    Thlanmual Sub-Committee Secretary hnen a\anga lehkha hmuh te ngaihtuah niin pawmsak an ni.
    i) Thlan laih lai a leivung dalna tur Frame siam an dilna chu pawm sak an ni.
    ii) Thlan laih sa khuhna siam an rawtna chu pawmsak an ni.
    iii) Thlanmual chei runpui neih rawtna lo lut chu pawmsak niin, a hun leh nite chu Sub-Committee ten lo ruat se, Branch YMA ah hriattir leh se tih a ni.
    iv) Thlan laihna tur ruahmanna leh laih lawk hnatlang neih nise, Branch OB ten a hun leh ni tur te ruahmanna lo siam se tih a ni.
    v) Thlanmual-II Godown hi siam\hat nise tih a ni a, OB te leh Thlanmual Sub-Committee te nen enfel a hnatlan dan tur ruahmanna pawh lo siam tur a tih an ni.
    vi) Thlanmual Sub-committee ten ruahmanna an rawn siam, heng :-Tui chhawpna, Hreipui, Thingpui inna no, Suahdur (3 nos.), Bawngtuthlawh (3 nos.), Meihawl (1 bag), Tu\hulh (2 nos.), Lungral (1 no.) leh Cement tray te hi lei nise, Sub-committee ten mawh lo phur se tih a ni.
    vii) Thlanmual a tui semkualna hi thlan siam leh thlanlai te tan a remchang zawk a hman theih turin Thlanmual Sub-committee ten ruahmanna lo siam se tih a ni.
    viii) Pu Lalmuanpuia, Asst. Secy, Nungcha Humhalh Pawl hnen a\anga thawhho pui tur a sawmna chu a theih ang angah thawhho pui nise tih a ni.

7. Lalsavunga Park duty chungchang: Lalsavunga Park hi vengchhungin kan chhawr theih tura hmalak nise Local Council-ah lehkha siam nise tih a ni a, mawh lo phur turin OB te ruat an ni.
8. Sanitation Sub-committee ten Asst. Secy. atan a Pu Lalzopuia an ruat chu pawmsak an ni.
 

Advertisement...

ADMISSION NOTICE
    Solomon’s High School, Kulikawn, Aizawlah 2021-2022 session atan Class IX & X tan office hunchhungin admission a tih theih reng e. Mathematics leh Science subject a harsatna nei te duhsak an ni. Mathematics a fail te admission kan free theih mai bakah, Saturday apiangin Mathematics free tuition kan neihpui \hin bawk e.
HSLC 2020 Result Pass Percentage - 96.8%
Distinction    : 5 persons     1st Div.    : 11 persons
2nd Div.     : 19 persons     3rd Div.     : 22 persons
    HSLC Exam - 2020 Mizoram pum huapah English subject bikah mark hmusang pathum thlanchhuah zingah kan zirlai an tel bawk e.
Admission Fee : ` 2,000/-
Contact :    7005-684-281 / 8231-987-039
    8729-897-656 / 9774-630-781
    HC Thawnga
(6-2)    Top Ten Maths Tutor

Ramtuk thla (February) Ni 13, 2021, Issue No. 7

PAGE - 1

TUALCHHUNG :

Damlo : Lalthanmawii H/o Tommy M.S. Dawngliana, Kapdai Sec. a mi chu thisenvar tlachham (SLE) avangin Trinity Hospital-ah admit a ni a, enkawl mek a ni.

##    Pu Lalhruaimawia S/o Vanlaltluanga, Vawmphunga Sec. a mi chu pum lam fello avangin Aizawl Hospital-ah admit a ni a, enkawl mek a ni.

##    Tommy M.S. Dawngliana W/o Lalthanmawii, Kapdai Sec. a mi te chu thil ei sual avangin an In a cheng mi 7 te chu damdawiin panpui an ni a, he chanchin buatsaih lai hian \henkhat in checkup-a in lama inenkawl an awm laiin, \henkhat erawh damdawiin-ah  enkawl chhunzawm an ni.

##    Lawmkima S/o Duhthusama, Damvea Sec. a mi chu Nerve lam fello avangin  Feb. ni 10, 2021 khan Aizawl Hospital-ah admit a ni.

##    Lalawmpuii W/o Vanlalmama Kapdaia Sec. a mi chu naupai lam fello avangin Feb. ni 10, 2021 khan zai niin siamremsak a ni a, tunah in lamah enkawl chhunzawm mek a ni.

Tuak thar : R. Lalchhuanawma S/o R. Lalliansanga, Damvea Sec.a mi leh Angela Saidingpuii Sailo, Chanmari a mi te chuan Feb. ni 11, 2021 khan damchhunga nupa ni turin ‘tiam tlat e’ an ti.

## Joseph Lalthlamuana S/o Vankhuma, Saichhuma Sec. a mi leh Zoremtluangi D/o Lalthanliana, Saichhuma Sec. a mi te chuan Feb. ni 12, 2021 khan damchhunga nupa ni turin ‘tiam tlat e’ an ti bawk.

Khiangawi : Zodinsangi D/o Darkhuma (L), Kapdaia Sec. a mi chu Dec. ni 11, 2021 khan Lalrinchhana, Bukpui a mi tawnah khiangawiin a liam ta.

Hma la zel : Nungcha Humhalh Pawl, Hlimen chuan theihtawpin Serlui a humhalh chhunzawm zel a, nungcha humhalh lama tui mite inpe zelin Serlui lamah hian ven buk (duty post) siamin an duty \hin a ni. Nungcha humhalh kawnga theihtawp chhuah a, hma an la chho zel hi a lawmawmin hma pawh nasa takin kan sawn ngei ang.

 

HEADLINE :

CHHIATNI FUND AWMZIA LEH A HMAN DAN TLANGPUI
Kum 2021 atan khawn leh dawn
   
    Hlimen Branch YMA in chhiat tawhte a lo hautak tak avangin khawtlang mipuite tana thil \angkai tak a nih beiseiin kum 1983 kumtir lam khan Chhiatni Fund hi a lo siam \an tawh a, kum 35 na a lo tling ta hial a ni. He Chhiatni Fund hi kan khawtlang tan a lo \angkai hle reng a, hetih hun lai hian \henawm khua/Branch te leh Zoram hmun tam zawkah pawh an lo la siam ve thei lo a ni. A \hat zia leh \angkai ziate hriain vawiin ni-ah chuan keini Branch aia uar zawk leh duhthawh zawk an ni deuh vek tawh a ni.
    He Chhiatni Fund, chhungtin tena kan thawhkhawm hi YMA pawisa a ni lova, YMA Account ah pawh lut lovin Chhiatni Fund Sub-Committee dinin an ni hian an enkawl a ni. Kan khawtlangah thihna tawkte an lo awmin hetia kan thawhkhawm a\ang hian a \ul apiang tumsak \hin a ni a, kuang man ringawt te hi a hautak hle a, tlaivar zana tlaivarte ei leh in leh Gas mante thlengin a tum \hin a ni. |umkhat thihna lo thlengah hian ` 4,000 - `  5,000 pawhin min daih thei tawh lo hial a ni. Chhiat tawkte tan a hahdamthlak a, engmah ngaihtuah ngai lovin YMA in he fund a\ang hian a \ul zualpui te chu a tuamhlawm \hin a ni. Thihni a chhungtina ` 10 kan khawn \hin pawh hi Gas bur khat man bak adang zawng chu chhiat tawkte hnena hlan \hin a ni tawh a, thlanlai senso leh tlaivar zana senso chu Chhiatni Fund a\ang vek hian tum tur a ni tawh a ni.
    He chhiatni Fund pe ve duhlote chu he Fund a\anga chhawmdawlna ah hian an tel ve thei ngai lova, chhiat tawk thei vek kan nih avangin mitinin ngaih pawimawh a \ha hle. Chhungtin in thihna/chhiatna kan tawh vek loh avangin tlem te te a kan thawh tlingkhawm hian chhiat tawkte a tuam hlawm thei a ni tih hriat reng a \ha hle.
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni. Hman nachang hre zel ila, senso a titlem ang. Chhiattawh bawk, hautak bawk si hi a ti nep deuh dawn a ni.
    Kan khawtlangah chhungtinte khawsakna a in chen  loh avangin kan thawh theih tawk ang zel tura rin anga kan thawh dan tur hi intuk \hin a ni a, , veng \henkhatah chuan rethei leh hausa pawh heng thilah kher hi chuan an hrut rual vek zawk a ni. Chuvangin, chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

 

PAGE - 2

EDITORIAL :

MITEN MIN CHHIAR
    Piantharna hi engnge ni ang tih hi sawi tham fe a tling awm e. Kan Pathian thuin a sawi danin; mi piangthar chu a rahah kan hmu tur a ni. Piantharna rah chu engnge ni ta ang le? Nitin kan khawsak kawngah te hian piantharna rah lanchhuahna tur chu a tam khawp mai. Eng hna pawh thawk ila, eng thil pawh ti ila kan piantharna rah kan lanchhuahtir tur a ni ang.
    Kohhran rawngbawltu pakhat chu a awmpui pain, “ka pu hi Pathian \ihmi leh piangthar \ha a ni tih amahin a sawi loh chuan ka hre miah lo” a ti e, an ti. Hei hian ngaihtuahna a tithui khawp mai. Pathian ringtu, mi piangthar \ha kan nih tih hi keimahni ngeiin kan sawi loh chuan miten an lo hre \hin lo a ni. A pawi hle mai.
    Hla siamtuin, “miten min chhiar, min thlir reng e, ka awmdan zawng zawng min hai lo” a tih ang khan keimahni kan inhriat ai maha chiang hian miten min lo hre \hin a ni tih hi hria ila a \ha ang. Tlang chungah khaw awm chu thuhruk theih a ni lova, miin khawnvar halin hrái hnuaiah an dah ngai lo ang hian Pathianah lawmna thuk tak neia piantharna changte chu an rahah a langchhuak ngei ngei \hin.
    Khawiah pawh kalin; khawiah pawh awm ila, “I thu ka ke atan khawnvar a ni a, ka kawng atan êng a ni” ti tlattu nun chu fiah takin a langchuak lo thei lova, a awmna apiangah chatuan êng tarlangtu \ha tak a ni zel \hin.

 

CENTRAL YMA CHETVELNA
8.2.2021 : YMA General Conference, 2017, Champhai Zotlanga neihin “Mizoram hmun hrang hranga inkalpawhna kan neihte hi tun aia \ha leh changtlung zawka siam a nih theih nan Central YMA-in hma la rawh se” tia a lo rel bawhzuiin, Chief Minister Office, Cabinet Room-ah Chief Minister, MPWD hotute leh Central YMA OB ten kawng siam chungchang sawihona hun an hmang a, kawngpui \ha neihna turah theihtawpa tan lakho ni se, hnathawktu tur thlan ten an hna an thawh ngei theih nan hmalak remtih a ni. Hnathawktu, an  hnathawh \ha lo leh thawk thei lote chu insawifiah tura hriattir a, lungawina a awm loh chuan, hnathawk thei lo tura siam (black list) remtih a ni.  Chief Minister chuan kawngpui \ha kan neih theih nan, kawng siam mekte uluk zawka vilpui turin YMA-te a ngen bawk.

8.2.2021 : Central YMA Office-ah Mizoram Road Builders Association leh Central YMA OB ten joint meeting an nei a, Contractor hming hawha hnathawh in hna a tihchhiat theih avangin, Mizoramah inkalpawhna kawngpui \ha kan neih theih nan, Contractor hming hawh hi titawp tura \an lak ho remtih a ni.

9.2.2021 : Chief Minister Office Conference Hall-ah Governing Body of Mzoram State Health Care Society meeting neih a ni a, Pu Vanlalruata President a tel.

9.2.2021 : P&E Deptt. mi leh sate leh Bairabi VC te Power Line enfiah tura Zophaia kal chu, Assam lam a\anga JCB hmanga kawng lai leh an thawhna bul vela awm, Hnamdang (Vai) ten kut an thlak a, he thil thleng hi hriat a nih veleh Central YMA OB Meeting hmanhmawh neih nghal  a ni a, OB Meeting-in thil awmdan a hmuna thlithlai a, Bairabi leh a chhehvela Mizo awmte thlamuan tura lamkal intirh nghal ni se tia a rel angin Tv. Lalhmachhuana Vice President, Prof. Lalnuntluanga General Secretary, Pu R. Lalduhzuala CEC leh Pu K. Lalrinawma CEC te an kal.

9.2.2021 : Central YMA hnuaia Vigilance Sub-Committee te chuan, dan dik lova hralh tur eirawngbawlna Gas Bur 60 (A tak awm), Mualkhang a\anga Zokhawthar pana phurh mek chu Hunthar Vengah an man.

10.2.2021 : Central YMA Office Building zawn thlang lam kawngpui sir tuiluankawr chu bawlhhlawhin a hnawh vangin tuichhia kawngpuiah a luang a, Health & Sanitation Sub-Committee leh Land & Building Sub-Committee ten enfiahin, CYMA bakah CYMA building luahtu MTC leh NEIPOGES ten a senso intum semin thenfai a ni.

10.2.2021 : Vairengte leh a chheh velah Oil pawlhdal a awm leh awm loh enfiahin Vigilance Sub-Committee te an kal a,  Vairengte Police nen joint checking neiin, oil pawlh dal, hralh chhuah mai tura siam engemawzat an man a, Vairengte Police Station-ah case ziah luh a ni.

11.2.2021 : Director, Art & Culture Deptt. Pisa-ah Chapchar Kut 2021 Programme Committee meeting neih a ni a, Pu Hrangliana CEC a tel.

 

Advertisement...

ADMISSION NOTICE
    CANDID ENGLISH SCHOOL, Saikhamkawn, Tlangnuam Road-ah kum 2021 - 2022 session atan KG-I to Class X atan Admission a tih \an theih e.
Time : 10:00 Am - 1:00 Pm (Monday - Friday)

       (4-3)           Contact : 9862049433/9077314962

 

PAGE - 3

HRIATTIRNA :

HRIATTIRNA
    Pu Lal\anpuia S/o Sangzuala (L) of Zarkawt Aizawl hian a LSC/House Pass/Shop Pass/Stall Pass/P.Patta No. 617 of 1984 Hlimen veng a mi hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Settlement Officer,
    Land Revenue and Settlement
    Aizawl District, Aizawl

KANGMEI LAK A FIMKHURNA CHUNGCHANG
    |hal khawro lai a lo ni leh \an tawh a, kangmei lakah kan khawtlang leh veng a lo him theih nan heng thil te hi uluk tak a vawn a; zawm thlap \hin tur a ni.
1.    In kan chhuahsan dawn leh zan kan mut dawn in, kan gas thuk te, kan electric heater leh kan tui lumna te a in OFF \ha em tih kan enfel \hin tur a ni.
2.    In a kan electric wiring hman lai a him tawk em tih enfel reng tur a ni a, kan Ar-in electric chhitna a him \ha em tih kan enfel bawk \hin tur a ni.
3.    Kan vawkchaw chhumna mei leh kan meizial bung paih tur kan tihlum \ha \hin tur a ni.
4.    Kan in leh a vel kan vawngfai in, kangmei tichhuak awlsam thei chi dah loh a him ber a, awmze neilo in ram kan hal mai mai tur a ni lo.

MPF thuchhuak
    Feb. ni 16, 2021 (Thawhlehni) a AMC inthlan kan neih tura mipui te hnena hriattirna.
1. Kum 70 chin chunglam, taksa lama harsatna bik nei te leh ei zawnna (Office duty, Feh tur etc.) te tan zing dar 7 - 9 chhungin Vote thlak vek tur a ni.
2.    Lirthei hi Official duty te leh mibik an nih loh chuan Mualzawl thleng bak kal theih a ni dawn lova, duty te an awm ang.
3.    Roll No. lo en tur duty an awm dawn a, a hranpa in Party ten Polling Area-ah lo buatsaih ve loh tur a ni.
4.    Polling Area leh a bul velah bawlhhlawh hnutchhiah lo zawnga khawsa tura ngen leh beisei kan ni.
5.    Harsatna bik tak nei kan nih loh chuan lirthei a in hruai loh tur.
6.    Candidate emaw Party \henkhat rulh leh tura dawra thil lo bat/lak hi ti lo tura ngen leh hriattir kan ni.
7.    Party tin ten Banner, Poster leh Flag kan tar te hi inthlan zawh hnu remchang hmasa bera hlip tura ngen kan ni.

 

LAWRKHAWM :

Minister in rawn tlawh
    February ni 12, 2021  zing dar 11:00 vel khan Sport, Tourism etc. changtu Minister Pu Robert Romawia Royte chuan kan veng a rawn tlawh a, he hun ah hian Local Council, Branch YMA aiawh,  Hlimen Games and Sports Assn. hruaitu te bakah GSA hnuaia club hrang hrang hruaitute leh Party hruaitute an kim \ha hle a ni.
    Pu Robert-a hnenah hian Club hrang hrang te hian an mamawh te thlenin Minister hian a hnena thu thlen hrang hrangte a rem chan ang zela tihhlawhtlin a nih theih nan hmalak a tum thu te sawiin boruak tluang tak hnuaiah hun an hmang a ni.
    He huna sawi lansarh zingah chuan kan veng field (Football Stadium puitling) tihchangtlunna kal mek te, Volleyball court a zanlama inkhelh theih tura eng chhit te, Cricket tih hmasawn te, Badminton Court a Carpet \hatak phah te,  Futsal ground te a ni a,  tin,  kan veng \halai rual field trip neih chung changte  pawh sawi a ni bawk.

Hruaitu thlang
    Feb. ni 8, 2021 (Thawh\anni) zan khan Hlimen Vengthar Welfare  hruaitu thlanna neih a ni a, heng mite hi thlanchhuah an ni :

    Chairman    :    Pu B. Lalbiakmawia
    Vice Chairman    :    Pu Sangzuala
    Secretary    :    Pu Biaknghinglova
    Asst. Secretary    :    Tv. Lalthlengliana
    Treasurer    :    Tv. Lalpekthanga
    Fin. Secretary    :    Pu C. Laltinkhuma

Volleyball Club ngenna
    Quarry-a Volleyball Court siam thar chu Hlimen Volleyball Club te’n chei\ha in tunah hian inkhelh nan an hmang tawh a, helai hmunah hian lirthei eng chi mah dah a rem tawh lo a ni. Tin, helai hmunah hian ruihtheihthil ti \hin  leh a bul hnaia balu vel hmanga tibal \hin kan awm a, hetiang thil hi ti tawh lo turin kan inngen bawk e.

    Sd/- Secretary

GSA inthlan
    Feb. ni 20, 2021 (Inrinni) zan dar 7:00 hian YMA Hall-ah kum 2021 chhunga Hlimen GSA hruaitu tur thlanna neih tur a ni a, GSA hnuai a Club hrang hrangte kim taka kal turin kan inngenin kan inhriattir e.

                                      Sd/- Secretary

 

Khawchin thlir lawkna....
    The Weather Channel in khawchin a hrilhlawk dan chu hetiang hi an ni, ruah tla lo tur a rin a ni.
Date    Max.    Min.
14.2.2021 (Chawlhni)    220C    70C
15.2.2021 (Thawh\anni)    230C    60C
16.2.2021 (Thawhlehni)    230C    60C
17.2.2021 (Nilaini)    240C    70C
18.2.2021 (Ningani)    240C    70C
19.2.2021 (Zirtawpni)    230C    80C
20.2.2021 (Inrinni)    220C    80C

 

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2020  thla Budget  pe tla tawh te:
1.    Kapdaia Sec.    

Branch Committee
    A hnuaia hun leh hmun ruatah hian Hlimen Branch YMA Executive Committee neih tur a ni a, Committee Member te kim taka kal turin kan inhriattir e.
A hun    :    Feb. 19, 2021 (Zirtawpni) zan dar 7:00
A hmun    :    YMA Hall

Buala Section
    Pu Lalmuanawma, Saichhuma Sec. chuan Section inhlawhna \ha tak mai min pek avangin Section Committee chuan lawmthu kan sawi a, hnatlanga thawkchhuak member zawng zawngte chungah hruaitute chuan lawmthu kan sawi bawk e.
    Kumin chhungin Section leh Branch chetvelna hrang hranga Member tlawmngai ber Tlawmngai Award siam leh tur a ni a, mipa leh hmeichhia a hrana siam tur a ni ang. He Award hi kum danga kan tih \hin angin kumin hian Pu R. Lal\anpuia te chhungkua chuan an nu Pi HC Vanlalchhuangi hriatrengna atan an sponsor dawn a, H.C. Vanlalchhuangi Award tih a ni ang. An chhungkaw chungah Section Committee chuan lawmthu kan sawi e.

SAICHHUMA SECTION
LAWMTHU SAWINA
    January ni 8, 2021 a Section huamchhung a Side Drain tifai a tlawmngaia hnatlang a thawkchhuak zawng zawng te chungah leh a hnawmhnawk paih nan a ui miah lova motor thawhtu Pu Rozuala te chhungkaw chungah Section Committee chuan lawmthu kan sawi a.
    Tin, thingpui inna tur ` 200/- min petu Pu Zonunmawia chungah te, hnatlangte chhawl hal tih reh nan a theitui min petu Pi Lalsiamliani te chhungkaw chungah Section Committee chuan lawmthu kan sawi tak meuh meuh bawk a ni.
    Hemi ni vek a pipe unload a hnatlang a thawkchhuak zawng zawng te chungah te, a tuk January ni 9, 2021 a pipe unload tho a YMA rilru pu tak chung a hah leh buai sawi lova tlawmngaia hnatlang a thawkchhuak zawng zawngte chungah Section Committee chuan lawmthu kan sawi tak meuh meuh bawk a ni e.
    Sd/- Secretary, SCS

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-6)    9436199884, 9862476439

 

Lawrkhawm chhunzawmna...
Nungcha humhalh ila
    Tunlai hian kan veng chhung leh dai velahte sava an rawn kai nasa em em a, sava tê nawi deuh bakah sava lian deuh thlengin hmuh tur an awm a. Mi \henkhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang. Nungchate hi hmuh an nuamin nun an tihlim a, chumai bakah kan chenna khawvel-ah hian inmamawh tawn kan nih avangin a suat remtu aiin a humhalhtu nih tum \heuh ang u.

Hlimkhawpui Agent
    Buala Sec.    -    Jerome Lalduhbika
    Damvea Sec.    -    Laltlankima
    Kapdaia Sec.    -    K.Lalremruata
    Lalsavunga Sec.    -    John Vanlalpeka
    Saichhuma Sec.    -    Laltlankimi
    Vawmphunga Sec.    -    Adrew Vanneihtluanga
    Hlimkhawpui hmuh loh chungchangah leh la thar duh ten mahni Section Agent te hi biak mai tur a ni e.

Leadership etc..training
    Branch YMA in a lo rel tawh angin Feb. ni 10, 2021 zan khan YMA Hall-ah Leadership, Minute leh Account Training neih a ni.
    He hun hi Pu Lalrinmawia, Vice President in a kaihruai a ni. Pu Lalhmuchhuaka President hnen a\angin hruaitu dinhmun, pawimawhna leh mawhphurhna te ngaihthlak a ni a, Pu Duhthusama Adviser chuan kalkhawmte Account enkawl dan a zirtir bawk a, tin, Tv. R.Lalawmpuia’n Minute enkawl leh vawn dan zirtirna hun a hmang bawk a ni. Hemi hnu hian zawhna leh chhanna hun hman a ni bawk. He hunah hian Branch Committee Member leh Section Office Bearer te an kal \ha thawkhat hle a, hlawkthlak an ti hle.

 

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.

(6-5)    Ph : 8787384631 /9612412458

ADMISSION NOTICE
    Solomon’s High School, Kulikawn, Aizawlah 2021-2022 session atan Class IX & X tan office hunchhungin admission a tih theih reng e. Mathematics leh Science subject a harsatna nei te duhsak anni. Mathematics a fail te admisiion kan free theih mai bakah, Saturday apiangin Mathematics free tuition kan neihpui \hin bawk e.
HSLC 2020 Result Pass Percentage - 96.8%
Distinction    : 5 persons     1st Div.    : 11 persons
2nd Div.     : 19 persons     3rd Div.     : 22 persons
    HSLC Exam - 2020 Mizoram pum huapah English subject bikah mark hmusang pathum thlanchhuah zingah kan zirlai an tel bawk e.
Admission Fee : ` 2,000/-
Contact :    7005-684-281 / 8231-987-039
    8729-897-656 / 9774-630-781
    HC Thawnga
(6-1)    Top Ten Maths Tutor

Ramruk thla (February) Ni 6, 2021, Issue No. 6

PAGE - 1

TUALCHHUNG :

Boral : Baburam Murmu (52) H/o Vanlalpari, Saichhuma Sec. a mi chu Jan. ni 30, 2021 chhun  dar 12:00 khan a boral. Hemi tlai dar 4:30 hian Hlimen YMA Hall-ah vui niin, Thlanmual II-ah phum a ni.

Damlo : P.B. Lalrammuana H/o Lalhmingmawii Sailo, Damvea Section a mi chu Feb. ni 3, 2021 khan Ebenezer Hospital-ah a beng zai a ni a, enkawl zui mek a ni.

##    Lalawmpuia S/o Lalchhuanmawia, Damvea Sec. a mi chu Typhoid leh thin lam fello avangin Feb. ni 4, 2021 khan Alpha Hospital-ah admit a ni.

Candidate te pualin hun hmang : Feb ni 2, 2021, zan khan Hlimen MPF huaihawtin AMC inthlan lo awm tura Ward XIX candidate te pualin hun hman a ni. He hun hi Upa Rinngaia, President MPF in a kaihruai a, T.Upa Lalrampana’n hun serh a hmang. hemi hnu hian Pastor Lalchhuanawma hnen a\angin thusawi ngaihthlak a ni. Candidate hmeichhia 3 te hi thusawina hun minute 20 chhung pek \heuh an ni a, hun an hman zawh hian an subject MPF lamin an buatsaih an sawi leh \heuh bawk a ni.

YMA in ral : Feb. ni 2, 2021 zan khan Pi Malsawmi, Buala Sec. a mi chu ralna hun hman a ni a,  chhung tina pawisa khawn tlingkhawm ` 5,290 leh chhiatni fund a\angin ` 2,000, a vaiin ` 7,290 chu a chhungte hnenah hlan a ni. Pi Malsawmi chhungte hian puan 2 chu YMA ah an hlan bawk a ni.
    Tin, Feb. ni 4, 2021 zan khan Pu R. Lalhlira, Buala Sec. a mi chu ralna hun hman a ni a,  chhung tina pawisa khawn tlingkhawm ` 5,650 leh chhiatni fund a\angin ` 2,000, a vaiin ` 7,650 chu a chhungte hnenah hlan a ni. Pu R. Lalhlira chhungte hian puan 2 leh YMA-ah lawmthu sawi nan ` 3,000/- chu an hlan bawk a ni.

Free Eye Clinic : Synod Hospital atangin karleh  ni 9 & 10 hian YMA Hall-ah mit lama harsatna nei te tan Free Clinic an rawn buatsaih dawna,a duh apiang te in entir theih a ni ang.
Ni 9 ah Retailer I-a ration la te.
Ni10-ah Retailer ll-a ration la te.
    Tin,Ration Card nei lo te pawh a inentir theih bawk e. Zing dar 10:00 a\anga \an tur a ni ang.

 

HEADLINE :

A.M.C CANDIDATE-TE BIHCHIANNA
Candidate te chanchin hi Alphabetical Order anga dah a ni e :-

Baryl Vanneihsangi (ZPM) :

    Baryl Vanneihsangi Tlau hi Pu Vanrochhuanga leh Pi R.Lalhriatchhungi te inkarah kum 1991 February ni 28 khan a lo piang a, an unau hi hmeichhia 4 leh mipa 1 an ni.

    Model Vengah an khawsa mek a, Presbyterian Kohhran-ah a lawiin Senior Department Zirtirtu, Nilaini zan leh Inrinni zan \antu,  KTP Group Executive Committee Member, KTP Show leh Sports Sub-Committee Member nihna te a chelh mek. Tin, YMA Branch Executive Committee Member, YMA Section Treasurer, Publicity Sub-Committee member, Library Sub-Committee member te a chelh bawk. Zirna lamah Baryl-i hian M.A. (History) a zo tawh bawk.    
Hlimen khawtlang tana hmachhawp neih te :-
1. Local Council leh NGO hrang hrang te nena thawhhona \ha neih.
2. Tui luan kawr mumal taka siam leh a khuhna siam.
3. Inkalpawhna kawng a \ulna hmuna siam belh leh a awm sate thawm \hat.
4. Ward chhunga infiamna hmun a remchan anga siam belh leh a awm sa thawm \hat.
5. A \ulna hmun apianga street light leh CCTV dah belh.
6. Huan thlai hmanga ei zawngte tana inphochhuahna hmun siam tura hmalak.
7. Tui harsatna sutkian.
8. Kut hnathawk tu/huan thlai hmanga eizawngte chawikanna tur Central Schemes hrang hrang hai luh.
9. Zirna chawisan leh zirna In emaw zirlaite tana hma lak.
10. Rualbanlo  te chhawmdawlna leh \anpuina ngaihtuahsak.
11. Khawtlang mamawh ATM Booth dah theih nana hmalak.
12. Infiammi, zirlaite, Kohhran, pawl leh a dangte tan a \ul ang zela rualkhai taka fund hman.

Dr. Irene Lalruatkimi (MNF) :

    Dr. Irene Lalruatkimi hi Pu J.Sawilaia(L) leh Pi G.Chawngzami(L) te inkarah kum 1980 January ni 4 khan a lo piang a, an unau hi hmeichhia 2 leh mipa 4 an ni. Kum 2013 khan Dr. C.Lalduhsaka nen inneiin fa- hmeichhia 2 an nei tawh bawk. Pi Irene-i hian Doctor of Philosophy (Ph.D) a zo tawh bawk.
    Tlangnuam vengah an khawsa mek a, Baptist Church of Mizoram (BCM) kohhran-ah lawiin Sunday School zirtirtu hun rei tak a lo ni tawh a ni. Tin, Tlangnuam Branch YMA Assistant Secy. (2011, 2012),  Literature Sub-Committee (CYMA), CYMA chanchinbu News Editor (2010, 2011), CYMA Executive Committee Member (2012), Secretary-Property Sub-Committee CYMA (2012) te a lo chelh tawh a ni.
 Phek 2 na-ah chhunzawm a ni
 

PAGE - 2

EDITORIAL :

           Kan rilru put hmang hi
    Hnam tin hian rilru put hmang kan nei \heuh a, kan rilru put hmang hian kan mizia, hawiher leh kan hnamzia a pholang a ni. Mizo-te pawh hian hnamdang te nena danglam khawpin rilru hawilam kan nei a, Mizo \heuh \heuh ah pawh kan awmna a zirin kan rilru puthmang a danglam thei hle awm e.
    Chutiang bawkin kan veng pawh hian rilru sukthlek leh hawilam kan nei a, a \ha zawng leh a chhe zawng pawh a awm ngei ang le.  Mimal ngaihdan han thawh ta ila- tun\um chu \an lak kan ngaihna zawn han thlur bing deuh \ulin ka hria a, kan khawtlang hruaitute thuchhuah  hrang hrang te hi ngun taka chhut  hian awih tak kan awm rualin awih lo fe fe, thupek zawm loh chu in lak engemaw na  emaw intihtheihna emaw a ngai zawk kan awm \hin em aw tih awl tak a ni. Tin, thingtlang zawkte  tluklohna tam tak kan neih chu hmasawnna tur atana inpeknaah hian kan la pachhe deuh niin a lang bawk. Hei hi mimal leh Pawl/Political Party .etc ah pawh a lang fo mai a, \anrual kan ngaihna zawn hi kan man pha lo fo mai. In lungrualna tichhe thei zawng a chetlakna chu langsar tak pawh a kan do ngam a \ul tak zet a ni.
    Tin, kan \awng duh tlangin thil\ha pawh kan hre em em a, sawisel tur lah kan  hre narawh e. Amaherawhchu, a tih tak tak hunah chechhuak tur a ke han pen erawh kan beithamin; a ke pen chhuak ngei ngei te pawh archuk a tui lo khawpin sawi zui mai ching kan awm letling zawk te hi kan \hanmawhbawk a ni tih i hre teh ang u.
    Hei hi kan veng, kan hmangaih- kan nu leh pa, u leh nau, tu leh fa te chenna hmun a ni a, a siam nuam theitu chu nang leh kei chauh kan ni a, rilru zau leh a englama thil thlir chunga Hlimen hmakhua ngai takin kan  hmalam i pan teh ang u. 

 

Phekhma chhunzawmna.....

Hlimen khawtlang tana hmachhawp neih te :-
1. Local Council, kohhran leh NGO hruaitute nen thawhhona \ha siam.
2. Inkalpawhna kawngpui leh step siam ngaite siam leh thawm \hat ngaite thawm \hat.
3. Tui luankawr mumal zawk siam tura hmalak.
4. Kut hnathawktute tan hlawk zawka thlai an thar theih nana hmalak a hralhna tur zawn pui.
5. |halai tan zirna, infiamna, eizawnna kawh hmuh tur \halai pual ‘FORUM’ din.
6. Zirna inte tihhmasawnna tur ngaih pawimawh.
7. Tui harsatna chinfel kawnga hmalak.
8. Infiamna hmunhma tihchangtlun.

Vandingliani (INC) :

    Vandingliani hi Pu Khawtinthanga(L) leh Pi Rotuaki(L) te inkarah
kum 1962 March ni 1 khan a lo piang a, an unau hi hmeichhia 8 leh mipa 1 an ni.    Kulikawn-ah khawsa mekin Presbyterian Kohhran-ah a lawi a, Puitling Sunday School zirtirtu leh Kohhran Finance Committee-ah Assistant Secretary hna a chelh mek bawk. Tin, K|P Office Bearer kum 12 chhung a lo chelh tawh bawk a ni. Branch YMA-ah Committee member a lo ni tawh bawk. Zirna lamah Pi Vandingi hian B.A. a zo a ni.
Hlimen khawtlang tana hmachhawp neih te :-
1. ATM Booth dah tura hmalak, Mini ATM chawpchilh a dah
2. Zirlai naupang leh mipuite mamawh avangin Line Bus tlan tir
3. Bazar hmun changtlung tak siam
4. Vengchhung internal road a tam thei ang ber siam
5. Tui connection la thlen lohnaa thlen tir
6. Multipurpose Hall siam
7. Vengchhung electric hrui ABC cable-a a tam thei ang ber thlak
8. Vengthlang to Khurpui jeepable road a siam.
9. Lalsavunga Park tihchangtlun
10. Vengchhak to Lalsavunga Park balcony siam
11. Vengthar jeepable road concrete leh turning point siam
12. Futsal Ground siam
13. Basketball Court tihchangtlun

 

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-10)    Ph.No : 9402344486, 9615266170

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-5)    9436199884, 9862476439

 

PAGE - 3

HRIATTIRNA :

HRIATTIRNA
    Pi Lalthanpari D/o T. Ngurauva (L) of Ramthar Veng Aizawl hian a LSC/House Pass/Shop Pass/Stall Pass/P.Patta No. AZL 201 of 1984 of S.Hlimen veng a mi hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.
    Sd/- Director,
    Land Revenue and Settlement
    Mizoram, Aizawl

LABOUR & EMPLOYMENT CHUNGCHANG
    Labour & Employment hnuaiah Renew ngai, Scholarship leh thildang buaipui ngai pawh kan buaipui sak thei bawk e.
SCHOLARSHIP DIL NANA NGAITE-
1. Labour & Employment card attested xerox copy-1
2. Marksheet/Principal Hriatpuina lehkha
3. Member Passbook xerox attested copy-1
4. Zirlai Birth Certificate xerox attested copy-1
    Zirlai dilsakte Scholarship hi tun session (Current Year) 2020-2021 tur ani a,dil theih hun chhung hi February 2021 thleng a ni.Form hi kan hnenah a laktheih nghal a,xerox pawh kan ti thei nghal bawk e.
    Renew tur October 2020 a thehlut hman tan Card a lamtheih tawh bawk e.
    Lalmuanpuii
    Hlimen, Damveng

FAINA  LEH  THIANGHLIMNA  INZIRTIRNA
1.    Tifaitu chuan a ram leh hnam tan hna \ha a thawk a ni.
2.    Mahni kawmthlangah leh Tukverhah te bawlhhlawh paih mai mai loh tur a ni.
3.    Faina hian hlimna a thlen a, bal in rilru thianghlim lo min thlen thung.
4.    Ruahsur lai denchhena tuiluankawra bawlhhlawh paih hi chin loh tur a ni a,midang tan hnawk a ni thei. Bawlhhlawh paih fimkhur loh hian chhiatna nasa zawk a thlen thei.
5.    Naupangten  faina  an  nunpui  theih nan  nu  leh  pa  ten  faina  chungchang  hi chhungkuaah i sawi \hin ang u.
6.    Taksa vawn fai leh enkawl \hat hi damreina leh hriselna a ni a, sum tam tak hlepna a ni.
7.    Faina chauh hi natna hrang hrang hnawt darh theitu a ni.
8.    Vantlang kawng leh kawngpui dunga cheng ten, kan kawt z^wn kawngpui leh Step te fai taka enkawl hi kan mawhphurhnaah i ngai ang u.
9.    Kawng kal laia kan thil eina kawrte kawngah paih mai lovin, bawlhhlawh bawmah paih hram hram ila, paihna remchang a awm loh chuan ipte ah ak rih mai ila a \ha ber.
Phek 4-naah chhunzawm a ni

 

LAWRKHAWM :

Chhiatni Report
    Pi Malsawmi puala buhfai leh pawisa khawn khawm dan ziaka hmuhtheih chin :-
    Section       Chhungkua    Buhfai    Pawisa           
    

Buala                   131          144    1,260        

Damvea               131          132    1,310        

Kapdaia               125          137    1,170        

Lalsavunga            40            43    380        

Saichhuma            73            81    620        

Vawmphunga         62          70    550                       

Total                   562          607    5,290

    Pu R. Lalhlira puala buhfai leh pawisa khawn khawm dan ziaka hmuhtheih chin :-
    Section      Chhungkua    Buhfai    Pawisa           
    

Buala                 138          147    1,290        

Damvea             137          142    1,340        

Kapdaia              121          135    1,130        

Lalsavunga          26            26    260        

Saichhuma         115          127    1,110        

Vawmphunga      65            74    540                       

             Total    596            637    5,650

Lawmthu sawina
    Kan pa R.Lalhlira ni 29.1.2021 a boral chungchangah lawmthu sawi tur tamtak kan nei a. Hlimen-ah hian mikhual ang maia awmin kan la awm rei lo em em a. Thenawm hnaivai tak tan lo chuan hriat hlawh hman kan la ni lova, kan beisei loh tak maiin chhiat kan tawk thut ta si a. Kan chhungkua kan mangangin kan zam hle mai a, nimahsela kan rin phak bakin hlimen khawtlang , Kohhran leh YMA ten dan pangngai anga vuina leh phum min remtihsak hi kan lawm hle a, Hlimen-a mithar kan nih lang miah lova min bawihsawm leh kan khawhar hlauva chhumlo chat lova min lenpui hi a ropui kan ti in kan lawm takzet a ni.
    Mi mal tin hnena lawmthu sawi kan duh em em rualin  sawi sen a nih loh avangin he chanchinbu kaltlanga lawmthu sawina hi min pawmsak turin kan ngen tak meuh meuh  a che u.
     A tawp berah chuan keini chhungkua chuan Hlimen khawtlang hi khaw entawn tlak leh ropui tak in nih zia hmu leh ataka tawngtu kan ni hi kan lawm in vannei kan in ti takzet a ni. Hlimen khawtlang mipui te Lalpan malsawm vek che u rawh se.
                In khawngaihna dawngtu
                Zosangzuala te unau.

 

Advertisement...

Shillong Sofa
    Shillong Sofa tlawm takin Aizawl Sumo Counter thleng kan tih thlen sak thei e, Cushion \ha No.1 vek kan hmang bawk e. Design leh thlalak en duh tan a hnuaia contact number tarlanah hian a biak theih reng e.
Set 1-3 seater pakhat leh 2 seater pakhat ` 15,000/-
Set 1 leh a chanve - 2 seater pakhat leh 3 seater 2 ` 25,000/-
Set 2 – 2 seater pahnih leh 3 seater pahnih ` 30,000/-

Contact :        Call    -    7005949358
    Whatsapp    -    8974326755

 

PAGE - 4

KEIMAHNI :

Hlimkhawpui Budget
    Hlimkhawpui  Nov. & Dec 2020  thla Budget  pe tla tawh te:
1.    Kapdaia Sec.    2. Lalsavunga Sec.
3.     Damvea Sec.    4. Buala Sec.
5.     Saichhuma Sec.    6.    Vawmphunga Sec.

Leadership etc..training
    Leadership, Account & Minute training :
A hun : Dt. 10.2.2021 (Nilaini) zan dar 7:00 Pm
A hmun : YMA Hall
Chairman : Pu Lalrinmawia, Vice Pre.

Resource Person :
    a) Leadership    :- Pu Lalhmuchhuaka, President
    b) Account    :- Pu Duhthusama, Adviser
    c) Minute    :- Tv R. Lalawmpuia, Secretary
    Hemi hunah hian Branch Committee Member leh Section Office Bearer zawng zawng kim taka kal tura ngen kan ni e. Ei leh in tuihnai tak siam a ni ang.

Buala Section
    Buala Sec. YMA Committee hmasa ber neih tur a ni a, kum 2021 chhunga Committee Member a lakte kim taka kal turin kan inngen e.
A hun    :    Feb. ni 8, 2021 (Mon) zan dar 7:00
A hmun    :    YMA Hall

Sawi fiahna
    Pu Baburam Murmu-a boral chung changah khawtlang mipuia chhiatni thilkhawn kan khawn \hin chu khawn anih loh avangin, zawhna tam tak a awm a. Khawtlang mipui te’n kan hrethiam lo deuh niin a lang a, hetiang hi thil awm dan a ni e. Pu Baburam-a hi Hlimen khua leh tuiah pawm a la ni lo a, tin, chhiatni fund an pe lo a, thlanmual fee chauh an pe bawk a ni. Veng chhunga hnamdang awmte hi khua leh tuiah pawm an ni vek lo a, khawtlang, kohhran, chhiatni \hatnia an in hman dan a zirin, Branch YMA Committee in a pawm chauh \hin a ni.

 

Advertisement...

JOSEPH ENTERPRISE
    PVC Ceiling, Gypsum board, Louvers leh Ceiling materials kan zuar e.
Location : NGAIZEL, LR Traders chung, Jitters hnuai, Aizawl City Bus Owners Office bulah kan awm a, parking ah buaina a awm lo.


(6-4)    Ph : 8787384631 /9612412458

ADMISSION NOTICE
    CANDID ENGLISH SCHOOL, Saikhamkawn, Tlangnuam Road-ah kum 2021 - 2022 session atan KG-I to Class X atan Admission a tih \an theih e.
Time : 10:00 Am - 1:00 Pm (Monday - Friday)

       (4-2)           Contact : 9862049433/9077314962

 

Phek 3-na chhunzawmna.....
10.    Lirthei a\anga bawlhhlawh paih hi a mawi lovin a changkang lo tak zet a, keini chuan i ching ve lo ang u.
11.    A kh^t tawkin kan Septic Tank te a p<t leh p<t  loh enfiah \hin tur a ni, midangtan  rimchhia  leh  tenawm  mai  a  ni  si  a.  Ruahsur  denchhen  leh  tuichhe  paih remchanga hmanga Septic Tank sah hi chin loh ni bawk se. Kan kawtkai velah Zun In kan siam a nih pawhin, \henawmte tana rimchhe lo tura enkawl a \ul hle bawk.
12.     Kan Vawk In leh Ar In te hi midang tana rimchhe lo tura enkawl tur a ni.
13.    Changkanna leh fai hi thil inkawp tlat a ni a, fai an hrisel a, fai loh chuan a hrisel theih loh.
14.    Fai hi zahawma min awmtirtu a ni.
15.    Mimal faiin midang a tihbawlhhlawh chuan pawi a khawih a ni. Vengs^ng ho fai duh bawlhhlawh paihin venghnuaiho pawi a khawih tlat. Mahni bawlhhlawh paih fimkhur loh hian \henawmte leh kawmthlangte a tibuai thei.
16.    Kan eizawnna hmun hi fai tak leh zahawm taka enkawl hi kan tih tur a ni a,mipuiin an dawr ch^k tur khawpa kan enkawl uluk a \ul hle.
17.    P^wn-ah emaw, verandah-ah emaw, inchh<ngah emaw bawlhhlawh b^wm dah a nih chuan chhin neiin, hmuh hahdam takin siam tur a ni.
18.    Inchhung bungbel leh thil eina hmanrua te a faiin a thianghlim tur a ni a, Ei tur siamna hmun (choka) te a fel fai tur a ni.
19.    Faina kan ngaihpawimawh danah hian miin min teh fo tih hi i theihnghilh lo ang u.
20.    Zuk leh hmuam hi a ti ve lo tan chuan rimchhia a nih theih avangin, mi zingah chin dan tawk thiam a \ul hle.

CENTRAL YMA CHETVELNA
1.2.2021 : Vigilance Sub-Committee aiawhin Pu H.F. Lalrinpuia CEC, Pu Vanlalruata CEC, Pu Lalmuankima Sailo Asst. Secretary, Vigilance Sub-Committee ten Director Transport Deptt. chu a pisa-ah an hmua, Motor Registration leh Driving Licence pek chhuah chungchangah dik leh felfai taka hmalak a nih theih nan an sawipui.

2.2.2021 : Chief Minister Office Conference Hall-ah Chapchar Kut Organising Committee 2021 meeting neih a ni a, Central YMA OB-te an tel.

2.2.2021 : Secretary, Transport Deptt. chu Vigilance Sub-Committee ten a pisa-ah an hmu a, Motor Registration leh Driving Licence pek chhuah chungchangah dik leh felfai taka hmalak a nih theih nan an sawipui.

2.2.2021 : E-in-C, PWD pisa-ah CYMA OB te leh PWD Official ten Jt. Meeting an nei a, Mizoram chhunga Motor kawng laih leh siam mekte, thawh hun chhung tur bituk chhung ngeia tha taka laih leh siam zawh a nih theih nana hmalak a tul thu an sawiho.

3.2.2021 : Dt. 1.2.2021-a Myanmar Sipai ten NLD sawrkar thuneihna hnehchhuh a, NLD Party hotute pawn chhuak thei lova an hren demna leh Myanmar-a Zohnahthlakte thlavang hauh nan MZP Gen. Hqrs. bultumin Vanapa Hall kawtah Sitting Demonstration hun hman a ni a, Pu Vanlalruata, Chairman, NGO Co-Ordination Committee & President, CYMA chu telin thu a sawi.