Hlimkhawpui 2021: December 2021

Friday, December 31, 2021

Pawltlak thla (Decmeber) Ni 31, 2021, Issue No. 52

PAGE - 1

TUALCHHUNG:

Boral : Pu Vanlaluapa (70) H/o Sapchhungi, Vawmphunga Sec. a mi chu Dec. ni 19, 2021 (Pathianni) zing dar 6:50 khan a boral. Hemi ni vek chawhnu dar 1:00 khan vui liam a ni.

Damlo : Lalrinpari D/o Samuel Lalrinawma, Saichhuma Sec. a mi chu SLE avangin Dec. ni 18, 2021 khan Trinity Hospital, Silaimual-ah admit niin Hospital lamah hian enkawl chhunzawm mek a ni.

##    Pi Zahmingi, Damvea Sec. a mi chu Dec. ni 20, 2021 khan stroke avangin Aizawl Hospital-ah admit niin investigation hrang hrang tih niin enkawl chhunzawm mek a ni.

##    Pi Rempuii W/o Vanlalsanga, Vawmphunga Sec a mi chu taksa lam harsatna avangin Dec. ni 19, 2021 khan Trinity Hospital ah admit a ni a, dam takin a lo chhuak leh ta niin thu kan dawng.

##    Pu C.Lalzuiliana H/o Lalthani, Damvea Sec. a mi chu pum lam fello avangin Dec. ni 23, 2021 khan Aizawl Hospital-ah admit a ni a, Dec. ni 26, 2021 khan a lo chhuak leh ta.

##    Lallawmsangi D/o Lalngaihawma, Damvea Sec. a mi chu zunkawng lam fello avangin Dec. ni 22, 2021 khan BN Hospital, Kulikawn panpui niin admit a ni a, dam takin a lo chhuak leh ta.

Nâu nei thar : Pu Lallawmsanga leh Pi Lalkhawngaihi te nupa, Saichhuma Sec. a mite chuan Dec. ni 20, 2021 khan Synod Hospital, Durtlangah fanu duhawm tak an nei thar.

##    Pu Vanlalhmuaka leh Pi Lalruatmawii te nupa Buala Sec. a mite chuan an fa pathumna atan Dec. ni 29, 2021 khan Civil Hospital-ah hmeichhia duhawm tak an nei thar.

Doctor zo : Samuel Vanlalpeka S/o Rev. Lalchhuanawma, Saichhuma Sec. a mi chuan SJM College of Pharmacy, Chitradurga, Karnataka a\angin Doctor of Pharmacy (Pharm. D) chu December ni 21, 2021 khan \ha takin a passed chhuak.

Kan vengah rawn pem : Pu RK Zokunga te chhungkua chu Ramhlun Venglai a\angin kan vengah rawn pemin Damvea Section-ah an awm a ni.

HEADLINE :

CHAWIMAWINA LEH LAWMPUINA
HUN HMANG

   Hlimen Branch YMA in Central YMA Office Bearer atana a nominate Pu R.Lalngheta chu President a thlantlin a nih tak avangin Hlimen Branch YMA chuan amah lawmpuina leh chawimawina hun hman nise tia a lo rel angin Dec. ni 28, 2021 (Thawhlehni) chawhnu lam khan he hun hi hman a ni.
   Lawmpuina leh chawimawina hun hi Pu Lalhmuchhuaka, President Hlimen Br. YMA in a kaihruai a, Committee Member Nl. Miriam VL HMangaihzuali’n hunserh a hmang a ni. Pu R.Lalngheta, President CYMA hnen a\angin thu \ha tak ngaihthlak a ni a, a duh apiang tan thusawina hun hawn niin mi engemaw zatin thusawina hun an hmang bawk a ni.
   Branch YMA in Pu R.Lalngheta chawimawina thuziak (Citation) a buatsaih chu Pu Lalrinmawia, Vice President Br. YMA in a hlan a, Pu Robuanga, Fin.Secretary chuan tawlhlohpuan a bahtir bawk a ni. Tin, Local Council leh Kapdaia Sec. ten chawimawina thuziak (Citation) an hlan bawk a, MHIP leh MUP ten lawmpuina pawisa fai an hlan bawk a ni.
   Hemi ni hian Branch YMA Committee Member, Section tin Office Bearer te leh Branch YMA in a sawm bik Local Council Member, MHIP OB leh MUP OB ten lawmpuina leh chawimawina hun hi an hmang a. Tlaiah chawhlui tuihnai tak an kilho nghal a ni.
   Rampum huap tlawmngaipawl lian ber Central YMA President kan vengin kan nei hi a lawmawmin veng a chawimawi hle mai a, Pu Ngheta kal zelna turah duhsakna kan hlan e.

CEC MEETING

   Dec. ni 29, 2021 (Nilaini) khan kum 2021-2023 chhung atan a Central YMA, Central Executive Committee neih a ni a, he hun hi Pu R.Lalngheta, President Central YMA in a kaihruai a, Prof. Lalnuntluanga, General Secretary hnen a\angin Central YMA hmalakna tlangpui report ngaihthlak a ni.
   CEC meeting chuan Dec. ni 16, 2021-a YMA General Conference vawi 73-na R.Deng\huama Hall a neih zawh tak chungchâng thlir let in, YMA General Conference tluang taka zawh fel a ni chu lawmawm a ti a, a hlawhtlin theih nana thawktu zawng zawng te chungah lawmthu a sawi a ni.
   Meeting chuan Myanmar raltlan te hun remchang hmasa a tlawh chhuah turin ruahmanna a siam a, YMA kumpuan 'Ram leh hnam humhalh' inkaihhruaina duangtu tur committee leh Mizoram kaltlang a dan lova kuhva tawlh \hin chungchang zirchiang tur committee a din bawk.

PAGE - 2

EDITORIAL :

Kum thar chibai

   Kum 2021 atana Hlimkhawpui Weekly News Letter buatsaih hun atana hun hnuhnung ber a lo ni ta reng mai. Hripui leng avangin Press lamah Print thei lo mah ila, khaihlak em em awm hauh lova tun hun thleng maia social media lamahte chhiar theih turin kan buatsaih chho ve zel a, mi \hahnemngaite leh Editorial Board te inpekna Pathian in mal a sawm avang chauh a ni a. Malsawmna min petu Pathian hnenah lawmthu awm rawh se.
   He chanchinbu hi khawtlang tan leh chhungtinte tana \angkai tak leh chhawr tlak tak a nih theihna tura tualchhung chanchinthar, thu a chhia a \ha rawn thawh \hin tute leh thu leh hla \ha tak tak khawtlang mipui te tana rawn thawh \hin tute zawng zawng chungah Editorial Board ten lawmthu kan sawi mawlh mawlh a ni. Kum thar 2022 ah pawh he chanchinbu hian kum kalta lam aia hma a sawn zel theih nan nasa lehzualin thiamna leh hriatna leh finna te \hahnem ngai taka rawn thawh lehzel turin kan ngen che u a ni.
   Tin, he chanchinbu a thu leh hla a ni emaw, thu a chhia a \ha tarlan \hin ah te tihdikloh palhte, chawimawi tlak leh infuih ngaihna chung changah te, famkim lohna kan neih te insawisel mai lova thurawn \ha min pek fo \hin avangin kan lawm hle bawk a ni.
   Kum thar 2022 kumbul a\angin hun leh tui luangin tumah a nghak ve ngai lo a ni tih hriain thil engpawh kan tihna apiangah inchhir a sawt lo, siam\hat leh nan hunin min nghak fo lo a ni tih hi vawng tlat ila. Kum 2022 kumthar chu kum \ha leh hriat reng tlak; malsawmna dawn kum i tan leh ka tan a ni ngei ang. 2022 kum thar lo thleng tur hi chhiartu zawng zawng te tan a \ha zawnga malsawmna a nih theih nan Hlimkhawpui Chanchinbu buatsaih tute chuan duhsakna kan hlan a che u.
KUMTHAR CHIBAI VEK U LE

KAN THEN TAK

Pu Vanlaluapa (Kum 70) :
   Pu Vanlaluapa hi Pu Chawnghranga(L) leh Pi Thangkungi(L) te fa ni turin August ni 23,1952 khan Tlangpuilian khuaah a lo piang a, an unau hi 11 niin hmeichhia 4 leh mipa 7 an ni.
   Pu Vanlaluapa hi a naupan lai a\anga pian\ha leh thuawih thei tak a ni a, zirna lam ah a zir sang lo a, kuthnathawh lamah erawh chuan mistiri thiam tak a ni a. Kum 1973 khan Hlimenah a nu leh pa te nen awmhmun rawn khuar \anin, a pa pawh 1976 khan Hlimen thlanmualah vuiliam a lo ni tawh a, a nu hi 1990 khan a boral bawk a ni.
   April ni 9,1975, khan Pi Sapchhungi D/o Lalthanga (L), Hlimen nen inneiin fa panga(5)- hmeichhia 2 leh mipa 3 an nei a ni. Tin, tu hi 16 a nei a, tuchhuan 6 a nei bawk a ni.
   Kum 1993 khan Govt. Middle School-II, Hlimenah Craft Teacher hna thawkin September, 2016 khan pension in a chhuak a ni. Kum 1983 ah Hlimen Isua Krista Kohhran a lo pian khan kohhran ah awmin 1984 a\ang khan \halai ah te in hmangin, 1986 a\ang phei kha chuan Upa nihna changin Kohhran ah a kul a taia inhmangin mawhphurhna chi hrang hrang chelhin, zing \awng\ai phei chu 2018, a damloh hma zawng hruaitu ber a ni \hin a ni. Bialah leh ram pum huap Assembly-ah te pawh Department hrang hrang ah mawhphurhna neiin AEC member nihnate hunrei tak a lo chelh tawh a ni.
   Pu Vanlaluapa hi Pathian malsawmna dawngin pa hrisel tak a ni \hin a, damlohna avangin damdawi in ah vawikhat mah lut lo in a awm a, amah pawh hian mak ti in Pathian hnenah lawmthu a sawifo \hin a ni. Kum 2011 a\ang khan pum lam insawiselna a nei \an a, doctor te rawn in damdawi te pawh a ei \hin tih mai loh chu damdawi in ah admit ngai in a awmlo a ni. 2021 April thla khan Covid-19 vaccine la ve in, hemi hnu hian insawisel in; pum lam \ha lo te a nei zual a. Hemi hnu hian Trinity Hospital-ah inentir a kalpui a ni a, hetah hian Pumpui Cancer a ni tih hriatchhuah a ni. Chi ai hauh lovin Pathian hnenah "Hei leh chen hi hriselna \ha tak nen min hruai avangin lawmthu sawi a \ul" a ti a, chhungte leh \hiante awm ang angte hun hmanpuiin lawmthu sawi \awng\aina a hmang nghe nghe a ni.
   Amah hian ná a neih hran loh avangin Chemo khaite \ul a ti lo a, Pathian ah lawmna a neih tlat avangin a chunga thil thlengah a lungawi thu a sawifo a, chuvang chuan taksa chakna lam chi chauh a enkawl a ni. Na nei hauh loin awm a, a taksa erawh a chaklo ve zel a, December ni 12, 2021(Thawhlehni) zana a mu chu lo harhin, vawi engemaw zat Halleluiah rawn pe in, a aw neih ang tawkin Pathian a fak a,\hat lam pan leh mai tur a kan beisei laiin, December ni 19, 2021 zing lam dar 6:54 khan min peihloh san ta a ni.

Khawchin thlir lawkna....

   The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun   : Kartir - 6:01 A.m.   Kartawp - 6:02 A.m
Ni tlak hun    : Kartir - 4:43 P.m.    Kartawp - 4:48 P.m
Date                                 Max.   Min.
1.1.2022   (Inrinni)      230C   70C
2.1.2022   (Chawlhni)      230C   70C
3.1.2022   (Thawh\anni)   230C   60C
4.1.2022   (Thawhlehni)   220C   50C
5.1.2022   (Nilaini)   220C   50C
6.1.2022   (Ningani)      220C   60C
7.1.2022   (Zirtawpni)    220C   60C
8.1.2022   (Inrinni)   220C   70C

PAGE - 3

HRIATTIRNA :

NGENNA LEH HRIATTIRNA

   Kan hriat theuh angin hunpui kan hman mek lai hian Covid-19 hri in min la chim reng a. Tunah hian virus chi thar Omicron a rawn hnai leh mek bawk a ni. Hetiang dinhmuna kan awm lai hian fimkhur tak leh inthlahdah lova mipui kan awm a ngai a. Mizoram sawrkar leh Deputy Commissioner, Aizawl-in inkaihhruaina leh thupek a chhuahte \ha taka zawm turin mipui kan inngen a, a hnuaia tarlante hi zawm turin kan inngenin kan inhriattir thar leh a ni.
1. AMC area chhungah zan dar 9 leh zing dar 4 inkarah pawnchhuah khap a ni a. Dawrkaite leh pawnchhuakte pawh zan dar 9 a rik hmain inpeihfel hman tur a ni. Curfew hun chhunga tihtur insiam chawp a, pawnchhuah dil ngaia awm lo turin mitin kan inngen a. Hun leh programme kan ruahmante pawh zan dar 9 rik hmaa inpeihfel hman ngei turin duan ni thin ni se.
2. Mipuite'n hnathawhna hmun hrang hrang leh chetvelnaah mask vuah reng tur a ni.
3. Loh theih loh thilah lo chuan pawnchhuah leh inlenpawh loh tur a ni a. Building khata in hrang luahte pawh intlawhpawh loh tur a ni.

   Sd/- (Dr. LALHRIATZUALI RALTE) IAS
   Deputy Commissioner,
   Aizawl District, Mizoram

HIGH SCHOOL NGENNA/HRIATTIRNA

1. Govt. Hlimen High School chuan Pi Lalnunchami te chhung hi School building a luah tir a. Anni hi School compound humhima venghimtu tur an ni a. Khawtlang mipuite pawhin an dinhmun hi min lo hriatsaka min lo ngaihpawimawh sak turin kan ngen che u.
2. Govt. Hlimen High School Basketball Court hi lirthei dah nana hmang lo tur leh lirthei tlan lut lo turin khawtlang mipuite kan ngen bawk a ni.

Sd/- Headmistress, Govt. Hlimen High School

Advertisement...

MD Septic Tank Service

   Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak kan ni e. Kan rate a tlawm bawk.

Regd. No MSR542,                      Ph.No
(52-52)   9436199884, 9862476439

Septic Tank khat tan

   Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e.
   Rate chu inbiakremna ang a ni ang.

   VL-a,
(10-7)   Ph.No : 9402344486, 9615266170

LAWRKHAWM :

HLIMEN COVID-19 DINHMUN

Issue hmasa lama tarlan bak kan veng Covid-19 dinhmun hetiang hi a ni.

Dt. 21.12.2021 (Thawhlehni) : Hemi ni hian positive zing a\angin dama chhuak 2 an awm a, Vawmphunga Sec. a an ni.

Dt. 25.12.2021 (Inrinni) : Hemi ni hian positive zing a\angin dama chhuak 4 an awm a, Buala Sec. a mi 2, Vawmphunga Sec. a mi 1 leh Kapdaia Sec. a mi 1 an ni.

Dt. 28.12.2021 (Nilaini) : Hemi ni positive mi 2 kan nei a, Saichhuma Sec. a mite niin ZMC-ah enkawl an ni.

   SECTION   TOTAL CASE   ACTIVE CASE
   Buala                  55   Nil
   Damvea              89   Nil
   Kapdaia               51    Nil
   Lalsavunga      Nil    Nil
   Saichhuma          46    2
   Vawmphunga 19      Nil
               TOTAL   260 2
Dam tawh mi 257,                  Dam tawh zat percent : 98.84

2021 chhunga mual liam ta te :

   Hming & Kum               Thihni   Section

1.   Vanlalhriati (63)          Jan. 16   Vawmphunga
2.   Abusale (72)              Jan. 18   Saichhuma
3.   Malsawmi (86)      Jan. 27   Buala
4.   R. Lalhlira (65)            Jan. 29   Buala
5.   Baburam Murmu (52) Jan. 30   Saichhuma
6.   Lalhruaimawia (32)   Feb. 22   Vawmphunga
7.   Lalthanmawii (61)      Feb. 23   Kapdaia
8.   Ramfangzauva (76)   Mar.13   Damvea
9.   Lallawmawma (36)   Apr. 2   Damvea
10. Lalnunpuia (37)           Apr. 3   Kapdaia
11. Thanchhunga (81)      Apr. 23   Damvea
12. Biakmawii (78)           May 5   Saichhuma
13. Remruatdiki (18)   June 10   Kapdaia
14. Lalrindika (43)      June 16   Saichhuma
15. Vanlalsangi (78)         July 1   Saichhuma
16. Thanthianga (86)   July 22   Kapdaia
17. Lalthangliani (75)   Aug. 1   Damvea
18. Ramthangi (80)        Aug. 12   Damvea
19. Rochhunga (61)       Sept. 1   Buala
20. Lalmuanpuii (52)   Sept. 23   Saichhuma
21. Biakthansangi (61)   Sept. 25   Saichhuma
22. Parliana (70)   Oct. 3   Damvea
23. Rothluaii (82)              Oct. 10   Saichhuma
24. Lalrinmawii (58)   Oct. 20   Damvea
25. Vanlaluapa (70)          Dec. 19   Vawmphunga

   Heng bakah hian ruang chhuak pakhat(1) Buala Section a\angin kan nei bawk.
   Section hrang hrang a\anga mual liam kan neih dan chu hetiang hi an ni:-
Buala Sec. - 3           Damvea Sec. - 7      Kapdaia Sec. - 4
Saichhuma Sec. - 8   Vawmphunga Sec. - 3
   Boral tate hi an kum chawhrualin kum 63 vel a ni.

PAGE - 4

KEIMAHNI :

Hlimkhawpui Budget

   Hlimkhawpui Nov. & Dec. 2021 thla Budget pe tla tawh te:

1.   Kapdaia Sec.   2. Buala Sec.
3. Lalsavunga Sec.   4. Damvea Sec.
5. Saichhuma Sec.

Branch YMA inthlan

Dec. ni 30, 2021 zan khan YMA Hall-ah Hlimen Branch YMA kum 2022 chhunga hruaitu tur thlan a ni a, he thu buatsaih lai hian inthlan result kan hre hman lova, Issue lehah rawn tarlan a ni ang.

Tanpuina pe

Hlimen Branch YMA chuan Krismas pualin kan vengchhunga chhung harsa mi 5 hnenah \anpuina ` 2,000 \heuh an pe.
Heng mite hi Kapdaia Sec. 3, Vawmphunga Sec. 1, leh Saichhuma Sec. 1 te an ni.

YMA in ral

Dec. ni 23, 2021 (Nilaini) zan khan Pu Vanlaluapa, Vawmphunga Sec. a mi chu ralna hun hman a ni a, a fapa Pu Lalhmunsiama Branch YMA Commtt. Member a nih avangin Branch Committee bik ralna pawh neih nghal a ni. Ralna pawisa ` 7,600 leh buhfai bakah Committee Member te ralna an thawhlawm tlingkhawm hlan an ni. Pu Vanlaluapa chhungte hian a \ul apiang a hman turin YMA-ah puan 2 an hlan let bawk.
Ralna hun hi Pu Lalrinmawia, Vice President in a kaihruai a, Pu Lalrinchhana, Commtt. Member in hunserh hmangin Pu Lalhmuchhuaka, President in thuchah tawi a sawi. Ralna, vantlanga thil khawn hi Tv. Lalkhawmawia, Commtt. Member in a hlan a, Committee Member ralna bik hi Pu Lalhmingliana Ex-Officio in a hlan bawk a ni.

Y.M.A. sum Audit Report

Dec. ni 29, 2021 zan khan YMA Hall-ah Hlimen Branch YMA hnuai a sum enkawl hrang hrangte audit a ni. Audit reports hetiang hi a ni e.

Lawrkhawm chhunzawmna.....

Zunin chei |hat nan pe

Pu F.Zosangzuala, Local Council Member chuan Local Council a ahlawh tlingkhawm chu Damvea Sec. te hnenah zunin chhe tawh siam\hat nan a hlan a. Dec. ni 29, 2021 khan Section YMA Committee Member ten hnatlangin an thawk a, zunin pahnih Brick leh cement hmanga siam\hat niin siam zawh hunah rawng nalh taka hnawih turin an ruahman a ni. Pu Zosanga hian Local Council a ahlawh hi \um dangah pawh khawtlang tan a hmang \hin a, a fakawm hle. A chungah Section hruaitu ten lawmthu an sawi tak meuh meuh a ni.

HERITAGE WALK-AH LAWMMAN LA

Dec. ni 29, 2021 khan Mizoram Tourism Deptt. chuan Heritage walk a huaihawt a, Ngaizel to Lungleng Lal In, Km 18.2 a thui ke a kal a ni. Heritage Walk-ah hian Malsawmsuali D/o Vanlalzawna, Kapdaia Sec. a mi chuan darkar 2:15 ah thlengin hmeichhia-ah lawmman pathumna a la a ni. Kan lawmpui takzet e.

Top 10 ah tling

Art & Culture leh DDK tang kawp buatsaih State Level Virtual Drama Competition-ah Wilfred Drama Club, Hlimen chu top 10-ah an inhlangkai. Top 10 te hian January, 2022 ah an intihsiak leh ang. Script hi Pu Laltlanmawia ((Tete-a) H/o Pi Lalhmingsangi, Damvea Sec. ziah a ni. Top ten ho intihsiakah hi chuan a hunchhung a rei tawh dawn a, script erawh a ngai phuah belh tur a ni thung dawn a ni. Lawmman pawh a tha hle a. pakhatna ` 1,00,000, Pahnihna ` 70,000, Pathumna ` 50,000, Top 10 chin ` 20,000 an hlawh a, a tel hrim hrim hian ` 5,000 an hlawh bawk.

CENTRAL EXECUTIVE COMMITTEE (CEC)

   Dec. ni 20, 2021-a Central YMA Office Bearers thukhawm chuan kumhnih (2021-2023) chhung atan a hnuaia mite hi Central Executive Committee Member atan a ruat.
   Hming   Veng
1. Pu Vanlalruata   Tuikual South
2. Pu Peter Chhakchhuak   Maubawk
3. Pu Lalrochuanga Pachuau   Zarkawt
4. Pu Lalbiakzuala   Khatla
5. Pu Laldawngliana   Kulikawn
6. Pu Lalrammuana   Dawrpui
7. Pu K. Lalthanmawia   Electric Veng
8. Pu K. Darthantluanga   Chanmari West
9. Pu Lalhruaitluanga   Chaltlang
10. Pu H. Lalsangzuala   Ramhlun Vengthar
11. Pu Lalsangzuala Sailo   Tuikual North
12. Tv. Zochhuana   Zemabawk
13. Er. H. Duhkima   Dam Veng
14. Pu T. Benjamina   Aizawl Venglai
15. Pu R. Lalchhandama   Model Veng
16. Er. Lalrinmawia   Luangmual
17. Pu J. Lalramthara   Zotlang
18. Pu R.S. Lalrinsanga   Tanhril
19. Pu R.L. Zomawia   Mission Veng
20. Pu Lalhmuchhuaka   Hlimen

Saturday, December 18, 2021

Pawltlak thla (December) Ni 18, 2021, Issue No. 51

PAGE - 1

TUALCHHUNG :

Chesual : Tv. Lallawmsanga S/o Lalramliani, Kapdaia Sec. a mi chu Dec. ni 16, 2021 khan bike in a che sual palh a, Trinity Hospital, Silaimual-ah admit niin enkawl mek a ni.

Hnatlangpui neih a ni : Hlimen Sanitation & Beautification Committee te ruahman angin Dec. ni 14, 2021 (Thawhlehni) khan faina beihpui thlak niin hnatlangpui neih a ni a. Section hrang hrang ten mahni section huamchhungah hnatlang neiin, kawngba samfai, luikawr tih fai leh khawlai phiahfai te leh \ul leh ngaimawh tih ang apiang thawh niin hnatlang thawk chhuak an \ha hle.
Nikhat atan chauh a faina ni lovin, he faina hnatlang koh anih chhan ang ngeiin faina lamah mitin ten hmasawn phah nan hmang tlang ila, kan khawlaidung kan tihfai tak te hi tihnawktu ni lovin vawng fai chhunzawmtu nih \heuh i tum zel ang u.

Kan veng Field-ah phul lem : UD &PA hnuai a Aizawl Smart City Limited chuan Hlimen Playground a phul lem (Artificial turf) phah turin tender a tichhuak ta a. He phul lem phahna turah ` 7,40,81,200 ruahman a ni a, Dec. ni 21, 2021 thleng tender hi chhan theih a ni. Tun a\anga hun rei lutuk lovah field \ha tak kan nei thei dawn niin a lang a, a lawmawm hle a ni.

Duty \an ta : Krismas leh Kumthar vuakvet lai hian Hlimen YMA leh VDP te chuan tualchhungah Duty leh tura an in ruahman angin December ni 18, 2021 a\ang hian Venglai kawnah duty \an a ni ta.
Hunpui Krismas vuakvet leh kumhlui thlahna-ah halpuah, halmawi, sky lantern etc.. zawrh leh hal khap dan dinglai chu khauh taka kenkawh a ni dawn a, veng dang a\anga lakluh pawh remtih a ni lo. Hei hi mitinin zawm turin hriattir leh ngen kan ni e.

Covid-19 vei 6 awm mek : Kan veng chhungah he chanchinbu buatsaih lai thleng hian Covid-19 positive mi 6 kan nei mek a, mipa 2 leh hmeichhia 4 an ni. An vai hian Home Isolate mek an ni. Kar hmasa lama mi 10 tarlante kha damin an chhuak ta vek a, tuna Positive kan neih mekte hi tunkar chho a hri kaite an ni.

HEADLINE :

Y.M.A. GEN. CONFERENCE

Hripui (Covid-19) leng vanga YMA General Conference pawh a hun pangngaia hman theih tawh loh hnu-ah, Dec. ni 16, 2021 (Ningani) dar 10:00 am khan R. Dengthuama Indoor Stadium, Salem Veng, Aizawl-ah hman a ni.
Kan Branch in Central YMA hruaitu atana kan nominate Pu R.Lalngheta chu hneh taka thlantlin a ni.

2021-2023 HRUAITU THLAN THARTE

President    :   R. Lalngheta
Vice-President    :   Tv. Lalhmachhuana
General secretary   :   Prof. Lalnuntluanga
Asst.-secretary   :   Prof. Malsawmliana
Treasurer   :   Fabian Lalfakawma
Finance secretary   :   Roneihthanga

   Heng bakah hian CYMA hmalakna kawng hrang hranga ti \ha te lawmman hlanna neih niin, lawmman sem nghal anni.

KUMPUAN TI |HA LAWMMAN LA TE:
BRANCH-AH   GROUP-AH
Venghlui   Tuipuiral
Bethlehem Vengthlang   Chalfilh
Saitual Bazar   Hmuifangtlang

RAMNGAW LEH NUNGCHA HUMHALH |HA TE: BRANCH-AH   GROUP-AH
Darlawn   Chalfilh
Leng   Hmuifangtlang
Maite   Tuiphal

TUI HNA HUMHALH |HA
BRANCH-AH   GROUP-AH
Sialsuk   Hmuifangtlang
Reiek   Chalfilh
Leng   Tuipuiral

CYMA CHANCHINBU LA |HA TE:
KHAWPUI CHHUNG AH:   KHAWPUI PAWN AH
Chawlhhmun   Khawzawl Vengthar
Chaltlang   New Champhai
Durtlang   Khawzawl Zion

   YMA Kumpuan atan ‘RAM LEH HNAM HUMHALH’ tih chu lungrual tak a pawm niin, kum 2023 General Conference thleng turin Manipur Group YMA thlan an ni bawk.

PAGE - 2

EDITORIAL :

Midang tan malsawmna

   I dinhmun a khirh viau a ni thei, mite tana malsawmna nih hi i tan a theihloh niin i hria a ni thei e. Mahse, kawngkhat talin tute tan emaw chuan malsawmna kan ni thei a ni tih hi kan vawn tlat a pawimawh.
   Mite tana malsawmna ni tur chuan inphahhniam \ul tlat changte a lo awm a, mahni neih ang ang pawh chan a \ul chang a lo awm bawk a, midangte kal ngam lohna ah kal te a lo tul bawk a, zahthlak tawpkhawk tawn tlang a ngaih changte a lo awm bawk. Malsawmna ka va nihna turte tana hmuh phak lek lova tlanbosan daih duh chang a awm thei.
   Mahni inphatna tello chuan Malsawmna kan ni thei lovang. Kan rin Lal Isua ngei pawh kha mahni inphatin khawvel chhandam nan leh lei mite malsawmna ni turin he leiah, thilsiamte angah lo changin mihringte tawrh atana na ber thihna thlenga tuar turin a nihna leh a ropuina a phat vek a ni si a. Midangte tan malsawmna kan nih dawn chuan chu dinhmun chu kan hriatchian a ngai.
   I tana malsawmna kha midangte tan malsawmna a ni ve thei em? Midangte tana malsawmna ni tur chuan engtia han thawh chhuah chi nge ni ta ang le? Mite kan tan malsawmna an nihna kawng hi ka ngaihtuah ngai em? Ka ngaihtuah \hin a nih chuan chu kawng chu zawhin midangte tan malsawmna ka nih ve theihna turin ka pen chhuak ve tawh reng reng em? Ka lungngaih laia mite min hnemna hi ching ve in midang lungngaite ka hnem ve tawh em? Ka harsat mangan laia kan ban leh kan pur \hinte hi hrechhuakin midang harsa leh mangangte tan pûr chawkna turin ka inphal ve em? Heng zawhnate hi kan rilru \heuhin ngaihtuah ila, midangte tan malsawmna ni thei turin kan rilru i siam ang u.

YOUNG MIZO ASSOCIATION GENERAL
CONFERENCE VAWI 73-NA ROREL INKHAWM MINUTE

CYMA BUDGET 2021-2022 RUAHMANNA :
Pu Fabian Lalfakawma, Treasurer hnen atangin, kum 2021-2022 chhunga Central YMA Budget ruahmanna Rs. 1,68,75,400.00 (Cheng nuai za sawmruk pariat singsarih sangnga zali) kan ngaithla a, palai ten lawm takin kan pawm.

THURELTE :
Chairman sawm angin, Prof. Lalnuntluanga General Secretary-in thurel tur (Agenda) kan neihte sawifiahna hun a hmang a, chumi zawhah thurel kan tan.

A. YMA KHAWIH :
ii) “Ruihhlo chungchangah Sawrkar/Kohhran/Pawl dangte sawmin inzirtirna nasa zawka kalpui ni rawh se” tih chu kan sawihova, lungrual takin kan pawm.
ii) “YMA Member tinah Endowment Fund Rs 5/- khawn nise” tih chu kan sawihova, kan sawihona hi a tawk e kan ti.
iii) “Central YMA Building sak mek chhunzawmna atan YMA member ten Donation thawhkhawm ni rawh se” tih chu kan sawihova, lungrual takin kan pawm.
iv) “Zirtirtu mahni post-a awm tha duhlo te hi an post-a an awm theih nan Central YMA-in hma la rawh se” tih chu kan sawihova, lungrual takin kan pawm.

B. SAWRKAR KHAWIH :
i) “Mizoram ramri hi Sawrkarin a rang lama chinfel dan ngaihtuah rawh se” tih chu kan sawiho hnuah lungrual takin kan pawm.
ii) “Zirna School-ah Mizo hnam lam zirtir a nih theih nan Sawrkarah thlen ni rawh se” tih chu kan sawiho hnuah lungrual takin kan pawm.
iii) “Kan ramchhung thei phun uar tura Sawrkar nena tangduna hmalak ni rawh se” tih chu kan sawiho hnuah lungrual takin kan pawm.

C. “YMA Dan Bu ennawn ni rawh se” tih chu lungrual takin kan pawm a, nakum (2022) YMA Rorel Inkhawm-ah ennawn ni se kan ti.

D. KUM 2021 - 2023 KUMPUAN RAWTNA :
Kum 2021-2023 chhung atan Kumpuan neih leh tha kan ti a, kumpuan atan rawtna lo lut pahnih :-
1) Ram leh Hnam Humhalh
2) Zirna Uar - te kan sawihova, kum 2021-2023 chhunga kumpuan atan “Ram leh Hnam Humhalh” tih chu lungrual takin kan thlang.

E. KUM 2023 YMA GENERAL CONFERENCE VAWI 74-NA THLENG TUR :
Kum 2023 YMA General Conference vawi 74-na thleng turin Manipur Group YMA (Churachanpur-ah) lungrual takin kan thlang.

PALAI CHHIARNA :
YMA General Conference vawi 73-na Rorel Inkhawm hi chawhma chauh ruahman a nih avangin, palai inchhiar dan pawh tihdanglam a ni a, palai kal zawng zawng zat inchhiar a ni a, palai 1484 kan
kal. Chairman-in, Pu Lianzuala Ex-President tawngtai turin a sawm a, Rorel Inkhawm kan tin.

Sd/-Prof. LALNUNTLUANGA, Sd/-Prof. MALSAWMLIANA
Gen. Secretary Asst. Secretary
Sd/- VANLALRUATA
President

PAGE - 3

HRIATTIRNA :

HRIATTIRNA

   Pi K.T.Thangi of Electric Veng, Church Street hian a LSC No. 2436 of 1978 of Hlimen Veng a mi leh LSC No. G/36 of 1978 of Hlimen Veng a mi chu tibova rawn insawiin office-ah re-issue a rawn dil a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
   Sd/- Director
   Land Revenue & Settlement
   Mizoram : Aizawl

LOCAL COUNCIL LEHKHA RATE THAR

   Aizawl City Local Council Association General Meeting in a rel angin hetiang hi AMC hnuaia Local Council lehkha rate thar a ni e, hei hi Nov. ni 16, 2021 a\ang khan hman tan a ni.
1.   ILP ` 500.00
2.   LICENSING NOC ` 100.00
3.   BUILDING NOC ` 200.00
4.   BUILDING EXTENSION ` 100.00
5.   Residential/Tribal/Income/Pem Iehkha ` 10.00
6.   ADVERTISEMENT/HOARDING ` 500.00
7.   GARAGE ` 100.00
8.   LSC/PASS/P.PATTA HMING THLAK ETC. ` 100.00
9.   RAM TEH LEH EN ` 500.00

HIGH SCHOOL NGENNA/HRIATTIRNA

Advertisement...

MD Septic Tank Service

Septic Tank khat tan

   Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

   VL-a,
(10-6)   Ph.No : 9402344486, 9615266170

LAWRKHAWM :

LAWMTHU SAWINA

Kan hriat angin kum 2021-2023 chhung atana CYMA hruaitu turin kan Branch a\angin Pu R. Lalngheta chu Nominate a ni a, vanneihthlak takin CYMA President atan thlan tlin a lo ni hi Khawtlang \anrualna rah a niin, kan theihna mual \heuh ah inthlan hma a\angin mitin te kan thawk a, Local Council, Party tin workers te,, mi hrang hrang mahni khua leh awmna hlui bia in, theih tawpin \an kan la a, YMA in a tih a mawi takin \hahnem ngai takin kan che in kan thawk a, khawtlang in lungrualna rah kan lo seng ta hi lawmawm kan ti tak meuh a ni. A bik takin an hming han tarlang ila Pu Lalparmawia leh Pu F. Zosangzuala te in hnathawh ah lawmthu kan sawi e. Tin, Pastor Lalchhuanawma'n a chenna In ah Pu R. Langheta lo thlen ve leh Pathian hnena lawmthu sawina leh atana \awng\ai sakna a lo nei te kha a va ropui tak em.
Hlimen in Zoram pum hruaitu tur Central YMA President kan neih theih nana hma la tu leh \hahnemngai taka thawktu zawng zawngte chungah lawmthu kan sawi nawn leh a, Ram leh hnam tana an thawhna turah Pathian hnena \awng\ai puina leh thurawn an mamawh hle dawn a, lo hre reng turin kan in chah bawk a ni e.

YMA VUL ZEL RAWH SE

- YMA Hlimen Branch

HLIMEN COVID-19 DINHMUN

Tunkar chhunga kan veng Covid-19 dinhmun hetiang hi a ni.
Dt. 11.12.2021 (Inrinni) : Hemi ni hian positive 2 kan neih belh a, Vawmphunga Sec. a mi an ni a. An mahni ina enkawl an ni.

Dt. 13.12.2021 (Inrinni) : Hemi ni hian positive zing a\angin dama chhuak 2 an awm a, Kapdaia Sec. a mite an ni.

Dt. 15.12.2021 (Nilaini) : Hemi ni hian positive 4 kan neih belh a, Vawmphunga Sec. a mi 1, Kapdaia Sec. a mi 1 leh Buala Sec. a mi 2 an ni a. An mahni ina enkawl an ni.

Dt. 17.12.2021 (Zirtawpni) : Hemi ni hian positive zing a\angin dama chhuak 8 an awm a, Buala Sec. a mi 6 leh Saichhuma Sec. a mi 2 an ni.

   SECTION         TOTAL CASE   ACTIVE CASE
   Buala                     55 2
   Damvea                 89 Nil
   Kapdaia                 51   1
   Lalsavunga            Nil      Nil
   Saichhuma            44                Nil
   Vawmphunga    19                3
                   TOTAL   258      6
Dam tawh mi 251,                  Dam tawh zat percent : 97.27

UPHC thu thar

Hlimen UPHC te chuan Dec. ni 14, 2021 khan Hlimen Damveng-ah Free Clinic an nei a, a hmun atana an in hmantirtu Pu R.Lalliansanga te chhungkaw chungah lawmthu an sawi. Tin, karhmasa lam khan Hlimen Quarry vengah Free Clinic an lo nei tawh bawk a, a hmun atana an in hmantirtu Pu Lalhmangaiha te chhungkaw chungah lawmthu an sawi bawk.
Tin, National Health Mission Employees Union ten tunlai hian Mizoram pumah tiamchin awm lova nawrh an kalpui avangin UPHC a thawkte hian mipuite hriatthiamna an ngen a ni.

PAGE - 4

KEIMAHNI :

Hlimkhawpui Budget

Hlimkhawpui Nov. & Dec. 2021 thla Budget pe tla tawh te:

1. Kapdaia Sec. 2. Buala Sec.
3. Lalsavunga Sec.

Branch YMA Committee

Dec. ni 21, 2021 (Thawhlehni) Zan dar 6:30 hian Hlimen Branch YMA kum tawp Committee koh a ni a, Committee member te kim taka kal turin ngen leh hriattir kan ni e.

Thlan chei hnatlang

Hlimen Branch YMA hnuaia Thlanmual Sub-Committee te hmalakna in Dec. ni 18, 2021 hian chhungtinte mahni chhungte thlan chei leh tifaiin hnatlang neih a ni a. He thu buatsaih lai hian hnatlan dan kimchang hriat hman a ni lo

CENTRAL Y.M.A.HRUAITU THLANTE VOTE HMUH DAN

   President : R. Lalngheta
       Vote tla - 1730
       Vote hmuh - 1007

   Vice President : Lalhmachhuana
       Vote tla - 1705
       Vote hmuh - 794

   General Secretary: Prof. Lalnuntluanga
       Vote tla - 1615
       Vote hmuh - 1049

   Assistant Secretary: Prof.Malsawmliana
       Vote tla - 1537
       Vote hmuh - 659

   Treasurer: Fabian Lalfakawma
       Vote tla - 1365
       Vote hmuh - 554

   Finance Secretary: Roneihthanga
       Vote tla - 1209
       Vote hmuh - 448

Advertisement...

KOHHRAN CHOWKIDAR HNARUAK

   Hlimen Presbyterian Kohhran chowkidar hna dil duh tan a dil theih a, dil duh chuan December ni 19, 2021 thleng Kohhran Secy. hnenah a dil theih ang.
   Interview   : Dt. 28.12.2021 ; 7:00 am
   A hmun   : Kohhran Committee Room-II
        Diltu chu Hlimen Kohhran a lawi, dan zawhkim ani tur ani. Hlawh ` 10,000/- ani ang.
   January, 2021 a\anga hna \an tur ani ang.

(5-5)   Sd/- Secretary

Vawkpa chi |ha

Pu Sangthuama, Kapdaia Sec. a mi chuan vawkpa \ha tak chi thlah tur pahnih anei leh tawh a, a mamawh tan a koh theih reng e.

(1-1) Contact Ph. : 87298 01980

Lawrkhawm chhunzawmna.....

HLIMEN- KULIKAWN TAXI WELFARE 2022 HRUAITU THLAN

   December ni 14, 2021 (Thawhlehni) zan khan Hlimen - Kulikawn Taxi Welfare te chuan kum 2022 chhunga hruaitu tur thlanna Hlimen Branch YMA Hall-ah an nei a, heng mite hi thlanchhuah an ni.
Leader   :   Pu Lalrinzuala, Hlimen
Asst. Leader    :   Pu Kananpara, Melthum
Secretary    :   Pu Lalsangkima, Hlimen
Asst. Leader   :   Pu Zothankima, Hlimen
Treasurer   :   Pu Lalrinchhana, Saikhamakawn
Fin. Secretary   :   Pu Zonunsiama, Saikhamakawn

PEM LEHKHA/TESTIMONIAL CERTIFICATE

Hlimen Branch YMA a\anga Pem Lehkha leh Testimonial Certificate la tur ten Chhungkaw member zawng zawngte pian kum chiang takin an hre tur a ni a, hei bakah hian kumtling chin zawng chu an Voter/EPIC Id. (Testimonial la tur tan xerox copy pakhat \heuh thehluh tur) ken tel tur a ni. Heng tel lo chuan Pem Lehkha/Testimonial Certificate te hi pekchhuah theih an ni lovang.
Sd/- Secretary, Hlimen Branch YMA

HEI HI LO ZAWM TEH

   Hripui lengin ziaawm lam a pan chak lo hle, chuvangin hei hi lo zawm zel teh :-
Ø    Tih tur pawimawh i neih loh chuan mi inah lut dun dun suh.
Ø    Pawimawh thil a awm a nih loh chuan inah awm mai mai la.
Ø    Zuk leh hmuam i duh a nih pawhin mi ta dil dun dun lovin intodelh tum la.
Ø    Thil pawimawhah i chhuak dawn a nih chuan Mask \ha takin vuah la, mi zingah phelh mai mai suh.
Ø    I kutin i ká, hnar leh mit a thlen hmain tifai hmasa phawt \hin rawh

Mizoram Covid Vaccine

   December ni 16, 2021 thlenga Mizorama COVID-19 Vaccine pek chhuah dan :
Ø    December ni 16, 2021 a pek chhuah : 2372 (1st dose - 801, 2nd dose - 1571)
Ø   1st dose la tawh : 7,27,414
Ø    Full dose la tawh : 5,82,179
Ø    Dose pek chhuah tawh zawng zawng: 13,09,593

Khawchin thlir lawkna

   The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun   : Kartir - 5:55 A.m.   Kartawp - 5:55 A.m
Ni tlak hun    : Kartir - 4:36 P.m.    Kartawp - 4:36 P.m
Date                                      Max.   Min.
19.12.2021   (Chawlhni)        240C   40C
20.12.2021   (Thawh\anni)   230C   110C
21.12.2021   (Thawhlehni)   230C   110C
22.12.2021   (Nilaini)            200C   90C
23.12.2021   (Ningani)          210C   70C
24.12.2021   (Zirtawpni)      220C   70C
25.12.2021   (Inrinni)           220C   60C

Saturday, December 11, 2021

Pawltlak thla (December) Ni 11, 2021, Issue No. 50

PAGE - 1

TUACHHUNG :

Damlo : Pu Lianmawia H/o Pi Lalruaii, Buala Sec. a mi chu pum lam fello avangin Aizawl Hospital-ah admit a ni a, Dec. ni 10, 2021 khan zai niin damdawi in lamah hian enkawl chhunzawm mek a ni.

Doctor awm thar : Urban Primary Health Centre Hlimen-ah Dr. Lalramsanga, Ramhlun Vengthar chu Medical Officer atan dah thar a ni. Dec. ni 1, 2021 khan a hna hi a rawn thawk \an a ni. Dec. ni 8 khan Dr. Lalramsanga ho hian UPHC Staff ten Quarry vengah Free Clinic an nei a, karleh lamah hian Damveng lamah leh Samtlang lamah Free Clinic hi neih chhunzawm an tum a ni.

Covid-19 vei 10 awm mek : Kan veng chhungah Covid-19 Positive mi 10 kan nei mek a, mipa 5 leh hmeichhia 5 an ni. An zinga mi 8 hi Home Isolate an ni a, mi 2 te hi ZMC, Falkawn lamah enkawl an ni.
   Mitin fimkhur zel ila, he hri hi mahni maia do hneh chi a ni lova, kan inthlahdah chuan thil pawimawh pawh kan ti thei lo leh mai ang. Mitin kan pawimawh a ni tih i hre reng ang u.

Duty dawn : Krismas leh Kumthar vuakvet lai hian Hlimen YMA leh VDP te chuan tualchhungah Duty leh turin an in ruahman a, December ni 18, 2021 a\ang hian Venglai kawnah duty \an an tum.
   Hunpui Krismas vuakvet leh kumhlui thlahna-ah halpuah, halmawi, sky lantern etc.. zawrh leh hal khap dan dinglai chu khauh taka kenkawh a ni dawn a, veng dang a\anga lakluh pawh remtih a ni lo. Hei hi mitinin zawm turin hriattir leh ngen kan ni e.

In luah tur neite tan : Local Council leh Branch YMA thu ding lai angin veng chhunga inluah tur nei ten vengdang mi in kan in an luah dawn a nih chuan an luah luh hma ngeiin khawtlang hruaitute hrilhhriat hmasak ngei tur a ni.
   Tin, kan inluah tu tur te chu an rawn pem luh ruala pem lehkha show tur an neih theih nan hrilhhriat lawk \hin tur a ni.
   Hei hi kan khawtlang then thianghlimna kawng atana hmalakna a ni a, inluah tur nei te chuan zawm \heuh tura ngen kan ni e.

HEADLINE :

Y.M.A. GEN. CONFERENCE

   Hripui (Covid-19) leng vanga YMA General Conference pawh a hun pangngaia hman theih tawh loh hnu-ah, Dec. ni 16, 2021 (Ningani) dar 10:00 am hian R. Dengthuama Indoor Stadium, Salem Veng, Aizawl-ah hman a ni dawn ta. A hnuai a tarlan ang hian Programme duan a ni.
   A hun : 16th December, 2021 dar 10:00 am
   A hmun : R. Dengthuama Indoor Stadium,
                   Salem Veng, Aizawl.

ROREL INKHAWM : 10:00 am - 1:00 pm

Hruaitu : Pu Vanlalruata, President, CYMA
Hunserh : Pu J. Lalsangliana, CEC
Member thite sunna : Chairman
leh Palai lawmna
Report : Prof. Lalnuntluanga, Gen. Secretary, CYMA
Budget pharh : Pu Fabian Lalfakawma, Treasurer, CYMA

HRUAITU THLAN : 1:30 pm - 5:00 pm

Hruaitu: Pu Vanlalruata, Returning Officer
Hunserh : Pu J. Lalramthara, CEC
Hruaitu thar : Returning Officer
Inhmelhriattirna
Hruaitu thar hlanna : Pu Lalbiakzuala, CEC
Thusawi tawi : President kal chhuak leh President thlan thar
Thusawi : 2023 YMA General Conference thlengtu tur
Banna : Returning Officer
Inthlan karlakah Kumpuan Bawhzui tha, Tuihna Humhalh tha, Ramngaw leh Nungcha Humhalh tha leh Chanchinbu la thate hnenah lawmman sem a ni ang.

CYMA Hruaitu atana Nominate te :

Sl. No   Hming                     Veng
1.   Fabian Lalfakawma         Chawlhhmun
2.   Lalhmachhuana              Chaltlang Lily Veng
3.   Lalrochuanga Pachuau   Zarkawt
4.   Peter Chhakchhuak         Maubawk
5.   Prof. Lalnuntluanga      New Capital
6.   Prof. Malsawmliana         Vaivakawn
7.   Roneihthanga   Nursery Veng
8.   R. Lalngheta                  Hlimen
9.   R. Lalrinmawia    Ramhlun North
10.   R.S. Lalrinsanga    Tanhril
11.   Vanlalfela                    Tuikhuahtlang
12.   Zochhuana   Zemabawk

PAGE - 2

EDITORIAL :

Hlimna kawng |ha

Duhamna khawvelah kan lo piang a, duh tawk leh chin tawk nei lovin nun hahchawlhna leh hlimna a nih beiseiin hring nun hi a phi ruai ruai \hin. Hlimna te, chawlhna te lawmna te chu nei thei dawn a in hriain hmalam panin beiseina chuan min hnuk ruak ruak a. Mahse, van hnuai ah hian hahchawlhna, hlimna leh lawmna tluantling reng a awm si lo. Tin, hmalam beiseina duhamna chu thlan khur thlengin kan um zui zel mai dawn a lo ni. Nun hahchawlhna leh hlimna, thlamuanna leh lawmna neih duhin mahni theihna zawn \heuh ah theihtawpchhuah in kan tlan suau suau mai chu a ni si a.
Miin sum a khawl chhan te, in leh lo \ha a din chhan te leh hna thawh a thil eng pawh(i ti mai ang) a tih chhan chu kan sawi sawi tak nun hlimna, lawmna leh hahchawlhna beisei vang a ti a ni.Mahse, chu chu a zawng nasa leh a bei nasa a piang an beidawnna a nasa emaw tih mai tur a ni si. Sum leh pai duh ang ang a hman tur nei; mahse, duhamna avang a nun hlim thei lo, lungawi lo te, in leh lo changchang \ha pui pui nei si a duhamna avang nun hahchawl chuang si lo hi kan ram hian engzat tak awm ang i maw?

Sum leh pai ngah te, in leh lo ropui leh \ha neih te hi a hlu em em a, an awhawm em em bawk. Mahse, heng mite hi nun hlim leh nun hahchawl an ni vek lo. Sum ngah mah se rethei si; in leh lo, rohlu tak tak nei, nun hlim thei chuang si lo; nun hahchawl reng reng lo, mi rethei sawi tur kan ram ah hian an va tam em. Hlimna kawng \ha hriat i duh chuan \anpui ngai te puih nan i hun leh i nun a tam thei ang ber pe la, mi lawmna i siam tam leh i lawmna a sang anga, midang tana malsawmna thlen tam a piang te hian mi lawm an hlawh tam a. Chu chuan an nunah hlim leh lawmna, lungawina a thlen let \hin a lo ni.

###################################

HRIATTIRNA

   Pi K.T.Thangi of Electric Veng, Church Street hian a LSC No. 2436 of 1978 of Hlimen Veng a mi leh LSC No. 4/36 of 1978 of Hlimen Veng a mi chu tibova rawn insawiin office-ah re-issue a rawn dil a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
   Sd/- Director
   Land Revenue & Settlement
   Mizoram : Aizawl

HRIATTIRNA

   Pu V.L.Hmingthanga of Ramhlun South, Aizawl   hian a LSC No. 1536 of 1985 of Hlimen Veng a mi chu tibova rawn insawiin office-ah re-issue a rawn dil a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
   Sd/- Director
   Land Revenue & Settlement
   Mizoram : Aizawl

HRIATTIRNA

   Pu Liansawma of Electric Veng, Church Street, Aizawl hian a LSC No. 2750 of 1987 of Hlimen Veng a mi chu tibova rawn insawiin office-ah re-issue a rawn dil a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
   Sd/- Director
   Land Revenue & Settlement
   Mizoram : Aizawl

HRIATTIRNA

   Pi Lalfakawmi of Electric Veng, Church Street, Aizawl hian a LSC No. 2749 of 1987 of Hlimen Veng a mi leh LSC No. 3012 of 1986 of Hlimen Veng a mi chu tibova rawn insawiin office-ah re-issue a rawn dil a. A dil anga tihsak a rem lohna chhan engpawh hria chuan chanchinbu a chhuah a\anga ni 30 ral hma ngeiin a hnuaia address ziak ah hian hriattir tur a ni. Hetiang a LSC thar pek chhuah leh a lo nih chuan LSC hmasa chu cancel nghal a ni.
   Sd/- Director
   Land Revenue & Settlement
   Mizoram : Aizawl

Khawchin thlir lawkna....

   The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
Ni chhuah hun   : Kartir - 5:51 A.m.   Kartawp - 5:55 A.m
Ni tlak hun    : Kartir - 4:33 P.m.    Kartawp - 4:36 P.m
Date                                      Max.   Min.
12.11.2021   (Chawlhni)        220C   90C
13.11.2021   (Thawh\anni)   230C   90C
14.11.2021   (Thawhlehni)   230C   90C
15.12.2021   (Nilaini)   230C   80C
16.12.2021   (Ningani)         230C   70C
17.12.2021   (Zirtawpni)      230C   60C
18.12.2021   (Inrinni)          230C   70C

PAGE - 3

HRIATTIRNA :

Y.M.A. NGENNA

   Halpuah/Halmawi, puakthei thil, Silai lem a mu nei, kap na chi leh sky lantern te Dawrkai ten zuar lo tur leh chhungtin ten hunpui laiin lei a, hal lo turin kan in ngen a ni. Mihring hrisel nan a \hat loh mai bakah boruak chhia nasa tak a siam thei a ni a, pawisa \ul lova khawhralna a ni bawk nen. Sawrkar in a phal loh thil te a ni a, tumah tilui lo turin kan in ngen a ni.
   Sd/- Secretary,
   Hlimen Br. YMA

CCCC chung chang

Covid-19 vei enkawlna hmun kan veng in kan neih Community Covid Care Centre pahnih Lalsavunga Park leh High School chu Sorkar lamin a rawn titawp ta a. Vanduai thil a Covid-19 positive kan lo awm palh a nih pawhin Home Isolation emaw sorkar in enkawlna hmun a siam - Covid Care Centre (CCC) a enkawl zel kan ni tawh dawn a ni.

UI PAWN CHHUAK

Ui vulhtu te’n kan ui vulhte kan chhuahtir nasa leh ta hle mai a, ui te hi bawlhhlawh bawm hai mai \hin leh mi kawtkaia zun ek thiar mai \hin an ni si a, heng hian kan veng hmel a tibalin, a chhunga chengte tan tenawm leh hrisel lo a ni a. Chuvangin mi kut palh an lo tuar emaw a nih pawhin kan sawi buai thei lovang. Ui vulhtu te’n kan ranvulhte khuahkhirh \ha leh zual ila a lawmawm hle ang.

Mizoram Covid Vaccine

   December ni 9, 2021 thlenga Mizorama COVID-19 Vaccine pek chhuah dan :
Ø   December ni 9, 2021 a pek chhuah : 2761 (1st dose - 919, 2nd dose - 1842)
Ø    1st dose la tawh : 7,24,583
Ø    Full dose la tawh : 5,73,269
Ø    Dose pek chhuah tawh zawng zawng: 12,97,852

Advertisement....

MD Septic Tank Service

Septic Tank khat tan

   Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

   VL-a,
(10-5)   Ph.No : 9402344486, 9615266170

LAWRKHAWM :

HLIMEN COVID-19 DINHMUN

   Tunkar chhunga kan veng Covid-19 dinhmun hetiang hi a ni.
Dt. 7.12.2021 (Thawhlehni) : Hemi ni hian positive 8 kan neih belh a, Buala Sec. a mi 6 leh Saichhuma Sec. a mi 2 an ni a. Buala Sec. a mite hi Home Isolate niin Saichhuma Sec. a mite hi ZMC a enkawl an ni.

Dt. 8.12.2021 (Nilaini) : Hemi ni hian positive zing a\angin dama chhuak 1, Damvea Sec. a mi a awm.

Dt. 11.12.2021 (Inrinni) : Hemi ni hian positive zing a\angin dama chhuak 2 an awm a, Saichhuma a mite an ni.

   SECTION          TOTAL CASE   ACTIVE CASE
   Buala                     53      6
   Damvea                 89              Nil
   Kapdaia                 50                2
   Lalsavunga             Nil Nil
   Saichhuma            44      2
   Vawmphunga         16   Nil
                  TOTAL   252   10
Dam tawh mi 241,                  Dam tawh zat percent : 95.63

Hnatlangpui nei dawn

   Hlimen Sanitation & Beautification Committee te chuan Dec. ni 14, 2021 (Thawhlehni) hian faina beihpui thlakin hnatlangpui neih a rel. He hnatlangah hian Section wise in thawh tur a ni ang a, Hlimen S&B Committee Member te an awmna Section huamchhungah Incharge an ni ang a, an ni bakah hian Section tin Leader leh Secretary te mawh lo phur tura ruat an ni bawk.
   Innghahkhawmna hmun turte :-

1.   Buala Section   : Mualzawl
2.   Damvea Section   : Pu Duhthusama in kawt
3.   Kapdaia Section   : Pi Zaliani in kawt
4.   Lalsavunga Section   : High School peng
5.   Saichhuma Section   : Venglai kawn
6.   Vawmphunga Section   : PHE Tanky bul
   Chhungtin a\angin mi 1 tal thawhchhuah \heuh tur a ni a, hmanrua - buara, chem, bawngtuthlawh leh hmunphiah ken tur a ni ang. Rokhawlhna avanga hnatlang hman lo chu ` 100 a inhlih theih a ni. Inhlip bawk silo, hnatlang a thawkchhuak bawk silo chu ` 200 a inrun tur a ni ang. Tin, inhlip lo, hnatlang bawk silo chuan Local Council Recommend etc.. engmah an beisei thei lovang.
   Hnatlangah hian kawngpui dung, kawngba, side drain leh vantlang zunin te ngaihpawimawh a ni ang.
   Hnatlangpui neih hma hian chhungtin ten mahni in leh avel lo tihfai vek tur a ni.
   Sd/- Secretary
   Sanitation & Beautification Committee
   Hlimen

Faina lamah |an la zel ila

Faina kawngah hian mitinin theihtawp i chhuah zel ang u. Hrileng leh tlanghri tam tak pawh hi \awphnawk a\anga lo chhuak a ni a, fai hi hriselna a ni tih hi i vawng tlat ang u.

PAGE - 4

KEIMAHNI :

Hlimkhawpui Budget

   Hlimkhawpui March & April 2021 thla Budget pe tla tawh te:

1.   Kapdaia Sec.   2. Buala Sec.
3. Damvea Sec.   4. Vawmphunga
5. Saichhuma Sec.   6. Lalsavunga Sec.
   Kapdaia Sec. ten Nov. & Dec. thla Budget an tlak fel tawh bawk e.

CYMA CHETVELNA

9.12.2021 : Dr. Vikram Athawale, Post Doctoral Fellow Gokhale Institute of Politics & Economics, Pune chu Central YMA Office-ah a lo leng a, Pu Vanlalruata President, Tv. Lalhmachhuana Vice President leh Prof. Lalnuntluanga General Secretary ten an lo dangsawng.

10.12.2021 : Aijal Club Conference Hall-ah Mizoram State Commission for Women buatsaihin Consultation-cum-Review Meeeting on “The Mizo Marriage, Divorce and Inheritgance of Property Act, 2014” neih a ni a, Pu L.T. Zodinliana CEC leh Pu Lalsiamliana CEC an tel.

10.12.2021 : SAD Conference Hall-ah State Level Sub-Committee on Fire Prevention meeting neih a ni a, Prof. Lalnuntluanga General Secretary a tel.

Y.M.A. CONFERENCE

Central YMA rorel leh hruaitu thlan chu Dec. ni 16, 2021 (Ningani) hian R.Deng\huama Hall-ah neih tura ruahman a ni ta a.Kan rawn tarlan tawh \hin angin kan Branch chuan Pu R.Lalngheta chu hruaitu atan a nominate a . Kan Branch in kan chhawpchhuah hi mimal tinin a puih theihna kawng kan hriat angte in pui tlang ila. Rampum huap pawl hruaitu neih hi veng mawina pawh a ni a, veng dang min hmuh dan pawh a danglam lo thei lova. Chuvangin, mawi tak siin kan theihna mualah \an la tlang ila a lawmawm hle ang.

Y.M.A. Library

YMA Library hi changtlung zawka kalpui tum mek a ni a, lehkhabu donate duh kan awm a nih chuan a pek theih reng a, Librarian Pu Lalbiaksanga (Venglai) hnenah emaw, Branch O.B. te hnenah pek mai tur a ni. Kan Library tih changtlun zel nan lekhabu donate uar ila a lawmawm hle ang.

Advertisement...

KOHHRAN CHOWKIDAR HNARUAK

Lawrkhawm chhunzawmna.....

Hruaitu thlang thar

   Hlimen 407 Association te chuan kum 2022 chhunga an pawl hruaitu atan heng mite hi an thlang :
   President   :   Pu Lawmtluanga
   Vice President   :   Pu David Rualtinkhuma
   Secretary   :   Pu Vanlalchhunga
   Asst. Secretary   :   Tv. Lalramhluna
   Treasurer   :   Pu Lalbiakzauva
   Fin. Secretary   :   Pu Laldintluanga
   Adviser   :   Pu Lalhmingmawia

YMA GEN. CONFERENCE ROREL AGENDA

A. YMA KHAWIH :
i) Ruihhlo chungchangah Sawrkar/Kohhran/Pawl dangte sawmin inzirtirna nasa zawka kalpui ni rawh se.
ii) YMA Member tinah Endowment Fund Rs 5/- khawn ni se.
iii) Central YMA Building sak mek chhunzawmna atan YMA member ten Donation thawhkhawm ni rawh se.
iv) Zirtirtu mahni post-a awm tha duhlo te hi an post-a an awm theih nan Central YMA-in hma la rawh se.

B. SAWRKAR KHAWIH :
i) Mizoram ramri hi Sawrkarin a rang lama chinfel dan ngaihtuah rawh se.
ii) Zirna School-ah Mizo hnam lam zirtir a nih theih nan Sawrkarah thlen ni rawh se.
iii) Kan ramchhung thei phun uar tura Sawrkar nena tangduna hmalak ni rawh se.

C. YMA Dan Bu ennawn ni rawh se.

D. Kum 2021 - 2023 Kumpuan rawtna :
1. ‘Ram leh hnam humhalh
2. Zirna Uar.

E. 74th YMA General Conference thlen dilte :
1. Chhimtuipui Group YMA - Siaha-ah
2. Khawbung Branch YMA - Khawbung-ah
3. Manipur Group YMA - Churachanpur-ah
4. Biate Branch YMA - Biate-ah
5. Bilkhawthlir Jt. YMA - Bilkhawthlir-ah

PEM LEHKHA/TESTIMONIAL CERTIFICATE LA TUR TE TAN A HRIATTUR

Hlimen Futsal League khelh a ni dawn

Hlimen Football Club buatsaihin December thla laihawl vel a\angin Hlimen Futsal League khelh a ni dawn a. Tunah hian Club/Team tel turte leh Official lam theihtawpin an inbuastaih mek a ni. He Tournament hi Hlimena Football-in hma a sawn theihna tur atan leh Krismas vuakveta \halaite ruihhlo laka kan fihlim theihna tana buatsaih a ni.
Tunah hian a theih chin chinah sponsore zawn mek a ni a, hemi puala thilpek emaw, sponsore emaw duh kan awm chuan hruaitute hnenah a tih theih reng a ni.

Saturday, December 4, 2021

Pawltlak thla (December) Ni 4, 2021, Issue No. 49

PAGE - 1

TUALCHHUNG :

Damlo : Pu Lalzika, Buala Sec. a mi chu bleeding leh Pneumonia avangin Nov. ni 28, 2021 khan Trinity Hospital, Silaimual panpui niin admit a ni a, enkawl chhunzawm mek a ni.

## Pu Lalzopuia H/o Lalbiaknii, Kapdaia Sec. a mi chu sciatica avangin Ebenezer Hospital-ah admit a ni a, Dec. ni 3, 2021 khan zai a ni a, enkawl chhunzawm mek a ni.

## C. Lallawmawma S/o Zonunsanga, Buala Sec. chu Nov. ni 27, 2021 (Inrinni) khan zunkawng lam fello vangin LRM Hospital, Ramhlunah admit niin December ni 2, 2021 khan a lo chhuak leh ta.

## Malsawmkima C/o Vanlalnghaka, Vawmphunga Sec.chu taksa lam harsatna avangin Trinity Hospital, Silaimualah November ni 27, 2021 khan admit niin enkawl chhunzawm mek a ni.

Nâu nei thar : Pu Lalhmingsanga leh Pi Hmingthantluangi te nupa Saichhuma Sec. a mite chuan Nov. ni 30, 2021 khan naute mipa duhawm tak Alpha Hospital, Kulikawn-ah an nei thar.

Tuak thar : Ramnghahmawia S/o Lalramênga Buala Sec. a mi leh Rody Rosangzuali Bethlehem veng a mite chuan dam chhunga nupa ni turin Dec. ni 3, 2021 khan 'tiam tlat e' an ti.

Khiangawi : J. Lalmalsawmi D/o J. Zothansanga, Saichhuma Sec. chu Lalrotluanga S/o Khuangzika (L), Champhai Kahrawt tawnah December ni 2, 2021 khan khiangawiin a liam ta.

Covid-19 vei 5 awm mek : Kan veng chhungah Covid-19 Positive mi 5 kan nei mek a, mipa 2 leh hmeichhia 3 an ni. An zinga mi 4 hi Home Isolate an ni a, pakhat hi a training-na hmun, vengpawnah enkawl a ni thung.
Mitin fimkhur zel ila, he hri hi mahni maia do hneh chi a ni lova, kan inthlahdah chuan thil pawimawh pawh kan ti thei lo leh mai ang. Mitin kan pawimawh a ni tih i hre reng ang u.

HEADLINE :

C.Y.M.A. CHETVELNA

27.11.2021 : Sakawrtuichhun Branch YMA-in Platinum Jubilee lawm leh Souvenir tlangzarh hun an hmang a, Pu Vanlalruata, President, Pu R. Lalrinmawia CEC, Pu Joseph Lalnunmawia CEC, Pu C. Vanlalruata CEC, Pu Lalchhuanmawia CEC, Er. Lallawmzuala Pautu CEC ten an hmanpui.

29.11.2021 : UD & PA Deptt. Director’s Meeting Room-ah Panel of Judges for Mizoram Cleanliness Competition 2021 meeting neih a ni a, Pu Roneihthanga, Fin. Secretary a tel.

30.11.2021 : Addl. Chief Secretary to Chief Minister Pisa-ah Myanmar raltlante chhinchhiah leh chhawmdawl dan tur chungchang meeting neih a ni a, Pu Vanlalruata, President leh Pu Fabian Lalfakawma, Treasurer te an tel.

30.11.2021 : PCCF Conference Hall-ah Executive Committee of the State Authority (CAMPA) meeting neih a ni a, Prof. Malsawmliana, Asst. Secretary a tel.

1.12.2021 : Central YMA Hall-ah State Bank of India in Handling over of sanction letter to borrowers and CSR to Central YMA Programme an hmang a, Central YMA OB te bakah CEC atangin - Pu L.T. Zodinliana, Pu K. Darthantluanga, Pu R.S. Lalrinsanga, Pu B.C. Tawna, Pu K. Lalrinawma, Pu Danny Lalzarliana, Pu Lalthazuala Renthlei, Pu Lalchhuanmawia, Pu Joseph Lalnunmawia, Pu C. Lalhmachhuana, Pu Lalsiamliana, Pu F. Lalfakawma, Pu F. Lalramchuana te an tel. SBI hian Central YMA hnenah Computer 1 Set, Table 25 Nos., Chair 25 Nos. te an pe.

1.12.2021 : Conference Hall, Directorate of School Education-ah Magic Bus India Foundation bultumin Workshop on Life Skills Collaborative Project neih a ni a, Pu Joseph Vanlalhruaia Sailo CEC a tel.

1&2.12.2021 : UD& PA Deptt. in Mizoram Cleanliness Competition 2021 a buatsaih a Panel of Judges ten Mamit leh Kolasib District an en dik a, Pu Roneihthanga, Fin. Secretary a tel.

2.12.2021 : CEC Meeting neih a ni a, CEC meeeting-ah hian Life Member dilna Model Veng Branch a\angin mi 7 te pawmpui a ni a, Kulikawn Branch YMA a\anga indanga Branch thar ding tur Kulikawn Vengthlang leh Kulikawn West chu pawm a ni bawk.

PAGE - 2

EDITORIAL :

RAMNGAW LEH NUNGCHA HUMHALH

   Ramngâw leh nungcha humhalh pawimawh zia hi tun thlengin inhrilhhriat a la ngai fô niin a lang a. Hmalam hun \ha zawk kan neih theih nan khuanu lo duan tawh sa hi duat tak leh uluk taka kan enkawl hi a pawimawh hle a ni.
   Pî leh pû te hunah khan pasal\ha an tehna ber pakhat chu sa kap thei kha a ni a, chu chu thangchhuahna niin sa kah tam kha an ‘Aim in life’ a ni. Chu chu tuna Computer Era-a cheng tawh mi \henkhat hian kan la paih hlei thei lo a, a pawi a ni. Chawlh hman nan leh hunawl hnawhkhah nan ramvah ching kan la awm a, mi changkang leh vengva tak tura ngaih si; silai/sairawkherh nena chhuah hi kan zak miah lova. Hengte hi kan sim hunah chuan kan ram hi ‘Animal Planet’ ah kan siam ngei ang.
   Mihring, nungcha leh thing leh mau te hi inmamawh tawn vek kan ni a. He kan nunhona leh inbuk tawk taka kan khawsak hona hi Ecological Balance an ti a. Amaherawhchu, ramngaw kan tichereu nasa lutuk a, ramsa leh sava ten eitur nei lovin kan thlawhhma-ah an rawn \uan mai niin a lang a. Kan thlawhhma siamte ramsa leh sava avanga kan hlawhchham hian kan tuh rah kan seng a ni lek mai lo maw?? Khaw awmdan leh ruahtui tlak dan mumal loh avanga kan thlai chinah kan hlawhtling zo ta lote hi ramngâw leh nungcha kan humhalh \hat loh vang a ni a, vui thei kan ni lovang.
   Inring tawn leh inmamawh tawn vek kan ni a, chuvangin kan chheh vela nungcha leh ramngawte hi duat taka kan enkawl a ngai a. Chhia leh \ha hriate hian chu chu kan tichhe mek a nih hi !!!
   Khuanu in mihringte tana a lo dah hi kan renchem thiam a, kan enkawl ngun a, a theih ang anga kan duat hi nang leh kei mawhphurhna a ni dawn lawmni ???

ZIAKTUTE HUANG :

MIZO TAWNG

-Andrew Khawlhring

   Hman deuh tawh ah khân he thu hi ka lo ziak a, daily news-ah pawh vawi khat chu ka lo chhuah tawh a ni. Mite ang chuan hre tam lo mah ila, \ûl tihna avangin ka han thai lang ve leh a ni. Mizo \awng hi Mizo te min ti Mizo tu pakhat a ni. Tûna kan A, AW, B hman lai hi Zosâp Missionary te min siam sak kha a ni a, kan vânnei hlê. Hmânni chu T.v ah LPS1-a Pu Lalaudinga Ramhlun an kawmna ka en a, tûnlai \halai ho in tawng kan lo hman dik loh zia vêl a rawn sawi a, inzirna tûr kan lo ngah hle mai. Ka ngaimawh tlêm azâwng han sawi tel ka duh a, chutih rualin kan sawi hmasak duh chu Mizo te hian hei lo hi \awng dang kan neilo tih hi a ni.
   Mizo \awng hi a har êm êm a, zir tham a tling a ni. Mizo Mizo tawng hmang diklo hi kan tam tawh khawp mai. Hmasâwn hmuh theihin a \hang kan ti fo a, \awng pawh hi a \hang ve tho a ni. Hetia \awng rawn \hang vak hi engtia lo dawn sawn tûr nge tih hriatthiam a har khawp mai. |henkhat chuan, Mizo \awng ti hausa tu te an tia, hi a dik vek dâwn em ni le? Nge a ni lo tiin kan pha dâwn. A \hen chu a ni a, a \hen chu a ni silo. Hriatthiam a har khawp mai le.
   A chunga ka sawi tâk ang hian kan hman dik loh tlêm han târlang ila. Mizo te hi Social Media kan khawih nasat avângin chumi mil chuan kân sawi dâwn a ni. A hmasa berah chuan ‘\’ chhut theih renga Tri kan han ti tlat hi. Phone-ah Mizo hawrawp an siam tawh tho si a. e.g \an hun tih mai tûrah tran hun kan ti a, a diklo a ni. Facebook te hi han en ila, tûn lai tleirawl/ráwlthar te hming han dah dân te hi, Mizo \awng hi an pâwngsual ni ber hian a hriat. Tu'n kan \awng lo haw lo se, entîrna pahnih khat lek han sawi belh duh ka nei a. Rem Remi tih mai tûrah 'i' ti lovin yee te kan han hmanga. Kan thu târ chhuahah te hian 'X', 'W', 'C', 'G' te kan han telh hi chu a diklo a ni. Mizo \awng ti hlutu chu nangmah i ni a, a ti daltu pawh nangmah i ni. U.N.O pêng pakhat UNESCO chuan Mizo \awng hi boral thei dinhmunah a ding a ti asin. Chuvângin, fimkhur teh khai.

##############################

Khawchin thlir lawkna....

   The Weather Channel in tunkar chhung a khawchin awmdan tur a hrilhlawk dan chu a hnuaia tarlan ang hi an ni.
   November ni 5, 2021 (Pathianni) leh November ni 7, 2021 (Thawhlehni) chhung hian ruah sur thei tur a ngaih a ni bawk.
Ni chhuah hun   : Kartir - 5:47 A.m.   Kartawp - 5:51 A.m
Ni tlak hun    : Kartir - 4:32 P.m.    Kartawp - 4:33 P.m
Date       Max.   Min.
5.11.2021   (Chawlhni)      210C   150C
6.11.2021   (Thawh\anni)   180C   160C
7.11.2021   (Thawhlehni)   200C   150C
8.12.2021   (Nilaini)           230C   140C
9.12.2021   (Ningani)         250C   130C
10.12.2021   (Zirtawpni)   240C   120C
11.12.2021   (Inrinni)         230C   110C

PAGE - 3

HRIATTIRNA :

CCCC chung chang

Covid-19 vei enkawlna hmun kan veng in kan neih Community Covid Care Centre (CCCC) pahnih Lalsavunga Park leh High School chu Sorkar lamin a rawn titawp ta a. Vanduai thil a Covid-19 positive kan lo awm palh a nih pawhin Home Isolation emaw sorkar in enkawlna hmun a siam - Covid Care Centre (CCC) a enkawl zel kan ni tawh dawn a ni.

National Lok Adalat chung chang

   December ni 11, 2021 hian National Lok Adalat chu India ram puma neih tura ruahman a ni a. He hun hi Mizoramah pawh hlawhtling taka neih a nih theih nan hma lak mek a ni a. Thubuai hrang hrang awlsam zawka sum leh pai senso ngai lova a rang thei ang bera chinfelna tura ruahman a nih angin, he hunah hian thubuai hrang hrang kan neih leh la neih turte chu he National Lok Adalat-a chinfel a nih theih nan December ni 7, 2021 ah emaw a ai hmaah pawh a hnuaia hming sign-tu hnenah hian thehluh theih a ni e.
   Application form hi Local Council Office-ah Office hawn hunchhungin lak theih a ni.
   Sd/- R.Vanlalvena
   Member Secretary
   Mizoram State Legal Services Authority

Mizoram Covid Vaccine

   December ni 3, 2021 thlenga Mizorama COVID-19 Vaccine pek chhuah dan :
Ø   December ni 3, 2021 a pek chhuah : 1979 (1st dose - 1178, 2nd dose - 801)
Ø    1st dose la tawh : 7,21,945
Ø    Full dose la tawh : 5,66,797
Ø    Dose pek chhuah tawh zawng zawng: 12,88,742
   Unique Identification Aadhar India, May ni 31, 2020, a\anga a landan in Mizoramah mi 1,239,244 kan awm a, heti hian Mizoram mipui za a 45.73 (45.73 %) velin Vaccine an la kim tawh a ni.

Advertisement...

MD Septic Tank Service

Septic Tank khat tan

   Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

   VL-a,
(10-4)   Ph.No : 9402344486, 9615266170

LAWRKHAWM :

HLIMEN COVID-19 DINHMUN

Tunkar chhunga kan veng Covid-19 dinhmun hetiang hi a ni.

Dt. 28.11.2021 (Pathianni) : Hemi ni hian positive 1 kan nei a, Damvea Sec. a mi niin, home isolate a ni. Hemi ni vek hian positive (veng pawna enkawl) a\angin dama chhuak 2 an awm.

Dt. 29.11.2021 (Thawh\anni) : Hemi ni hian positive zing a\angin dama chhuak 1 an awm. Tin, vacine lak a ni a, mi 41 in an la leh a ni.

Dt. 30.11.2021 (Thawhlehni) : Hemi ni hian positive contact mi 4 te swab sample lak a ni a, an vai hian an negative vek a ni.

Dt. 1.12.2021 (Nilaini) : Hemi ni hian positive 2 kan nei a, Saichhuma Sec. ami ve ve an ni. 1 zawk hi a training na hmun Durtlang lamah enkawl nghal a ni a, 1 zawk hi home isolate a ni. Hemi ni vek hian positive (home iso.) zing a\angin dama chhuak 1 an awm bawk.

Dt. 3.12.2021 (Zirtawpni) : Hemi ni hian positive 2 kan nei a, Kapdaia Sec. a Gorkhali 2 an ni a, anmahni Inah Home Iso. an ni.

Dt. 4.12.2021 (Inrinni) : Hemi ni hian positive (Home Iso.) zinga a\angin dama chhuak 4 an awm.

   SECTION         TOTAL CASE    ACTIVE CASE
   Buala                     47                 Nil
   Damvea                 89                  1
   Kapdaia                 50                  2
   Lalsavunga      Nil   Nil
   Saichhuma             42 2
   Vawmphunga         16 Nil
                  TOTAL    244      5
Dam tawh mi 238,                  Dam tawh zat percent : 97.54

Cleanliness Competition atan pe

5th Mizoram Cleanliness Competition hmalak na atan hian AMC chuan Local council tin te hnen ` 2,000 \heuh a pe a, tin, common banner, (Mualzawl Pavillion atar hi) siamna atan ` 2,250 a sanction bawk.
Nov. ni 27, 2021 khan heng sum te hi bialtu Councillor Nl. Beryl Vanneihsangi’n Hlimen Local Council a rawn hlan a, a chungah an lawm hle. Bialtu Councillor hian a hman a nih chuan faina hnatlangpui koh hunah min telpui a tum thu a sawi bawk a ni.

Vaccine la

Nov. 29, 2021 (Zirtawpni) khan Centenary Hall-ah Covid Vaccine lak runpui neih leh a ni. Mi 41 hnenah Vaccine pek niin heng zinga 24 hi second dose niin 17 chu first dose an ni.
Kan hriat \heuh angin hri kai a tla hniam chak lo hle a, chuvangin fimkhur zel ila, vaccine la lalo ten la zel ila, dose khatna la tawhte pawhin a hun takah dose hnihna la vek turin kan inngen a. Hei bakah hian hmai tuamna vuah, midang nena inhlata awm leh kut leh hmuihmai silfaite lo ngai pawimawh zel turin kan in ngen bawk e. Kan fimkhur loh chuan engmah ti thei lovin kan awm hlauh ang e.

PAGE - 4

KEIMAHNI :

Hlimkhawpui Budget

   Hlimkhawpui March & April 2021 thla Budget pe tla tawh te:

1.   Kapdaia Sec.   2. Buala Sec.
3. Damvea Sec.   4. Vawmphunga
5. Saichhuma Sec.   6. Lalsavunga Sec.

Hruaitu atan chhawpchhuak

Kan hriat angin CYMA inthlan lo awm turah kan Branch chuan Pu R.Lalngheta chu hruaitu atan a nominate a . Rampum huap hruaitu atana kan Branch in kan chhawpchhuah hi mimal tinin a puih theihna kawng kan hriat angte in pui tlang ila. Rampum huap pawl hruaitu neih hi veng mawina pawh a ni a, veng dang min hmuh dan pawh a danglam lo thei lova. Chuvangin, mawi tak siin kan theihna mualah \an la tlang ila a lawmawm hle ang.

Y.M.A. CONFERENCE

Central YMA rorel leh hruaitu thlan chu Dec. ni 16, 2021 (Ningani) ah neih tura ruahman a ni ta a. Rorel leh hruaitu thlan hi Aizawl-ah nghah a ni a, a hmun tur erawh tihchian a la ni lo. He hun Aizawl a nghah a nih avang hian keini Branch/veng pawh rorel palai mikhual nei thei dinhmunah kan dinga mikhual nei thei tur hian lo inring lawk ila a \ha ang e.

Library

Hlimkhawpui Chanchinbu

Hlimkhawpui Chanchinbu chu April ni 24, 2021 a\ang khan hripui leng avangin Press-ah print tir a ni tawh lova, Issue 28 zet a phek a sem a nih tawh loh hnuah Pathian zarah tluang takin kan kalchho leh ta a, a lawmawm hle.
Hlimkhawpui Chanchinbu hi thla 2 zel atan a man khawn \hin a ni a, chanchinbu la chhung tinah thla hnih atan hian ` 30 khawn \hin pawh sum audit a awm dawn avangin Section tin ten Nov. & Dec. thla man a hma lama khawn zawh tum ila a lawmawm hle ang.

Advertisement...

KOHHRAN CHOWKIDAR HNARUAK

Lawrkhawm chhunzawmna.....

Hnatlangpui nei dawn

   Hlimen Sanitation & Beautification Committee te chuan Dec. ni 14, 2021 (Thawhlehni) hian faina beihpui thlakin hnatlangpui neih a rel. He hnatlangah hian Section wise in thawh tur a ni ang a, Hlimen S&B Committee Member te an awmna Section huamchhungah Incharge an ni ang a, an ni bakah hian Section tin Leader leh Secretary te mawh lo phur tura ruat an ni bawk.
   Innghahkhawmna hmun turte :-

1.   Buala Section   : Mualzawl
2.   Damvea Section   : Pu Duhthusama in kawt
3.   Kapdaia Section   : Pi Zaliani in kawt
4.   Lalsavunga Section   : High School peng
5.   Saichhuma Section   : Venglai kawn
6.   Vawmphunga Section   : PHE Tanky bul
   Chhungtin a\angin mi 1 tal thawhchhuah \heuh tur a ni a, hmanrua - buara, chem, bawngtuthlawh leh hmunphiah ken tur a ni ang. Rokhawlhna avanga hnatlang hman lo chu ` 100 a inhlih theih a ni. Inhlip bawk silo, hnatlang a thawkchhuak bawk silo chu ` 200 a inrun tur a ni ang. Tin, inhlip lo, hnatlang bawk silo chuan Local Council Recommend etc.. engmah an beisei thei lovang.
   Hnatlangah hian kawngpui dung, kawngba, side drain leh vantlang zunin te ngaihpawimawh a ni ang.
   Hnatlangpui neih hma hian chhungtin ten mahni in leh avel lo tihfai vek tur a ni.

   Sd/- Secretary
   Sanitation & Beautification Committee
   Hlimen

VDP in chak takin hma la dawn

   VDP, Hlimen te chuan kumin hunpui kan hmachhawn tur denchhenin kan khawtlang a lo him zawk chak taka hmalak a tum. Ruihhlo zuar leh midangte atana ninawm leh harsatna siam zawnga ruite chungah na takin action an la zel dawn a ni.
   Hunpui Krismas vuakvet leh kumhlui thlahna-ah halpuah, halmawi, sky lantern etc.. zawrh leh hal khap dan dinglai chu khauh taka kenkawh a ni dawn a, veng dang a\anga lakluh pawh remtih a ni lo. Hei hi mitinin zawm turin hriattir leh ngen kan ni e.
   Tin, VDP hian hian sum hmuhna a nei hran lova, khawtlang thenthianghlimna kawnga hma han lak chuan sum senna turte a lo tam ve \hin a, tlawmngaia sum thawh thei kan awm chuan VDP hruaitute hnenah englai pawhin thawh theih reng a ni.
   Sd/- Secretary
   VDP, Hlimen

Hlimen Futsal League khelh a ni dawn