Tomir thla (May) ni 29, 2021, Issue No. 22

PAGE - 1

TUALCHHUNG :

MLA in pe :  Bialtu MLA Prof.F.Lalnunmawia chuan May ni 28, 2021 khan hripui leng avanga khawsak harsa chhungkuate pek turin Hlimen LLTF te kutah buhfai bag 20 a hlan. Hlimen LLTF te hian May ni 29, 2021 khan chhungkaw 60 hnenah buhfai bakah hian Task Force in mi tlawmngaite pawisa thawh a dawn a\angin dal a lei chu sem a ni bawk a ni.

Chhungkaw 100 chuang hnenah :   Hlimen Local Level Task Force chuan mi inphalte thil thawh tling khawm a\angin kan veng chhunga khawsak harsa chhungkua te hnenah buhfai leh ei tur dang an pe zel. |anpuina an pek tawhte hi chhungkaw za chuang an ni a, chhungkaw \henkhat phei chu vawi khat mai nilo \anpuina hlan an ni tawh a ni.

Health Clinic-ah pe :  Kan Ward Councillor Baryl Vanneihsangi chuan May ni 28, 2021 khan Hlimen Health Clinic ten an mamawh em em Refrigerator \ha tak mai a pe, thawktute an lawm hle.

Convex mirror dah :  Local Level Traffic Management hmalakna in kan veng chhung a kawng kawi zual lai, chetsual hlauhawm laiah Convex mirror an dah.
    Convex Mirror hi Pu Thanchhunga in kawi, Damveng, Venglai kawn leh Tv. C.Lalhmingthanga te in kawi, Kapdaia Sec. -ah te dah a ni. Convex mirror hi kawng kawiah lehlam a\anga motor lo kal; lo hmuhlawkna darthlalang a ni.

Nungcha humhalh ila :   Sava inthlah pun hun lai a ni a, mi \henkhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang. Nungchate hi hmuh an nuamin nun an tihlim a, chumai bakah kan chenna khawvel-ah hian inmamawh tawn kan nih avangin a suat remtu aiin a humhalhtu nih tum \heuh ang u. Nungchate hi Pathian siam an nih bâkah Pathian ta an ni a. Khawvel \ha zawk kan din theih nan nungchate leh ramngawte kan humhalh a \ul hle a ni. Khawvêl timawitu leh tifamkimtu an ni tih hriaa ngun taka humhalh hi kan tih tûr pawimawh tak a ni.

 

HEADLINE :

YMA MOTTO THLIRZAUNA

    Hman lai kan pi leh pute hun lai, nunchan zirna rûn Zawlbûk a nih lai khan rawltharten tlawmngaihna nun chu val upate kiangah an zir a, an nunpui \hin a nih kha. Kha hunah khan rinawmna te, tlawmngaihna te, hawihhawmna te, induhsak tawnna te chuan khawtlang nun chu a tuam hlup mai a, chuvang tak chuan ‘|henawm do aiin khaw sarih do a thlanawm zawk’ an lo tih \hin ni. Hun leh ni, kumte lo herin khawvelin hma a sawn zel a, he tlawmngaihna nun mai bakah, Zonun Zemawi keng nunga chawinung tur leh phurrit phurte chhâwka \anpui ngaite \anpui turin pawl pakhat a rawn ding ta a, chu chu YMA (Young Mizo Association) hi a ni.
    Chu pawl duhawm tak leh hnamchawmte thleng phak YMA chuan thuvawn leh thiltum (Motto) ril tak leh belhchian dawl em em mai a rawn nei a, hei tak hi Zofate kan vanneihna em em chu a ni a, tuna thlirzau kan tum tak pawh hi a ni. Mi tam takin YMA Motto hi mu chungin a tihhlawhtlin vek theih tiin fiamthu narân mai ni lovin an sawi \hin. Pawn láng taka han ngaihtuah mai chuan a dik hmel fu, mahse chiang zawk leh a rilzia ngaihtuah chuan heng Motto pathum (3) ten a tum rilzia leh pawimawh si zia hi famkim lo zetin i han belchiang dawn teh ang.
1. Hunawl hman \hat : Hman kum 1970 vela Zofa ten ‘hmasawn’ kan hriat dan leh 2000 hnu lama ‘hmasawn’ kan tih hi inang tawh lo tak a ni. Engvangin maw??? 1970 vela khawtlang, ram hmasawnna aiin tunah chuan sang tak kan ni tawh tihna a ni. Hunawl a tih pawh hi a inang thei tawh lo vang. Mitinin eizawnna, a te emaw a lian emaw kan nei vek a, eizawnna nei lo te pawhin eizawnna bul\hut Zirna rûn sang an bel a, naupang kum 5 chin chunglam a\ang hian tih tur pual hran \heuh neia hun hmang kan ni deuh vek a ni. Kan hunawl hnawhkhah nan mai ni lo, kan khawsak inrelbawl nan te, kan nun kal zel tur atana pawimawh tak, loh theih loha kan tihmakmawh hi a awm a, chu hun chu kawla ni chhuak kan chhiar \hin dan pawh a ni \hin. Chung kawla ni chhuak kan chhiarpui \hin baka hunawl kan tih chu sual tih nan te, awm mai mai nan te, mut mai mai nan te, ho lam taka hmanral hi YMA chuan uihawm a ti a ni. Chu hun chu a \angkai thei ang bera khawtlangin emaw, chhungkuain emaw a chhawr theih tur thil \angkai (a te leh lian lam sawi ka tum lo) ti turin min fuih a ni. I mut mai mai emaw khan i hunawl kha i hmang \ha tihna a ni lo tihna a nih chu.
2. Zofate hmasawnna ngaihtuah : A chunga kan sawi tawh ang khan hmasawnna tehfung hi tawp chin nei lo a ni ti ila, kan sawi sual tam awm love. Khawvel a \hang zel a, thil chi hrang hrangah hmasawnna namen lo chuan he Zoram khawvel pawh hi a chiah ve reng a, hman laia hmasawnna an teh dan lakah chuan tun lai khawvelah hi chuan hmasawn lehna tur chuang a awm em ni le? a tih theih hial awm e.
-Phek 4 naah chhunzawm a ni....

 

PAGE - 2

EDITORIAL :

CHANGKANNA HMAN THIAM
    Thiamna lo sang zel hi a hmang thiam leh hmang dikte tan chuan changkanna leh hmasawnna, awlsamna, hlawkna, rualpawlna leh hahdamna a nih laiin a hmangsual leh thiam lote tan chuan chhiatna thlentu a ni mek a ni. Mobile phone te, internet te, computer,etc. te chu a hmang \angkai thiamte chuan an nihlawh phah em em laiin, a hmang thiam lote chuan kawng hrang hrangin an chhiatpui mek a ni. Thiamna sang zel hi a hmu chhuaktute chu \halaite an ni a, a hmang khaw lo tute pawh \halai an tam ber zel a ni. Chuvangin \halai ten heng thiamna sang zel hi a hlawk leh changkang zawnga an hman a pawimawh hle. Nun khawloh phah nan te, thil \ha lo chhar leh zir nan te aiin, nun kawng dik zawh nan te, rual el nan te, a\ha zawnga hmasawn nan leh changkan nan tea kan hmanthiam a duhawm hle.
    Cable TV leh internet in min chiah hnu hian chanchinbu leh lehkhabu chhiar melh melh peih hi kan tlem ta deuh em aw a tih theih. Thil \angkai tak hi kan hman thiam loh chuan hmasawnna daltu a ni thei tih hriaa thiam taka hmang \angkaia, kan thuhnuaia dah hi hmasawnna a ni.
    Chanchinbu, television, internet leh cell phone emaw pawh nise entertainment section ringawt mai buaipui laklawh hi awm theih a ni a, kan tuina ringawt lam kan awn renga kan tana tangkai tur kan ngaihthah leh si ang tih pawh hlauhawm tak a ni. Electronic media leh tunlai khawvel changkanna in a ken tel thil tam tak hi kan hman thiam loh vek chuan chhiatpui lam kan hnaih zel ang.

 

ZIAKTUTE HUANG :

Hringnun pangpar
-  Prince  Paris Khawlhring (pp.18.3.16)
    Leng hnawtchhuak ar a khuang al al a, ka khum bul tukverh chu hawngin ka thuthleng hman thiamah chuan ka thu chat a. Thuthleng tih vir then lauh lauh pah chuan Lungpho vaihlo tui kan pak khu talh talh a. Tukverhah chuan ka hawi vang vanga, a khat tawka motor tlan ri bak riva dang hriat tur a awm tawh lova, zial hmeh pawlh atan kuhva han chilh thi-sak pahin ka rilru chu ka kawm melh melh a.
    Zawh leh zawn fawm hringnun hi a ho a, a lem a, a dal viau laiin; chu lem leh ho tak chu a tâk a ni a, lem leh ho ti tak chung siin chu chu ka nun dik tak ka hman zawh tak leh ka hman mek, ka la hman leh tur a ni tih ka hai chuang silo.
    Chutia ka rilru ka kawm lai chuan, ka phone a lo ri tlak tlak a. Ka en a, pangpar huan mawi tak thlalak hi a lo ni a. Awmze nei taka chin, uluk taka enkawl a ni tih a hriat ngawih ngawih a, a mawi mai nilovin a ngainatawm hliah hliahin ka hria. Min thawntu pawh ngaihsak zui ta lo chuan suangtuahna ramah ka cheng zui a.
    Chu pangpar thlalak chu ka en reng a, ram danga par a ni a mahse ka tan pawn a mawi thova, a chingtute tan a par a; a tlawhtute tan a par bawk a. Keia hringnun erawh chuan par duhna bik ka lo nei reng tih ka hrechhuak a.
    Chu Pangpar erawh chu, daikilkara hmeithai inah a par theia, minister ina a par dawnin tan ala thar thut lova, a tihdan pangngai ang bawkin a par mai a. Ngawlvei bulah a mawina a thup then lova, Pastor inah a theihpatawpin vul a tum chuang hek lo!
    Lawmte a lawmpui zat a chhiar lova, mi lungngai a hnem zat a chhinchhiah hek lo. Missionary ruang chungah a vulmawi tluk thovin mahni intihlumte a hnualsuat lova, a vul ngaiin a vul reng a, a mawina chuan thleibik a nei lova, mi tam leh tlemah a buai lova, thliah a nih pawhin a rimtui tal min la hnutchhiah hram thin.
    Nalh tilo mah se a par tho va, nalh titu hmaah a par hluai ngai hek lo. Fak leh sel avangin a danglam ngai hek lo. A par chu chuai \hin mah se a beidawng ve ngai lova, a par leh thei a, a vul leh thei tih hi a inhrechiang a, thlipui leh ruahpui pawn nuai \hin mah se par a chhuah leh fo \hin.
    Lunghlu chu a chuai theih loh avangin a hlu a, pangpar erawh a derdep em avangin a hlu thung. Derdep tak chung si hian midang tan malsawmna ni turin a par zu chu phal takin a sem chhuak a, thawk \ha a intih phah chuang lova, a hawi san phah hek lo.
    He hringnun hi, pangpar anga chuai leh mai tur; vullai rei lo a ni a, tawihin kan ral anga, lei thuahthip hnuaiah zalhin vaivutah kan la chang ang. Chu hun tawiteah chuan mi bikten hriatreng tlak an hnutchhiaha, mi tam takin mi thinlungah lung \ha emaw chhia emaw an phun thung.
    A \ha thei ang ber nih tum siin a chhe ber tawng thei tura inbuatsaih \ulna hringnun chingchivet karah hian thil zawng zawng hi a fuh famkim thei lova, a ropuina zawng zawng nena inthuam Solomona pawh khan, Artukkhuar par pakhat mawina pawh a tluk zo lo a nih kha! Chu Artukkhuan mah chuai a, zuai a vul leh thin a nih si chuan; hringnun pawh hi chuaiin vuai thin mah se, par a chhuah ang a, a vul leh ang tih beiseina nen rimtui chhuahin hringnun i chhiar ang u hmiang.

 

PAGE - 3

HRIATTIRNA :

UPHC, HLIMEN HRIATTIRNA
    Sawkar thuchhuah in a tarlan angin damdawiin a damlo inentir tur ten chhuah phalna LLTF hnenah lak tur ani a.Hetiang bawkin UPHC a rawn inentir tum te pawhin LLTF lehkha neih ngei tawh tur ani a,LLTF phalna lehkha neilo chu inentir theih ani toh don lo tih ka han inhriattir ani e.Heihi kan him tlan zawk natur ani a,mipuite hriatthiamna kan ngen e.

    MEDICAL OFFICER, UPHC,HLIMEN

Consumer Union chung chang
    Khua leh veng hrang hrangah khawtlanga thil diklo leh fello do a, siam\hatna kawng hma la turin Consumer pawl din a \angkai thei hle mai. Local Council tih tur chin a awm a, NGO leh Political Party tih awm chin pawh a awm, chutiang bawkin Consumer pawl hmalakna tur tam tak a awm bawk. Gas harsatna, Electric chung chang,  tui chung chang, Telephone harsatna, ration sem etc.. chungchangah mimal a harsatna sutkian theih loh a tam hle awm e. Chuvangin dan leh dunte zirchianga hma la turin keini vengah pawh hian Consumer Union hi Branch din a hun ta viau lo maw?? Hun eng emaw lai khan Electric Bill sang avangin chawpchilh deuha Branch kha din niin a lang a, tunah hian mi tlawmngai leh a ngaihna hria ten Concumer Union, Hlimen Branch hi din thar leh a \ha hle mai.

I fimkhur ang u
    Electric kan mamawhna dan te a sangin, a tello chuan nunphung a buai thei hle tawh a, regular taka power Supply kan neih theih nan Electric hmang khawl- Istiri, Heater leh ar vulh nana line kan zam ah te hian electric ti short thei tur lakah kan khawl leh electric wire zam te i fimkhur ang u. Kan fimkhur loh chuan Transformer ah pawi nasa tak a khawih thei a ni.

ELECTRIC COMPLAIN
    Kan veng chhung bik tana a hranpa a Electric Duty dah an ni ta lova, Electric lama harsatna nei kan awm chuan Aizawl South lam bialtu Office Ph. No. 0389-2327631 ah phone mai tur a ni e.

 

Hringnun....

##    Sual hi lui nen a in-ang khawp mai. Lui pawh hi a hnarah chuan tlem tein a luang ri her her a, a tawpah chuan tuifinriat fawn hlauhawm takah a chang mai thin a ni.

##    Tu tan mah hian thinrim hi thil harsa a ni lo. Nimahsela thinrim chhan tura chungah ngei thinrim a, a chhan tling dik tak avanga a hun taka thinrim a, dikna avanga thinrim dan tur dik taka thinrim erawh chu harsa tak a ni.
    -Aristotle

 

LAWRKHAWM :

Task Force-ah pe
    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-
**    Pu Lalrinmawia (SCS)    -    `    1,000
**    Pi Thansangi (DV)    -    `    1,000
**    Pu Thanzuala (DV)    -    `    500
**    Pu Lalbiaksanga (BS)    -    `    1,000
**    Pu Sanglawma (SCS)    -    `    1,000
**    Pu Kima te nupa (KD)    -    `    1,000
**    Pu Lalchungnunga (KD)    -    `    500
**    Hlimen a Stone Crusher neite    -    `    12,000

    Heng bakah hian Pu Ramhmingthanga (VP) te chuan Buhfai bag 1 an pe a, Pu Lalchungnunga H/o Ateii (KD) te chuan buhfai bag khat an pe bawk. Tin, Task Force duty te ei leh in tur pe mi engemaw zat an awm bawk a ni.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

Kan veng Covid-19 dinhmun
    Tun hapta chhunga kan venga Covid-19 thu thar hetiang hi a ni e. Positive 1st contact hi mi 15 test an ni a, mi 12 te result chhuakin an Negative a, mi 8 nghah mek an la ni. Zin haw mi 11 test ni bawkin, 1-a Negative a, midang hi nghah mek a la ni.
    Tin, CCCC (Lalsavunga Park) a Positive mi 7 te test niin, mi 6 an Negative a, 1 ala Positive a ni. Heti hian kan vengin Positive 2 kan la nei mek a. Pakhat ZMC-ah awmin, pakhat Home Isolation-in a awm mek a ni.
    Covid-19 l>n tirh a\anga vawiin thlengin kan veng mi 38 in hri an kai tawh a, heng zinga mi 18 hi mipa niin, hmeichhia 20 an ni. Mi 36 damin an chhuak tawh a, hei hi 94.7% a ni.
    Tunah hian kan venga CCCC (4C) hi sawrkarin min hriatpui tawh a, amaherawhchu a enkawlna lamah hian vengin mawh kan la phur a. Tunah hian 4C pahnihah hian positive dah an nihin ei leh in leh rawngbawlna, mahni in checkup-na tur hmanraw \henkhat dah tawh a ni a, la dah belh zel tum a ni a, a theih chin chinah tihchangtlun zel tum a ni.
    A tir lamah khan duh anga kan inbuatsaih hman loh avangin postive enkawl kawngah duhthusam a ni lo a, tun hnaia awm te nen a inthlau deuh tih kan hria a, kan inhrethiam dawn nia.
    Tunah hian veng mipuite thil phalna leh inpekna avangin \ha takin kan 4C kan kalpui mek a, hengte hi LLTF tih a ni lo a, veng mipuite \anrualna liau liau a ni. |hahnemngai takin \ang ho zel ila, hri kan dona kawngah hma kan sawn zel a, a tawp thlengin i bei ho ang u.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-20)    9436199884, 9862476439

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga

Mitthi vui hun leh tlaivar
Dar 5:00Am - 10:00 Am inkar a thi chu 1:00 Pm a vui tur
Dar 10:00 Am - 2:00 Pm inkar a thi chu 4:30 Pm a vui tur
Dar 2:00 Pm - 5:00 Am inkar a thi chu Dar 11:00 Am a vui tur.  (Hei hi tlaivar pui tur a ni)

 

Lawrkhawm Chhunzawmna...

Fimkhur tak zelin aw
    Mask vuah hi chin dan phung pangngai (Habit) a neih khawpa kan chin uar a pawimawh hle mai. Khawilo chhuahna apianga pakhat mai ni lo, a \ul dan a zira a thlakna tur pahnih pathum tal ah/ken \hin nise, a thuaha vuah theih a \ha hle bawk.
    Kan khawtlang nun nen inpersan em em ni mah se  inlen pawh loh leh midang nena inhlat a awm hi kan himna atan pawimawh em em mai a nih avangin mahni inthununna nen a taka kan hman deuh deuh hi kan tihmakmawh tur a ni.
    Sahbawn hmanga insilfai leh Sanitizer hman pawh hi kan nitin nunah bet tlat rawh se. Sanitizer phei chu khawilo chhuahna apiangah ah/ken mai tur a ni.
    Kan kut hi engkim kan khawihna a nih avangin mitin hian kan mit, kan hmui leh kan ká te hi kan khawih nasa em em mai a. Pawnlamah kan tei chhuak a nih chuan  a \heih hram chuan kan kut kan tifai hmasa a nih loh chuan hmui hmai khawih loh tawp tum tur a ni.
    Sawrkar leh LLTF te thuchhuah awih hi kan himna tur atana pawimawh em em mai a ni a, tin, Positive Contact in report tur a tih ah kan tel emaw in rinhlelhna kan neih emaw chuan a rang thei ang ber a in report na tur a in report thuai hi hri darh zel tur venna atana pawimawh ber te zing a mi tih i hre nawn leh ang u.
    Tin, a \ul viau a nih loh chuan pawn lama chhuah  loh hi kan tihmakmawh a ni tih i hre bawk ang u.

KANGMEI LAK A FIMKHUR
    |hal khawro lai a lo ni leh \an tawh a, kangmei lakah kan khawtlang leh veng a lo him theih nan heng thil te hi uluk tak a vawn a; zawm thlap \hin tur a ni.
1.    In kan chhuahsan dawn leh zan kan mut dawn in, kan gas thuk te, kan electric heater leh kan tui lumna te a in OFF \ha em tih kan enfel \hin tur a ni.
2.    In a kan electric wiring hman lai a him tawk em tih enfel reng tur a ni a, kan Ar-in electric chhitna a him \ha em tih kan enfel bawk \hin tur a ni.
3.    Kan vawkchaw chhumna mei leh kan meizial bung paih tur kan tihlum \ha \hin tur a ni.
4.    Kan in leh a vel kan vawngfai in, kangmei tichhuak awlsam thei chi dah loh a him ber a, awmze neilo in ram kan hal mai mai tur a ni lo.

 

Phekhma chhunzawmna..........
    Mahse, chutiang a ni lo. Thiamna leh finna hian tawp chin a nei lo va, neih belh zel tura awmsa, khuanu duan a ni a, chutiang bawkin hmasawnna pawhin chu thil chu a kaikawp reng a ni. Hmasawnna kan tih hian tih dan thar hman avanga tih dan hlui hmuhsit zui kher tur tihna a ni lo. Kan chhunzawm a rem ta lo a nih pawhin dem mai lova hriatthiam leh sawimawi dan tawk kan thiam a \ul. Chu thil chu YMA chuan a hmu chiang em em a, tun lai \awng\ial takin in up-date ve zel a ngai tihna a ni. Chu dinhmun nei tur chuan chawpchilh leh hnawhsarum a va neih mai theih a ni lo va, tihlawhtling tura awmze nei taka fimkhur taka ngaihtuah a ngai a, bawhzui leh hmalak ngai a ni. Suangtuahna (Dream) ang mai maia kalpui chi a ni lo tihna a ni. Heta ngaihtuah a tih hi hlenchhuah tur, tihhlawhtlin tur leh kan neih theih ngei tura ngaihtuahna hman lam a kawk a ni. Thut mai mai a hun tawh lova, mut hmuna dawráwm taka ngaihtuah lam a kawk fahran lo tihna a ni.
3. Kristian nun dan \ha ngaihsan : Kristian tih chu Krista zuitu te tihna a ni. Tirhkoh thianghlim Paula’n Philipi khuaa mite hnenah, “Engpawh ni sela, in awm dan chu Krista chanchin \ha nen inmawi phawt rawh se...” a tih angin keini Zofa, Kristiante hian Krista hnung kan zuinaah, khawtlangah Krista rilru pu a kan nun dan leh awm dante kan lantir a \ulzia a sawina a ni. Kan mi ngaihsante tih dan leh nihphung chu lakchhawn nuam kan ti \hin a, chumi ang chuan awm kan tum zawk em em \hin. Jakoba’n “Thil tha tih tur hria a, ti si lo chu a tan sual a ni” tia min hrilh chu keini Krista zuitu, ngaisangtute thupui tur a ni a. Chutiang anga kan awm lo a nih chuan Krista, kan zuia chu kan ngaisang tawk lo tihna a ni. “Ram hi a chhiat loh nana daitheu tur mi a zawng mek...” tih sawi a, Sawiluaia ni mai lo va, a taka thawka rilru ngaihtuahna senga beitute hian Krista rilru an pu a, Krista an ngaihsanna chu thu mai ni lovin a takin an lantir zawk \hin. YMA thuvawn “|anpui ngaite \anpui” tih lanchhuahna tur chu Khawhar chhungte thlamuan tura Krista hmanrua atana mi inpe te, mitthi lumen a ngai a, a hrehawmzia leh taksa pawhin a tuarzia hria a, chumi huama tlaivar hram hram te, thlân khur chhunga mahni hrehawm pawh pawisa lo va, hun hmang te, chutianga midangte tana malsawmna ni tura insen huam leh inpe te, roreltute thu leh hla ngaichang thiam a, dawhtheihna nun neitute hian Kristian nun dan \ha chu an ngaisang a, an ngaihsanna chu a takin an lantir \hin a ni. Mu chunga awlsam taka “Ka ngaisang êm..!” tih lam a kawk lo tihna a ni.
    Heng YMA Motto ril leh thuk takte hi awlsam tea tihhlawhtlin chi a ni lo tih hriain a taka hunawl hmang \ha tu, Zofate hmasawnna ngaihtuahtu leh Kristian nun dan \ha ngaisangtu ni a fimkhurna nen, YMA member rinawm kan nih hi a va hun ta em!. Chu nun chu Krista rilru a ni a, Tirhkoh thianghlim Paula’n “Thil \ha ti atan Krista Isuaah chuan siama awmin ama kutchhuak kan ni si a; chu thil \ha tih chu kan awmna turin Pathianin a buatsaih lawk a ni” tia fuihna duhawm min pek, kan awmna tura Pathianin a buatsaih lawk hi YMA member ten kan motto a ni tih kan hriat thar a, a nunpuitu kan nih hi a YMA em em a, a Kristian êm êm zawk bawk a ni.

 

Tomir thla (May) Ni 22, 2021, Issue No. 21

PAGE - 1

TUALCHHUNG :

Damlo :  Pu Lalchhanhima h/o Lalnunsangi, Buala Sec. chu taksa lam \hat lohna avangin May 18, 2021 (Thawhlehni) khan Trinity Hospital-ah admit a ni.  

##   Nl. Lalrinkimi d/o Laikunga, Saichhuma Sec. Nepal-a Missionary a awm mek chu  May 17, 2021 (Thawh\anni) khan a awmna hmun Nepal lamah a kala lungte awm zai a ni.

##   Pi Lalsangpuii W/o Pu Vanrothanga, Saichhuma Sec. a mi chu thawhah avangin in lamah enkawl mek a ni.

Councillor in pe :  Bialtu Councillor Baryl Vanneisangi chuan Hlimen Taxi Welfare te an member mi harsate \anpui nan ` 8,000 a pe a, an pawl pawisa lo neihsa nen an member khawsak harsa deuh mi 17 hnenah ` 1500 \heuh an hlan a ni.
    Tin, Councillor hian Hlimen 407 Assn. te hnenah an member harsate \anpui nan ` 4,000 a pe bawk a, member ten remchan ang ang thawhkhawm bawkin an member harsa zual mi 9 hnenah buhfai leh dal te an semkual bawk a ni.

Thlai thar pe :  May ni 17, 2021 zan khan Hlimen Local Level Task Force te ruahmanna in Chhinga Veng mipuite tan chawhmeh tam tham tak pek an ni. Chhinga Vengah hian tun hnaiah hri kai an tam chho hle a, Home Quarantine chhungkaw tam tak an awm a. Hemi avang hian Hlimen LLTF te chuan Hlimen Vengchhunga thlai thar neite hnenah an thlai thar an remchan ang angte Chhinga Veng mipui tana thawhkhawm turin ngenna a siam a, thlai nei mi tam takin Task Force-ah hian an rawn pe khawm a, Pick-up motor hmangin phurh phei a ni ta a ni. Thlai thar thawhkhawmtute chungah hian Hlimen LLTF te chuan lawmthu an sawi a ni.
    Tin, May ni 21, 2021 khan Hlimen a chawhmeh zuar/kharchawng te chuan  chawhmeh kharchhawn tura an lak tawh \hahnem tak mai chu zuar chhuak lovin  Tuithiang veng mipui te tan Tuithiang veng LLTF kutah an hlan bawk. Tuithiang veng LLTF te chuan hetiang thilpek hi an vawikhat dawnna a nih thu leh an lawmthu an sawi.

 

HEADLINE :

CHHIATTAWH/MITTHI AWM A BRANCH YMA THUCHHUAK
    Vengchhungah Chhiattawk/Mitthi an awm in hetiang hian Branch YMA chuan a kalpui nghal dawn tih khawtlang mipuite kan inhriattir a, hei hi tunlai hrileng (COVID-19) avanga ruahmanna thar ber a ni. Mipui hriat atana pawimawh zualte :

** Mitthi vui hun leh tlaivar :
Dar 5:00Am - 10:00 Am inkar a thi chu 1:00 Pm a vui tur.
Dar 10:00 Am - 2:00 Pm inkar a thi chu 4:30 Pm a vui tur.
Dar 2:00 Pm - 5:00 Am inkar a thi chu Dar 11:00 Am a vui tur.
(Hei hi tlaivar pui tur a ni)

**    Thlan laih leh vur chung chang  : Thlan hi laih lawk tur a ni a, Thlan vur hi chhiattawk Section mawhphurhna a ni anga, Mask leh Glove hi Branch in a ngaihtuah ang.

** Zan lam YMA hun hman chung chang : Zan lama YMA hun hman \hin hi tih hrih loh tur.

**    Buhfai leh pawisa chhungtin a khawn : Buhfai leh pawisa chhungtin a khawn \hin hi khawn hrih loh tur a ni a,  Chhiatni Fund a\angin ` 4,000 leh Buhfai 1 bag a râl tur a ni.

** Tlaivar tur : Mitthi an awmin Branch Committee Member leh Chhiattawk Section Committee Member te tlaivar tur a ni.

**    Thingpui sem : Thingpui sem \hin hi tih hrih loh a ni anga, tlaivar a nih erawh chuan thingpui leh sawhchiar buatsaih a ni ang.

**    Thlalak dan tur : Thlalak hi 10 aia tam lak loh tur. (A bak kan duh a nih chuan vui hmain a theih dan anga lo tih tum tur)

**    Kuang zâwn/nawr : In a\anga Thlanmual lamah kuang kan zâwn/nawr \hin hi a theih chin chinah Motor hmanga phurh hram tum a ni.

**    Lumen/Tlaivarna hmun tur :Lumen tur a nih chuan a vuina hmun tur (Hall) a ni ang.

**    Vuina hmun tur :Mitthi an awmin Kohhran Hall/YMA Hall-ah vuina hun hman tur a ni.

**    Hall lakluh hun : Mitthi hi hmun danga thi a nih chuan Ruangin In a luh a\anga darkar 1 hnu ah Hall-ah lakluh tur a ni a, In a thi a nih chuan a thih a\anga darkar 1 hnu ah Hall  ah lakluh tur a ni. Hei hi engemaw \ul bik thil a awm chuan a \ul dan angin YMA hruaitu ten an siam rem thei ang.

**    Thlan laihna hmun tur : Mitthi chhungkua ten Thlan laihna tur hmun an duh lai an thlan hi remchang lova ngaih a ni a, \ul bik thil ah erawh chuan YMA hruaitu ten an enpui ang.

    COVID-19 avanga boral kan awm chuan Sawrkar ruahmanna leh hmalakna anga kalpui tur a ni. Hei hi Chhiatni kaihhruaina siamthar ber a ni a, thu leh awm hma chu tihdanglam a ni lovang.
YMA HLIMEN BRANCH

 

PAGE - 2

EDITORIAL :

Rit phur in chhawk tawn
    Khawchhak lam a\angin ni chhuak kan hmu a, khawthlang lamah a tla kan hmu leh a.  Chunga ni chhuak leh tla chuan mihring tana hun \ha leh hlimna leh lawmna a rawn thlen a. Chutiang bawkin \henkhat tan lungngaihna, hrehawmna a rawn thlen bawk \hin. Upa in malsawmna kan dawn a, hlimna leh lawmna kan dawn chuan a hnu lawkah lungngaihna leh hrehawmna in min hmuak a ni an lo ti a; chuti a nih chuan vawiin a malsawmna dawng a, hlim leh lawm taka awm te pawh hian lungngaihna leh hrehawmna kan tawng ngei ngei dawn tihna a lo ni. Chuvangin, kan rit phurh hi inchhawk tawn a pawimawh hle tihna a ni.
    Malsawmna kan chan a, kan hlim tlan hle lai chuan \henrual \ha leh khawtlang kan mamawh vak lo a ni mai thei e. Mahse, chhungkua in lungngaihna vawrtawp (thihna)  eg. I nu/ i pa/ i fate/ i nupui pasal in emaw thihna tawk ta se, mahni  chhungkua chauhin lo in buaipui ngai ta se a hrehawm dan tur chu i ngaihtuah thiam mai em? |henrual \ha leh khawtlang mipui ten kan ritphurh min chhawk dan chu a hre tu leh tawngtu kan ni tawh hlawm awm e.
    Mi chhiat tawh ( Vanduaina) a an lungngaihna leh hrehawmna phurrit chhawk \hin te chuan vanduaina an tawh a, phurrit takin a delh hunah \henrual \ha leh khawtlang mipui te chuan an phurrit chu an lo chhawk ve leh \hin a lo ni. Khawvel hi a tawp mai lohva keini hi kan la dam zel a nih chuan ritphurh chhawk ngaih hun kan la tawng ve ngei ngei dawn a, chuvangin, ritphurh inchhawk tawn hi kan zavai atan thil pawimawh tak a ni. Chu chu a YMA in a Kristian a, a Mizo nun em em bawk a ni.

 

ZIAKTUTE HUANG :

Zûk leh Hmuam-in kan taksa
a tihchhiat dan
– C. Thangchhuana
State Mass Education and Media Officer.

    Zuk leh hmuam han tih hian Zopa rilru-ah chuan Meizial, Tuibur, Sahdah, Kuhva te a lo lang nghal a. Kum zabi thar kan kai hnu fe, Computer Age kan tih \uah hum hnu pawh hian Mizote zingah, hmuam bawk, zu bawk, \hial bawk kan la kuh \ul mai a nih hi. A \hat lohzia lah kan hre hne hlei hlui a; mahse, sim tum lo kan la awm \euh tho a, hnam luhlul leh tihmawh tak chu kan va ni em!
    Meizial, Tuibur, Sahdah ho hi chu vaihlo a\anga siamchhuah a ni hlawm a. Chu vaihlo-ah chuan TÛR chi hrang hrang a awm a, heng zingah hian Nicotine hi kan hriat lar ber a ni awm e.  Meizial tlawn khatah hian Nicotine 13 – 19mg. vel zel  awm anga chhut a ni a. Nicotine hi meizuk min ‘addict’ tirtu ber a ni.
    Meizukin kan taksa peng hrang hrang a tihchhiat dan lo thlir thuak thuak ila:
A. Chuap: Mi thiamte chhut danin chuap Cancer za sela 95 te hi mei heh tak vek an ni. Mei khu kan hipluh khan kan chuap a tibal a; khuh benvawn, âwm na, thawhah leh cancer-te kan lo neih phah ta\hin a ni.
B. Lûng: Lung natna leh Heart Attact kan tih zatve vel hi meizuk vanga awm a ni e, tiin mithiamte chuan an chhut a, meizuk vangin thisen zâmte an lo sâwng te a, hei hian thisen sâng a awmtir a, fuke hmawr rawp rote a thlen thei a, chu mai bakah, taksa pangkhing zenna hial a thlen thei bawk.
C. Pumpui: Vaihlo-a tûr awm, Nicotine hian pumpuia thur a tihchhuah hnem avang leh thur pawlhdal thei tihchhuahna a tihtawp theih avangin pumpui nâ a siam/tizual \hin.
D. Vun: Oxygen tlakchham avangin vun a tizur hma a, mi a tilang upa hma \hin.
E. Mit: Khawhmuh a tifiah lova, mitdelna hial pawh a thlen thei.
F. Hmeichhia bikah: Pum chhunga nau \han a ti\hu a, nau chhiat, thla kim lova nau neih, naute thlakhat tling lova thih mai te hi mei zu \hin nu zingah mei zu ngai lo aiin a letin a tam bik; a chhan chu, nu-in meikhu a hip luh khan naute an ur \hin vang  a ni.
    Mithiamte’n an sawi danin, meizial pakhat zuk hian 15 seconds-in nun a titawi thei a ni. Meizutu hian meizuk khu 3/10 vel a chang a, 7/10 vel hi chu boruakah a zâm ral a ni. Nupa in khata cheng dunin a pasalin mei zu sela, a nupuiin a meizuk khu 1/10 vel chu a lo chang ve dawn a ni. Heti a nih chuan meizuk vanga vawi thum a pasal a damloh laiin a nupui chu vawikhat a damlo ve dawn tihna a ni. Tunah hian khawvel pumah hian kum tin meizuk vangin mi maktaduai thum aia tam mah thi anga chhut a ni.
Kuhva : Kuhva hi Pankhawr, Kuhva rah leh Chinai inchawhpawlh a ni a. Kuhva rah hi Sap tawngin Arecnut an ti a, amaha dawihlo awm hi ‘Aracholine’ tih a ni; hei hi taksa-a chhiatna thlentu ber chu a ni. Aracholine hian thisen kawng a tibuai a, thlan a titla a, thluakah thawkin mi a tirui a lungphu rang, BP sâng leh lu haite a tichhuak \hin. Pumah chaw pai\awihna tibuaiin kua a tipuar a, pumpui a tipân theiin kaw\hatlohna a thlen thei bawk, tin, chaw châkna te pawh a tireh thei a ni.
Tuibur leh Khaini : A rim a\ang ringawt pawh hian hriselna atana tha tur thil a ni lo tih a hriat nghal mai a, Tuibur/Khaini hmuamin ka kan tipilh, an tih fo \hinte hi a tur vang a ni a, hetiang lam pilh dam chiang thei lote hi Cancer-ah a lo chang thei tih hriat a \ha. Ka leh hrawk natna/Cancer etc. Mizote zingah a tamna chhan chu Tuibur kan hmuam vang hi niin mithiamte chuan an sawi a. Vaiho zingah Tuibur hmuam awm lo mahse anni zingah chuan Khaini leh thildang hmuam an tam a, ka leh hrawk vel cancer pawh an tam reng a ni.
    Kan hriattur pawimawh tak chu zuk leh hmuam avanga natna tam tak hi ven theih a ni a. Tumah zuk leh hmuam addict sain he khawvelah hian kan lo piang lova, |hiante’n ti ve rawh an tih avang te, intih engemaw duh vangtein miin zuk leh hmuam an lo ti \hin. A bik takin zuk leh hmuam simna kawngah hian chhungkua hi a pawimawh hle a. Nu leh pate’n an fate zuk leh hmuam \hat lohzia an hrilh \hin a, anni pawh an fate entawn tlaka zuk leh hmuam laka an fihlim phawt chuan zuk leh hmuam hian tun atanga kum reiloteah chuan kan Society-ah hian hmun a chang lo thuai ang.

 

PAGE - 3

HRIATTIRNA :

Fimkhur zel ang aw
        Heng te hi kan hriat hnu mah nise i zawm tlat ang u:-
1. Mask vuah uar :- Hei hi chin dan phung pangngai (Habit) a neih khawpa kan chin uar a pawimawh hle mai. Khawilo chhuahna apianga pakhat mai ni lo, a \ul dan a zira a thlakna tur pahnih pathum tal ah/ken \hin nise a \ha hle ang.
2. Midang nena inkarhlat a awm (Social distancing) :- Kan khawtlang nun nen inpersan em em ni mah se hei hi kan himna atan pawimawh em em mai a nih avangin mahni inthununna nen a taka kan hman deuh deuh hi kan tihmakmawh tur a ni.
3. Sahbawn hmanga insilfai leh Sanitizer hman :- Hei pawh hi kan nitin nunah bet tlat rawh se. Sanitizer phei chu khawilo chhuahna apiangah ah/ken mai tur a ni.
4. Kut hlei loh :- Kan kut hi engkim kan khawihna a nih avangin mitin hian kan mit, kan hmui leh kan ká te hi kan khawih nasa em em mai a. Pawnlamah kan tei chhuak a nih chuan  a \heih hram chuan kan kut kan tifai hmasa a nih loh chuan hmui hmai khawih loh tawp tum tur a ni.
5. Thuawih :- Sawrkar leh LLTF te thuchhuah awih hi kan himna tur atana pawimawh em em mai a ni a, tin, Positive Contact in report tur a tih ah kan tel emaw in rinhlelhna kan neih emaw chuan a rang thei ang ber a in report na tur a in report thuai hi hri darh zel tur venna atana pawimawh ber te zing a mi tih i hre nawn leh ang u.
    Tin, a \ul viau a nih loh chuan pawn lama chhuah  loh hi kan tihmakmawh a ni tih i hre bawk ang u.

GOVT. HLIMEN HIGH SCHOOL ONLINE ADMISSION CHUNG CHANG
    Class 9 leh Class 10 admission ti duh tan online in whatsapp no. 8837250215 ah admission tih nghal tur a ni.  Online class kalpui a ngaih tawh avangin admission tih vat tur a ni e.  Marksheet te, documents pawimawh te leh admission fees te chu school luh huna ken tur a ni.
    A hnuaia form hi fill up in a chunga whatsapp number ah khian submit tur a ni e.
    1. Full name:    
    2. Date of birth:
    3. Father's name:    
    4. Mother's name:
    5. Guardian's name:(Nu leh pa bula  awmlo tan)
    6. Address:    
    7. Phone no (whatsapp hmanna):
    8. Class in which admission is sought:
    9. Name of school last attended :
    10. Result of the last examination:

ELECTRIC COMPLAIN
    Kan veng chhung bik tana a hranpa a Electric Duty dah an ni ta lova, Electric lama harsatna nei kan awm chuan Aizawl South lam bialtu Office Ph. No. 0389-2327631 ah phone mai tur a ni e.

 

LAWRKHAWM :

Task Force-ah pe
    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-

**    Kapdaia Section    -    `    2,000
**    Pi Mathiangi (DV)    -    `    700
**    Pu Laltlanliana (BS)    -    `    500
**    Pu J.Zothansanga (SCS)    -    `    1,000
**    Pi Lalthanzami (SCS)    -    `    500
**    Pu R.Lalremsanga (DV)    -    `    5,000
**    Pu Biaknghinglova (KD)    -    `    500
**    Pu Ramhmingthanga (VP)    -    `    500
**    Pu C.Sangliana (VP)    -    `    500
**    Pu Zohmingthanga (BS)    -    `    500
**    Pi Manteii (VP)    -    `    1,000
**    Lalthanpuii (KD)    -    `    2,000
**    Pu Remruatkima (KD)    -    `    1,000
**    Tv. Lalsanga (DV)    -    `    2,000
**    Pu R.Lallianfala (SCS)    -    `    500
**    Tv. Lalbiaksanga (DV)    -    `    500
**    Pu Lalhruaizela (SCS)    -    `    500
**    Pastor Lalchhuanawma (SCS)    -    `    5,000
**    Pu H.Lalnunzira (DV)    -    `    1,000
**    Pu R.Vanlalsawma (VP)    -    `    1,000
**    Games & Sports Assn.    -    `    2,000
**    Pu Zonunmawia Ngente (SCS)    -    `    500
**    Nl. Lalzuitluangi (DV)    -    `    500
**    Pu Lawmtluanga (DV)    -    `    1,000
**    Pu Lalngaihawma (DV)    -    `    2,000
**    Nl. Laldingpuii (DV)    -    `    1,000
**    Pu Lalchhantluanga (KD)    -    `    1,000
**    Pu Ch.Lallianzuala (KD)    -    `    2,500
**    Pu R.L.Lalngaihawma (BS)    -    `    1,000
**    Pu Jeff Lalhmingsanga (DV)    -    `    500

    Pi Lalthanzami (SCS) chuan Covid veite tan leh Task Force Duty te tan damdawi \ha tak a rawn pe a, Pi Hmuni (SCS) leh Pi Mazuali (SCS) te Cake tui tak an siamsak a, Pu Lalchhantluanga (KD) chuan 4c a awmte ei tur ar a thawh bawk. Heng bakah hian Duty te ei leh in tur pe mi engemaw zat an awm bawk a ni.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

Desaster Management Committee din
    Mizoram sorkar in veng tinah Desaster Management Committee din tura a tih angin kan vengah pawh din a ni ta a, a hnuai a tarlante hi hruaitu te an ni :-

    Chaiman    :    Pu Lalhmingliana, LCC
    Vice Chairman    :    Pu Lalhmuchhuaka, Pre. YMA
    Secretary    :    Tv. R.Lalawmpuia, Secy. YMA
    Asst. Secretary    :    Pu J.Lalhlimpuia, Secy. LC
    Treasurer    :    Nl. Laltlanmawii, Mem. LC
    Members    :    LC Members, YMA OB, Kohhran aiawh, NGO aiawh, Party tin aiawh

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga    

|ANPUINA PE
    Damvea Section te chuan an Section huamchhunga Home Quarantine mek chhungkaw pakhat hnenah chawhmeh etc.. ` 1,000 man hu an hlan.
    Tin, Kapdaia Sec. te chuan Hlimen Local Level Task Force tena a \ul apianga an hman atan ` 2,000 an hlan bawk.
    Covid-19 hrileng avangin Lock Down kalpui chhoh a ni a, hemi avanga eizawnna ti chhunzawm thei lo tam tak kan awmin a rinawm a, chu’ng zingah chuan chhuanchham/ei leh bara harsatna tawk kan hria a nih chuan kan awmna Section hruaitute bengvar ila a \ha hle awm e.

hlimkhawpui chanchinbu
    Hripui leng avangin Hlimkhawpui Chanchinbu pawh \um 5 zet kan print thei ta lova, engchen nge he hun hian a la awm dawn hriat a ni lo. Chanchinbu erawh buatsaih a ni reng tho a, Social Media lamah tihchhuah chhunzawm zel tum a ni. Chhiartu mipui te he hri lakah hian lo him ula, fimkhurna nen hma lam hun eng i beisei phawt mai ang u.

CENTRAL YMA THUCHHUAK
    Ni 12.5.2021 (Nilaini)-a Central YMA Office Bearers leh Medical Operation Team (MOT)on Covid - 19-te Central YMA Committee Room-ah Covid - 19 vanga thite ruang sawngbawl danchungchanga  rualkhai  zawka  kan  kal  theih  dan  tur  sawihovin,  hemi  chungchanga  DM  &  RDepartment, Govt. of Mizoram-in March 25, 2020-a SOP a lo tihchhuah zulzuiin, a hnuai a miang hian khua/veng ten rualkhai zawka kan kalpui theih nan inkaihhruaina siam a ni a, a theihchen chenah zawm theuh turin Sub-Hqrs/Group/Branch YMA-te kan inngen a ni.

1.    Covid - 19 vanga thite, Damdawiin a sawngbawl vek tawh hnua kuanga dah tawh chu a hlauhawm tawh loh.

2.    Covid - 19 vanga thite sawngbawl tawhte hi natna dang vanga thite ang thovin zahawmtakin In/Hall-ah vuina hun hman theih a ni.

3.    Kuang buaipuitu ten Gloves leh Mask vuah a him tawk a, Full PPE hak kher a ngai lo.

4.    Mitthi vuituin Full PPE hak kher a ngai lova, Mask vuah mai a tawk.

5.    Mitthi vuinaah hian sawrkar SOP zawm tur a ni.

    Sd/- Prof. LALNUNTLUANGA
    General Secretary,Central YMA.

 

Lawrkhawm chhunzawmna......
Kan veng Covid-19 dinhmun
    Tunkar chhungin kan vengah thu lawmawm hriat tur a awm nual a. Positive kan neih zing a\angin mi 5 ngawt mai dam taka chhuak kan nei a. May ni 20, 2021 khan Positive kan nei belh leh a, Kevin Vanlalpeka S/o Zarzokima, Buala Sec. niin kum 1 leh thla 3 a upa a ni a, ZMC-ah enkawl mek a ni. Positive first contact mi 4 Home Quarantine belh an ni. Tunah hian mi 7 enkawl mek kan la nei a ni. Hripui leng mek hian a thawkhatna leh thawh hnihna thleng pawhin keini veng hi min luhchhuah hneh ve viau mai a, a thawh hnihnaah phei chuan positive neih loh lai kan nei mang ta lo.
    Khawtlang mipuite kan \anrual viau a hun tawh hle a, vawikhat kan fimkhur lohna hian buaina lian zawkah min hnuk lut thei tih hrerengin, fimkhurna i tlachham lovang u. Chutihrual chuan thilpek lamah mi thil phal tam tak an awm hian; khawtlang hruaitute thla a timuang hle a, quarantine zingah harsatna tawk te, positive kan dahna (CCCC) te enkawlna kawngah pawh sorkar buaipui ngai lovin, keimahni veng hi kan intodelh em em a, a lawmawm hle. Thilpek lamah pawh i \ang sauh sauh ang u.

LAWMTHU SAWINA
    LLTF Hlimen ten tun hrileng Second Wave ah hian Chhungkua 29 te hnenah Ei tur chi hrang hrang pek/sem chhuah a ni tawh a, heng kan thilpek leina tur hi a hranpa a sum neih kan nei lo a, Vengchhung mipui te thawhkhawm vek a ni, mipui heng Sum leh pai rawn thawh tu te zawng zawng chungah hian thinlung takin lawmthu kan sawi e.
    Tun Thawh\anni kal ta khan Chhinga Vengte hnenah Thlai hnah chi hrang hrang Pick-Up trip 1 hlan an ni bawk a, Veng chhunga Thlai nei mi 62 zet ten an Thlai rawn thawhkhawm a\angin pek an ni, heng thlai rawn thawhtu zawng zawngte chungah pawh hian lawmthu kan sawi bawk e.
    Heng sum kan thawhkhawm te hmang hian \anpuina pek chhuah zel a ni a, tunah hian 4C hmun hnih kan neih mek pawh hi heng a\anga enkawl mek hi a ni.
    Thilpek hlu tak tak min pe tu te midang tana malsawmna in ni hi ropui kan ti a, lawmthu kan sawi nawn mawlh mawlh e.
Sd- LLTF HLIMEN

UPHC, HLIMEN HRIATTIRNA
    Sawkar thuchhuah in a tarlan angin damdawiin a damlo inentir tur ten chhuah phalna LLTF hnenah lak tur ani a.Hetiang bawkin UPHC a rawn inentir tum te pawhin LLTF lehkha neih ngei tawh tur ani a,LLTF phalna lehkha neilo chu inentir theih ani toh don lo tih ka han inhriattir ani e.Heihi kan him tlan zawk natur ani a,mipuite hriatthiamna kan ngen e.
    MEDICAL OFFICER, UPHC,HLIMEN

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-20)    9436199884, 9862476439

 

Tomir thla (May) Ni 15, 2021, Issue No. 20

 PAGE - 1

TUALCHHUNG :

Damlo :  Pi Lalmuanpuii W/o Pu Lalramthanga, Saichhuma Sec. a mi chu zunthlum leh zunkawng fello avangin May ni 10, 2021 khan Durtlang Hospital panpui niin admit a ni.
    
##    VL Ruatfeli D/o C.Vanlalmawia, Saichhuma Sec. a mi chu May ni 15, 2021 khan kaw\halo avangin Kulikawn Civil Hospital panpui niin admit a ni.

Che sual palh :  Zoliansanga Chhangte S/o Lalbiaksanga, Saichhuma Sec. a mi chu che sual palhin a malpui ruh a titliak a, damdawi in panpui niin investigation leh thil \ul ang angte lo tiin in lama enkawl tura hawtir leh a ni.

Nâu nei thar : Pu Lalbiaksanga leh Pi Lalrinpuii te nupa, Saichhuma Sec. a mite chuan May ni 10, 2021 khan Durtlang Hospital-ah fanu duhawm tak an nei thar.

##    Pu Lallawmzuala leh Pi Lalramthari te nupa, Saichhuma Sec. a mite chuan  May ni 11, 2021 khan Durtlang Hospital-ah fanu duhawm tak an nei thar.

Fimkhur a \ul hle :  Kan hriat angin Covid-19 thawh hnihna chuan min luhchilh nasa ta hle a,  hri kai an tam chho zel mai. Mitin kan fimkhur deuh deuh a ngai e. Mask vuah \hat, midang nena inhlat a awm, kut sil uluk te kalpui zel ang u.  Kan fimkhur loh avangin hri kai darhtu kan ni thei tih hria ila, mitin i fimkhur deuh deuh ang u.
    Kan ram a mithiam te mangan luata an lu a hai mup mup tawh lai hian i ngaihsamna leh mawlmangna vangin ât lo so suh ang che. Inven hi tihdam aiin a finthlak a nia.

MLA in tlawh :  May ni 14, 2021 khan Prof.F.Lalnunmawia, bialtu MLA chuan Hripui kan dona kawnga Task Force  mamawh hrang hrang Gloves leh Face Mask pack, Hand Sanitizer te bakah BP checkna 2 leh Pulse checkna 2 leina tur ` 7,000/- a rawn pe a, kan MLA chungah hian Hlimen Local Level Task Force ten lawmthu an sawi tak meuh meuh a ni.

Nungcha humhalh ila :  Nungchate nen hian kan chenna khawvel-ah  in mamawh tawn kan nih avangin a suat remtu aiin a humhalhtu nih tum \heuh ang u. Khawvel \ha zawk kan din theih nan nungchate leh ramngawte kan humhalh a \ul hle a ni.

 

HEADLINE :

RUAHTUI KHAWL
(RAIN WATER HARVESTING)

    Tunhnaiah kan tuitlan hnate a kang/kam nasa hle. Mipui tui tlantu kan pung chho zel bawk si. Kumtinin khua a lum chhoh belh zel leh ruahtui tla a tlem telh telh bawk si. Media kaltlangin tunlai dinhmunah chuan Aizawl(Tlawng Lui) leh Lunglei(Tlawng Lui) khuate dinhmun atang hian Kolasib khua pawhin kum 10 kan hman liam leh a kan hmachhawn tur chu a chhuizawn theih viau ang.
    Kan mizopa zia ah chuan buh leh bal khamkhawp kan neih kha chuan kan lung a awi viau thin; lui tui tlan tur kan neih that thin avangin. Amaherawhchu, hetiang reng hi kan innghahna a ni thei ta lo. Engkima intodelh nih duhna rilru i pu thar teh ang u.
    Khawchhung bikah chuan Roman compound-ah hian ruahtui khawlna Tanky lian annei tha tlangpui niin a lang. Mimal ah chuan (ka hriat ve chinah) Pu Rualkhuma, Convent Road leh Pu Vincent Liankima, St John's bul khan Ruahtui khawlna tanky lian annei thin. Veng dangah chuan Pu F Rothanga, Upper Kolasib khian ala nei a, YMA Park, Rengtetlangah khian a awm bawk. Heng hi a tangkai hle.
    PHE Department lamin tui tihthianghlim, intlak an semchhuahte hi kan mamawhna zawng zawng (insuk, inbual, motor sil, insak nan ….)ah hman kan tum bawk si. Tun dinhmun ah pawh hian chhungtinin kan mamawh zat tui kan dawng lo a tih theih ang. Hand Pump takngial pawh tui pump chhuahtur awmlo a tam ta. Kan tui tlan hnarin mipui min chawm zawhloh hun a lo thlen hma ngei hian, keimahni lam atanga kan tihve theih ang anga hma kan lo lak ve a ngai niin a lang.
1.    Mimal, a thei remchang apiangin (sawrkar puihna beisei lovin) tuidawn tha tak leh ruahtui khawlna Tanky lian tawk tak buatsaih thei  ila.(Individual Rain Water Harvesting)
2.    Sawrkar Department Building lian zawng zawngah hian Ruahtui khawlna tur Tanky lian siamin, ruahtui tlak hunlai hian khawl hram hram ni se. (Community Rain Water Harvesting)
3.    Sawrkar leh Private Institution-te hian tuidawn tha tak nen ruahtui hi khawl theih nise. Hei hi tui harsat hunah School bawkin a hmang tangkai ngei ang.
4.    Biakin leh Kohhran Building-ah te hian tuidawn tha tak leh Tanky siam ni thei se. Kohhran hunpui eirelna tur kan lo intodelh dawn a ni.
5.    Vantlang In- Community Hall, VC Hall leh adangte ah pawh hian tuidawn tha tak leh Tanky siam ni thei se. A hmunhma hmangtu tan pawh tamtakin a zangkhai phah ngei ang.
-Phek 4 naah chhunzawm a ni.

 

PAGE - 2

EDITORIAL :

MAHNI INRINTAWKNA
    Thudik \an avanga thihna hial tawk kan hre nual awm e, Gallileo pawh thudik \an avangin a chungthu rel hial tawkin awm mah se a zam chuang lova, Abraham Lincoln pawh dik nia a hriat a \an tlat avangin a hmangaih em em a ram mipui sing tam tak thisen a chhuah phah a, tin, Mahatma Handhi pawh sawi hmaih chi a ni hauh lovang. Chutiang bawkin Scientist te zinga arsi êng tak pakhat Arbert Einstain pawh mahni inringtawk, thudik \an tlat mi a ni. Hetiang mite hi mahni inringtawk takin ke an pen a, khawvel awm chhung hi chuan an hming a dai tawh ngai lovang.
    Mahni inrintawkna hi chuti maia neih theih a ni lova, dan hriatte, dikna ah te leh thil hriatchianna ah te a innghata. Heng pathum hi miin a neih chuan mahni inringtawk takin khawvel hmaah a dingnghet thei \hin a ni.
    Mahni inringtawk tur chuan thil hriatchian a \ul phawt a, thil hrechiang tur erawh chuan mi thilsawi naranah ngawt innghat lovin a dikna tak hre tura mahni ngei thawh a \ul \hin. Mizote hi rin thilthu a thil sawi mai mai ching kan ni a, \awng upa ah pawh “Khual thuthang leh ar pân chuk a pûn duh” tih a ni reng a. Mizo ziaah chuan paih ngai tak pakhat a ni. Rin thil thua thil sawi mai mai ai chuan hriat chian loh chu sawi loh law law a \ha zawk daihin;  mahni inrintawkna kan neih phah thei zawk ngei ang.
    Ziaktu lar pakhat chuan “mahni inrintawkna leh huaisenna hi chhul khat chhuak niin hemi tel lo hi chuan khawvelah rei a dam theih loh” a lo ti hial a. Mahni inrintawkna kan neih loh chuan kan tum thleng tur pawhin harsatna hi kan hmu lian thei bik em em a, chu chuan beidawnna ah min hruailut \hin a ni. Mahni inrintawkna nei te chuan tluk leh din pahfawmin an tum ram an chuangkai thei zel \hin a ni. 

 

ZIAKTUTE HUANG :

Aia upa i zahthiam ang u

- Robuanga
    
    Zofa ten YMA/YLA kan neih hma chuan thangtharte leh naupangte hi Zawlbukah an nunkawng kal zel danturte kawhhmuhin tlawmngaihna, rinawmna leh hawihhawmna leh aia upa zah dan turte an zirtir thin a. Aia upa zah hi an hmangtha hle thin a ni. Chu chu chhawmnun zel atan pawimawh tak a ni. Chhuahkhawmna hmun leh thil tihna hmun hrang hrang upa berin ro a relin, upa thu ang zelin thil an ti thin a, tin chhungkua-ah pawh Pa te hi an lal em em a, fa nei fel deuhte chuan an pate chu tarin engmah ti thei tawh lo pawh nise, an zah em em a, an sum lakluhte hi an nu leh pa engmah ti thei tawh lo, khuma mu reng ringawt tawh pawh nise an bulah an hmuh leh hriat turin an chhiarsak thin, chu chuan hringtu nu leh pate an pawisak zia leh an zahthiam zia a lantir hle.
    Lehkhabu pakhat ka chhiarah chuan heti hian a inziak, 1965 khan Pachhunga Aizawl pa hausa te chhungkua chuan ni khata an sum lakluh chu an Pitar chaklo tak tawh, khuma mu reng tawh mai hmuh tur leh hriat turin an chhiarsak thin an ti a. Chu chuan tar pawh nise hmusit mai lova an zahthiam zia a tilang a, vawiin ni a nula leh tlangval  thalaite hian zirtur leh entawn tur kan ngah hle lo maw? Vawiin a nula leh tlangval tam takte hi chu aia upa chu sawi loh, min hringtu nu leh pa ngei ngei pawh zahnachang kan hre tawh lo. Nu leh pate vau khur khur mai leh an khum bawrh bawrh ching hmuh leh hriat tur a va tam ta em. An tan dam reng pawh hrehawm ti khawpa siam kan pung tual tual ni ten alang.
    Hmanlai chuan upa leh tar ten zah leh chawimawi an hlawh thin a ni ngai a, vawiin kan tun hunah chuan upa ten Thing nih an hlawh a, an fate bula chen an inthlahrungin hrehawm ti takin nun an hmang mek ni ten a hriat ta. Hetiang reng a aia upa leh tarte zahna kan tlakchham zel chuan kan chi tuh rah hi kan la seng leh ngei ang. Kan faten THING lutuk tiin hnawksak min tih hun kan tawng ngei ang. Kan damlai ni a tlak hma zawng a, hlim leh lawm taka nun kan hman theih nan Aia upa zawkte zah thiam hi a va pawimawh em!!

 

##################################

 

Consumer Union chung chang
    Khua leh veng hrang hrangah khawtlanga thil diklo leh fello do a, siam\hatna kawng hma la turin Consumer pawl din a \angkai thei hle mai. Local Council tih tur chin a awm a, NGO leh Political Party tih awm chin pawh a awm, chutiang bawkin Consumer pawl hmalakna tur tam tak a awm bawk. Gas harsatna, Electric chung chang,  tui chung chang, Telephone harsatna, ration sem etc.. chungchangah mimal a harsatna sutkian theih loh a tam hle awm e. Chuvangin dan leh dunte zirchianga hma la turin keini vengah pawh hian Consumer Union hi Branch din a hun ta viau lo maw?? Hun eng emaw lai khan Electric Bill sang avangin chawpchilh deuha Branch kha din niin a lang a, tunah hian mi tlawmngai leh a ngaihna hria ten Concumer Union, Hlimen Branch hi din thar leh a \ha hle mai.

 

PAGE - 3

HRIATTIRNA :

LOCAL COUNCIL HRIATTIRNA
    Tunlaiin Hripui a hluar mek avangin mi tupawh kan fimkhurin kan inhlau tawn vek a.
    Hetihlai hian BAWLHHLAWH paihtu ten mahni bawlhhlawh thliar fel lo leh hmai tuam lova bawlhhlawh paih ching kan awm thin a, hei hi thil tha lo leh fel lo tak a ni.
    Bawlhhlawh thliar fel loh leh bawlhhlawh paihnaa hmai tuam lo te chu Bawlhlawh khawntu ten an laksak thei tawh dawn lo a ni tih kan inhriattir e.

    Sd/- Secretary

LOCAL TRAFFIC MANAGEMENT THUCHHUAK
##    Kawng dung a motor zanriak a dah khap tlat a ni.

##    Kawng dunga bungraw dah tur reng rengin LTMC ah hriattir hmasak \hin tur a ni a, hriattir hmasa lo a dah te chu  ` 500/- chawitir an ni ang.

##    Pu Sang\huama in kawng phei ah hian Pick Up aia lian tlan phal loh nise tih a ni, tlan lui an awm a nih chuan ` 500 an fine ang.

##    Veng chhunga lirthei a\anga thil phurh ti tla \hin chu  phiah fai/ chawitir \hin an ni ang.

    Sd/- Secretary
    Hlimen LTMC

GOVT. HLIMEN HIGH SCHOOL ONLINE ADMISSION CHUNG CHANG
    Class 9 leh Class 10 admission ti duh tan online in whatsapp no. 8837250215 ah admission tih nghal tur a ni.  Online class kalpui a ngaih tawh avangin admission tih vat tur a ni e.  Marksheet te, documents pawimawh te leh admission fees te chu school luh huna ken tur a ni.
    A hnuaia form hi fill up in a chunga whatsapp number ah khian submit tur a ni e.
    1. Full name:    
    2. Date of birth:
    3. Father's name:    
    4. Mother's name:
    5. Guardian's name:(Nu leh pa bula  awmlo tan)
    6. Address:    
    7. Phone no (whatsapp hmanna):
    8. Class in which admission is sought:
    9. Name of school last attended :
    10. Result of the last examination:

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-19)    9436199884, 9862476439

 

LAWRKHAWM :

Task Force-ah pe
    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-
##    Pu Lalremthanga (VP)    -    `    500
##    Pu Lalthanpuia (Mathana) (BS)    -    `    1,000
##    Pu Lalhmingmawia (SCS)    -    `    1,000
##    Pu Robuanga (BS)    -    `    500
##    Pu Lalramhluna (LSV)    -    `    500
##    Pi Lalrinsangi (DV)    -    `    500
##    Upa Lalengliana (BS)    -    `    500
##    Pu Lal\huamliana (DV)    -    `    1,000
##    Pu F.Ro\huama (DV)    -    `    1,000
##    Pu C.Zothanliana (VP)    -    `    1,000
##    Pu Hrangchhuana (BS)    -    `    500
##    Pu Remruatkima (KD)    -    `    500
##    Pu Lalnghinglova (DV)    -    `    500
##    Pu C.Lalengzauva (DV)    -    `    500
##    Pu Chalbuanga (DV)    -    `    500
##    Hlimen 407 Assn.    -    `    1,000
##    Pu HV Lalhmangaiha(SCS)    -    `    500
##    Pu Chalhnuna (BS)    -    `    500
##    Pu Lalengmawia (BS)    -    `    500
##    Pi Sangpuii (BS)    -    `    2,000
##    Nl. Rammawii (BS)    -    `    2,000
##    Pu R.Lalbiakmawia (DV)    -    `    500
##    PHE Chhimphei Section    -    `    2,000
##    Pu Hnehzova (BS)    -    `    1,000
##    Pu BK Remmawia (SCS)    -    `    500

    Tin Pi Lalawmpuii (SCS) chuan duty te thingpui hmeh tur kurtai kg 2 a pe a, Pu Zothansanga (SCS) te chuan pumpui chakna Task Force-ah an pe bawk.
    Thilpek petu zawng zawngte chungah Hlimen Local Level Task Force te chuan thinlung takin lawmthu an sawi tak meuh meuh a ni.

Kan veng Covid-19 dinhmun
    Covid-19 hrileng thawh hnihna pawn kan vengah bu a kuar th<k telh telh a. May ni 11, 2021 khan State pawna positive kan neih Zothanpuii d/o R. Lalrammawia, Buala Sec. leh Vanlalruati d/o Lalhmingthanga, Buala Sec. te chu kan venga enkawl turin Bangalore a\angin an rawn haw a, CCCC (High School) ah dah nghal an ni a, enkawl mek an ni.
    Positive 1st contact leh zin haw mi 20 te swab sample lak result chu May ni 14, 2021 khan chhuakin mi 4 an Positive a, positive zingah hian hmeichhia leh mipa naupang 1 ve ve an tel a ni. An ni hi CCCC (Lalsavunga Park) ah hemi ni la la hian dah luh nghal an ni.
    Tin, hemi ni vek hian Positive (Home Isolation) a awm mek Lalnunsiami d/o Denghmingthanga, Kapdaia Sec. chu test niin, a ni hi a Negative a, ni 10 chhung a la inkhunghrang leh ang. Hetih lai hian Lalnunsiami chhungte chu test nawn niin, mi 3 an positive leh a, CCCC (Lalsavunga Park) ah dah chhoh ve nghal an ni.
    Heti hian tun dinhmunah kan vengah positive mi 13 (veng pawnah 2) kan nei mek a. Hmeichhia 8 leh mipa 5 kan nei mek a ni. Heng zingah hian naupang (kum 14 hnuai lam) mi 4 an tel a ni.

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga    

Kuang siam
    May ni 11, 2021  khan Branch YMA kuang Sub-Committee \henkhat ten YMA Hall-ah kuang siamin an hnatlang. Tin, May ni 12, 2021  khan kuang siam sa pasarih chu rawng kapin an hnatlang leh a ni. Kuang siam hnatlang hi nawlpui deuh a thawh chi a nih loh avang leh mi 5 aia tam hnathawh ho phal a nih loh avangin Sub-Committee Member 4/5 vel te an hnatlang \hin a ni.
    Tin, thlan laia hnatlang koh theih a nih loh avangin hlawhfa lain thlan hi laih a ni bawk a ni.

YMA Hall tifai
    May ni 13, 2021 khan Branch YMA Faina Sub-Committee member mi 5 te chuan Hall-ah thian faiin hnatlang an nei.
    Kan hriat angin YMA Hall hi hripui leng avangin mitthi vui nan hman \hin a ni a. Chuvangin, fai taka Hall vawn a ngai a ni.

CENTRAL YMA THUCHHUAK
    Ni 12.5.2021 (Nilaini)-a Central YMA Office Bearers leh Medical Operation Team (MOT)on Covid - 19-te Central YMA Committee Room-ah Covid - 19 vanga thite ruang sawngbawl danchungchanga  rualkhai  zawka  kan  kal  theih  dan  tur  sawihovin,  hemi  chungchanga  DM  &  RDepartment, Govt. of Mizoram-in March 25, 2020-a SOP a lo tihchhuah zulzuiin, a hnuai a miang hian khua/veng ten rualkhai zawka kan kalpui theih nan inkaihhruaina siam a ni a, a theihchen chenah zawm theuh turin Sub-Hqrs/Group/Branch YMA-te kan inngen a ni.

1.    Covid - 19 vanga thite, Damdawiin a sawngbawl vek tawh hnua kuanga dah tawh chu a hlauhawm tawh loh.

2.    Covid - 19 vanga thite sawngbawl tawhte hi natna dang vanga thite ang thovin zahawmtakin In/Hall-ah vuina hun hman theih a ni.

3.    Kuang buaipuitu ten Gloves leh Mask vuah a him tawk a, Full PPE hak kher a ngai lo.

4.    Mitthi vuituin Full PPE hak kher a ngai lova, Mask vuah mai a tawk.

5.Mitthi vuinaah hian sawrkar SOP zawm tur a ni.

    Sd/- Prof. LALNUNTLUANGA
    General Secretary,Central YMA.

 

Lawrkhawm chhunzawmna......

Morgue Van hire theih
    Central YMA Morgue Van hman man ennawn a ni a, a hnuaia tarlan hi hire rate a ni e :-
1.    |um khatah ` 500 aia tlemin a hman theih loh.
2.    Aizawl khawpui chhung chu ` 500 anga chhut phawt a ni ang a, a hlat dan a zirin khawpui chhung mah nise a rate hi tihsan theih a ni ang.
3.    Aizawl pawn - Lengpui, Sairang, Lungdai leh Aibawk bak chu Km 1-ah ` 50 a ni ang a, KM hi garage to ruang dahna hmun anga chhut tur a ni.
4.    Lengpui atana hman man ` 1500 a ni ang.
5.    Sairang, Lungdai, Aibawk tana hman man ` 700 a ni ang.
    Ruang bakah mi 7 an chuang tel thei.
    Hmang duh tan a hnuaia Mobile Number tarlanah hian englai pawhin biak theih a ni.
Thara (Driver)
Ph. 7005221557

Faina
    Faina kawngah kan vengin hma kan sawn chho zel a, hemi kawngah hian Aizawl City Area chhungah pawh veng zahpuiawm loh tak kan ni chho ta a, a lawmawm hle. Hetih rual hian hmasawnna tur erawh kan la ngah hle a, Faina kawngah hian mitinin theihtawp i chhuah zel ang u. Hrileng leh tlanghri tam tak pawh hi \awphnawk a\anga lo chhuak a ni a, fai hi hriselna a ni tih hi i vawng tlat bawk ang u.

 

Phekhma chhunzawmna...
    Ruahtlak hunlai ami hi kan khawl a nih chuan thal, tui harsat hunah, tui thianghlim si, eiin tur tamtak an nei thei ngei ang. Tin, Ruahtui hi June leh October thla inkar a tla/sur hi a thianghlim (bacteria free) tlangpui. Ruahtui hian minerals a pai tlem avangin, kal thalo tan, kal thuahfainan pawh a tha em em a ni. Kan dahthatna hmunin a zir chuan tuithianghlim, eiin tlak tamtak kan khawl thei dawn tihna a ni a. Sawrkarin sum tamtak senga mipui eiin tur buatsaihna-ah nasa takin kan tanpui bawk dawn tihna a ni.
    Chuvangin, hmun neite chuan Ruahtui khawlna Tanky hi i uar thar leh teh ang u. Tuna kan Tanky siam hi kan tu leh fate thlengin kan hmang tangkai dawn tih hi rilruah lian hle se la. Tin, Ruahtui khawl tur a lo pun deuh deuh theih nan ahnuai a mite hi an pawimawh em em bawk a ni:
1.    Ramngaw awmsa humhalh:  Kan ram a thing leh mau la awm ang angte hi renchem takin hmang ila.
2.    Contour Trenching (Terrace): Huan lo ram nei ten, thlai leh thildang phun dawnin terrace laih hi ching hram hram ila. Hei hian nasa takin leitha luangral tur a ven mai bakah, ruahtui rang taka a luangral mai tur kha lei chhungril lamah a luh phah thin a ni.
3.    Thing phun: Kan tuchhuan thlenga ruahtui mai bakah boruak thianghlim tak kan khawtlangin kan nei theih nana pawimawh tak, thingphun hi i uar deuh deuh ang u.

Tomir thla (May) Ni 8, 2021, Issue No. 19

PAGE - 1

TUALCHHUNG :

Boral : Pi Biakmawii W/o Rokima, Saichhuma Sec. a mi chu May ni 5, 2021 dar 6:50 Pm khan Pneumonia avangin a boral. A ruang hi lumen niin a tuk May ni 6, 2021 khan vuiliam a ni.

Member Secretary-ah :  Pu R.Lalremsanga, MCS, Damvea Sec. a mi Health & Family Welfare Deptt.-ah Deputy Secretary hna chelh mek chu Covid-19 hri len lai a nih avangin mawhphurhna dang chelh belhtir a ni a, Special Secretary, H&FW Deptt. chuan Covid Care Facility Management Committee-ah  Member Secretary atan a ruat a. Pu Marema hi  Task Group on Insurance-ah Member Secretary a ni mek bawk a ni.

Vaccine la :  May ni 5, 2021 (Nilaini) khan kum 45 leh a chunglamte tan Hlimen Presbyterian Kohhran Centenary Hall-ah Covid-19 vaccine lak leh a ni a, mi 88 in vaccine hi an la leh a ni.

Fimkhur a \ul hle :  Kan hriat angin Covid-19 thawh hnihna chuan min luhchilh nasa ta hle a,  hri kai an tam chho zel mai. Mitin kan fimkhur deuh deuh a ngai e. Mask vuah \hat, midang nena inhlat a awm, kut sil uluk te kalpui zel ang u.  Kan fimkhur loh avangin hri kai darhtu kan ni thei tih hria ila, mitin i fimkhur deuh deuh ang u.
    Kan ram a mithiam te mangan luata an lu a hai mup mup tawh lai hian i ngaihsamna leh mawlmangna vangin ât lo so suh ang che. Inven hi tihdam aiin a finthlak a nia.

YMA in ral : May ni 9, 2021 zan khan  Pi Biakmawii, Saichhuma a mi chu ralna hun hman a ni a,  chhung tinah bufai leh pawisa khawn a nih loh avangin chhiatni Fund a\angin   ` 4,000 leh buhfai bag 1 hlan an ni. Pi Biakmawii chhungte hian puan 2 chu YMA ah an hlan bawk.
    Ralna hun hi Pu Lalrinmawia, V. President in a kaihruai a, Tv. R.Lalawmpuia, Secretary chuan hunserh hmangin Pu RC Lalroliana, Asst. Secretary in ralna pawisa a hlan bawk a ni.

Electric Duty : Electric Hlimen lama duty  te hi tun May ni 3, 2021 a\ang hian Office lama  duty ve tawh tura tih an ni a, electric lama harsatna, nei chuan, Complaint room phone number - 0389  2327631 ah Complaint  theih ani ang. Office a\ang hian complain leh thawhtur a awm chuan direct in min rawn bial tawh dawn niin a lang.

 

HEADLINE :

MOT-in mipui a  ngenna 12
    Covid-19 hripuiin min chim mek zel a. A thawh hnihna kan hmachhawn mek hi a hmasa (nikum) ai khan inkaichhawn a awlsam ta zawk hle a. Thihpui pawh an tam ta zawk daih mai. Kan fimkhur viau loh chuan nasa takin kan tuar ang a, inenkawlna hmun hma leh hmanruain min daih lo ang a, mizo hnam tlemte hi kan pul puk mai ang tih a hlauhawm ta hle. Chuvang chuan mipuite hnenah Medical Operational Team on Covid-19 chuan a hnuaia mite hi kan chah duh a ni :

1.    |ul hle loah chuan tumah chhuah vah loh tur a ni. |henawm khawveng leh chhungkhat laina pawh, \ul hle loah chuan inlen pawh loh tur a ni.

2.    Chhungkaw bil leh \hian bila thil tihkhawm pawh insum hram hram rih tur a ni.

3.    Chhiatni \hatniah pawh, kan laina hnai tak zet zette an nih loh chuan tlawmngaia kal loh hrih zawk hi kan himna tur a ni tih hria ila. Chhungkaw lam pawhin hrethiam zel rih hram hram ang u.

4.    Mi zinga awm laiin hmai tuam ngei tur a ni. |awng laiin tuam \hat hle zawk tur a ni.

5.    Mi dang nena thil kan inpek tawn hma leh zawhah te, thil inkhawih tawm chi kan khawih zawhahte kut tihthianghlim zel tur a ni.

6.    Mi dang nen hlam khat tala inhlatin awm hram hram tur a ni.

7.    Covid-19 vanga thi, uluk taka an ruang sawngbawl tawh hnu lak a\angin he hri hi kai a hlauhawm tawh lo a. Mitthi vuinaah invenna thuam famkim (full PPE)a inthuam kher a ngai lo a, kan fimkhur dan pangngai (glove leh mask) hman hi a tawk hle.

8.    Sawrkarin inkhuahkhirhna a siam hi inrahbehna ni loin min chhanhim an duh vang a ni tih hria ila, thuawih tur a ni.

9.    Khawtlangin Covid19 veite enkawlna hmun tur, Community Covid Care Centre (4C) siam uar ila, in lama inenkawl a \ul hun atan pawh mi tin rilru inhawng zau sa ila, mi tana harsatna siam loin \anpuitu nih i tum ang u.

10.    Mi tin, chhung tinin inrenchem nachang hria ila, kan thil neih chhun chhun (ei leh in, invenna hmanrua etc) hlutin, a daihzai leh daih rei theih dan tur zawng zel ang u.

11.    Chhuahvah theih loh lai' hi chhungkuaa hlim taka awmho theihna hun \ha kan neiah inngai hlauh ila, inkawmngeih nan leh Pathian biak ho nan he hun hi i hmang hlauh ang u. Chhungkuaa inkaidarh an awm nual avangin chhungkuaa awm khawm pawhin fimkhur thiam hle ila. Boruak thawleng \ha kan neih nan tukverh leh kawngkhar te hawn uar tur a ni.

12.    He hun harsa hi kan paltlang ngei theih nan leh, hlim tak leh zalen taka nun kan hman theih nan engkim tithei Pathian puihna leh thlamuanna dil zel ang u. Hun harsa kan tawh lai hian Pathian hnaih ila, mahni phak tawk \heuha mi dang tana malsawmna nih i tum vek ang u.
Medical Operational Team on Covid 19, Mizoram

 

PAGE - 2

EDITORIAL :

Kan hneh ngei ang
    Covid-19 hripui leng chu tun dinhmunah  India ram chu a tuar nasa ber kan ni mek a. Kan ram Mizoram ngei pawhin kan tuar \an mek anih hi. Reilote inthlahdah hi a pawi tih hrereng ila, i fimkhur deuh deuh ang u.
    Kohhran inkhawm a theih loh a, Pathian rawngbawlna kawng tam tak lah a tih hleihtheih si loh. Nunna thu-ah thuneihna kan nei lo a, khawtlangah chhiat kan tawk ve reng bawk si, a va manganthlak tak em!
    Reilote nunphung pangngaia kan nun chhung khan; kohhran leh khawtlang rawngbawlnaah nghawng \ha lo a neih nasat zia kan hre \heuh awm e. Tunah a hma aia nasain ala darh mek zel si a, a va manganthlak tak em!
    Thil hi a êng zawnga thlir thiam a \ha a, kan hrileng pawh hian reh hun a la nei ang, nunphung pangngaiin kan la nung leh ang, chumi hunah chuan tuna hrileng hi chu kan lung tilengtu mai ala ni ang. Chu hun chu kan hma lawkah hian a awm tawh a ni.
    Amaherawhchu, chu hun thleng tur chuan mitinin tih tur tlemte kan nei a, chu thil chu kan tih \heuh chuan hun duhawm tak kan hmaah chhawpin a awm a ni. Chu thil chu Thuawih leh fimkhur a ni.
    Tun dinhmunah chuan mipuiin thu kan awih viau rih a, kan thuawih rah pawh kan hmu \an mek niin a lang. Hri lakah kan fihlim telh telh rih a, reilote hnuah chuan kan fihlim vek thei mai dawn niin a lang. Thâ thlah lo ila, kan hmalam a êng viau e.
    A tawp berah kan positive neih mekte tan \awng\ai bâng lo ila, \awng\aina hian engkim a ti thei tih hrerengin; Pathian auh i theihnghilh lovang u. Pathian nen he hri hi kan hneh thei a, kan hneh ngei bawk ang.

 

ZIAKTUTE HUANG :

Tunlaia mizo |awng hman dik loh langsar zualte
- C. Chhuanvawra
Chhunzawmna....
    Tunah a lam rik dan kan tihdik loh sawi ngai deuhte lo sawi ila.

a) bei tham : bei tham hi tam lo, tl>m tham tihna  a  ni a, bei hi nau bei tiha bei anga lam ri an awm \hin a; mahse, Mizo upate  chuan inbei tiha bei ri angin an lam \hin.

b) chipchiar : 'Chiar' lai hi \henkhatin a meng diar diar tiha diar ri angin an lam \hin a, a dik lo; sava an chiar nuai nuai tiha chiar ri angin lama chipchiar tih tur a ni.

c) ei khawp : Ei chu nei ri anga ei tih hun a awm \hin. Chuvangin ei khawp tih hi a nei khawp mai tiha nei khawp ri ang hian lam tur a ni. Ka vei khawp mai tiha vei ri anga ei tih loh tur a ni.

d) laisuih : 'Lai' hi silai tiha 'lai' anga lam \heuh \hin a ni a; mahse, tunlai hian a laiah tiha lai ri anga lama laisuih ti an awm fo. A ri hniam silai tiha lai ri ang hian lam tur a ni.

e)lamtham : Lo va enchiang hmasatu tihna a ni a, tham hi tui a tam hle tiha tam ri angin lam tur a ni. Lamtham chu sam tam ri anga lam tur a ni.
f) nuai: Sîng sawm hi a buai nuai mai tiha nuai ang hian nuai tih tur a ni. Nuaih a ni lo va, nuai reh rawh tiha nuai anga lam pawh a ni hek lo.

g)râwlthar: Mipa tleirâwl sawina bik râwlthar tiha 'râwl' hi tleirâwl tiha 'râwl' ri anga lam an awm \hin a; mahse, Mizo upate sawi dan ber chu 'awrâwl' tiha 'râwl' anga lam rik tur tih a ni a, pawm tlân ber pawh a ni.

h)thawhlâwm:  A awmzia tak chu mi dangte nen thil an thawh lâwm (thawh khawm diat diat) a, chu chu a modification form, a noun form ni bawkah chuan 'lawm' tih lai hi a ri a lo inthlak ta a, a ri hniamin, lawmawm tiha lawm ri anga lamin thawhlâwm a lo ni ta a ni. Inlâwm tiha 'lâwm' ri anga 'lâwm' lai lam riin Rethei \anpuina i thawhlâwm ang u tih a dik a. A lâwmawm tiha lâwm ri anga lama thawhlâwm bâwm tih a dik thung.

i) thlavâng hauh: Awm loh hlana anmmahni \an zawnga thu sawi tihna a ni. 'Vâng'hi a vâng lam tiha vâng anga lam ri lovin favâng tiha vâng anga lam rik a, thlavâng tih tur a ni.

j) zirtirtu: 'Zir' hi a root verb ri ang, a ri sanga lama zirtirtu ti an awm \hin. Tun hma chuan a  ri sang ang hian an lo lam \hin r>ng a; mahse, lo hman \hin pawh ni se, an lo hman  \hin dan chu a principle kalh a nih bakah a dik loh hrim hrim avangin hnâwl a ngai a ni. Chuvangin zirtir chu teach kan ti ang bawkin teacher pawh zirtirtu (a ri hniamin) kan ti ngei tur a ni.

k) pamhmai: Football pam anga pamhmai tih hi \henkhatin an ching a; mahse, huan sâm rawh tiha sâm anga pâm tih tur a ni. Laltheri hlaah pawh 'Kan pâm erawh khuavel thansâra kan zâm tur chu' tih a nih kha.

l) hlarua: Hlarua tiha rua hi hmanrua tiha 'rua' anga lam an awm \hin a, a dik lo; bungrua tiha 'rua' ri anga lama hlarua tih tur a ni.

m) ûksâk: 'Sâk' lai hi thlûk lova in sak lai tiha sak ri anga lam an awm \hin a, a râk chiam avangin tiha 'râk' ri anga thlûk kuai tur a ni.

n) huphurh: 'Hu' tih lai hi mupui tiha 'mu' anga tipir sang an awm \hin a, hmâr chhuk thla lam lam dan a ni. Lam dan ber chu a hniam tawiin rawsawt ri anga huphurh tih hi a ni.
- Phek 4 naah chhunzawm a ni...

 

PAGE - 3

HRIATTIRNA :

CHHIATTAWH/MITTHI AWM A BRANCH YMA THUCHHUAK
    Vengchhungah Chhiattawk/Mitthi an awm in hetiang hian Branch YMA chuan a kalpui nghal dawn tih khawtlang mipuite kan inhriattir a, hei hi tunlai hrileng (COVID-19) avanga ruahmanna thar ber a ni a, May thla ral hma atan a ni. Mipui hriat atana pawimawh zualte :

##  Mitthi vui hun leh tlaivar :
5:00Am - 10:00 Am inkar a thi chu 1:00 Pm a vui tur.
10:00 Am - 2:00 Pm inkar a thi chu 4:30 Pm a vui tur.
2:00 Pm - 5:00 Am inkar a thi chu Dar 11:00 Am a vui tur. (Hei hi tlaivar pui tur a ni)

##  Zan lam YMA hun hman chung chang : Zan lama YMA hun hman \hin hi tih hrih loh tur.

## Buhfai leh pawisa chhungtin a khawn : Buhfai leh pawisa chhungtin a khawn \hin hi khawn hrih loh tur a ni a,  Chhiatni Fund a\angin ` 4,000 leh Buhfai 1 bag a râl tur a ni.

## Thingpui sem : Thingpui sem \hin hi tih hrih loh a ni anga, tlaivar a nih erawh chuan thingpui leh sawhchiar buatsaih a ni ang.

## Lumen/Tlaivarna hmun tur :Lumen tur a nih chuan a vuina hmun tur (Hall) a ni ang.

## Vuina hmun tur :Mitthi an awmin Kohhran Hall/YMA Hall-ah vuina hun hman tur a ni.

## Hall lakluh hun : Mitthi hi hmun danga thi a nih chuan Ruangin In a luh a\anga darkar 1 hnu ah Hall-ah lakluh tur a ni a, In a thi a nih chuan a thih a\anga darkar 1 hnu ah Hall  ah lakluh tur a ni. Hei hi engemaw \ul bik thil a awm chuan a \ul dan angin YMA hruaitu ten an siam rem thei ang.

## Hall lakluh hun : Mitthi hi hmun danga thi a nih chuan Ruangin In a luh a\anga darkar 1 hnu ah Hall-ah lakluh tur a ni a, In a thi a nih chuan a thih a\anga darkar 1 hnu ah Hall  ah lakluh tur a ni. Hei hi engemaw \ul bik thil a awm chuan a \ul dan angin YMA hruaitu ten an siam rem thei ang.

Hlimen High School
ADMISSION NOTICE
    Hlimen High School-a luh tum te tan admission a tih theih reng e.
Ken ngaite :
    1. Transfer Certificate
    2. Marksheet (Photo copy)
    3. Birth Certificate (Photo copy)
    4. Aadhar (Photo copy)
    5. Admission fee- a thar ` 900/-, a hlui ` 800
    May ni 12, 2021 (Nilaini) chawhma dar 10:00 - 2:00  Pm thlengin Local Council Office ah admision a tih theih ang a, ti duh chuan hemi hunchhung hian kal theih a ni. Tin, hripui avanga total lockdown emaw harsatna a awm chuan whatsapp group hmangte a inhriattir leh a ni ang.

 

LAWRKHAWM :

Task Force-ah pe
    Kar hmasa lama tarlan bakah Hlimen Local Level Task Force ten a \ul apiang a hman turin ahnuai a tarlan te hian pawisa an pe :-

**    Pi Zothanpari, Puia Restaurant (SCS)    -    `    1,000
**    Pi Lalnuzawni, Thai Cosmetic (DV)    -    `    500
**    Pu Vannneihchhunga (Vantea) (KD)    -    `    500
**    Siama C/o Rozuala (SCS)    -    `    500
**    Laltlanthangi, (BS)    -    `    500
**    Tv. Zahmingthanga (BS)    -    `    500
**    Tv. Lalnunkima (BS)    -    `    1,000
**    Pu Duhthusama (DV)    -    `    1,500
**    Pi Zirnunmawii (DV)    -    `    1,000
**    Baryl Vanneihsangi, Councillor    -    `    5,000

Kan veng Covid-19 dinhmun
    Hripui lentirh a\anga vawiin thlengin kan vengah mi 26-in hri an kai tawh a, hmeichhia 14 leh mipa 12 in kai tawhin, thihpui kan la nei lo a ni. Covid-19 2nd wave-ah hian mi 9 in hri hi kai tawhin, dam takin an chhuak zel a, tun dinhmunah hian hrikai mek mi 4 kan la awm mek a. Pakhat hi kan venga Home Isolation-in a awm mek a, pakhat Serchhip lamah enkawl mek niin, mi pahnih hi State pawnah an awm mek a ni.
    Kan hriat angin kan vengah hian CCCC (4C) hmun 2-ah kan nei mek a, tunah hian awm an awm hrih lo a ni. Tin, Community Quarantine Facilities (CQF) kan nei bawk a, hetah pawh hian awm an awm hrih lo a ni.
    Mipuite fimkhur deuh deuh ila, kan thuawih rah kan seng mek a, kan veng pawh he hri lakah hian kan fihlim hret hret zel a, a lawmawm hle. Sorkar leh Task Force-te thu awih zel ila, he hri hi kan hneh ngei ang.

Ward Committee din
    Aizawl Municipal Corporation chuan Ward tinah Ward Committee a din a, Ward tina Councillor te chu an Ward \heuhah Chairman an ni a, veng tin Local Council a\angin pahnih zel member-ah dah niin veng \henkhat a\angin Prominent Citizen dah an ni bawk.
    Kan Ward - Ward XIX Committee member te chu heng mite hi an ni :-

Baryl Vanneihsangi, Councillor    -    Chairman

Lalhmingliana, Hlimen LC    -    Members
J.Vanlalbiakdika, Hlimen LC    -    Members
Lalpianmawia, Melthum LC    -    Members
Rony Zodingpuia, Melthum LC    -    Members
P.C.Laldingliana, Saikhamakawn LC    -    Members
C.Lalrinawma, Saikhamakawn LC    -    Members
Zosangliana, Tlangnuam LC    -    Members
R.Lalrinawma, Tlangnuam LC    -    Members
P.B.Vanlalruata, Tlangnuam VT LC    -    Members
Zorampari, Tlangnuam VT LC    -    Members
Ramhlunsanga, Kulikawn LC.    -    Members
Zoremtluanga, Kulikawn LC    -    Members
    
Duhthusama, Hlimen    -    Prominent Citizen
Khawlvuani, Saikhamakawn    -    Prominent Citizen
Sapzawmliana, Kulikawn    -    Prominent Citizen

 

PAGE - 4

KEIMAHNI :

Hlimkhawpui Budget
    Hlimkhawpui  March & April  2021  thla Budget  pe tla tawh te:

1.    Kapdaia Sec.    2. Buala Sec.
3. Damvea Sec.    4. Vawmphunga    

Kuang siam
    May ni 4, 2021 chhun leh zan khan Branch YMA kuang Sub-Committee \henkhat ten YMA Hall-ah kuang siamin an hnatlang. Tin, May ni 6, 2021 zan khan kuang siam bawk hian an hnatlang leh a, a nawlpui deuh a thawh chi a nih loh avang leh mi 5 aia tam hnathawh ho phal a nih loh avangin Sub-Committee Member 4/5 vel te an hnatlang \hin a ni.
    Hnatlan nan hian hmanrua khawl thilte hman niin \henawm khawveng tan pawh a bengchheng lo thei lova, mahse tuman engmah sawisel an awm lova, an mi hriatthiamna-ah hruaitu ten lawmthu an sawi a ni.

Hriatthiam dilna
    Kan hriat angin hripui lengin min tibuai hle a, hemi avang hian Chanchinbu pawh vawi 3 lai kan print thei ta lova, mipui te hriatthiamna kan ngen e. Kan dinhmun tur zel pawh hriatthiam a har ta hle. Kan boruak te a ziaawm veleh Press a print leh a ni ang.

 

*********************************************

 

FAINA  LEH  THIANGHLIMNA  INZIRTIRNA
##    A khât tawkin kan Septic Tank te a pût leh pût  loh enfiah \hin tur a ni, midangtan  rimchhia  leh  tenawm  mai  a  ni  si  a.  Ruahsur  denchhen  leh  tuichhe  paih remchanga hmanga Septic Tank sah hi chin loh ni bawk se. Kan kawtkai velah Zun In kan siam a nih pawhin, \henawmte tana rimchhe lo tura enkawl a \ul hle bawk.

##    Vantlang kawng leh kawngpui dunga cheng ten, kan kawt zâwn kawngpui leh Step te fai taka enkawl hi kan mawhphurhnaah i ngai ang u.

##    Kan Vawk In leh Ar In te hi midang tana rimchhe lo tura enkawl tur a ni.

##    Pâwn-ah emaw, verandah-ah emaw, inchhûngah emaw bawlhhlawh bâwm dah a nih chuan chhin neiin, hmuh hahdam takin siam tur a ni.

##    Naupangten  faina  an  nunpui  theih nan  nu  leh  pa  ten  faina  chungchang  hi chhungkuaah i sawi \hin ang u.

##    Faina kan ngaihpawimawh danah hian miin min teh fo tih hi i theihnghilh lo ang u.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(51-18)    9436199884, 9862476439

 

KAN |HEN TAK

 
Biakmawii (Kum 78) :
    Pi Biakmawii hi Pu Thangvuka (L) leh Pi Thantluangi (L)-te fa hming koh niin kum 1943, July thlaah Sumsuih khuaah a lo piang a. An unau hi hmeichhia 6 leh mipa 4 niin a upa ber a ni.
    Kum 1974 khan Rokima nen Sumsuih khuaah Upa Thanzauva kutah an innei a, fa - hmeichhia 3 leh mipa 2 an nei a, Pi Biakmawii hian tu 12 a nei bawk.
    Rawngbawlnaah hian a phak ang tawka inhmang thin a ni a. Kohhranah tantu nihna a chelh \hin a. Kohhran Hmeichhiaah pawh a phak ang tawkin a inhmang \hin.
    Kum 2002 vel atang khan insawisel tanin Civil Hospital-ah a mit zai a ni a, chumi hnuah Durtlang Hospital-ah zai nawn leh a ni. Durtlang Hospital a\anga a chhuah hnuah Civil Hospital-ah enkawl leh a niin zunthlum a nei tih hmuhchhuah a ni a. A zunthlum avang hian nasa taka enkawl a ni a. Hei bakah hian a kumte lo upa in, a hriatna a hloh then bawk a ni. Nikum 2020, December thla khan an chenna In tukverh a\angin a tla palh hlauh mai a. A malpui veilam a tliak a. Synod Hospital, Durtlang-ah enkawl niin dam taka a rawn chhuah hnuah inah enkawl zui a ni.
    A taksa pawhin chak lam pan ve zelin a teihawi ve leh thei tawh a. An chenna In hi sak \hat a nih avangin hmun dangah In luahin an awm a. April 19, 2021 khan an In luah tukverh a\angin vanduaithlak takin a tla palh leh hlauh mai a. April 24, 2021 khan Synod Hospital, Durtlang-ah bawk luhpui leh a ni. ICU-ah dah luh nghal a ni a, Ventilator hmanga enkawl a nih hnuin a zunthlum, Sodium sang, a taksaa thur leh al tam lutukte buaipui a niin Doctor thiam tak tak te’n theih tawp chhuahin an enkawl a. May 5, 2021 (Nilaini) chawhnu lam atang khan zual lam a pan tak zel avangin chhungkua inpunin inhriattir a ni a. Doctor leh Nurse te’n theih tawp an chhuah chungin, tlai dar 6:50 khan chatuan tam min lo pansan ta a ni.

 

Ziaktute huang chhunzawmna......
o) uluk: U hmasa zawk hi a sang pira lamin ka u Liana tiha u angin uluk ti an awm zauh zauh; mahse, mi tam ber lam dan chu rawsawt ri anga uluk tih a ni.
p) inrêlbâwl leh inrenchem : Modification danah rêl-r>l, ren-ren a ni a; r>l hnuhnung zawk hi tlang r>l tiha r>l anga lam a ni a, ren hnuhnung zawk hi inren tiha ren anga lam tur a ni bawk a. Mahse, mi tam tak hian inr>lbawl tiha r>l hi nula h>l tiha h>l ri ang hian an lam ri a, inrenchem tiha ren pawh a inchen tiha chen ri angin an lam bawk.Hemi pahnih hi lam sual huai huai thu a lo nih phah ta a ni.

q) laihâwl: Hâwl hi hâwl fai rawh tiha hâwl anga lam ching an awm \hin; mahse, tihrâwl tiha hrâwl ri anga lam tur a ni.

r) neitu leh titu lam pir: Ram chu Lalpa ta a ni tihah hian Lalpa tih hi lam pir a ngai, a neitu a nih avangin.Ka ti hlen dawn si a, tih hi Lalpa thu chhuak a ni tihah a pawh hian Lalpa hi lam pir a ngai a, a titu a nih avangin.Isua hming hi a va \ha em! tihah hian Isua hi lam pir loh chuan hming hi Isua ta a ni tih a hriat theih loh.Ka pa lehkhabu, ka nu puan, kan zirtirtu tarmit, Isua kros, a hretu sawi, a fa kawr tihah te hian pa te, nu te, zirtirtu te, hretu te leh fa te hi lam pir a ngai vek.